Амбасадата на САД во Ерусалим денеска соопшти дека во овој момент не е во можност да ги евакуира Американците од Израел или директно да им помогне да ја напуштат земјата.

Амбасадата соопшти дека денеска ќе биде затворена и им наложи на сите вработени и на нивните семејства да останат во засолништа во близина на нивните домови до понатамошно известување.

Во меѓувреме, Иран ги продолжи своите ракетни напади врз Израел.

Израелските одбранбени сили соопштија дека Техеран испалил помалку од 10 балистички ракети во минатата ноќ, објави „Тајмс оф Израел“, додавајќи дека ова е значително помалку отколку во претходните ноќи.

Се известува дека цели во централен и северен Израел биле погодени кратко по полноќ, како и помеѓу 3:30 и 4:30 часот по локално време.

The post АМЕРИКАНЦИТЕ НЕ МОЖАТ ДА ГО НАПУШТАТ ИЗРАЕЛ Амбасадата на САД во Ерусалим не е во можност да ги евакуира американските државјани appeared first on plusinfo.mk.

„И најсилните демократии не успеваат сами. Кога сме обединети сме посилни. САД се посилни и поблагородни затоа што имаме сојузници, пријатели и партнери како Северна Македонија“, порача меѓу другото вчера американската амбасадорка Анџела Агелер, на прославата на 248- годишнината од американската независност во Амбасадата во Скопје.

Во својот говор пред присутните, таа изјави дека и е чест да ги претставува САД во земјава и говореше за промените со кои се соочува светот, изборите што годинава се одржуваат во над 90 држави, за демократијата и потребата од нејзина заштита.

– Генерално, изборите се базираат на различни мислења, приоритети и индивидуални цели. Може да бидат тешки, но кога ќе завршат, императив е да се вратиме на она што еден од нашите најголеми претседател Абрахам Линколн го нарече „подобрите ангели на нашата природа“. Повторно да се обединиме како народ и да работиме за доброто на граѓаните. Ова важи овде како што ќе се применува во САД во ноември. Затоа, ви честитам Вам и на вашата Влада и  на сите што го правите ова, односно се потпирате на добрите ангели – рече Агелер.

Осврнувајќи се на демократијата и нејзиното значење, амбасадорката ја цитираше добитничката на Нобеловата награда за мир Марија Реса, која порача дека демократијата е кревка, дека треба да се бориме за секој нејзин дел, за секој закон, за секоја заштита, за секоја институција, за секоја сторија.

– Мора да знаете колку е опасно да го претрпите дури и најмалото ускратување. И денеска нејзините зборови имаат поголемо значење од кога и да е. Секаде околу нас гледаме свет кој се менува. Повеќе гласачи од кога било во историјата имаат право да гласаат во 2024 година во над 90 земји и во ЕУ, дури и во време кога војни и конфликти погодуваат милиони низ целиот свет. Сега се потсетив дека најсилните демократии не успеваат сами. Кога сме обединети сме посилни. САД се посилни и поблагородни затоа што имаме сојузници, пријатели и партнери како Северна Македонија – рече Агелер во обраќањето пред присутните на церемонијата.

Агелер денеска се огласи на платформата Икс, нагласувајќи дека имала прекрасна прослава на 248-годишнината од американската независност, со партнери и пријатели.

Had a wonderful evening celebrating 248 years of American independence with partners and friends in Skopje tonight. Strong democracies are fortified by friends, Allies, and committed partners like North Macedonia. #July4th pic.twitter.com/0UGGGjRtnC

— Ambassador Angela Aggeler (@USAmbNMacedonia) July 2, 2024

The post 🎥 АНЏЕЛА АГЕЛЕР ПОВИКА ДА ИМ СЕ ВРАТИМЕ НА „ПОДОБРИТЕ АНГЕЛИ НА НАШАТА ПРИРОДА“ Амбасадорката на САД упати апел за постизборно обединување appeared first on plusinfo.mk.

– Откако ќе се формира нова влада и ќе се избере премиер, ќе продолжиме да ја зајакнуваме важноста на почитувањето на меѓународните договори и придобивките од напредокот на државата со полноправно членство во Европската Унија – е одговор на Американската амбасада за „360 степени“ на прашањето за вчерашната инаугурација на новоизбраната претседателка Сиљановска Давкова, која давајќи свечена изјава во Собранието наместо уставното име Република Северна Македонија користеше само Македонија.

The post ЌЕ ПРОДОЛЖИМЕ ДА ЈА ЗАЈАКНУВАМЕ ВАЖНОСТА НА ЧЛЕНСТВОТО ВО ЕУ Да се почитуваат меѓународните договори, порача Амбасадата на САД appeared first on plusinfo.mk.

Амбасадата ги советува американските граѓани да ја избегнуваат областа каде што се случи нападот.

Исто така, предупреди дека американската влада е „строго ограничена“ во нејзината способност да им помогне на своите граѓани во Русија далеку од амбасадата во Москва. Во соопштението се вели дека руската влада ја ограничила можноста на американскиот персонал да патува.

