Владата вчера го усвои Дополнетиот ребаланс на Буџетот за 2025, во којшто се вградени и амандманите  со кои се обезбедуваат дополнителни средства во Министерството за транспорт, Министерството за социјална политика, демографија и млади и Министерството за образование и наука, соопшти Министерството за финансии.

Станува збор за дополнителни 6 милиони денари за проектна документација за нова сообраќајница во општина Куманово во Буџетот на Министерството за транспорт, дополнителни 50 милиони денари за исплата на социјални надоместоци во буџетот на Министерството за социјална политика, демографија и млади, како и 5 милиони денари за Универзитетот „Гоце Делчев” во Буџетот на Министерството за образование и наука.

Со дополнетиот предлог усвоен од страна на Владата се обезбедени средства кај одделни буџетски корисници со цел редовно сервисирање на обврските, односно со прераспределби се изврши зголемување на средствата кај одредени буџетски корисници, со истовремено намалување на средствата од одредени буџетски корисници, со цел усогласување на расходите со досегашната реализација и очекувањата до крајот на годината.

Дополнителни измени се однесуваат и на дообезбедување на средства за плати, како и за сервисирање на обврски.

Измените и дополнувањата на Буџетот за 2025 година ги следат основните приоритети на фискалната политика кои се во насока на продолжување на фискалната консолидација, обезбедување макроекономска стабилност и поттикнување на развојот, при што нема промена во проекцијата на нивото на буџетскиот дефицит.

Вкупните приходи со ребалансот се проектирани на ниво од 362,4 милијарди денари или за околу 1 % повеќе во однос на Буџетот, односно за околу 3,5 милијарди денари.

Вкупните расходи се планирани на ниво од 403,7 милијарди денари и исто така бележат раст од околу 1%, односно за околу 3,5 милијарди денари, што се должи пред се на развојната компоненета.

Се дообезбедуваат средства за непречена исплата на плати пред се во Министерството за внатрешни работи, каде е обезбеден раст на платите на вработените од 10%. Исто така, се обезбедени дополнителни средства за исплата на зголемени пензии и транзициски трошоци и како и дополнителни околу 300 милиони денари за капитални расходи.

Капиталните расходи се планирани во висина од 47,4 милијарди денари и се во насока на додавање средства за динамизирање на реализацијата на проектите кај коишто е веќе потврдена добра реализација, пред се во Министерството за одбрана.

Продолжува финансиската поддршка и соработка на Владата со општините, за кои претходно со донесената Прераспределба на средства помеѓу буџетски корисници беа обезбедени дополнителни 584 милиони денари.

Со ребаласнот не се ревидира стапката на раст и таа останува на 3,7%, како што беше проектирана и со Буџетот за 2025 година.

Инфлацијата е проектирана на 2,8% и се очекува  нејзино стабилизирање, стапката на н невработеност е планирана на 11,1%.

-Крајна цел на измените и дополнувањата на Буџетот за 2025 година е непречено извршување на Буџетот и оддржување на идентично ниво на буџетскиот дефицит планиран со иницијалниот Буџет, односно буџетскиот дефицит останува непроменет и во апсолутен износ и како процент од БДП, односно 41,3 милијарди денари или 4% од БДП – велат од Министерството за финансии.

Дополнетиот Ребаланс на Буџетот ќе биде испратен на усвојување од страна на Собранието.

The post ВЛАДАТА ГО УСВОИ ДОПОЛНИТЕЛНИОТ РЕБАЛАНС НА БУЏЕТОТ Обезбедени се плус 1 милион евра за проекти на 3 министерства appeared first on plusinfo.mk.

Пратеничката од ВМРО-ДПМНЕ, Дафина Стојаноска, во изјава за медиумите остро ја критикуваше работата на СДСМ и ДУИ во Комисијата за финансирање и буџет во Собранието, по повод завршената расправа за ребалансот на буџетот за 2025 година.

– Што се случи при овој ребаланс? Се случи не кредибилни ликови од народот да нудат кредибилни проекти за луѓето – изјави Стојаноска, обвинувајќи ги поранешните власти дека сега нудат решенија за проблеми кои самите ги оставиле.

Според неа, поради кукавичлук и неспособност, општата расправа за буџетот траела само три дена, а од предвидените десет плус два дена за амандманска расправа, СДСМ искористиле само четири.

– Се префрлија на планот Б – повлекување од сите амандмани. Повлекувањето беше затоа што немаат аргументи, немаат капацитет, немаа луѓе, немаа гласност за дебата пред граѓаните – рече таа.

Стојаноска објасни дека СДСМ денес обвиниле за неприфаќање на нивните амандмани, но истакна дека тие не ни биле присутни во полн состав за да ги изгласаат.

– Со само три гласа „за“, не им пројдоа амандманите – посочи пратеничката, додавајќи дека сепак се прифатени амандмани во вкупна вредност од 61 милион денари.

Меѓу нив, еден амандман на Оливер Спасовски во износ од 6 милиони денари се однесува на инфраструктурен проект во неговата општина. Дополнително, 50 милиони денари се одобрени за здруженијата на лица со попреченост, а пет милиони за Универзитетот „Гоце Делчев“ во Штип.

Амандманот за пожарникарите, пак, не бил изгласан.

– Никој не гласаше „против“, но за жал немаше ни некој да гласа „за“ – рече Стојаноска.

Таа потсети дека Владата веќе подготвува план за вработување на 400 пожарникари, а системот за заштита од пожари е, како што рече, „во полна кондиција“.

– Факт е дека и најмалиот и најголемиот пожар, и по зафатнина и по моќност, не траел повеќе од 12 часа. Оваа Влада е спремна да се справи со сите пожари – заклучи Стојаноска.

The post НЕМАЛЕ НИТУ ЛУЃЕ, НИТУ АРГУМЕНТИ Стојаноска вели дека СДСМ не гласале, а немале ни амандмани за буџетот appeared first on plusinfo.mk.

Претседателката Гордана Сиљановска-Давкова остро ги критикуваше Европскиот парламент и Европската Унија, откако стана јасно дека е лобирано за амандмани кои го засегаат македонскиот јазик и идентитет. Според неа, ова е јасен показател за сериозен демократски дефицит.

– Не сум шокирана, но сум длабоко разочарана. Посебно од природата на некои амандмани и дискусии. Во Европскиот парламент седат и претставници на партии што се против самата ЕУ – истакна Сиљановска, нагласувајќи дека таа институција наместо да биде „дом на европските граѓани“, станува инструмент за притисок и политички манипулации.

