Известувачот за Македонија во Европскиот парламент Томас Вајц во текот на дебатата за европската иднина на земјите од Западен Балкан се заложи за нејзино наградување за напредокот и за спроведените реформи.

– Многу земји во регионот, а секако и Република Северна Македонија, покажаа напредок, спроведоа реформи, ова е видливо. Плаќањата се извршени кон земјата, постои динамика во оваа земја. Се работи на реформите што ги побаравме и ова треба да се награди. Можеби со делумна интеграција на пазарот и нашиот роаминг простор – рече тој.

Според Австриецот, целта е да не се изгуби мотивацијата во Македонија, додавајќи дека лично верува оти прашањата за идентитетот го растргнале регионот на Западен Балкан.

– Рани се отворени и навистина е многу важно кога една од овие земји ќе постигне напредок и ќе има добри односи со своите соседи. Не ни треба повторно регион со етнички проблеми – рече Вајц.

Тој посебно ги револтираше бугарските европратеници со алузиите кон Бугарија и нејзиното соучесништвото со нацистичкиот режим во Втората светска војна.

– Инвестирањето во помирување и во добри билатерални односи не е лесно. На Австрија ѝ беа потребни 40 години за да признае дека била соучесник во нацистичкиот режим – рече Вајц.

Кај членовите на ЕП од Бугарија наиде на гнев неговото видување за идентитетските прашања.

– Никогаш не би си дозволил да го доведам во прашање идентитетот на соседна земја. Исто како што не би си дозволил да го доведувам во прашање идентитетот на Бугарија, бидејќи таа беше под турска власт 500 години. Мора да бидеме свесни за реално остварливото градење добрососедски односи меѓу Република Северна Македонија и Бугарија. Имаме улога да го поддржиме градењето на овие добрососедски односи и да не ја занемариме темата – потенцира Вајц.

Тој предложи амандман за бришење на параграфот 73 од извештајот за Македонија, во кој се бара „реално остварливи резултати“ на Мешовитата комисија за историски и образовни прашања според Вториот протокол.

Зад оваа навидум строго техничка постапка лежи политички маневар: ако амандманот биде усвоен, текстот нема конкретно да го спомене Вториот протокол кон Договорот за добрососедство меѓу Северна Македонија и Бугарија.

Според бугарските медиуми, бугарските европратеници имаат помалку од еден месец да ги мобилизираат големите европски семејства и да го одбранат местото на Вториот протокол во резолуцијата, со цел да го спречат Вајц да го истурка надвор од Ивештајот за Македонија што на 6 јули ќе се најде на пленарна седница на Европскиот Парламент.

Во предметниот став се инсистира Заедничката историска комисија да постигне „јасни и опипливи резултати“, потпирајќи се исклучиво на „објективни, автентични и докажани историски извори и документи“, „во согласност со одредбите од Вториот протокол“. Терминот „заедничка историја“ е исто така присутен таму.

Во исто време, Вајц го остава ставот 71 недопрен, барем според јавно достапните информации, во кој важноста на Комисијата е наведена во многу поблага верзија и правилно е забележано дека самите историски толкувања не се дел од формалните критериуми за членство во ЕУ.

The post ВАЈЦ ПОБАРА ДА СЕ НАГРАДИ НАПРЕДОКОТ НА МАКЕДОНИЈА Поднесе и амандман со кој се ескивира Вториот протокол appeared first on plusinfo.mk.

Централниот совет на Македонците во Берлин упати апел до пратениците во Европскиот парламент да го поддржат Амандманот 108 на европратеникот Томас Вајц. Со амандманот се бара Правната служба на Советот на ЕУ да даде независно мислење дали Вториот билатерален протокол меѓу Македонија и Бугарија е дел од преговарачката рамка за членство во ЕУ. Од Советот велат дека досега нема јасна правна потврда за тоа, иако протоколот во пракса се третира како обврска во пристапниот процес.

Во соопштението се наведува дека протоколот содржи барања поврзани со македонскиот јазик, историја и национален идентитет, што, според Советот, создава правна несигурност и отвора сомнежи за можни прекршувања на основните принципи на ЕУ, меѓу кои забраната за дискриминација и почитувањето на националниот идентитет. Се посочува и дека Советот на ЕУ, при усвојувањето на преговарачката рамка, наводно не направил суштинска правна анализа на содржината на протоколот.

