– Ова е шармантна и смешна претстава. Сè уште мислам дека таа е. Никогаш не мислев дека некој може да биде навреден од претставата. Немам право да цензурирам, па ни демонстрантите, моја работа е да режирам. Чудни времиња – им порача на новинарите холивудската легенда по завршувањето на продукцијата „Guns and the Man“ во Народниот театар.

Малкович толкуваше улога во претставата.

Демонстрантите предводени од контроверзниот бугарски европратеник Александар Џамбаски рекле дека за нив претставата е навредлива бидејќи ги претставува во лошо светло бугарските војници во бугарско-српската војна од 1885 година.

Тие сметаат дека претставата е навреда за националните и христијанските вредности и дека Василев дозволил таква содржина.

Малкович вели дека не му ни паднало на памет дека претставата може да биде навреда. Тој потсети дека минатото лето ја поставил истата претстава во Летонија.

Текстот „Оружјето и човекот“ на Бернард Шо се смета за пародија на империјализмот и национализмот. Се раскажува за судбината на еврејско семејство и има трагичен крај.

Реакција за случајот стигна и од директорот на Народниот театар во Софија.

– Не дозволивме да го сквернават театарот, да фрлаат јајца внатре или напред. Денеска покажавме која е нашата професија. Што и да зависеше од нас, ние го направивме – објасни Васил Василев.

Според демонстрантите идатумот на премиерата не е случаен, бидејќи, како што велат, на 7 ноември бугарските трупи извојувале победа над српската војска во битката кај Сливница.

The post ЏОН МАЛКОВИЧ ШОКИРАН ОД УПАДОТ НА ЏАМБАСКИ ВО СОФИСКИОТ ТЕАТАР Холивудскиот актер не може да поверува дека некој е навреден од Бернард Шо appeared first on plusinfo.mk.

– Големата опозициска антибугарска партија ДПМНЕ работи да не се случат овие промени, бидејќи тие имаат свои внатрешни размислувања, а првично ова политички силата беше многу време на просрпски и проруски влијанија, кои се извор на антибугаризмот. Така што јас лично се сомневам дека оваа работа ќе се случи. Наместо тоа, нивниот притисок е да ги одложат овие промени додека не започнат преговорите. Набљудувајќи го овој процес, можеме да бидеме многу скептични за можноста да се направат промените пред на каков било начин да се промени политичката ситуација во Скопје – коментираше Ангел Џамбаски пред бугарските новинари во Ќустендил.

Ангел Џамбазки неодамна ја алармираше Европската комисија и побара одговори на прашањата кога Комисијата ќе предложи прекин на преговорите со Македонија, поради неисполнување на обврските во однос на почитувањето на човековите права и како ќе реагира на таргетираното гонење на луѓето, поради нивното самоопределување.

The post АНТИБУГАРСКАТА ДПМНЕ Е ПРОТИВ ПРОМЕНИТЕ Џамбаски скептичен дека ќе се донесат измените во македонскиот устав appeared first on plusinfo.mk.

Ова е дел од фејсбук-објавата на бугарскиот европратеник Ангел Џамбаски, познат по своите навредливи коментари за македонскиот народ.

Тој вели дека „во долгорочниот план ДПМНЕ, Левица и нивните придружни антибугарски партии отсекогаш биле антиевропски. Европа не може да си дозволи да прифати или дури да преговара со земја која одбива да ги следи правилата“.

„Вашата омраза кон Бугарија е проблемот. Омраза на која се потпира таканаречениот ‘идентитет’. Кулата на лаги и измами се распаѓа затоа што вистината е на наша страна. А таа е дека Македонија е бугарска!“, го завршува Џамбаски својот пост.

„Животот и честа на Бугарите мора да бидат загарантирани! Вклучувањето на Бугарите во Уставот на Северна Македонија е исклучително важен чекор кон целосна заштита на нивните права“, смета Џамбаски.

The post ЏАМБАСКИ ГИ НАРЕЧЕ МИЦКОСКИ И ЛЕВИЦА ЈУГОНОСТАЛГИЧАРИ „Вашата омраза кон Бугарија е проблемот…“ appeared first on plusinfo.mk.

Непростлива грешка е што е Русија надвор од процесот на интеграција. Нема безбедна, стабилна и просперитетна Европа, без Русија. По војната во Украина, приближувањето ќе биде – незамисливо. Затоа, уште долго, Европа ќе остане ранлива. Голем проблем е што политиките и интересите на САД, не се поклопуваат со тие на Европа. Веќе подолго време, стариот континент е надвор од глобални калкулации на САД, што е сериозна грешка на Вашингтон.