Претседателката ја пофали основната верзија на извештајот на европратеникот Андреас Вајц, но посочи дека амандманите излобирани од бугарски пратеници се знак на поширока болест, недостиг на демократски капацитет во самата ЕУ.

– И Австрија можеше да бара такви измени од Словенија, но тоа не се случи. Ова што се случува со нас, е доказ дека Европа има сериозен проблем со демократијата – рече таа.

Коментирајќи го говорот на претседателот на Европскиот совет, Антонио Кошта, Сиљановска оцени дека неговата изјава за реформи внатре во ЕУ не е случајна. Според неа, феноменот на вето, билатерализацијата на процесите и несигурната иднина на проширувањето, бараат вклучување на сите земји кои географски, историски и културно припаѓаат на Европа.

– Евроинтеграцијата денес не е само прашање на членство, туку на стабилност и безбедност – потенцираше претседателката.

Сиљановска се осврна и на одговорот на бугарската Влада во врска со македонското малцинство, посочувајќи ја нелогичноста во нивните тврдења.

– Според нив, само 1.143 лица се изјасниле како Македонци, 3.540 дека им е мајчин јазик, а 1.091 зборуваат македонски дома. Но потоа велат дека тие не ги исполнуваат критериумите за национално малцинство. Па, за колку луѓе ние треба да го смениме Уставот? За кого? – праша таа.

Претседателката упати апел до меѓународните институции да се вратат наназад и да ги погледнат податоците од пописите во Бугарија во 1946 и 1956 година, кога, како што рече, бројките покажуваат сосема друга слика.

The post ЕУ ИМА СЕРИОЗЕН ПРОБЛЕМ СО ДЕМОКРАТИЈАТА Ова не е дом на граѓаните туку платформа за политички игри, вели претседателката appeared first on plusinfo.mk.

Министерството за енергетика прифати амандмани поднесени од сите пратенички групи за Законот за енергетика. Се очекува тој да биде донесен во текот на месецов.

Предлог-законот за енергетика, како  едно од најважните законски усогласувања со енергетската легислатива на ЕУ,  го помина второто читање пред надлежните собраниски комисии. Во фазата на второто читање остана разгледување на текстот на Дополнетиот предлог на закон за енергетика на седница на Собрание, на која следи и постапка на донесување на законот и негово објавување во Службен весник.

-Станува збор за клучен закон кој отвора нови можности за пазарот и обезбедува фер услови за сите учесници –граѓаните, преку стопанството, до јавните институции. Ова е закон што ја носи Македонија чекор поблиску до европскиот енергетски пазар, но и ја зајакнува нашата внатрешна стабилност и отпорност – изјави министерката за енергетика Сања Божиновска.

Во текот на амандманската расправа беа прифатени 61 амандман (поднесени 71 амандман) од пратеници од сите пратенички групи.

Ова, велат од Министерството за енергетика, ја покажало намерата на Министерството да го заврши законодавниот процес, во отворена, транспарентна и инклузивна постапка.

Во текот на расправата беа прифатени повеќе суштински амандмани меѓу кои и: задолжително воведување на складишта (батерии) за новите електроцентрали од варијабилен обновлив извор на енергија; воведување обврска инвеститорите да докажат дека имаат средства во износ од 100.000 евра на сметка или во основни средства при  издавање на лиценца за вршење на енергетските дејности трговија и снабдување со електрична енергија; допрецизирани се одредбите за именување и разрешување на членовите на Регулаторната комисија за енергетика; исклучокот за  друштвото кое врши дејност дистрибуција на гас да може да врши и дејности снабдување со гас, снабдување со гас со обврска за јавна услуга и снабдување со гас во краен случај, доколку има  приклучени помалку од 100 000 потрошувачи.

Исто така беше прифатен амандманот кој се однесува на делот за дополнителен приход за операторот на електродистрибутивниот систем кој го  продава вишокот на електрична енергија за секоја продажба да  има обврска  да ја извести Регулаторната комисија за енергетика, а во делот на одвоено сметководство додадена е обврска на  носителите на лиценци за  вршење енергетски дејности во годишната сметка доставена до Централниот регистар одделно по шифра на дејност да го прикажат приходот од секоја енергетска дејност за која поседуваат лиценца.

Прифатени се и преодните одредби за постојните одлуки за сертификација за  МЕПСО и НОМАГАС како и преодни одредби за вршителите  на енергетски дејност кои за прв пат ги воведуваме како енергетски дејности со овој закон за кои е потребно лиценца за вршење на дејноста.

Во рамките на новопредложената енергетска реформа, Министерството за енергетика, рударство и минерални суровини согласно своите надлежности  законски го реализира  и преносот на сопственичката структура на друштвото оператор на електропреносниот систем МЕПСО, како дел од напорите за подобра контрола, координација и управување со преносната мрежа.

– Стабилен и професионално управуван преносен систем е предуслов за раст на обновливите извори и сигурно снабдување на домаќинствата и индустријата. Со оваа одлука, го јакнеме капацитетот на државата да одговори на предизвиците на енергетската транзиција – додаде  Божиновска.

Главни придобивки од законот , според министерството за енергетика се  либерализиран, транспарентен и конкурентен пазар за електрична енергија, што ќе значи поголем избор и пофер цени за потрошувачите; воведување на паметни броила, што овозможува  прецизно мерење на реалната потрошувачка на електрична енергија и увид на  крајниот потрошувач во својата потрошувачка на електрична енергија на дневна основа; поддршка за нови концепти како граѓански енергетски заедници и модели на активно управување со побарувачката; зголемена пазарна ликвидност и пристап до повеќе извори на снабдување за стопанството и подеднаква можност за инвестиции на сите и инфраструктурна стабилност, преку инвестиции во системи за складирање и дигитализација на системите.

The post ЗАКОНОТ ЗА ЕНЕРГЕТИКА ЈА ПОМИНА ВТОРАТА ФАЗА ВО СОБРАНИЕТО Прифатени се амандмани на сите пратенички групи appeared first on plusinfo.mk.

На Предлог-извештајот на известувачот на Комитетот на надворешни работи (АФЕТ) на Европскиот парламент за Северна Македонија, Томас Вајц, европратениците доставија вкупно 313 амандмани. Повеќето од нив дообјаснуваат или дополнуваат некои делови од документот, но има и такви со кои во извештајот се вметнуваат нови содржини или оценки.

Така, како што јави дописникот на МИА од Брисел, европратениците Емануил Фрагос и Галато Александрики од екстремно десничарската и националистичка партија Грчко решение (ЕЛ), предлагаат „Замена на зборовите „Република Северна Македонија“ со зборот „Скопје“ во текстот на целата Резолуција“.