Би-Би-Си потсетува дека САД пред две недели издадоа предупредување до своите граѓани во кое се вели дека официјалните лица „ги следат извештаите дека екстремисти имаат непосредни планови да таргетираат големи собири во Москва, кои вклучуваат концерти“.

Во предупредувањето Американците се повикаа да избегнуваат големи собири 48 часа. Тој временски период помина, но сличностите помеѓу предупредувањето и денешните настани сугерираат дека е можна поврзаност, коментира британскиот медиум.

The post АМБАСАДАТА НА САД ВО РУСИЈА ШОКИРАНА ОД НАПАДОТ Еве што им порача на американските граѓани во Москва appeared first on plusinfo.mk.

Административна грешка – ова е одговорот од Американската амбасада за ставањето на починатиот сопруг на ексшефицата на Специјалното јавно обвинителство (СЈО). Катица Јанева, на црната листа на САД, пренесе Телма.

Нејзиното име се најде на црната листа под сомнеж за корупција, а освен нејзиниот син адвокатот Лазар Јанев, на истата таа листа се најде и името на нејзиниот починат сопруг Венци Јанев.

Од Амбасадата на САД ја признаваат грешката и велат дека имаат целосна доверба во доказите и собраните информации кои се побарани од нив– според американскиот закон – за да ја назначат Јанева на листата.

„Тие податоци се внимателно проверени и овде и во Вашингтон за секој поединец што го вклучуваме на нашата листа. Стандардна практика е да се назначуваат членови на потесното семејство на оние за кои сметаме дека се вмешани во значителна корупција. Во овој случај, информациите за еден член на семејството не беа актуелни и се работи за административна грешка“, се вели во одговорот од Амбасадата.

The post ПОЧИНАТИОТ СОПРУГ НА КАТИЦА ЈАНЕВА ПО ГРЕШКА Е СТАВЕН НА ЦРНАТА ЛИСТА Од Амбасадата на САД признаваат дека погрешиле appeared first on plusinfo.mk.

„О’Брајан потенцираше дека САД силно го поддржува патот на Северна Македонија кон членството во ЕУ, како и важната улога што сите политички партии во земјата треба да ја имаат за поддршка на овој процес, се вели во објавата на „Фејсбук“.

Претходно, за средбата информираше и ВМРО-ДПМНЕ.

И ЕВРОПСКА ИНТЕГРАЦИЈА И ЗАШТИТА НА ИДЕНТИТЕТОТ Мицкоски ги изложи стратешките приоритети на средба со висок претставник на САД

The post ШТО МУ КАЖАЛ ЏЕЈМС О’БРАЈАН НА МИЦКОСКИ? Американската амбасада информира за средбата со ВМРО-ДПМНЕ appeared first on plusinfo.mk.

Шоле го истакнува тридецениското „непоколебливо партнерство“ меѓу двете земји, со поддршка и охрабрување во заложбите за напредок и просперитет.

– Повеќе од 30 години Соединетите Американски Држави и Северна Македонија се непоколебливи партнери. Нашите односи се повеќе од едноставни фрази на поддршка и охрабрување. Ние сме инвестирале во вас и ќе продолжиме да инвестираме од едноставна причина: сакаме да успеете. Инвестираме во вас бидејќи силата, отпорноста и просперитетот на вашата земја придонесуваат да ни биде подобро на сите нас. И токму поради нашите трајни врски и заеднички интереси, сакаме да ја обезбедите вашата иднина како силна европска држава. Ова беше мојата порака кога го посетив Скопје на почетокот на оваа година, и повторно минатиот месец кога учествував на средбите на државниот секретар Блинкен со премиерот Ковачевски и со министерот за надворешни работи Османи во Вашингтон. Од прва рака чув за напорите што вашата влада и граѓаните ги прават за остварување на вашите цели за евроатлантска интеграција. Ние силно ги поддржуваме овие напори, потенцира Дерек Шоле.

Изразувајќи увереност дека “дека претставниците на народот ќе постапат во најдобар интерес на земјата, и ќе ја водат напред“, американскиот советник нагласува дека избор не смее да биде на штета на клучните реформи и владеењето на правото.

– Нашите две држави имаат многу работи што им се заеднички. САД и Северна Македонија се силни мултиетнички општества, длабоко посветени на заедничките вредности, вклучително човечкото достоинство и просперитетот за сите граѓани. Како динамични демократии ги избираме нашите претставници за да носат одлуки и да прават тешки избори. Иако демократскиот процес секогаш е пропратен со политички несогласувања и поентирање, вашиот избор не смее да биде на штета на клучните реформи и владеењето на правото. На крај, јас сум убеден дека претставниците на народот ќе постапат во најдобар интерес на земјата, и ќе ја водат напред.