Бесмислен потег на Брисел е, пак, што во чекалната на Унијата предолго ги остави останатите шест балкански земји. Нема никакви индикатори дека тоа се согледува и надминува.

Југославија се распадна бидејќи беше невозможен договор меѓу шесте федерални единки. Во Унијата веќе има 27 членки и нивното меѓусебно усогласување оди сè потешко. Функционирањето е се’ покомплицирано и понеизвесно, и затоа се најавуваат сериозни и длабоки реформи. Истите, меѓутоа, ќе биде многу тешко да се спроведат бидејќи и за тоа е потребен – договор.

Четвртиот главен предизвик за Унијата (по Русија, САД и нефункционалноста), та дури и најголема опасност за нејзиниот опстанок е огромниот бирократизам, којшто неконтролирано се развива во нејзините институции. Силен е впечатокот дека таму владее одредена анархија, бидејќи никој, никому не одговара, а не постои соодветно етаблирана контрола. Да го спомнеме само случајот на францускиот комесар (министер), која претходно беше и премиер на својата земја. Како советник, си го довела и вработила својот – фризер! Такви примери има безброј.

Унијата, секако ќе опстане. Тоа е интерес на (речиси!) сите членки, ама е исто така сигурно и дека проширување нема да има, уште многу долго. Сепак, Македонија треба со сите сили да се реформира, за да стане дел од неа, ама само на достоинствен начин. Никако не со бришење на македонскиот народ, како што се обидуваат да ни наметнат. Со упорни, правилни и без дефетизам политики, Македонија може да успее. Во добра мерка, тоа ќе зависи од нас самите.

Комесарот за добрососедство и проширување на Унијата, Оливер Вархеји, добро ни е познат. Следната години (2024), се избори за Европскиот Парламент (ЕП) и тој, со своите крајно безобразни додворувања кон Бугарија, на сметка на Македонија, на очигледен начин работи на свој реизбор. Не бира начини, за да ја обезбеди поддршката на Софија. Познато е дека ЕП ги избира врвните тела на Унијата, вклучувајќи ги и комесарите. Тоа е систем на невидени пазарења меѓу членките, при што поддршката од секоја земја е драгоцена. А потоа, откако ќе бидат избрани на позициите, водачите на Унијата, практично, никому не одговараат.

Последниве година две, во сите понижувања, на коишто беше изложена Македонија од страна на Бугарија, Вархеји играше речиси главна улога. Откако Софија стави вето на почетокот на нашите преговори за членство во ЕУ, тој беше задолжен да се најде излез, или решение. Сите негови потези (веројатно без исклучок!), беа во корист на Бугарија. Неговата улога беше клучна и во ткн. „француски предлог“, договорен меѓу премиерите Петков и Ковачевски, којшто ем е навредлив, ем е катастрофален за интересите на Македонија.

На 1 февруари 2023, Вархеји прими група на „загрозени“ Бугари од нашава земја! Прашал ли некој – зошто? Тој не е надлежен за малцинства, и нема никаква основа да се инволвира во измислениот проблем на Бугарите во Македонија. Промената на Уставот е дел од нашите преговори, ама тоа воопшто не може да биде повод за средбата. Освен, ако ги убедувал дека уставот не треба да се менува! Не смееше да ги прими дури и некој од неговиот кабинет. Надвор е од умот една ракатка новоизмислени Бугари од Македонија, да се примаат на така високо ниво. Впрочем, Вархеји морал прво да се интересира дали разговарале со надлежните во Македонија, како што прави и судот во Стразбур. Морал да ги подучи, прво да ги искористат сите можности во земјата, и дури потоа да одат во странство. Дома, пак, тие не бараат прием. Ја игнорираат државата и го чекаат Османи да се сети, а тој, пак, не е надлежен за тоа. Така, му се меша во надлежностите на А. Груби.

Вархеји, меѓутоа, немал избор. Бугарскиот претседател, Румен Радев, инаку докажан шовинист, лично барал од него да ги прими. Така, двајцата се вмешале во нашите внатрешни работи, а Вархеји падна и на испитот за конфликт на интереси. Дали Софија за тоа и му компензира, или единствено е во прашање идна поддршка, само Вархеји знае. “Нашите“, пак, таленти, си гледаат сеир, и молчат, во ситуации кога отворено се работи против основните интереси на државата. Веројатно, тоа било и повод за Вархеји да продолжи да работи против Македонија.