Бугарскиот европратеник Ивајло Валчев од партијата Има таков народ (ИТН) на Слави Трифунов предлага во воведниот дел на Извештајот по алинејата 4 „Имајќи ги предвид заклучоците на Европскиот совет од 19-20 јуни 2003 година, вклучително и неговиот анекс насловен „Солунската агенда за Западен Балкан: Движење кон европска интеграција“, да се додаде алинеја 4а која би гласела „Имајќи го предвид Договорот за пријателство, добрососедство и соработка меѓу Бугарија и Северна Македонија, потпишан на 1 август 2017 година и ратификуван во јануари 2018 година“.

Известувачот Вајц како алинеја 4а го предлага текстот „Имајќи го предвид Самитот во Софија од 10 ноември 2020 година, вклучително и Декларацијата за заедничкиот регионален пазар и Декларацијата за зелената агенда за Западен Балкан“, додека либералните европратеници Ден Барна од Сојузот спас на Романија (УСР), Урмас Пает од Естонската реформска партија (ЕР), Петрас Ауштревичиус од литванското Либерално движење (ЛС) и Луција Јар од Прогресивна Словачка (ПС) заеднички предлагаат во тој дел од извештајот да се вметне алинејата „Имајќи ја предвид Декларацијата од Брисел на Самитот на ЕУ за Западен Балкан од 18 декември 2024 година“.

Европратеникот Тајс Ројтен од холандската Лабуристичка партија (ПВДА) предлага додавање на алинеја 19а која би гласела „Имајќи го предвид постојаното признавање на македонскиот јазик и идентитет од страна на ЕУ“.

Алинеја 19а предлага и бугарскиот европратеник Валчев, но таа, според него, би требало да гласи: „Имајќи ги предвид заклучоците на Европскиот совет од 18 јули 2022 година“, како и 19б – „Имајќи го предвид Протоколот од втората седница на Мешовитата меѓувладина комисија формирана според член 12 од Договорот за пријателство, добрососедски односи и соработка меѓу Република Бугарија и Република Северна Македонија одржан на 17 јули 2022 година“.

Точка Б и причините за блокада на европскиот пат 

Европратеникот на бугарската националистичка партија Преродба, Станислав Стојанов предлага замена на точката Б, која наместо „Со оглед на тоа што аспирациите на граѓаните на Северна Македонија да станат дел од ЕУ доведоа до значителен напредок во однос на демократијата и социо-економските реформи, додека процесот на пристапување продолжува да доживува блокади од различни неоправдани причини“, според него, би требало да гласи „Со оглед на тоа што аспирациите на граѓаните на Северна Македонија да станат дел од ЕУ продолжуваат да доживуваат назадување поради недоволната политичка волја на земјата да ги спроведе договорените обврски“.

Измена на оваа точка предлага и Валчев со чиј амандман се предвидува наместо „додека процесот на пристапување продолжува да доживува блокади од различни неоправдани причини“, да стои „додека процесот на пристапување во ЕУ продолжува да се соочува со пречки поради непријателската реторика на политичкото раководство во земјата и недостигот на политичка волја за преземање и спроведување на потребните реформи потребни за продолжување на процесот“.

И либералната четворка Барна, Пает, Ауштревичиус и Јар предлагаат замена на овој дел од точката со текст „додека процесот на пристапување продолжува да доживува жални одложувања поради различни причини“.

Пратеникот Себастијан Тинкинен од десно популистичката Партија на Финците (ПС), пак, предлага бришење на делот од точката Б по зборовите „демократијата и социо-економските реформи“, без воопшто споменување на блокадата и причините за неа.

Валчев има поднесено и амандман за додавање точка Б-а, која би гласела „Со оглед на тоа што изнаоѓањето заеднички наратив за заедничката историја е неопходната основа врз која Бугарија и Северна Македонија треба да ги градат своите односи, и дека односот меѓу идните генерации на Северна Македонија и Бугарија ќе биде одраз на образовните процеси во двете земји“.

Точка Ц и надворешната политика на Северна Македонија 

Амандмани се доставени и за измена на Точката Ц од извештајот која гласи: „Со оглед на тоа што Северна Македонија е доверлив партнер, целосно усогласен со заедничката надворешна и безбедносна политика на ЕУ“.

Самиот автор на Извештајот, Вајц предлага нејзина замена со следното: „Со оглед на тоа што Северна Македонија е партнер, целосно усогласен со заедничката надворешна и безбедносна политика на ЕУ и игра конструктивна улога во регионот“.

Валчев меѓутоа предлага Точката Ц да гласи: „Со оглед на тоа што неодамнешното воздржување на Северна Македонија од Резолуцијата EС-11/7 на Генералното собрание на ОН за Украина и нејзиното коспонзорство на алтернативна резолуција предводена од САД укажува на неочекувана и жална промена во усогласувањето на нејзината надворешна политика, што предизвикува загриженост за нејзината посветеност на заедничката надворешна и безбедносна политика на ЕУ“, а според Стојанов, оваа Точка треба да гласи само „Со оглед на тоа што Северна Македонија е важен партнер“.

И Барна, Пает, Ауштревичиус и Јар предлагаат измена на Точката Ц со исфрлање на зборот „целосно“ и додавање „во огромното мнозинство на случаи“ на крајот од текстот.

Ројтен предлага вметнување на Точка Ц-а која би гласела „При што Северна Македонија го склучи Договорот од Преспа со Грција и Договорот за пријателство, добрососедство и соработка со Бугарија“, како и Точка Ц-б – „Со оглед на тоа што Северна Македонија соодветно го спроведе Договорот од Преспа, вклучително и преку измена на нејзиниот Устав и Договорот за пријателство, добрососедство и соработка“.

Точка Д и уставните измени, странското мешање и македонскиот јазик и идентитет 

Измена на Точката Д: „Со оглед на тоа што Северна Македонија треба да ги усвои неспроведените уставни измени за да можат брзо да започнат пристапните преговори“ предлага авторот на извештајот Вајц.

Со амандманот на Вајц се предлага оваа точка да гласи „Со оглед на тоа што Северна Македонија треба да ги усвои неспроведените уставни измени, во согласност со нејзините заложби, за да можат веднаш да започнат пристапните преговори“.

Но, Валчев смета дека Точката треба да гласи: „Со оглед на тоа што од Северна Македонија се бара да ги усвои неспроведените уставни измени, вклучувајќи го и признавањето и вклучувањето на Бугарите во преамбулата на Уставот како официјална етничка група, со цел да се олесни брзиот почеток на пристапните преговори“, а европратеникот Андреј Ковачев од партијата Граѓани за европски развој на Бугарија (ГЕРБ): „Со оглед на тоа што Северна Македонија треба да постигне видливи резултати во исполнувањето на своите обврски од Преговарачката рамка на ЕУ и заклучоците на Советот на ЕУ од 18 јули 2022 година, вклучително и да ги усвои неспроведените уставни измени, за да може брзо да започнат пристапните преговори“.