САД се горди што се со Северна Македонија додека таа успешно ги остварува заедничките цели. Северна Македонија долги години беше партнер на САД во делот на безбедноста, а за само неколку години веќе се покажа и како силен сојузник во НАТО. Извонредното претседавање на земјата со ОБСЕ, како вистински лидер, во овие клучни моменти е од витална важност за нашите напори во борбата против ширењето на дезинформации од страна на Русија, и за поддршка на Украина. Заедно направивме важни чекори во јакнењето на демократските институции, владеењето на правото и регионалната енергетска безбедност. Ова е само почеток на едно силно партнерство кое ги надминува границите на нашите земји и се протега до регионалната безбедност и глобалните предизвици, истакнува американскиот советник.

The post СЛЕДНИОТ ЧЕКОР КОН ЕУ ЗАВИСИ ОД НАС Одмерена порака на поддршка од Стејт департментот appeared first on plusinfo.mk.

Амбасадорката на САД, Ангела Прајс Агелер, на 11 април годинава, испратила писмо до судските и до извршните органи, во кое ја изразува својата и загриженоста на САД за, како што вели, поништени решенија против високи профили кои Апелациониот суд ги врати на првостепена постапка, објави ексклузивно Алсат.

Во писмото до кое дошол Алсат од извори во Владата, се истакнуваат и напорите на САД и вложените половина милијарда евра за реформи во судството.

„Секој ден сум сѐ повеќе загрижена и разочарана поради големиот број предмети (од високи профили) кои Апелациониот суд ги врати во првостепена постапка на повторно судење. Очигледната неспособност на судовите брзо да ги процесуираат предметите низ судската постапка и нивното префрлање напред-назад, меѓу Апелација и Основниот суд, дополнително ја намалува ниската доверба што јавноста ја има во судовите“, се наведува во писмото од амбасадорката Агелер.

Според информациите на Алсат, дописот со иста содржина, освен до Владата (премиерот), бил испратен и до министрите Кренар Лога и Бујар Османи, до Врховниот суд, до Апелациониот суд и до некои други Основни судови.

Запрашана за ова писмо, вицепремиерката за политики за добро владеење Славица Грковска изјави дека одлуките на Апелацискиот суд за поништени решенија во случаи против високи профилирани лица се сериозен проблем и оти пораките што доаѓаат од САД конечно ќе повлијаат на правосудните органи одлуките да ги носат професионално, непристрасно, без влијание од друга страна.

– Потполно се согласувам дека тоа е многу сериозен проблем и дека сите активности што ги имаме ние како кабинет, изјавите што ги даваме, заедничките активности што ги имаме и со другите институции, меѓутоа и од многу отворените пораки од страна на американската aмбасада, од Европската Унија, од останатите наши меѓународни партнери, дека конечно ќе повлијаат на правосудните органи дека одлуките треба да ги носат професионално, непристрасно, без влијание од друга страна, исклучиво во согласност со закон, затоа што нашите граѓани заслужуваат правдата да биде подеднаква за сите. Се надевам дека сите овие укажувања ќе придонесат конечно за постапување онака како што доликува на еден професионален правосуден систем со интегритет – истакна Грковска во изјава по тркалезната маса „Антикорупциско образование – пристапи и предизвици“.

The post АГЕЛЕР ОПАСНО ИМ СЕ НАЛУТИЛА НА СУДИИТЕ Дадовме пола милијарда евра за реформи и секој ден сум сѐ повеќе загрижена и разочарана! appeared first on plusinfo.mk.

Во текот на вчерашниот ден се случи она што го очекувавме и што го најавивме. Освен спорадични напади врз авторот на овој текст на социјалните мрежи, Заевата пропагандна машинерија гласно го одмолча написот. Немаше деманти од учесниците на состанокот на 21 декември. СДСМ официјално не се огласи во врска со изнесените наводи дека поранешниот партиски лидер со сите сили се обидува да ги поткопа позициите на својот наследник Димитар Ковачевски и за таа мисија бара сојузници на сите страни, дури и во врвот на ВМРО-ДПМНЕ.

Наместо тоа, Плусинфо доби потврда од високо позициониран извор во албанскиот политички блок, кој вели дека во неговата партија за настапот на Заев на Бихаќка дознале пред десетина дена, што ќе рече веднаш по одржувањето на состанокот на раководствто на СДСМ. Изворот смета дека планот на Заев е во целосна координација со некои структури во албанските политички партии.

Од два независни извора блиски до раководството на СДСМ добивме објаснување зошто во планот на Заев е предвидена елиминација на актуелниот шеф на државата Стево Пендаровски и кој би можел да биде кандидатот за оваа функција што заеднички би го поддржале ВМРО-ДПМНЕ и СДСМ. Но, за тоа подоцна.

БИЗНИСМЕН Има ли бизнис-империјата Заеви причини за загриженост?

Најважното прашање, кое бара поширока експликација, е зошто Заев одненадеж е толку загрижен за состојбите во СДСМ и во државата и зошто ризикувал да настапи со план, во ситуација кога лесно можел да претпостави дека ќе биде одбиен. Дополнително прашање поврзано со ова е каква врска имаат Американците со драмата во СДСМ.