Во текстот се споменува и иницијативата на Лилјана Поповска пред Уставниот суд, со која се бара Вториот протокол да биде прогласен за ништовен. Таа тврди дека документот не е полноправен меѓународен договор, туку записник од заедничка комисија, кој не може да наметнува уставни и идентитетски обврски за државата.

Централниот совет потсетува и дека во мај 2026 година поднел жалба до Европската комисија против Бугарија поради, како што наведува, идентитетско-политички барања кон Македонија. Според нив, Амандманот 108 не зазема политичка страна, туку има цел да обезбеди правна сигурност, поголема доверба во процесот на проширување и почитување на европските вредности и владеењето на правото.

Во продолжение, целиот текст на апелот на Централниот совет на Македонците во Берлин:

Централниот совет на Македонците во Берлин упатува итен апел до сите пратеници во Европскиот парламент да гласаат за Амандманот 108 на европратеникот Томас Вајц (Verts/ALE, Одбор AFET) при претстојното гласање на пленарна седница во Европскиот парламент. Амандманот бара Правната служба на Советот на Европската унија да изготви независно мислење за тоа дали таканаречениот Втор билатерален протокол меѓу Република Бугарија и Република Македонија претставува дел од преговарачката рамка усвоена од Советот – или не.

За што конкретно станува збор

Во текот на пристапниот процес на Република Македонија, Република Бугарија постави низа барања од идентитетско-политичка природа, кои се вградени во Вториот билатерален протокол меѓу двете држави. Овој Втор протокол содржи одредби што директно ја засегаат положбата на македонскиот јазик, засебноста на македонската историја, како и постоењето и признавањето на македонскиот национален идентитет. Во политичкиот простор – а делумно и во службени документи – Вториот протокол фактички се третира како составен дел на преговарачката рамка, а со тоа и како дел на обврските за пристапување што Република Македонија треба да ги исполни.

Сепак, до денес не постои изрична и правно осигурана потврда за ваквото толкување од надлежните органи на Унијата. Токму тука се надоврзува Амандманот 108: тој не бара политичко прејудуцирање, туку само независно правно оценување на Правната служба на Советот.

Зошто правното оценување е толку важно во моментов?

Постојната неизвесност предизвикува значителна правна несигурност, која е проблематична од повеќе аспекти:

• Нејасни обврски: не може со сигурност да се утврди кои обврски од преговарачката рамка Република Македонија мора да ги исполни, а кои не.

• Можно прекршување на примарното право: постојат сериозни и добро образложени сомневања дека содржините на Вториот протокол воопшто не можат да бидат дел од преговарачка рамка. Тие ги засегаат забраната за дискриминација (член 2 ДЕУ), обврската за почитување на националниот идентитет (член 4 став 2 ДЕУ), начелото на лојална соработка (член 4 став 3 ДЕУ), забраната за дискриминација врз основа на државјанство (член 18 ДФЕУ) и правата гарантирани со член 21 од Повелбата за основните права.

• Дискутабилно суштинско разгледување од страна на Советот: при усвојувањето на преговарачката рамка, Советот – според достапните документи – не се произнесол суштински за конкретните содржини на Вториот протокол.

• Штета за македонските граѓани: сè додека прашањето останува нејасно, националниот идентитет, јазикот и историската самосвест на цел еден народ фактички стануваат предмет на тековни политички преговори.

Уставна иницијатива на Лилјана Поповска

Сомневањата во уставноста и законитоста на Вториот протокол веќе се предмет на судско разгледување во Република Македонија. Лилјана Поповска, поранешна пратеничка и потпретседателка на македонското Собрание и поранешна претседателка на партијата ДОМ, во 2025 година поднесе уставна иницијатива за оценка на уставноста и законитоста на Протоколот од втората седница на Заедничката меѓувладина комисија меѓу Република Македонија и Бугарија од 17. јули 2022 година, барајќи тој да биде прогласен за ништовен.

Нејзините клучни аргументи се:

• Вториот протокол не претставува полноправен меѓународно-правен акт, туку само записник од седница на заедничка работна комисија.

• Протоколот ги надминува правните рамки на подзаконски акт и како таков не може да наметнува измени на уставот, националното законодавство или идентитетските прашања.

• Протоколот нанесува тешки штети врз идентитетот на македонскиот народ, на македонскиот јазик и на македонската државата, поради што е неопходно тој да биде прогласен за ништовен и да се поведе нова, правно втемелена постапка.