Од друга страна холандскиот европратеник Ројтен предлага Точката Д да гласи: „Со оглед на тоа што Европскиот совет донесе нови заклучоци во јули 2022 година, што значи дека Северна Македонија треба да ги усвои неспроведените уставни реформи за да може брзо да се заврши фазата на отворање на пристапните преговори“, како и додавање на Точка Д-а: „Со оглед на тоа што властите на Северна Македонија предложија решенија за уставни промени кои не ги исполнуваа условите од заклучоците на Советот од јули 2022 година“.

Амандмани за вметнување на Точка Д-а со идентична содржина: „При што ЕУ постојано го демонстрираше своето признавање на македонскиот јазик и идентитет“ поднесоа Вајц и претседавачот на АФЕТ, германскиот европратеник Дејвид Мекалистер од Христијанско демократската унија (ЦДУ).

Либералниот „квартет“ Барна, Пает, Ауштревичиус и Јар предлага дополнителната Точка Д-а да гласи: „Со оглед на тоа што геополитичките промени, војната во Украина, дезинформациите и погрешни информации имаат силно влијание врз сите европски земји и политички и економски“, додека Ројтен предлага Точка Д-а со содржина: „Со оглед на тоа што Советот не го исклучи недвосмислено поставувањето на натамошни нови услови за почеток на пристапните преговори“.

Дополнителна точка Д-а предлага и Валчев, која според него би требало да гласи „Со оглед на тоа што во моментов пристапниот процес и неговото темпо целосно зависат од македонската Влада и од Собранието“, но и кипарскиот пратеник Јоргос Георгиу од левичарската Прогресивна партија на работниот народ (АКЕЛ): „Со оглед на тоа што од секоја земја кандидат за членство се очекува да ги почитува демократските вредности, владеењето на правото и човековите права и да го почитува правото на ЕУ“.

Ковачев, исто така, предлага Точка Д-а: „Со оглед на тоа што Владата на Република Северна Македонија се согласи дека следната Меѓувладина конференција со ЕУ за затворање на фазата на стартот на преговорите за членство на Република Северна Македонија во ЕУ ќе се одржи по влегувањето во сила на амандманите на Уставот на Република Северна Македонија со кои ќе се вклучат и оние нејзини граѓани кои живеат на територијата на оваа земја и се дел од други народи, како што е бугарскиот народ, согласно внатрешните процедури, вклучително и преку Уставниот закон за нивна имплементација, како што е наведено во Вториот протокол на Договорот за добрососедство и соработка со Бугарија“, но и Д-б: „Со оглед на тоа што Владата на Република Северна Македонија, согласно член 11 став 5 од Договорот за добрососедство и соработка со Бугарија, ја потврди заложбата дека ништо во нејзиниот Устав не може и не треба да се толкува дека претставува или некогаш ќе претставува основа за мешање во внатрешните работи на Република Бугарија со цел да се заштитат статусот и правата на лицата кои не се државјани на Република Северна Македонија“.

Европратениците Матје Вале, Жордан Бардела и Пјер-Ромен Тионе од францускиот екстремно десничарски Национален собир (РН) предлагаат три дополненија на Точката Д – Д-а: „Со оглед на тоа што проширувањето веќе целосно не ги зема предвид критериумите за економска строгост или политичка стабилност како што е пропишано со Копенхашките критериуми; со оглед на тоа што Копенхашките критериуми се суштински за заштита на вредностите, стабилноста и безбедноста на Унијата и нејзините граѓани“, Д-б: „Со оглед на тоа што проширувањето е процес заснован на заслуги поврзани со демократијата, владеењето на правото и основните права; при што земјите од Западен Балкан се уште се далеку од исполнување на овие критериуми“ и Д-ц: „Со оглед на тоа што ИПА III, Инструментот за претпристапна помош за периодот 2021-2027 година, обезбедува 14,2 милијарди евра за поддршка на реформите и социо-економскиот развој во Западен Балкан и Турција“.

Европратеничката Естер Лакош од унгарската конзервативна Партија на почитта и слободата (ТИСА), исто така, предлага вметнување неколку дополнувања на точката Д поврзани со странско, пред се руско, мешање и влијание, меѓу кои и Д-а која би гласела: „Со оглед на тоа што Северна Македонија останува цел на операции за странско малигно влијание, особено од Руската Федерација и, во помала мера, од Народна Република Кина, кои имаат за цел да ги поткопаат нејзините демократски институции, да ја запрат нејзината интеграција во ЕУ и да ја намалат довербата во трансатлантската заедница“, Д-б: „Со оглед на тоа што само во периодот од јануари до септември 2023 година, аналитичарите документираа стотици написи за дезинформации на интернет насочени кон Северна Македонија, а многу од нив ги повторуваа наративите на Кремљ“ и Д-ц: „Со оглед на тоа што значителен дел од руските дезинформации што се консумираат во Северна Македонија се пренесуваат преку таблоиди и медиуми на српски јазик, кои функционираат како регионални засилувачи на наративите на Кремљ и имаат значително влијание врз македонската публика поради јазичната и културната блискост“.

Поддршка на македонската кандидатура за членство во ЕУ, но и предлози за нејзино одбивање 

Амандмани се доставени и на член 1 од Извештајот со кој Европскиот парламент „ја повторува својата целосна поддршка за желбата на Северна Македонија да се приклучи кон ЕУ“, при што најголемиот дел од предложените измени се надополнувања поврзани со пораки за спроведување на неопходните реформи и исполнување на критериумите за членство или манифестирање на политичка волја.

Сепак, има и такви кои предлагаат замена на целиот член, како на грчките европратеници Фрагос и Александрики: „ја повторува важноста од прекин на пристапните преговори со Скопје“ или на Валчев: „ги признава аспирациите на Северна Македонија за пристапување кон ЕУ и целосно го поддржува продолжувањето на нејзиниот пристапен процес, штом се исполнат неопходните претходно договорени реформи и услови“.

Тројцата европратеници од францускиот Национален собир на Марин ле Пен, пак, предлагаат замена на овој член со текстот: „цврсто ја отфрла желбата на Северна Македонија да се приклучи кон ЕУ, како и секое понатамошно проширување на ЕУ, бидејќи земјите кандидати, особено од Западниот Балкан се уште се далеку од исполнувањето на критериумите за политичка, економска и социјална стабилност наведени во Копенхашките критериуми, со постојана политичка нестабилност, широко распространета корупција и постојан организиран криминал. што претставува значителен ризик за сигурноста и безбедноста на европските граѓани“.

