Богати Американци доминираат меѓу апликантите за новозеландската „златна виза“, привлечени од природната убавина, претприемачкиот дух и желбата да се дистанцираат од моменталната политика во САД.

Новите правила за визата стапија во сила во април 2025 година. Намален е минималниот износ на инвестиција, укинато е барањето за познавање англиски јазик и скратен е периодот на престој потребен за добивање резиденција – од три години на три недели. Носителите можат да купат имот вреден над 5 милиони долари.

Според институот за имиграција на Нов Зеланд, пристигнале 573 апликации што опфаќаат 1.833 лица, наспроти само 116 во претходните две и пол години. Речиси 40% од апликантите се од САД, а следуваат Кина и Хонг Конг.

Постојат две категории: „раст“, со инвестиција од најмалку 5 милиони новозеландски долари во период од три години, и „балансирана“, со минимум 10 милиони во пет години. Претходно биле потребни 15 милиони.

Американскиот брачен пар Џим и Кортни Анделман од Калифорнија, кои управуваат со „венчур фонд“, се меѓу добитниците на визата. Тие инвестираат во фондови и компании, особено во сектори за технологија како вештачка интелигенција, роботика и биотехнологија. Велат дека визата е и паметна деловна одлука.

Инвеститорот Роби Пол од Окленд истакнува дека многу Американци отворено ја споменуваат политичката клима во САД како мотив.

Шемата досега донела 3,39 милијарди долари инвестиции. Министерката за имиграција Ерика Стенфорд изјави дека странските инвестиции се клучни за продуктивноста и отворањето работни места во Нов Зеланд.

The post БОГАТИ АМЕРИКАНЦИ МАСОВНО СЕ СЕЛАТ НА НОВ ЗЕЛАНД На земјата визите ѝ носат големи инвестиции appeared first on plusinfo.mk.

Бројот на американски граѓани кои инвестираат во грчки недвижности преку програмата „златна виза“ се зголемил за 40% на годишно ниво во третиот квартал од 2025 година, покажуваат податоците од адвокатската канцеларија Варнавас.

Зголемувањето на интересот доаѓа и покрај заострувањето на условите од 2024 година, кога минималната инвестиција беше зголемена на 800.000 евра за купување недвижности во Атина, Солун и поголемите острови, додека во остатокот од земјата ограничувањето сега е 400.000 евра, објави Екатимерини.

Според канцеларијата на Варнавас, инвестициите од американски граѓани често надминуваат еден милион евра, а јужниот брег на Атина и пристаништето Пиреја се најбараните локации.

Американските инвеститори ги наведуваат поволните цени, начинот на живот, како и безбедноста и стабилноста во земјата како главни причини за инвестирање во Грција.

За да ги заобиколат повисоките инвестициски прагови, сè повеќе американски инвеститори ја користат инвестициската опција од 250.000 евра – купување на комерцијален имот, како што е индустриска зграда, која потоа се претвора во станбен простор. Инвеститорите на овој начин можат да го остварат и своето право на „златна виза“ во Грција.

– Оваа нова можност веќе има ефект врз пазарот. Странските инвеститори ги претвораат напуштените индустриски згради од времето на грчката криза во станбени блокови, со што ја зголемуваат понудата и внесуваат нова ликвидност и капитал во реалната економија – вели адвокатот Александар Варнавас.

The post КУПУВААТ ИНДУСТРИСКИ ОБЈЕКТИ, ПА ГИ ПРЕТВОРААТ ВО ЗГРАДИ ЗА ДОМУВАЊЕ Грчката „златна виза“ мамка за американските инвеститори appeared first on plusinfo.mk.

Во текот на изминатите три месеци, „Бизнис инсајдер“ разговарал со над 100 членови на Тивката генерација – родени помеѓу 1928 и 1945 година – кои сè уште работат барем со скратено работно време од желба или од потреба. Меѓу нив се книговодители, адвокати, возачи на виљушкар, вработени во „Home Depot“ и други.

Повеќето велат дека уживаат во работата и ја ценат активноста и социјалниот момент. Многумина се во добра здравствена состојба, а околу половина од работниците со кои разговарал „Бизнис инсајдер“ рекле дека дополнителните пари им се корисни, но не и неопходни.

Нова страст во 80-тите

Харви Менделсон кој живее во Калифорнија, поседува и води бизнис со фото галерија и дигитално печатење во локален театар. Тој ги изложува своите дела и прави флаери за театарот. Не се исплаќа многу, но не му треба многу, вели тој. Нема долгови и вели дека иако не е богат, клучот за да остане финансиски стабилен е избегнувањето на подобрување на својот животен стил во пензија.