Замислете, според мкд.мк, од 15/2/2023 („Се надевам дека следната година, Македонија и Бугарија заеднички ќе го чествуваат Гоце Делчев“), тој во ЕП изјавил – “… како што беше одлучено од раководствата на двете земји, ќе има заедничко одбележување на датумот (4 февруари). Се надевам дека ќе успее следната година и нема да има слични настани на границата“! И, продолжил – „ЕУ мора да испрати порака дека историјата се споделува и како таква треба да се слави“! На екстремните бугарски пратеници, пак, тој им се пофалил – „Во случајот со Македонија, поставивме многу јасни правила во преговарачката рамка“. Попрецизен израз би бил – уништувачки правила за Македонија. Рекол и дека се гордеел со приемот на Бугарите од Македонија, за да заклучи – „Власта во Скопје не само што е свесна, туку и дејствува за искоренување на секоја омраза кон Бугарите“!?

Просто да не веруваш какви сè глупости направил и истресол овој човек, инаку европски министер! Како да зборува Џамбаски! Нејасно, останува само заедничкото чествување на Гоце. Го измисли ли Вархеји тоа, или нашите политички гении го известиле дека е веќе договорено, и тој само ги издаде?

Вархеји не крие, туку се фали дека Македонија беше закопана со преговарачката рамка, која што е чисто бугарска. Бара со Бугарија дури заедно да ја славиме и историјата за која вели дека е – споделена. Во прва прилика треба да се праша: дали некој друг во Европа слави – „споделена историја“?

А измислицата дека признаваме некаква омраза кон Бугарите, и се бориме против неа? Во секој случај, човеков не знае што зборува. Зарем никој од нашиве талентирани политичари, како на пример генијалниот Маричиќ, не му објаснил дека омраза кон Македонија и Македонците има само во Бугарија, свиткана во ксенофобично не признавање на народот и малцинството. Такво нешто во Македонија, против Бугарија и Бугарите – нема. За време на живковизмот ги жалевме и потценувавме.

За да бидат работите до крај јасни, и да се знае за кого навива Вархеји, мора да се спомне и дека кога во бугарското Собрание дивееја толпа забегани екстремисти, со транспаренти на кои пишуваше дека Македонија е Бугарија, тој – молчеше. Како ништо да не се случило. Како комесар и за добрососедство, којшто е длабоко навлезен во нашата билатерала, мораше да се огласи. Арно ама, жестоко реагираше кога во нашето Собрание, опозицијата гласно и аргументирано беше против „францускиот предлог“, и поразителната преговарачка рамка, која што ни ја испорача токму Вархеји. Верглаше дека ВМРО ДПМНЕ ги преминало европските црвени линии на водење на политика и ги повика да докажат дека се на европскиот пат! Невиден безобразлук.

Какви двојни стандарди! Тој никако не смее да се меша во нашите меѓу партиски пресметки. Мицкоски остро му одговори. Во Софија се враќа фашизмот, и тоа никому во Европа, не му пречи. А, кога кај нас некој се обидува да си ги брани универзалните права, тоа да ти било антиевропски.

Овие монструозни постапки и измислици на Вархеји, само потврдуваат дека ние немаме ниту дипломатија, ниту власти кои работаат за интересите на нашата земја. Крајно време е нашите “политичари“ да сфатат дека со дефетизам, малодушност и неприродна и имбецилна попустливост не се стигнува никаде, освен на ѓубриштето од историјата.

Сите што таму не водат, еден ден ќе мора да излезат пред судот на правдата. Дај Боже, што побргу.

The post Вархеји си игра мајтап со Mакедонија appeared first on plusinfo.mk.

Бугарскиот европратеник Ангел Џамбаски е главна причина за разгорување на односите меѓу Македонија и Бугарија по францускиот предлог за почеток на преговорите за членство во ЕУ, посочи поранешниот премиер Љубчо Георгиевски.

– Гледајте, тоа е по малку гледање на проблемот на парче – реагира тој на забелешката од Радио Фокус за „малтретирањето“ на македонската граница на Бугарите упатени кон Скопје за чествувањето на 151 година од раѓањето на Гоце Делчев.