Како што е познато, Зоран Заев има релативно долг стаж во политиката. Беше градоначалник на Струмица, беше лидер на СДСМ во опозиција обилно поддржан од меѓународниот фактор (најмногу од Американците) во периодот на борбата против режимот на поранешниот премиер Никола Груевски и потоа и самиот беше премиер безмалку пет години. Заев не е универзитетски професор (иако течно зборува англиски и неколку други јазици, на пример), не е лекар како неговиот најблизок сопартиец и сега натурализиран Струмичанец Венко Филипче и не е уметник. Тој е бизнисмен, трговец по вокација.

Општо е познато дека семејството Заеви има повеќе успешни бизниси, а нивните компании и имоти се раширени во повеќе земји на Балканот (главно во Србија и во Бугарија), а во поново време и во некои подалечни топ бизнис-дестинации, каква што е Дубаи, на пример. Во сето тоа, се разбира, нема ништо спорно. Напротив. Проблемот е во фактот што за време на своето владеење, Муртинецот ги прошири влијанието на бизнис-империјата Заеви и формалните и неформалните бизнис-партнерства со многу македонски компании и со нивните сопственици. Дел од нив се во сомнителни бизниси, а не е тајна и тоа дека дел од тие луѓе се корумпирани.

Новата американска амбасадорка Анџела Агелер, уште недојдена во Македонија, изјави дека една од нејзините први задачи ќе биде да ѝ помогне на земјава во справувањето со организираниот криминал и со корупцијата. Дека Амбасадата на САД не се шегува стана јасно кога во Македонија ненадејно се појави тим за санкции од Вашингтон. Прв пат се случува такво нешто во историјата на Македонија. Подоцна некои наши функционери, меѓу кои и секогаш „аналитички“ расположениот претседател Стево Пендаровски, објаснија дека станувало збор за дипломати кои воделе разговори со повеќе луѓе во Македонија. Пендаровски најави дека оваа мисија може да има врска со ажурирањето на црната листа на американскиот Стејт департмент, на која би можеле да се најдат и функционери од актуелната власт.

Нема начин во Македонија да се поведе остра борба со корупцијата и со организираниот криминал во Македонија, без да се отвори фронт со дел од актуелната политичка гарнитура на власт, но и со луѓе од бизнис-елитата. Дополнително, нема начин една таква борба да не ги засегне интересите на Зоран Заев, неговите конекции и партнерства и влијанието во локалните бизниси во Македонија, но и пошироко. Никој точно не може да каже колку длабоко и колку сериозно една жестока антикорупциска кампања би можела да ја погоди бизнис-империјата Заеви, но со голема сигурност може да се претпостави дека многу луѓе што правеле разни дилови со нив имаат сериозни причини да бидат загрижени.

ДЕЦИДНО Оливер Спасовски нема да игра за екипата на Заев

Тука лежи главниот мотив за обидот на Зоран Заев повторно политички да се факторизира и евентуално да се врати на бел коњ на политичката сцена. Инаку, тоа, самото по себе, не е нешто невидено во македонската политика. Овој феномен се случува, речиси законито, секогаш кога политичките лидери во заминување октроираат свои наследници. На Љубчо Георгиевски тоа му се случи со Никола Груевски. Откако Бранко Црвенковски во заминување го „црпна“ Зоран Заев и го постави на кормилото на СДСМ, се случи поделбата на „бранковисти“ и „заевисти“. Тогаш Заев не чекаше Бранко да се налути, туку прв тргна во офанзива против својот претходник. Сега тоа се случува меѓу Заев и Димитар Ковачевски, при што Муртинецот пак пука прв. Нели, Џанго пука прв…

Но, овој пат судирот во СДСМ може да биде многу посериозен од сите претходни. Влоговите се поголеми. А за исходот се заинтересирани и Американците. На состанокот на 21 декември на Бихаќка, Ковачевски прилично јасно и директно му соопштил на Заев дека му е позната агендата на Американците и дека САД во ова раководството на СДСМ и во Влада ќе има партнер во спроведување на тие приоритети. Вознемиреноста на Заев по состанокот јасно укажува на тоа дека не требало да му се „преведе“ пораката од Ковачевски, а тоа е дека оваа Влада нема намера да ги штити ни Заев ни луѓето со кои тој се договорал и создавал линии на влијание и конекции.

За успешно преживување на таа антикорупциска кампања – ако до неа воопшто дојде – на Ковачевски му се потребни единствено партиско раководство и стабилна влада. Не му се потребни Заев и младиот и надежен Филипче. Потребен му е Оливер Спасовски, на пример, влијателниот министер за внатрешни работи. Овој ресор ќе биде клучен за успешно спроведување на една таква кампања, во која темпото би го давале Американците.

