Белата куќа денеска објави дека побарала од американската амбасадорка во Грција, Кимберли Гилфојл, да поднесе оставка, по медиумските обвинувања за нејзиното несоодветно однесување.

– Ја замоливме амбасадорката Гилфојл да поднесе оставка. Таа беше многу важен дел од нашиот тим и ѝ посакуваме сè најдобро – изјави портпаролката на Белата куќа, Кејти Закари.

Американскиот претседател Доналд Трамп вчера изјави дека ја разгледува можноста за замена на Гилфојл, со проценка дека не се задоволни од нејзината работа.

Американските конгресмени претходно изразија загриженост во врска со тврдењата дека Гилфојл можеби се заканила дека ќе го искористи влијанието на САД за да изврши притисок врз грчката влада.

Исто така, имаше бројни извештаи за нејзиното наводно несоодветно однесување, во кои се тврди дека Гилфојл, која 4 години беше верена со најстариот син на Трамп, Доналд Трамп Џуниор, добивала раскошни подароци како амбасадор и барала пари за да договори средби со личности од американската администрација.

The post БЕЛАТА КУЌА ПОБАРА ОСТАВКА ОД АМБАСАДОРКАТА ВО ГРЦИЈА „На Кимберли Гилфојл ѝ посакуваме сè најдобро“ appeared first on plusinfo.mk.