Поднесени се предлози за измени и на членот 2 со кој ЕП „Потсетува на потребата да се задржи моментумот и кредибилитетот на процесот на европска интеграција; забележува дека Северна Македонија продолжува да демонстрира посветеност на интеграцијата во ЕУ и усогласувањето со политиките на ЕУ; повикува на брзо унапредување на пристапните преговори, притоа истакнувајќи ја важноста од усвојување на усогласените уставни амандмани; ги охрабрува сите политички партии во Северна Македонија да се вклучат во конструктивен дијалог за да се постигне потребниот консензус за овие амандмани, кои би го зајакнале мултиетничкиот карактер на земјата и би го забрзале нејзиниот напредок кон членство во ЕУ“.

Холандскиот европратеник Ројтен со амандман бара почетокот на членот да гласи „Потсетува на потребата и Европската Унија и Северна Македонија да вложат максимални напори за одржување на моментумот и кредибилитетот на процесот на европска интеграција“, како и по зборовите „усогласените уставни амандмани“ да се вметне нова алинеја: „Го повикува Европскиот совет да обезбеди јавна и недвосмислена поддршка за Северна Македонија и дека има намера брзо и безусловно да донесе позитивна одлука за почеток на пристапните преговори по исполнувањето на условите од неговите заклучоци од 18 јули 2022 година, со целосно почитување на македонскиот јазик и идентитет“.

Европратениците Барна, Пает и Ауштревичиус предлагаат замена на делот од членот „притоа истакнувајќи ја важноста од усвојување на усогласените уставни амандмани“ со текстот „и притоа целосно признавајќи ги македонскиот идентитет и јазик, ја истакнува потребата од усвојување на усогласените уставни амандмани“. Измена на истиот дел од членот иницира и Вајц, предлагајќи тој да гласи: „притоа истакнувајќи ја важноста од усвојување на уставните амандмани и целосно почитување на македонскиот јазик и идентитет“.

Мекалистер предлага замена на делот од членот „мултиетничкиот карактер на земјата и би го забрзале нејзиниот напредок кон членство во ЕУ“ со „мултиетничкиот карактер на земјата; верува дека зајакнувањето на врските меѓу повеќе етнички групи е од суштинско значење за подобрување на социјалната кохезија, обезбедување поефикасно владеење и за забрзување на напредокот на земјите кон членство во ЕУ“.

Неколкумина бугарски европратеници предлагаат вметнување на содржини со кои се споменува потребата од „внесување на Бугарите во Уставот“ и „почитување на правата на припадниците на бугарското малцинство“, додека Грците Фрагос и Александрики бараат целосна замена на овој член со текстот: „Забележува дека Скопје, на ниту еден начин, не ги презел неопходните чекори за пристапување кон ЕУ и усогласување со европската надворешна политика; повикува на итен прекин на пристапните преговори“.

Целосна замена на членот предлагаат и тројцата пратеници од француската екстремна десница, кои сметаат дека тој треба да гласи: „Предупредува на слепото промовирање на мултикултурализмот во Северна Македонија што би придонело за фрагментација на земјата со овозможување на пограничните малцинства да се поврзуваат со нивната татковина; повторува дека унитарната форма на „северномакедонска држава“ мора да остане неспорна“.

Одново за уставните измени, но и за билатералните блокади  

Со заеднички амандман на девет бугарски европратеници од различни политички партии и на Томислав Сокол од ХДЗ, се предлага вметнување на нов член 2а, кој би гласел: „Потсетува дека Владата на Република Северна Македонија се согласува следната Меѓувладина конференција со ЕУ за затворање на фазата на старт на преговорите за членство на Република Северна Македонија во ЕУ ќе се одржи по стапувањето во сила на амандманите на Уставот на Република Северна Македонија со кои ќе се вклучат и оние нејзини граѓани кои живеат на територијата на оваа земја и се дел од други народи, вклучително и на Уставниот закон, согласно внатрешната процедура за спроведување на Уставот“.

Нов член 2а предлага и холандскиот социјалдемократ Ројтен и тоа со содржина: „Го поздравува успешното завршување на скрининг процесот за Северна Македонија на крајот на 2023 година; повикува на премин во следната фаза од преговорите без понатамошно одлагање“.

Европратениците од Хрватската демократска заедница (ХДЗ), Карло Реслер и Давор Иво Стиер, исто така предлагаат вметнување на член 2а, кој би гласел: „Истакнува дека постојните билатерални прашања никогаш не треба да го попречуваат напредокот заснован на заслуги на европскиот пат или да ги надминуваат пошироките стратешки интереси на Унијата, туку тие треба да се решат преку отворен дијалог и вистинска соработка; подвлекува дека пристапните преговори треба да следат јасен пат, водени од објективни критериуми и единствено засновани на заслуги“.

Тие предлагаат и член 2б: „Ја потврдува важноста од недвосмислено признавање и почитување на македонскиот јазик и идентитет како составен дел од наследството на земјата, уставниот поредок, но и од европските вредности; забележува дека европските институции, во извештаите и официјалните документи на нејзината земја, постојано се повикуваат на македонскиот јазик во согласност со меѓународното признавање и спроведувањето на Договорот од Преспа; потврдува дека почитувањето на јазичниот, културниот и националниот идентитет е основна компонента на процесот на пристапување во ЕУ и камен-темелник на демократските општества што дополнително ќе се афирмира со пристапувањето во семејството на европските народи“.

Свој член 2а предлагаат и грчките екстремни десничари Фрагос и Александрики, кој според нив, би требало да гласи: „Забележува дека зборовите „Македонија“, „македонски“ и нивните деривати се дел од грчката историја повеќе од два милениуми“.

За Планот за раст, реформите, борбата против корупцијата, општествената поларизација, правата…   

Доследни на своите политички ставови, тројцата пратеници од партијата на Ле Пен предлагаат отфрлање „на новиот Инструмент на ЕУ за реформи и раст на Западниот Балкан“, кој е дел од Планот за раст на Европската комисија за регионот.