Спасовски вчера се огласи во јавноста и во одговор на едно не многу коректно новинарско прашање, даде многу коректен, прецизен и интересен одговор. Имено, новинар го прашал министерот Спасовски „за коментар на новинарски текст во кој се пишува дека се подготвува промена на премиерот и на составот на Владата“. Прашањето не е прецизно, бидејќи во тој новинарски текст, на ова место и од овој автор, беше напишано дека „од кујните блиски до Заев се проширија шпекулации дека премиерот Ковачевски наводно испланирал брза реконструкција на Владата и при тоа бил со намера да ги отстрани министрите Оливер Спасовски, Љупчо Николовски и Благој Бочварски“, како луѓе блиски на Заев.

Како и да е, Спасовски ја потврдил информацијата на Плусинфо дека не бил присутен на состанокот на 21 декември и одговорил на новинарското прашање:

– Сакам децидно да кажам дека оваа Влада ќе опстои до крајот на мандатот 2024 година. Лично јас, како човек кој долги години е во СДСМ и на силни и високи позиции, ќе направам сѐ да се сочува единството во партијата, да зајакне партијата и повторно промовирајќи ги тие вредности за кои што се залагавме во целиот овој период, да продолжиме напорно да работиме за реализација на значајни стратешки цели. Шпекулации, односно било какви тврдење кои се изнесуваат од наводни средби на кои што јас не сум присуствувал, воопшто не сакам да коментирам.

Веројатно и ова е доволно јасно и не треба да му се преведува на Заев. И Спасовски знае за приоритетите на Американците и останува беспоговорно во тимот на Ковачевски, спротивно на планот на Заев за брзи предвремени избори, после кои СДСМ и ВМРО-ДПМНЕ во наредните 8 години ќе ја делеле власта. Случајно или не, пред два дена Спасовски имаше средба со американската амбасадорка Агелер.

ЦИРКУЗ АДРИА Заев го предлага Заев за иден шеф на државата?

Да се вратиме сега на планот што Заев го образложил 21 декември, на состанок во Бихаќка, на кој покрај Филипче од Заева страна, присуствувале Димитар Ковачевски, Радмила Шеќеринска, Миле Зечевиќ и неколку други членови на најтесното раководство на СДСМ. Да повториме, ова се клучните точки од планот што го изложил Заев:

• Одржување итни предвремени парламентарни избори, после кои СДСМ и ВМРО-ДПМНЕ заеднички ќе ја делат власта во наредните осум години. Премиер да биде победникот на изборите.
• Eлиминирање на ДУИ и на Али Ахмети од Владата. Заев рекол дека на Албанците треба да им се овозможи 25-процентно присуство во Владата, но тоа да не биде ДУИ на Али Ахмети.
• Eлиминација на претседателот Стево Пендаровски. Доколку СДСМ го добие премиерскиот мандат, идниот шеф на државата да биде од ВМРО-ДПМНЕ.

Пендаровски стана претседател на Македонија во 2019 година, како консензуален кандидат на СДСМ, на ДУИ и на повеќе други политички партии. Следните претседателски избори во редовниот термин би требало да се одржат во 2024 година, значи заедно со парламентарните во редовниот термин. Но, ако се оди на предвремени парламентарни избори, на влада ВМРО – СДСМ и на елиминација на ДУИ на Али Ахмети, како што предвидува планот на Заев, логично е да се оди и на елиминација на Пендаровски и на предвремено претседателски избори.

Како што рековме на почетокот, два независни извора блиски до раководството на СДСМ на Плусинфо му кажаа кого планира Заев за заеднички кандидат на СДСМ и на ВМРО-ДПМНЕ за шеф на државата. Верувале или не, кандидатот е – Зоран Заев!

Редно е да го кажеме и тоа дека трет извор, исто така близок до раководството на СДСМ, тврди дека ова сепак е спин, насочен против планот на Заев.

ПРОФИТ Сите збунети, Мицкоски охрабрен  

Спин или не, оваа тема уште еднаш води кон прашањето дали е можно Заев да е во договор со Христијан Мицкоски, кого наводно го држел „в рака“, како што се фалел. Во вчерашната објава кажавме дека Плусинфо ги провери овие наводи во раководството на ВМРО-ДПМНЕ. Таму добивме одговор дека немало средба меѓу Христијан Мицкоски и Зоран Заев и разговори за поделба на извршната власт после изборите. Но, симптоматично е тоа што сепак имало обиди на Заев да му пристапи на Мицкоски. Не се прецизира за какви обиди станува збор.

Вчера Мицкоски се огласи на темата предвремени избори:

– Охрабрени сме што има пратеници од коалицијата во Владата на ДУИ поддржана од СДСМ, кои праќаат јасни сигнали дека сакаат што побрзо да се стави крај на ова криминално и коруптивно владеење на оваа коалиција и дека се подготвени во парламентот да поддржат распуштање и организирање предвремени парламентарни избори. Добро би било и здраво ДУИ да помине мандат од четири години во опозиција. За нас прифатливо е да има брзи предвремени избори, а граѓаните ќе одлучат каква ќе биде идната влада. Да ги поддржиме тие луѓе кои дадоа вакви сигнали заедно, да изгласаме недоверба на оваа Влада и да одиме на предвремени избори.