Повеќе за ова прочитајте ТУКА.

The post ПОЛА МИЛИОН АМЕРИКАНЦИ ПОСТАРИ ОД 80 СЀ УШТЕ РАБОТАТ Дали би работеле вие по пензионирањето? appeared first on plusinfo.mk.

Амбасадата на САД во Ерусалим денеска соопшти дека во овој момент не е во можност да ги евакуира Американците од Израел или директно да им помогне да ја напуштат земјата.

Амбасадата соопшти дека денеска ќе биде затворена и им наложи на сите вработени и на нивните семејства да останат во засолништа во близина на нивните домови до понатамошно известување.

Во меѓувреме, Иран ги продолжи своите ракетни напади врз Израел.

Израелските одбранбени сили соопштија дека Техеран испалил помалку од 10 балистички ракети во минатата ноќ, објави „Тајмс оф Израел“, додавајќи дека ова е значително помалку отколку во претходните ноќи.

Се известува дека цели во централен и северен Израел биле погодени кратко по полноќ, како и помеѓу 3:30 и 4:30 часот по локално време.

The post АМЕРИКАНЦИТЕ НЕ МОЖАТ ДА ГО НАПУШТАТ ИЗРАЕЛ Амбасадата на САД во Ерусалим не е во можност да ги евакуира американските државјани appeared first on plusinfo.mk.

„Елиот инвестмент менаџмент“, американска фирма за управување со инвестиции, е во рани разговори со „Булгартрансгаз“ за купување удел во пакет инфраструктурни средства што го вклучува и бугарското продолжување на гасоводот Турски тек, пишува „Волстрит џурнал“.

Гасоводот е последната голема рута за извоз на руски природен гас во Европа, а потецнијалниот договор, сметаат некои експерти, може да ја продолжи зависноста на Европа од руските енергенси.

Од друга страна, бугарските власти се надеваат дека ова ќе го заштити гасоводот од идните санкции. Гасоводот снабдува околу 19% од увозот на гас во Европа, што е намалување од 45% пред 2022 година.

Унијата сака целосно да го прекине увозот на рускиот природен гас до 2027 година.

The post АМЕРИКАНЦИ ГО КУПУВААТ БУГАРСКИОТ ДЕЛ ОД „ТУРСКИ ТЕК“? На продажба е последната точка на извоз на руски гас во Европа appeared first on plusinfo.mk.

Познатиот кошаркарски ас Никола Јокиќ уште еднаш ги воодушеви Американците. Во шестиот натпревар, покажа зошто го сметаат за најинтелигентен играч во НБА. Кога неговиот соиграч направи лошо додавање, Јокиќ не ја зеде топката веднаш. Наместо тоа, ја пушти да врти кон аут-линијата и „украде“ повеќе од четири секунди за својот тим.

Потегот не го реши мечот, но откри како кошаркарот ја прочита ситуацијата. Играта беше во рацете на „господарот на времето“, како што некои го нарекуваат Јокиќ.

Кошаркарите на Денвер го победија тимот на Оклахома со 119:107 и изедначија на 3:3 во серијата.

Jokic never wastes an opportunity to kill clock. pic.twitter.com/y6mEOWVt5W

— Coach Gibson Pyper (@HalfCourtHoops) May 16, 2025

The post 📽️ ЈОКИЌ УКРАДЕ ЧЕТИРИ СЕКУНДИ И ПОКАЖА ШТО ЗНАЕ Со еден потег ги воодушеви Американците appeared first on plusinfo.mk.

Рејтингот на американскиот претседател Доналд Трамп значително се намали во првите 100 дена од неговиот мандат, покажуваат резултатите од најновата анкета на Си-ен-ен.

Само 41 отсто од Американците го одобруваат начинот на кој Трамп владее, што е најниска поддршка во изминатите 70 години од мандатот на претседателот Двајт Ајзенхауер.

Додека 22 проценти од испитаниците изјавиле дека се убедени дека Трамп работи исправно, што е најнизок забележан процент досега, а 45 отсто се изјасниле дека не го поддржуваат.

Поддршката за Трамп од март наваму е намалена за четири отсто, а во однос на февруари падот изнесува седум проценти.

Трамп бележи значителен пад на рејтингот кај жените и Јужноамериканците.

Анкетата покажува поделеност по партиска припадност. Дури 86 отсто од републиканците го поддржуваат Трамп, а 93 проценти од демократите не се задоволни од неговата работа.

Поддршката кај независните гласачи изнесува 31 отсто, што е најниско ниво како и во првиот мандат.

