Евакуацијата на македонските државјани од земјите на Блискиот Исток ќе започне во недела со чартер-летови, соопшти Министерство за надворешни работи и надворешна трговија на Северна Македонија.

Од Министерството информираат дека веќе е склучен договор со авиокомпанија за реализација на летовите, по спроведена постапка согласно законските процедури. Според планот, се очекува до средината на следната недела да бидат евакуирани сите македонски државјани кои побарале враќање во земјата.

Евакуацијата се организира во координација со дипломатско-конзуларните претставништва на Македонија во регионот, кои се во постојан контакт со граѓаните што се наоѓаат во земјите од Блискиот Исток.

Според последните информации, амбасадата во Доха досега контактирале 150 македонски државјани, од кои 95 изразиле желба да бидат евакуирани.

Во меѓувреме, амбасадата во Абу Даби ја контактирале вкупно 585 лица кои престојуваат во ОАЕ, како и 36 лица од Кувајт, 15 од Бахреин и петмина од Саудиска Арабија.

Од Министерството повторно ги повикаа сите македонски државјани кои се наоѓаат во регионот и имаат потреба од евакуација или конзуларна помош да стапат во контакт со дипломатско-конзуларните претставништва или преку СОС-бројот на институцијата.

Точните технички и организациски детали за летовите ќе бидат дополнително утврдени, по што граѓаните ќе бидат навремено информирани.

The post СО ЧАРТЕРИ МАКЕДОНЦИТЕ СЕ ВРАЌААТ ДОМА Oд недела стартуваат летовите за евакуација appeared first on plusinfo.mk.

Повеќе од 150 македонски државјани кои се затекнале во загрозените подрачја на Блискиот Исток ги контактирале дипломатско-конзуларните претставништва на земјава за информации околу евентуална евакуација, соопшти Министерството за надворешни работи и надворешна трговија.

Од Министерството информираат дека станува збор за граѓани кои се јавиле во амбасадите во Тел Авив, Доха и Абу Даби, поради влошената безбедносна состојба во регионот.

„Со сите нив се одржува постојан контакт и, доколку се пријават за евакуација, ќе се преземаат подготвителни активности за евентуална асистенција за нивно безбедно враќање“, велат од ресорот.

Оттаму нагласуваат дека преку дежурниот телефон и дипломатско-конзуларните претставништва остануваат целосно на располагање на граѓаните.

„Уште еднаш ги повикуваме сите наши државјани кои се наоѓаат во земјите од регионот доследно да ги почитуваат упатствата и насоките на локалните надлежни безбедносни органи“, апелираат од Министерството.

Поради ескалацијата на состојбите на Блискиот Исток, во Министерството од вчера функционира кризен штаб кој е достапен 24 часа за информации и поддршка на граѓаните.

ДАЛИ СТЕ ВО КАТАР, ОАЕ, КУВАЈТ ИЛИ БАХРЕИН? Владата објави итни контакти за помош

The post ТЕНЗИИТЕ ГИ ВОЗНЕМИРИЈА НАШИТЕ ГРАЃАНИ Над 150 Македонци веќе побарале помош од амбасадите appeared first on plusinfo.mk.