Кои се тие луѓе што испраќаат сигнали засега не се прецизира. Дали се тоа оние 7 пратеници за кои кујната на Заев тврди дека се спремни да излезат од парламентарното мнозинство и да ја урнат владата на Ковачевски? Мицкоски категорично одбива да биде доведен во врска со Заев, но неговите коментари создаваат недоумици. Најбенигната претпоставка е дека тој сега јава на бранот на приказната за внатрешните превирања во СДСМ и се обидува да ја „бустира“ темата предвремени избори. Договорено или не, Заев сериозно му помага на лидерот на опозицијата да ги оствари намерите.

АНГЕЛИ И ДЕМОНИ Колку е долг фитилот на Заев?

Што е следно?

Нашите извори велат дека втората рунда на битката меѓу Заев и Ковачевски би можела да се случи во т.н. некрстени денови, од Божиќ до Водици. Периодот од раѓањето до крштевањето на Исус се смета за период опасен за луѓето, време кога се во движење разни „нечисти“ сили и кога починатите се во близина на своите домови. Во тие денови се фрлаат магии и се бркаат демоните и болестите.

Дали Заев и Ковачевски токму тие 12 дена ќе фрлаат магии и ќе бркаат демони? Тоа зависи од четири работи:

Вечерва сите ја чекаме Новата година и редно е и на актерите на оваа драма да им посакаме среќни и весели празници, многу здравје и повеќе ум, разум и такт во 2023 година. Ќе им треба.

Прво, не се знае кога ќе се одржи првата наредна седница на Централниот одбор на СДСМ. Таа допрва треба да се закаже. Заев бил со намера својот план да го образложи на таа седница и да побара поддршка од поширокото партиско раководство. Затоа, не се знае дали ќе се случи една „сдсмовска Панорама“, пресметка како своевремено меѓу Љубчо Георгиевски и Никола Груевски.

Второ, не е познато колку е долг фитилот на Заев и дали ќе се обиде во меѓувреме да тргне во напад на Ковачевски со помош на својата пропагандна машинерија. Во првите 24 часа по разоткривањето на планот на Заев, пропагандата на Муртинецот беше збунета и воздржана, веројатно во обид да се прегрупира и да ги подготви новите наративи. Заев сега е во непријатна ситуација. Тој не може да се огласи јавно, а да избегне да одговори на клучното прашање – дали е за вонредни или за редовни парламентарни избори. Ако се изјасни за вонредни, тоа ќе значи дека останува на својот план. Обратно, ако се изјасни за избори во редовниот термин во 2024 година, тоа би значело дека потклекнал и дека од превратот нема ништо.

Трето, не е јасно дали ќе има обиди за посредување за помирување помеѓу Ковачевски и Заев. Како што веќе пишувавме, еден таков обид завршил без резултат. Нашите извори сметаат дека предуслов да дојде до такво е Заев јавно да се откаже од својот план. Поучен од искуствата на други луѓе, Ковачевски тешко би прифатил некаков таен договор за ненапаѓање со Заев. А и Муртинецот, реално кажано, полага некакво природно право на поголемо внимание од човекот кого го назначил за свој наследник, па нема да си дозволи да биде понижен.

И четврто, не се знае дали амбасадорката Агелер би можела да направи обид на Заев дипломатски и со такт да му каже колку е саатот и да му го покаже местото. Нашите извори велат дека е мала веројатноста брзо да дојде до јавна средба меѓу Амбасадата на САД и Заев. Сепак, не треба да се отфрли таа можност.

Како и да е, вечерва сите ја чекаме Новата година и редно е и на актерите на оваа драма да им посакаме среќни и весели празници, многу здравје и повеќе ум, разум и такт во 2023 година. Ќе им треба.

Ако сте го пропуштиле првото продолжение од оваа сага:

ЗАЕВ ПОДМОЛНО СЕ ОБИДУВА ДА ГО УРНЕ КОВАЧЕВСКИ Ова се деталите од пеколниот план што Зоќе го претставил на состанок на Бихаќка, но добил корпа и од Таче и од Шеќеринска

The post НОВИ ДЕТАЛИ ЗА ПЕКОЛНИОТ ПЛАН НА ЗОРАН ЗАЕВ Погодете кој се гледа во улогата на заеднички кандидат на СДСМ и на ВМРО-ДПМНЕ за шеф на државата! appeared first on plusinfo.mk.

После дводневната хајка против судиите на Апелациониот суд во Скопје, коишто ја укинаа пресудата на првостепениот суд за случајот „Таргет-Тврдина“ (да ја спомнеме тука воздржаноста на Бујар Османи, колку за показ дека не се сите исти), едвај се дочека понеделников за да се побара став на Американската амбасада за „бесрамнициве“ од скопска Апелација.

Сигурен сум дека воспалениве очекувале мадам Агелер да објави не само изрази на шокираност и разочараност, туку и најава за одлучна акција на американскиот тим за санкции, во поддршка на извршната власт, која се отепа од борба против корупцијата и гледај сега какви клипови ѝ ставаат во машината.