Со останатите амандмани, меѓу другото се повикува на „целосна имплементација на Охридскиот договор“, зајакнување на борбата против корупцијата и организираниот криминал, реформи на судството и администрацијата, намалување на политичката поларизација на општеството, ограничување на употребата на механизмот „европско знаменце“ при носењето закони, промена на Изборното законодавство согласно препораките на ОБСЕ/ОДИХР, заштита на правата на новинарите и медиумските слободи, справување со ширењето дезинформации, странско влијание и говор на омраза, почитување на човековите и правата на малцинствата, пред се Ромите и припадниците ЛГБТИ+ заедницата, на децата и на лицата со посебни потреби, родовата еднаквост и ограничување на родово базираното насилство, справување со илегалната миграција, реформи во безбедносниот и разузнавачкиот сектор, заштита на животната средина и намалување на загадувањето, изградбата на транспортните коридори, регионалната соработка, имплементација на Договорот од Преспа и Спогодбата за добрососедство со Бугарија…

Дополнително бугарските европратеници предлагаат и амандмани во Извештајот кои се однесуваат на „зголемена дискриминација на граѓаните на Северна Македонија кои се идентификуваат како Бугари“, како и на регистрирањето на бугарски здруженија во земјава и создавањето „климата на непријателство кон Бугарија“ и ширењето „говорот на омраза кон бугарската заедница“.

Европратеникот Ковачев и Хрватите, Реслер и Стиер со заеднички амандман предлагаат и вметнување на член 20б во Извештајот со кој се „повикува Република Северна Македонија да го измени својот Устав за да ги вклучи етничките заедници со црногорски, хрватски и бугарски идентитет и во Преамбулата и сите други релевантни негови членови, поврзани со правата на заедниците“.

Со заеднички амандман на бугарски, хрватски и чешки пратеници од редовите на десницата се предлага и член 34а: „Изразува длабока загриженост за т.н. проект „Српски свет“ и поради тоа што претставници на Владата на Северна Македонија отворено се залагаат, промовираат и работат на имплементација на овој концепт; го осудува тоа што во јануари 2025 година на денот на Свети Сава во Скопје во присуство на владини претставници на Србија, Република Српска од БиХ и Северна Македонија се одржа состанок за промовирање на тој концепт; го осудува учеството на Владата на Северна Македонија на „Сесрпското собрание“ под слоганот „Еден народ, едно собрание“ во Белград на 8 јуни 2024 година и присуството на вицепремиерот Иван Стоилковиќ на „Комеморативниот собир за жртвите на НАТО“ во Белград на 25 март; го осудува учеството на состаноци кои се обидуваат да воспостават сфера на влијание што го поткопува суверенитетот на земјата и стабилноста на регионот“.

Кочани 

Реслер и Стиер предлагаат и вметнување на член 5а поврзан со трагедијата во Кочани, кој би гласел: „Ја изразува својата срдечна солидарност со народот на Северна Македонија по трагичниот инцидент во ноќниот клуб на 16 март 2025 година, изразувајќи сочувство на жртвите и нивните семејства и давајќи им поддршка на нацијата во ова тешко време“.

Амандмани поврзано со настанот во Кочани предлагаат и други европратеници, но како нов член 28а. Така, Кипранецот Георгиу предлага тој да гласи: „Ја изразува својата длабока тага и солидарност со народот на Северна Македонија по разорниот пожар во ноќниот клуб „Пулс“ во Кочани на 16 март 2025 година, во кој беа загубени 59 животи, а над 150 лица беа повредени. Овој трагичен настан ги истакна критичните прашања во врска со јавната безбедност и усогласеноста со регулативата. Ги признаваме брзите активности преземени од властите на Северна Македонија, вклучително и приведувањето на лица осомничени за корупција и иницирањето на национални инспекции на места за забава за да се обезбеди почитување на безбедносните стандарди“.

Според либералните европратеници Барна, Пает, Ауштревичиус и Јар, пак, новиот член 28а би требало да гласи: „Со длабока тага го нотира трагичниот пожар во ноќниот клуб во Кочани, кој доведе до смрт на повеќе од 50 млади луѓе, а над 150 други беа повредени; ја поздравува брзата употреба на Механизмот за цивилна заштита на ЕУ и помошта што ја даваат земјите членки за спасување на што е можно повеќе животи; ги повикува македонските власти да ги направат сите потребни истраги и процедури за да ги изведат одговорните лица пред лицето на правдата и исто така да ја ажурираат и темелно да ја спроведат легислативата за да се спречат слични трагедии и да се обезбеди безбедноста на граѓаните“.

Вајц, од друга страна, предлага вметнување на член 35а поврзан со Кочани со содржина: „Изразува длабоко сочувство до жртвите и нивните семејства во трагедијата во Кочани, каде што беа загубени 59 животи, а над 150 лица, главно тинејџери и млади луѓе, беа повредени во пожар во ноќен клуб на 15 март 2025 година; повикува на темелна и транспарентна истрага за инцидентот и одговорните да бидат повикани на одговорност за да се обезбеди значајна одговорност; ги повикува сите политички актери да се воздржат од искористување на оваа трагедија за политичка корист и топло ја поздравува непосредната поддршка и солидарност што ја покажаа соседните и земјите од ЕУ, особено Грција и Бугарија, за давање медицински третман на жртвите“.

Изјаснувањето по предложените амандмани и по самиот Предлог-извештај за земјава од страна на членовите на АФЕТ е предвидено за 13 мај.

The post БУГАРСКИТЕ ЕВРОПРАТЕНИЦИ ЗБЕСНАА ЗА ИЗВЕШТАЈОТ ЗА МАКЕДОНИЈА Поднесени 313 амандмани appeared first on plusinfo.mk.

Врз основа на член 75 став 3 од Уставот, Собранието повторно го разгледува Законот и доколку го усвои со мнозинство гласови од вкупниот број пратеници претседателката е должна да го потпише указот.

Пратениците отфрлија два амандмани на СДСМ и два амандмани на Левица.

Двата амандмани поднесени од пратениците на СДСМ кој се однесуваа на бришење на член 9 за бришење на став 2 и да се избрише членот 10.

Пратеничката Јованка Тренчевска ги образложи амандманите од СДСМ. Во првиот амандман се бара бришење на ставот 2 во член 9 во кој се спомнуват двојазични лиценцаи за работа и се бара допрецизирање на одребдите на законот за дополна на Законот за заштита на децата поради одлуката на претседателката.

Во вториот амандман СДСМ предлага промена во членот 10 во врска со тоа како и на кој јазик се полага испитот на кандидатот за лиценца.

На расправата, исто така, беа отфрлени и двата амандмани поднесени од Левица. Пратеникот на Левица, Сашко Јанчев при образложување на амандманите потенцираше дека партијата бара во членот 10 став 1 и став 2 зборовите „и на јазикот што го зборуваат 20% од граѓаните на Република Северна Македонија и неговото писмо“ се бришат.