– Пред тоа во Македонија имаше еден настап од околу стотина луѓе на чело со европратеникот Ангел Џамбаски. Дојдоа во Македонија, викаа по улиците, врескаа… Ангел Џамбаски даде изјава со која најмалку пет пати ги навреди и македонскиот народ, и македонската држава. Не е в ред Бугарија да се претставува на таков начин во Македонија. Потоа повторно имаше изјава на Ангел Џамбаски, дека ќе дошол во Македонија со 1000-2000 луѓе, а на македонска страна се собрале и 1000-2000 луѓе и настанал овој проблем. Мора да се погледнат двете страни. И јас ќе ви кажам нешто што не е сѐ појави во бугарските медиуми – и македонската полиција беше многу критикувана поради постапките кон македонскиот народ. Околу целата црква „Св. Спас“ имаше полициски кордон и не им беше дозволен влез на околу 1.000 Македонци кои не успеаја да положат и цвеќе на гробот. Македонските медиуми и опозицијата до денес ја критикуваат македонската полиција зошто на 4 февруари не им дозволија на македонските граѓани слободно да се движат низ црквата, а не им беше дозволено и на многу македонски новинари. Јас дадов интервју во вашиот весник „Дневник“, каде што велам дека некој треба да го спречи овој Ангел Џамбаски, затоа што медиумите во Македонија го претставуваат како застапник на целата бугарска политика. 75% од проблемите што се создадени по францускиот предлог досега, мислам дека ги направи европратеникот Ангел Џамбаски. За двете страни. Провокациите се разгоруваат на двете страни и продолжуваат една по друга. Силите на екстремизмот од двете страни мора да бидат осудени од општеството – вели Георгиевски за бугарското радио Фокус.

Во интервјуто Георгиевски ги потенцираше и обвинувањата кои Ангел Џамбаски ги упати директно кон претседателот на Македонија.

– Таквата политика не може да продолжи. Не може. Во последно време имам чувство дека од бугарска страна не само што директно се навредува нацијата, туку и државата. Значи, овде има држава, и потребен е минимум почит да ѝ се покаже на оваа македонска држава. Има луѓе кои веќе не знаат што зборуваат за Македонија. Има и Бугари од македонска страна. Треба да гледаме критички на двете страни и да не ги прогласуваме екстремистите од двете страни за храбри. Тоа е важно за мене – додаде лидерот на ВМРО-НП.

Георгиевски смета дека инцидентот што се случи на границата меѓу Бугарија и Македонија е дел од провокациите со цел некои структури да го привлечат вниманието на јавноста и да ги зголемат тензиите меѓу двата народа, а тоа според него треба да биде осудено од страна на општеството во двете земји.

– Се согласувам. Сепак, погледнете, оваа фотографија која беше од граница и каде тројца-четворица бугарски државјани им викаат на македонските полицајци не беше добра. Не можеме да кажеме дека можеме да го оправдаме ова однесување. Некои луѓе во Бугарија не ја третираат Македонија како држава. Толку многумина ги зедоа правата на слободата. Ваквото викање на полицајците сигурно ќе беше казнето во Бугарија и ќе беа задржани неколку дена, а не неколку часа. Не оправдувам никого. Мојата политика не е да ги величам и поддржувам екстремните структури од која било страна. Секоја земја мора да направи нешто – рече лидерот на ВМРО-НП.

Поранешниот премиер смета дека потребна е дебата од двете страни со повеќе факти и аргументи и да не се дозволи дваесетина лица од Бугарија, а исто толку и од Македонија да го нарушуваат односот меѓу двете држави

– Значи за проблемите треба да се разговара посеопфатно. И двете страни треба да ги изнесат своите аргументи. Во Македонија зборуваат за Ангел Џамбаски, за Костадинов и двајца-тројца што ја претставуваат цела бугарска политика. Во Бугарија, пак, медиумите ги зграпчуваат зборовите на двајца-тројца, тоа што го кажуваат и само поттикнуваат омраза. Не се стимулираат нормалните луѓе кои велат да се собереме и да разговараме нешто понормално. Потребни ни се двете страни да го надминат ова размислување дека начинот на кој одиме денес е лош – рече Георгиевски.

The post НЕКОЈ ТРЕБА ДА ГО ЗАПРЕ ЏАМБАСКИ Георгиевски смета дека европратеникот е причина за 75 отсто од проблемите меѓу Македонија и Бугарија appeared first on plusinfo.mk.