И глеј чудо! Нов шок и ново разочарување!

За Стево Пендаровски, нормално. И за Оливер Спасовски, па и за Димитар Ковачевски, за Славица Грковска и веројатно најмногу за Зоран Заев.

Ладнокрвно и одмерено, Амбасадата на САД во Скопје соопшти дека ги следи одлуките на судот за предметите „Таргет-тврдина“ и „Трезор“. И толку. Нема разочараност, нема шокираност. Анџела Агелер одбила да ги коментира одлуките на апелациските судии, со кои двата предмета се вратени на повторно судење во прв степен.

Еми, шупрајме сеа?

Не знам дали на нашиве изненаѓени и увреѓени политици, журналисти и колумнисти им е јасно која е и што претставува Анџела Аџелер во Македонија. Би сакал да им го појаснам тоа, бидејќи имам впечаток дека една лекција од областа споредбени политички системи не им е научена. Таа лекција се учи во петок на четвртиот час, па тие што во петок имале само три часа и после урда јаделе, ја прескокнале.

Вицот е дека воопшто не е важно која е приватно мадам Агелер, дали е вегетаријанец или крка пастрмајлии, дали нѐ сака или нѐ мрази, дали е добра вила или е зла вештерка. Важно е дека таа во Македонија го претставува американскиот претседател, лично и персонално.

Ај да ви биде уште појасно – кога зборува Анџела Агелер, зборува Џо Бајден!

А американскиот претседател може да ви каже сѐ и сешто, може и да ве бомбардира ако му текне, но никогаш нема да си дозволи јавно да коментира судска одлука. Па дури и во еден ваков Бантустан, во каков што е претворена Македонија!

Треба да си политички аматер и правно неписмен претседател, премиер или министер, па да си дозволиш јавно да изразиш „разочараност“ и „шокираност“ од судска одлука.

И треба да си или глупав, или ептен очаен, за да не сфатиш дека таквите изјави директно ја компромитираат кривично-правната постапка којашто не е завршена и дека таа компромитација е цврста основа за докажување на грубо кршење на едно од основните човекови права на обвинетите, правото на презумпција на невиност.

Јас знам дека Зоран Заев не е многу правно едуциран и дека заостанал во времето кога заедно со Катица, Оливер и со Радмила договарале што и како да прават со „бомбите“ и со предметите на СЈО. Им се извинувам на Јанева, на Спасовски и на Шеќеринска за оваа индискреција, но ова се зборови на Заев, а не мои. Тие зборови ги слушна цела Македонија.

И секако, јасно ми е дека Заев е очаен, веројатно и самиот свесен дека „камшикарите“ од САД не дошле овде баш за Сашо Мијалков, туку попрво за некои други, досега недопрени и неказнети магови на корупцијата во оваа земја.

Ама, зошто бре да се разочарани и очајни Пендаровски и Ковачевски?

Зарем чувствуваат обврска кон човекот кому му ги должат своите политички кариери?

И навистина ли му ги должат?

Не би рекол…

Како и да е, би ги посоветувал веднаш да размислат зошто Анџела Агелер крајно внимателно зборува за судски одлуки и зошто е воздржана. Мојата претпоставка е дека таа има добар тим советници од областа на правото и правосудството, кои внимателно прочитале зошто Апелациониот суд одлучил да ја укине првостепената пресуда за „Таргет-Тврдина“.

Под притисок на јавноста, „бесрамниците“ од Апелација денеска мораа во соопштение упатено да медиумите да ја објаснат својата одлука.

Пендаровски, вие како професор и човек којшто работел во МВР, прочитавте ли што пишува таму?

Кога Апелација вели дека во првостепената пресуда се сторени суштествени повреди на одредби од Законот за кривична постапка, како и повреди на кои Судот внимава по службена должност, тоа значи навистина многу.

Кога апелациските судии утврдиле дека тие повреди влијаеле и врз правилното утврдување на фактичката состојба и на правилна примена на материјалното право, на секого мора да му е јасно дека тоа се смета за дисквалификациска маана на првостепената пресуда. Со други зборови, таквата пресуда мора да падне.

Ај да ви го преведам и ова кога Апелациониот суд вели дека „фактите коишто ги зел за утврдени првостепениот суд, а по однос на дејствијата на извршување на обвинетите, не соодветствуваат со доказите изведени на главната расправа пред првостепениот суд, по однос на наодите и мислењата на вештите лица на Јавниот обвинител и на одбраната, како во делот на дејствијата по однос на следењето на комуникациите, така и по однос на вредноста на уништената опрема“. Јасно ли ви е што е овде напишано? Напишано е дека целата доказна постапка е промашена и дека пресудата е донесена без докази.

На мене сево ова ми е јасно одамна. Напишав неколку написи за ова. Ме пцуеја читатели, ме навредуваа, ме клеветеа, но никој не седна и со аргументи да ми докаже дека не сум во право.

Како испаднав толку паметен?