Тој посочи дека амандманот го предлага со цел предложеното решение да не биде спротивен на Амандман V од Уставот.

Јанчев нагласи дека со другиот амандман бараат во членот 9 став 2 зборовите „на јазикот што го зборуваат 20% од граѓаните на Република Северна Македонија и неговото писмо“ се менуваат со зборовите „на еден од службените јазици и нивните писма во зависност од мајчиниот јазик на кандидатот“. Посочи дека амандманот го предлага со цел предложеното решение да не биде спротивен на Амандман V од Уставот.

Овие амандмани предизвикаа политички препукувања и  обвинувања помеѓу пратениците на Левица и Коалицијата „Влен“.

Димитар Апасиев, пратеник на Левица нагласи дека со амандманот бараат зошто само на албански да му се издава уверение на некој кој полагал лиценца.

– Зошто не и на турски да му се издава, зошто не и на ромски да му се издава, зошто не на спрски да му се издава. Ние не сме бинационална држава. Ако сме мултиетничка ќе биде на сите, а не само на два јазика – рече тој.

Апасиев нагласи дека ВМРО-ДПМНЕ ја спроведуваат Тиранската платформа.

Пратеникот на „Влен“, Халил Снопче му возврати дека тој со неговата тајфа протестирале против Педагошкиот факултет, за да, како што рече, не може да се создаваат кадри кои ќе предаваат на албански јазик.

– Колку што повеќе права имам јас, тоа ќе се шири кај тебе. Ти ќе бидеш послободен. Тоа е и во врска со слободата. Ти не губиш ништо, ако јас добивам едно парче право – рече Снопче.

На ова, Апасиев одговори дека нема ништо против албанскиот јазик. Проблемот е, како што рече, е што „во вашиот иредентизам и вашата кусогледност вие не гледате дека градиме паралелни општества, дека младите Македончиња и младите Албанчиња се разбираат“.

The post НЕ ПОМИНАА АМАНДМАНИТЕ НА СДСМ И НА ЛЕВИЦА Се разгори расправата за Законот за заштита на децата appeared first on plusinfo.mk.

„Не е спорна овде, како што велите, совршеноста на буџетот којшто го скроила Владата, спорно е тоа што имаме амандмани коишто во најголем дел или веќе се со отпочната реализација или е обезбедена финансиската конструкција за реализација на тие проекти“.

Ова го изјави, пратеникот од редовите на ВМРО-ДПМНЕ, Бране Петрушевски, на неговото вечерно гостување во „Топ тема” на телевизија Телма. Во емисијата меѓу другото се дебатираше и за актуелното прашање, поврзано со досегашните амандмански расправи за државниот буџет и народните пари.

• Ѝ ЗАБЕЛЕЖА НА ВЛАСТА ДЕКА ТРОШИ ПАРИ НЕПРОДУКТИВНО, ПА СЕ ПОФАЛИ СО АМАНДМАН ЗА ПОВИСОКИ ПЛАТИ Филипче соопшти дека СДСМ ќе има 200 амандмани на буџетот

Во овој контекст, тој потсетува на неколку амандмани кои досега ги поднела опозицијата, а се неиздржани како што се амандманот за купување на автобуси, а веќе претходно Владата имаше најава за набавка на 120 автобуси, понатаму амандман за награда на припадници на АРМ кои учествувале во гаснењето на пожарите, кое е исто така реализирано, и за многу други проекти кои се веќе отпочнати и се во фаза на реализација.

– Ова што го говорам го поткрепувам со тоа што веќе опозицијата повлече над 30, скоро 40 амандмани од амандманската расправа, сама ги повлече затоа што увидоа самите за каков квалитет на амандманите се работи. Ова се само популистички амандмани коишто се направени набрзина колку да се обидат да, ете, придобијат некаков политички поен или некаков глас – потенцира Петрушевски.

Според него, освен квалитетот на самите амандмани, истовремено е спорен и кредибилитетот на поднесувачите на истите, во смисла на тоа дека моментално во рамките на пратеничките групи на опозицијата, пред сè на СДСМ, седат, во најголем дел, бивши министри за коишто поднесените амандмани не се ништо ново, односно нема никаква креативна идеја.

– Тоа се амандмани коишто се на маса со години наназад и ја имале целата можност, во изминатите 7 години, да ги реализираат тие проекти. Тука се поставува прашањето и за лицемерноста на опозицијата во делот на поднесувањето на такви амандмани затоа што кога ја имале можноста да го кројат буџетот, кога ги имале сите ресурси во свои раце, зошто тогаш не ја покажале грижата за тие проекти, па да отпочнат со реализација – заклучува Петрушевски.

The post АМАНДМАНИТЕ ЗА ПРЕДЛОГ-БУЏЕТОТ СЕ САМО ПОПУЛИЗАМ И ДОКАЗ ЗА ЛИЦЕМЕРИЕ Петрушевски дискутираше за двојните аршини на опозицијата appeared first on plusinfo.mk.

Ребалансот ги помина општиот претрес и амандманската расправа во Комисијата за финансирање и Буџет, по што Владата завчера, на 6 август, го донесе и дополнетиот ребаланс на Буџетот со кој, како што соопшти, се обезбедуваат плус средства – за плати и за набавка на опрема за повеќе институции.

Како што истакна на прес-конференција министерката за финансии Гордана Димитриеска-Кочоска, со подготвениот и надограден ребаланс се проектираат средства за целосно сервисирање на сите права и доспеани обврски до крајот на годината – за пензионерите, за вработените во администрацијата, за бизнисот, здравството,… Обезбедени се, нагласи, средства за исплата и зголемување на платите во јавната администрација согласно сите потпишани колективни договори.

– Се обезбедија надополнувања во Државната изборна комисија, Комисијата за заштита на конкуренцијата, Агенцијата за заштита на лични податоци, Оперативно-техничката агенција, Инспекцискиот совет, министерствата за внатрешни работи, за образование и за транспорт и врски, Царинската управа, судската власт, Јавното обвинителство, Советот на јавни обвинители, Народниот правобранител… Во Државната изборна комисија се дополни износ од 350 милиони денари, во Инспекциски совет 147.000 денари за набавка на опрема, во МВР 60.000.000 денари за набавка на материјали за лични документи, 87,2 милиони за дореализација на Проект Брана Отиња и дополнителни 20 милиони денари за надомест за одземен имот за Проектот Брана Отиња (експропријација), кај Македонската академија на науките и уметностите 18,7 милиони денари за научно истражувачки проекти и 3,3 милиони за набавка на опрема, како и 138.000 денари за дореализација за набавка на опрема кај Народниот правобранител – информира Димитриеска-Кочоска.