– Ова е конзистентен обид за етничко чистење на оние луѓе во Северна Македонија кои сè уште го чуваат споменот на својата бугарска самосвест и не го изневеруваат или забораваат. Ако ова беше единствен и изолиран случај, оној со Христијан Пендиков, може да се помисли дека се работи за некакво недоразбирање или младешка кавга. Покрај тоа што е секретар на клубот Цар Борис III, ова момче е и волонтер во локалниот „Црвен крст“, а секој кој е запознаен со активностите на оваа организација знае какви луѓе волонтираат таму.

Според него, волонтерите кои се во Црвениот крст не се луѓе кои бараат агресија, туку луѓе кои им помагаат на другите и собираат донации за добри цели. Тој потсети дека Пендиков бил нападнат во грб од три лица, кои, според соопштението на охридското обвинителство, го нападнале со зборовите „сега ќе те тепаме што се нарекуваш таков Бугарин“.

– Ова е класичен пример според Кривичниот законик за злосторство мотивирано од омраза. Омраза заснована на неговото бугарско национално самоопределување. Христијан не бил нападнат затоа што бил поддржувач на еден или друг клуб или затоа што се скарал со некого, но затоа што има бугарска самосвест. А властите во Република Северна Македонија – оваа антибугарска, антибугарска, просрпска власт, поттикнува антибугарски чувства и постојано поттикнува антибугарска тензија – објаснува Џамбаски.

Според него, по ваквата намерна политика на властите во РСМ, не треба да нè чуди што некој подлегнал на таквата пропаганда и реагирал на првиот сигнал. Според него, почнувајќи од претседателот и премиерот, Македонија е полна со пропагандисти кои по прорускиот модел и мразат сè што е поврзано со Бугарија.

– Нивната антибугарска омраза оди дотаму што на сопствените преноси тврдат дека Гоце Делчев бил Македонец, а не Бугарин, бидејќи го немал бугарското име Гоце. Забележете само колку се овие луѓе неуки. Народниот херој се вика Георги Николов Делчев, бил бугарски учител, бугарски офицер, служел во Софија, не во Белград, Атина или Вашингтон и Брисел, пишува во своја рака на литературен бугарски, а македонскиот не бил измислен во тоа време. За себе пишува дека тој е Бугарин. А тие сепак велат „не, зошто тој е Гоце, нема бугарско име Гоце“…

Тој потсети дека на нападот на Пендиков му претходеле долга серија напади врз сè што е бугарско во Македонија, како што е клубот во Битола, кој беше запален, а „неговиот пироман стана народен херој“.

Според Џамбаски, изјавата на бугарскиот министер Даниел Лорер во која тој вели дека Пендиков не е бугарски државјанин, но дека неговиот напаѓач е, била целосно антибугарска и ксенофобична. Тој го опиша Лорер, кој доаѓа од коалцијата на претходниот премиер Кирил Петков, како класичен пример за менталитетот на „бандата“, која себеси се нарекува „Продолжување на промената“.

ПЕНДИКОВ НЕ Е БУГАРСКИ ДРЖАВЈАНИН, НО ЕДЕН ОД НАПАЃАЧИТЕ Е БУГАРИН Поранешен бугарски министер прашува „што правиме со напаѓачот?“

The post ЏАМБАСКИ ГО КОМЕНТИРАШЕ СЛУЧАЈОТ СО ПЕНДИКОВ „Момчето било доброволец во Црвениот крст, тие им помагаат на другите“ appeared first on plusinfo.mk.

Нема потврда дали на листата со забрана се европратеникот Џамбаски, претседателот на партијата „Преродба“, Костадин Костадинов, за кои тоа го побара претседателот Стево Пендаровски како и политичарот Красимир Каракачанов, објави Гласот на Америка.

По состанокот на министерот за внатрешни работи Оливер Спасовски со неговиот бугарски колега Демерџиев, во Бугарија е почнато со проверки на лицата кои евентуално би пристигнале во црквата „Свети Спас“ во сабота. По средбата двајцата министри соопштија дека нема да дозволат било каков инцидент, провокации или тензии за време на прославата на 151 година од раѓањето на македонскиот револуционер Гоце Делчев.

The post 14 БУГАРИ НЕМА ДА ВЛЕЗАТ ВО МАКЕДОНИЈА Дали меѓу нив е и Џамбаски? appeared first on plusinfo.mk.