Според анкетата, јавната доверба во способноста на Трамп да се справува со најгорливите прашања исто така опаѓа. Само 39 проценти од испитаниците изјавиле дека се задоволни од тоа како Трамп се справува со економијата, што е пад од пет отсто во споредба со март.

Довербата во неговото справување со инфлацијата е намалена за девет проценти на 35 отсто, исто како и поддршката за царинските мерки.

Само околу 52 отсто од испитаниците изразуваат доверба во неговото раководење со економијата, што е намалување за 13 проценти во споредба со декемвриската анкета на Си-ен-ен.

Во исто време, намалено е и нивото на оние што го одобруваат неговото управување со федералната влада – 42 отсто, а довербата во неговиот избор на кадри е намалена на 46 проценти.

Резултатите од анкетата покажуваат дека мнозинството Американци (57 отсто) оцениле дека пристапот на Трамп кон претседателството непотребно ја ризикува безбедноста на државата, додека 43 проценти го гледаат ова како неопходен шок за Вашингтон.

Анкетата на Си-ен-ен e спроведена од 17 до 24 април при што се онлајн или телефонски се испитани 1.678 возрасни лица во САД.

The post ПАДНА РЕЈТИНГОТ НА ТРАМП ПО ПРВИТЕ 100 ДЕНА Над 40% од Американците веруваат во работата на претседателот appeared first on plusinfo.mk.

Литвански и странски војници започнаа потрага по четворица американски војници кои исчезнаа за време на воена вежба на НАТО во Литванија во близина на границата со Белорусија, јавува Ројтерс. Тие исчезнале околу 16 часот и 45 минути во вторник во близина на Пабраде во нивното возило.

Портпаролот на армијата Гинтаутас Цјунис изјави дека потрагата е во тек, но властите во Литванија сè уште не потврдиле дали исчезнатите војници се мртви. Војниците, наводно, изведувале тактичка обука на полигонот „Генерал Силвестрас Жукаускас“ во Пабраде, кој е на десет километри од границата со Белорусија.

Според извори од еден од најтиражните литвански медиуми, Lietuvos Rytas, во мочуриште било пронајдено возило со трага со четворица војници, а сите исчезнати војници се мртви. Официјални извори сè уште не ја потврдуваат трагедијата.

Американската војска спроведува заеднички вежби со литванските сили во услови на зголемени тензии меѓу балтичките држави и Русија.

Амбасадата на САД во Вилнус во средата поврди дека војниците исчезнале, но дека не се знае кога.

The post ТРЕВОГА ВО НАТО, ИСЧЕЗНАА ВОЈНИЦИ ВО ЛИТВАНИЈА Се трага по четворица Американци на границата со Белорусија appeared first on plusinfo.mk.

Премиерот на најголемиот остров на светот денеска изјави дека неговите жители не сакаат да бидат „ни Американци, ниту Данци, туку Гренланѓани“.

„Ние не сакаме да бидеме Американци или Данци, ние сме Гренланѓани. Американците и нивниот шеф мора да го разберат ова. Ние не сме на продажба и не може едноставно да бидеме преземени“, напиша Муте Егеде на Фејсбук еден ден откако американскиот претседател Доналд Трамп во Конгресот рече дека „САД вака или онака ќе го добијат Гренланд“.

Трамп исто им порача на Гренланѓаните дека „ние силно го поддржуваме вашето право да ја одредите сопствената иднина, и ако сакате, ви посакуваме добредојде во Соединетите Американски Држави“.

Парламентарните избори во Гренланд се закажани за 11 март. Владејачката партија Инуити Атакатигиит рече дека нема да избрзува со гласањето за независност по општите избори, предупредувајќи за можните економски импликации.

Анкетите покажуваат дека мнозинството од речиси 57.000 Гренланѓани се против приклучувањето кон САД, но и дека повеќето од нив се залагаат за независност од Данска.

The post НЕ СМЕ АМЕРИКАНЦИ, НИТУ ДАНЦИ Премиерот на Гренланд му одговори на Трамп appeared first on plusinfo.mk.

Повикот за сите Американци да гласаат стигна до вселената – астронаутите успеаја да го дадат својот глас.

Астронаутите на НАСА на Меѓународната вселенска станица споделија фотографија од нив како лебдат и покажуваат чорапи кои не оставаат сомнеж од каде се.

„Не е важно дали седите, стоите или лебдите – важно е да гласате“, е пораката на Ник Хејг, еден од четворицата кои позираат на сликата.

The post АМЕРИКАНЦИТЕ ГЛАСААТ И ОД ВСЕЛЕНАТА Астронаути споделија фотографија appeared first on plusinfo.mk.