Со ребалансот се обезбедени 5,1 милијарда денари дополнително за исплата на пензии 800 милиони денари за корисниците на правото на гарантирана минимална помош, 1,7 милијарди денари за здравствена заштита, една милијарда денари за ТИРЗ, 1,7 милијарди денари за субвенции и трансфери за директна финансиска поддршка во земјоделскиот сектор дополнителни, за студентски оброк дополнителни 437 милиони денари, како и 207 милиони денари за исплата на стипендии, а издвоени се и шест милијарди денари за проекти во општините.

Расправата по дополентиот ребаланс на буџетот може да трае 3 дена.

На собраниската седница в понеделник има вкупно 34 точки.

The post РЕБАЛАНСОТ ВО ПОНЕДЕЛНИК НА СОБРАНИСКА СЕДНИЦА Ќе легнат ли бараните пари на сметките до крајот на август? appeared first on plusinfo.mk.

– Закажана на само еден час пред да започне официјално и покрај тоа што има многумина пратеници кои што не се од главниот град. Започна и рекордно заврши по само десет минути откако беше започната со работа таа комисија. Три дена трае расправата на оваа комисија, а вкупно не се има работено повеќе од еден час што е спротивно на сите деловнички одредби и што претставува еклатантно кршење на собранискиот Деловник – вели Стојаноски.

Според него со ова се ускратува можноста за јавна и собраниска расправа за да се скрие криминалот и скандалот кој што е содржан во овој закон.

– Имено како што кажав да потсетам на три моменти кои што се многу спорни. Тоа е што со овој закон се дозволува мултиплицирање на лиценците каде што ќе можат безброј компании да отвараат безброј места каде што ќе може да се приредуваат игри на среќа, каде што се дозволува онлајн коцкање на веќе однапред познати компании и каде што Министерството за финансии ќе треба да дава потврда во кои простории ќе треба да се организираат игрите на среќа. Скандалозното е што сите овие три инстанци ги врзува една политичка партија, а тоа е ДУИ. Бегаат од расправа и за компромисно прифатливи амандмани од повеќе пратенички групи кои што би биле прифатени доколку би имале расправа и од пратениците кои што доаѓаат од мнозинството и од опозицијата – истакнува Стојаноски.

Како што додава, министерот за финансии кој што е предложен од ДУИ денеска го одби амандманот, а претседателот на комисијата ја прекина комисијата пред да можат пратениците да се изјаснат дали тој амандман е прифатлив или е неприфатлив.

– Повторно како што кажувам, еклатантно и досега невидено прекршување на собранискиот Деловник. Насилнички и противделовнички и историско невидено насилие, почитувани граѓани се случува во Собранието. Боксовите од М-НАВ сега се заменети со прекршување на собранискиот Деловник и со самоволието во одлучувањето на работата на ова собраниско тело. Она кое што треба граѓаните да го знаат е дека овој закон бил изгласан на седница на Влада со која што претседавал Артан Груби од ДУИ, предлагач е Министерството за финансии чии министер е исто така од ДУИ, треба да го донесе собраниската Комисија за европски прашања предводена од ДУИ и на крај треба да го имплементира Дежавната лотариј исто така раководена од кадар на ДУИ со што се случува целосна партизација на овој сектор – посочува тој и потенцира:

„Ние денеска како пратеничка група предводена од ВМРО-ДПМНЕ и коалицијата „Обнова за Македонија“ испративме писмо до сите амбасади во Република Македонија со кое што побаравме амбасадорите одблиску да го следат носењето и импементирањето на овој закон и прекршувањето на сите деловнички норми. Овој скандал не смее да помине незабележително и токму затоа го бараме целото внимание и од граѓаните, невладините организации, политичките партии и претставниците на странските држави за да видат како во Македонија е возможно Комисјата за европски прашања да биде параван за легализирање на криминал и злоупотреба. Со овој начин на работа ДУИ го руинира угледот на Собранието на Република Македонија, угледот на Република Македонија и ја искривува перцепцијата која што граѓаните ја имаат за Европската Унија злоупотребувајќи ја Комисијата за европски прашања знаменцето кое што е ставено на овој закон со цел деловнички побрзо да се протурка. Ова е невиден скандал и невиден срам и ги повикуваме сите да реагираат за ваквото насилие веднаш да престане“.

The post НОВИОТ ЗАКОН ЗА ИГРИ НА СРЕЌА ГО КРИЕ КРИМИНАЛОТ НА ДУИ Стојановски вели дека ги повикале амбасадорите да го следат овој скандал appeared first on plusinfo.mk.

– За среќа, надвладеа разумот и огромна благодарност од мене, од граѓаните на Карпош, од општинската администрација, до советниците на СДСМ, Левица и ГРОМ и двајцата независни советници Невена Георгиевска и Александар Илиески, кои што ја видоа сериозноста која што се создава со неносење на Буџетот, но со жалење можеме да констатираме дека советниците од ВМРО продолжија со нивниот деструктивен однос. Тоа беше една демонстрација на еден циркуз во кој имаше викање, како и обид да не се продолжи седницата, најмалку јавено 20 пати процедурално, па навредувања. Замислете, оној што дава 4.000 амандмани, во кој што најмалку еден бил по еден денар, тие не биле насилни, ние сме биле насилници, кои со мнозинство го носиме буџетот? За жал, сценаристот и режисерот Христијан Мицкоски кој е граѓанин на Општина Карпош, и кој се обиде да ја блокира Општината во која што живее, улогата што му ја доделил на актерот Роберт Вељановски, како главна улога, на крај не успеа да ја додржи ниту споредната улога, туку беше исфрлен на овој кастинг кој што го спроведува останатиот дел од Советот на Општина Карпош. Сега, бидејќи не глуми онаму каде што треба да глуми, се обидува да глуми во Советот на Општина Карпош – истакна Јакимовски.

Задоволен од исходот на денешната седница, пред медиумите се обрати и претставникот од општинската администрација, Дејан Јонузоски.

– Голема благодарност од името на сите вработени од Општина Карпош. Благодарност до дел од советниците што ја подржаа нашата борба и го изгласаа буџетот. Ова беше една победа за целата администрација којашто и понатаму ќе продолжи да ги исполнува своите работни обврски – рече Јонузоски.

The post НА МИЦКОСКИ МУ ПРОПАДНА БЛОКАДАТА, СЛАБ МУ БЕШЕ ГЛУМЕЦОТ Градоначалникот на Карпош задоволен што се игласа буџетот appeared first on plusinfo.mk.