Тој апелира до сите политички субјекти да бидат одговорни во овој процес, бидејќи неодговорноста не прави добро на граѓаните. Упати порака до граѓаните да останат смирени.

Во однос на бугарскиот европратеник Ангел Џамбаски и дали ќе биде пуштен во државава на 4 февруари, Спасовски рече дека на основа на сите анализи ќе ја донесат одлуката.

– Споделуваме информации во однос на тоа што се очекува, а одлуките ќе ги носиме кога ќе дојде време – рече Спасовски.

– И двете држави и двете министерства за внатрешни работи ќе направат сѐ за да не им се остави простор на радикалите кои сакаат да го нарушат односот меѓу двете држави. Мора да се деескалира состојбата. Нема да дозволиме никаква ескалација на состојбата ниту инцидент, ниту понижување на македонскиот народ и држава – рече министерот.

Коментирајќи ја средбата со неговиот бугарски колега Спасовски рече дека добиени се гаранции дека нема официјална политика што може да се базира на негирање на народ или држава.

– Тоа е основа за секакво идно партнерство што треба да го имаме и на средбата беше изразен јасен став дека добрите односи меѓу двете држави се важни за целиот регион – порача Спасовски.

Тој нагласи дека институциите функционираат и дека тие се должни да ги обезбедат сите мерки и активности. Министерот порача дека треба да се напушти потпалувачката реторика која ја слушаме од патриотските здруженија.

Тој упати апел до граѓаните да не подлегнуваат на кој било повик и да не преземаат надлежност што е во ингеренции на институциите.

Министерот наведе дека од такви минати дејствија може да се согледа дека лицата кои повикуваат остануваат нечепнати а оние кои посегнале по државата и институциите сега се во затвор.

– Никој во оваа држава не смее да биде и нема да биде над државата – порача Спасовски.

The post УШТЕ НЕ ОДЛУЧИЛЕ ЗА ЏАМБАСКИ Спасовски до последен момент ќе чека кого ќе пушти да влезе во земјава appeared first on plusinfo.mk.

– Тоа се територијални претензии и мора да се однесуваме како држава, а не како бугарска провинција и апсолутно целосно легитимно е да преземеме мерки, но сè потекнува од првото – да се соочиме дека ќе има проблеми со Бугарија ако се преправаме дека не постојат – искоментира Димитров.

Да се разбудиме од оваа паника и автоцензура

Тој ја искритикува власта дека секое утре се буди со извинување кон Бугарија.

– Нас ни треба пред сè да избегаме од оваа панична автоцензура, во која ќе треба денот да го започнуваме со извинување кон Софија, Треба да се смириме, да седнеме широко и да видиме како да излеземе од овој чвор. Немаме правна гаранција дека ова воопшто води кон ЕУ, нека влезе некој европски олеснувач да седне со историчарите, ако Бугарија има црно на бело дека ние сме вештачки (вештачка нација), па Берлин и Париз нека дадат свои официјални изјави дека се радуваат дека еден ден македонскиот јазик ќе стане дел од ЕУ. Ова со амандманите е врзано со негацијата, да разговараме и за Бугарите во Уставот, но да влезе во сила кога ќе станеме членка во Брисел – нафрлуваше Димитров.

Власта не сака да добие јасни гаранции

Во критиката кон власта, тој дополни дека таа не се труди да добие некакви гаранции за тоа со што би завршиле бугарските условувања.

– Нашата власт се однесува неодговорно кон својот народ, бидејќи не се потруди да добие некакви гаранции дека ние имаме некаква цел. Европа не ги испорача своите верувања и ние имаме одговорност спрема нашиот народ, дека имаме пакет што ќе има некаква смисла. Ние сега немаме таков пакет. Почнавме преговори, или не почнавме преговори? Комисијата на историчарите ќе биде услов или нема да биде услов? – прашува тој.

За 11 Октомври реков дека ако цената е јазикот, тогаш – не

Поранешниот дипломат вели дека и кога бил официјално министер, не молчел за овие проблеми.

– Кога немате аргументи, фрлате лично дрва и камења, но да се вратиме на суштината: од Стразбур во дебата со Захариева сите мои настапи биле на овие принципи. Еднаш за 11 Октомври во Прилеп кажав дека ако е цената јазикот и македонскиот идентитет – нема ЕУ. Тоа го кажав како член на Влада – рече Димитров.

Нема брз воз, а и шините се подизместени

Поранешниот министер вели дека не може да разбере зошто одеднаш власта да се откаже од македонските позиции.