Не бе, другарчиња, не е до памет работата. Треба само умот да се отвори.

За разлика од повеќето мои колеги (некои од нив и долгогодишни хроничари на судски процеси), кои во известувањето им дадоа предност на Обвинителството и на политичките моќници под чиј диктат и притисок беше составено фалично обвинение и потоа беше донесена неодржлива пресуда, јас постапив поинаку. Сум чул дека во нашиот правосуден систем веќе не е како порано, дека сега обвинителот и обвинетите се рамноправни странки во постапката. Логично, сфатив дека двете страни треба да имаат и рамноправен пристап до јавноста.

И така, решив да направам разлика. Да го обезбедам токму тоа, рамноправен пристап и за обвинетите и за нивните бранители. Сега го правам истото и за одбрана на Драги Рашковски. Пак некои ме пцујат, ме караат зошто сум ги објавувал брифинзите на одбраната и колумните на Рашковски. А јас истото ќе го сторам и за одбраната на Мухамед Зеќири, ако посака, се разбира. Рашковски и Зеќири мене не ми беа другарчиња, на Заев му беа. Добро, Муки го знам како колега, ама Драги не сум го сретнал никогаш. Тие беа блиски соработници и многу блиски пријатели на муртинецот. Патем речено, ако поранешниот премиер навистина му е кум на Мухамед и ако е чесен и честит како што се претставува (мислам на Зоќе, де), ќе му каже дека Геро во една прилика предварително го предупредил кумот Заев другарчето Муки да не прави некои работи и да си го покрие газот, зашто нема да биде на арно (за ова што го зборувам постои и сведок).

Простете за оваа дигресија, но не можев да одолеам. А сакав само да кажам дека е доволно малку непристрасност, отвореност и професионалност, за секој новинар и секој читател што ги читаше моите написи, во кои укажував дека на Сашо Мијалков и на Гордана Јанкуловска им се суди со фатални процесни повреди и без докази, да ми поверува. Ако не, оак, да провери дали она што го тврдам е вистина.

Е сега никој не мора да ме проверува.

Апелационите судии ја кажаа вистината.

И тоа е многу важно, драги мои. Тоа е суштински важно за тоа како функционира и како изгледа оваа држава.

Во една нормална, цивилизирана држава, во која владее правото, а не волјата на султанот, секој има право на законита и фер судска постапка. Апсолутно секој!

Да, и Мијалков, и Јанкуловска, и сите други осомничени за масовното прислушување.

Сега читам како некои се тупкаат в гради и тврдат дека биле прислушувани, та затоа биле разочарани, а ќе им пропаднеле и оштетните побарувања. Се смеам кога читам вакви глупости. И јас сум еден од прислушуваните. И јас добив „диплома“ од СДСМ, односно це-де со транскрипти од мои прислушувани разговори. Мислам дека беа 12. После Заев ми понуди да ми ги сними сите мои разговори на стикче, бидејќи ги имало многу. Одбив, се разбира. И не поднесов никакво оштетно побарување, бидејќи не сакам арам пари од никого. Сакав само да се дознае вистината. А таа можеби нема да се дознае ако ова судење пропадне. А може да пропадне не поради застарување, туку поради политичка компромитација. И потоа вистината пак нема да се дознае, бидејќи за иста работа не смее да се суди два пати.

Штоооо? И за ова не сте чуле?! Е па за ова се учи на петти час во петок. Бурекот е изеден и се играат џамлии…

Се прашувам, а да не беше токму тоа идејата? Да не беше идејата никогаш да не се дознае како се прислушувало? И особено да не се разбере како потоа нелегалнните снимки стасале во рацете на Заев? И зошто од неговите раце се распрснаа на триста страни?

Не знам…

Навистина не е мое да судам. Не е наше да судиме. Не е на Анџела Агелер да суди. Не смеат да судат ни Пендаровски и компанија. Судат судиите. Ние следиме. Имаме право на свои мислења, но немаме право на свои факти. Затоа следиме мирно и спокојно. На судиите им оставаме да судат според законот и според сопствената совест.

Ако не постапуваме така, грешиме. И тоа опасно.

Кажав и ќе повторам – доаѓа крајот на Прекиот суд на Зоран Заев. Готово е. Финито. Тој што ќе се мачи да го задржи ден повеќе, да има на ум дека еден ден и самиот ќе заврши на обвинителна клупа. Напишав неколку пати досега, паѓа главата на Дантон, ама после паѓа и главата на Робеспјер. Па дајте, мајку му стара, сурфнете малку и научете кои се овие двајцата и што им се случило. Не почнува светот и историјата од Муртино…

Време е на обвинителите и на судиите да им помогнеме да демонстрираат интегритет, храброст и одговорност.

Погрешно се мисли дека тоа зависи само од нив. Не. И од нас зависи. Затоа, за почеток, намалите доживљај. И тоа е нешто…

The post Шо е воа, другарчиња, зошто Анџела не е разочарана и шокирана? appeared first on plusinfo.mk.