– Европската перспектива има три предизвици – Бугарија со оваа амбиција, наместо да ни бидат вистински пријатели тие отворено станаа непријатели, второ- неспремноста на политичките партии кои се однесуваат како дуќани со корупција, партизација, клиентелизмот и капацитетот да се спроведуваат европски политики дома. Владата мавта со знамето на ЕУ а дома не одалечува и третиот предизвик – не само што нема брз воз, туку нема воз а и шините се подизместени.

Бев против легализација на дивоградбите

Имаме неизвесност од ЕУ, неизвесност од бугарска страна и немаме политичка волја од нашите политичари да работат дома. Илузија е дека некој од надвор ќе дојде и дека ќе ги бере нашите гајлиња, тврди Димитров.

Тој порача и дека како член на Владата се залагал да се решат и други проблеми, надвор од дипломатијата, но дека како поединец немал доволно моќ и влијание.

– Бев против легализација на дивоградби, на вили од милиони евра во националните паркови, приватизација на надлежности на Царина, повеќето битки ги губев, но бев само случаен политичар -активист без своја парламентарна група – истакна Димитров.

The post СТАНАВМЕ БУГАРСКА ПРОВИНЦИЈА Димитров предупредува – секое „добро утро“ ни е со извинувања кон источниот сосед appeared first on plusinfo.mk.

Во продолжение се петте барања кои ВМРО-ДПМНЕ ги упати кон Владата во нивното соопштение:

„Бараме неколку работи:

Првата работа, државата сериозно да ги преиспита наводите кои и самиот Пендаровски ги кажа дека здруженија, фондации, поединци и агентурни мрежи од странски држави се вмешани во креирањето на сите овие проблеми кои што се случуваат во државата и провокации со директно негирање на Македонија и македонскиот народ. И за истите да се излезе со детален извештај со кој што ќе биде информирана македонската јавност.

Второ, финаниските институции на власта да го проверат финансирањето на дел од овие здруженија и внесот на странски пари и многу битно потеклото на тие пати со кои што овие здруженија во државата тераат антимакедонска политика.

Трета работа која што ја бараме, државата, поточно владата на Ковачевски и Бујар Османи како премиер и министер за надворешни работи да се заинтересираат за делувањето, целта и постоењето на бугарско здружение во Корча, соседна Албанија каде што во целата област живее мнозинско македонско население. Зошто досега не се побарани одговори за ова нити од Еди Рама, нити од властите во Албанија на кои начин дозволуваат да се негира постоењето на македонското национално малцинство во Албанија кое што таму живее со векови.

Четврто, владата досега нема ниту една посериозна реакција во однос на било кое отворено негирање на македонската нација, историја и јазик. Затоа постојат македонски институции и тие мора да се спротивстават на отворената кампања против Македонија.

Петто, бараме Македонската влада да побара доследно спроведување на пресудите добиени во судот за човекови права во Стразбур во насока на заштита и признавање на засебноста на Македонците во Бугарија, нивното право на здружување, нивното право на учество на избори, нивното право на образование на мајчин јазик како и нивното право на национално определување како Македонци. Должност е на Македонија да се грижи со сета сила и аргументи за правото на сите Македонци каде и да се наоѓаат“.

Николоски праша и зошто ќе се чека до 4 февруари за да се знае кој ќе биде прогласен персона нон-грата.

„Денес има целосно дезориентирана влада. Влада која нема одговорено соодветно на ниту една единствена провокација од Бугарија, влада која што молчи и влада која што поткленува на сите притисоци. Не се доволни оние неуверливи изјави дека ја согледале ситуацијата и знаеле дека ова било резултат на некакви си странски структури и служби. Ако е така тогаш нека кажат кои се тие странски структури и служби и што превземаат за да го  санкционираат тоа. Зошто дури до 4-ти февруари ќе се чека да се види дали и кој воопшто ќе биде прогласен за персона нон грата односно нема да му биде дозволено да влезе во Македонија и зошто се чека до 4ти февруари за да не се стави крај на овој негаторски однос и негаторски изјави од Бугарија“, се вели во партиското соопштение.

The post ВЛАСТА ДА ИСПИТА ДАЛИ СТРАНСКИ АГЕНТУРИ СЕ ВМЕШАНИ Од ВМРО-ДПМНЕ имаат пет барања во врска со провокациите од Бугарија appeared first on plusinfo.mk.