Жалба до Европската комисија против Република Бугарија

На 12 мај 2026 година, Централниот совет на Македонците во Германија поднесе формална жалба до Генералниот секретаријат на Европската комисија против Република Бугарија поради повреда на правото на Унијата. Предмет на жалбата се идентитетско-политичките барања на Бугарија, кои преку Протоколот од 17. јули 2022 година се институционализирани во преговарачката рамка. Оспорени се особено одлуката на бугарскиот парламент од 24. јуни 2022 година, споменатиот протокол кој ја негира самостојноста на македонскиот јазик, идентитет и историја, како и блокадата на Втората меѓувладина конференција.

Оспорувањето на самостојноста на еден европски јазик создава конкретна правна несигурност за граѓаните на ЕУ со македонско потекло – особено за овластените преведувачи и толкувачи на македонскиот јазик, јазичните посредници во органите и судовите, наставниците по мајчин македонски јазик и учениците чии свидетелства го наведуваат македонскиот јазик како наставен предмет. Самостојноста на македонскиот јазик е признаена со ISO-кодовите (mk; mac/mkd), од Обединетите нации, ОБСЕ и бројни институции на ЕУ, а германскиот Бундестаг ја потврди со надпартиска одлука (документ 20/7203, јули 2023 година).

Што претставува Амандманот 108

Централниот совет нагласува дека Амандманот 108 не прејудицира никаква политичка одлука на Европскиот парламент. Тој не зазема страна ниту за Република Македонија, ниту за Република Бугарија и не содржи политичка оцена околу настанатата состојба. Тој само бара Правната служба на Советот да даде објективно, правно втемелено појаснување околу правната положба на протоколот. Една ваква непристрасна проверка е во интерес на сите страни: таа создава правна сигурност за преговарачкиот процес, ја зајакнува веродостојноста и довербата во процесот на проширување и го штити интегритетот на договорите.

Нашиот апел до пратениците на Европскиот парламент

1. Гласајте за амандманот 108 на европратеникот Томас Вајц.

2. Залагајте се – особено во рамките на вашата политичка група и пред известувачот – овој амандман да добие широко надпартиско мнозинство.

3. Придонесете ова прашање, кое е од значителна важност за примарното право на Европската Унија, да биде упатено до Правната служба на Советот.

Европската унија е заедница која се заснова врз владеењето на правото. Појаснувањето на едно вакво чувствително прашање – кое ги засега самоопределувањето на земја-кандидат и основните права на нејзините граѓани – не е само барање за правна сигурност, туку би претставувало и потврда на вредностите врз кои е изградена Унијата.

Централен совет на Македонците во Берлин, Сојузна Република Германија

The post МАКЕДОНЦИТЕ ВО ГЕРМАНИЈА СО АПЕЛ ДО ЕВРОПРАТЕНИЦИТЕ Гласајте за амандманот на Томас Вајц за Вториот протокол меѓу Македонија и Бугарија appeared first on plusinfo.mk.

Собранието денеска во рамки на 66. седница не ги донесе измените и дополнувањата на Изборниот законик со кои требаше да се регулира колкав процент потписи од вкупниот број избирачи запишани во изводот на Избирачкиот список на изборната единица (ИЕ) треба да соберат независните кандидати за учество на локалните избори.

Предлог измените и дополнувањата добија поддршка од мнозинството пратеници, но со оглед дека станува збор за решение кое се однесува на локалните избори, потребно беше да се гласа и по Бадентер. За предложените измени и дополнувања 18 од пратениците од помалите етнички заедници беа против, а 11 гласаа „за“.

Претпладнево измените беа ставени на дневен ред на собраниската седница за да бидат донесени по скратена постапка. Потоа за нив расправаа матичната Комисија за политички систем и односи меѓу заедниците и Законодавно-правната комисија.

Собраниската комисија за политички систем и односи меѓу заедниците ги проследи на натамошна постапка во Собранието, усвојувајќи го амандманот од Левица – кога подносител на листа на кандидати за пратеници е група избирачи, да биде потребно да се соберат најмалку 0,5 проценти потписи од запишаните избирачи во изводот на Избирачкиот список на изборната единица (ИЕ), наместо првично предложеното решение кое предвидуваше собирање потписи 0,95 проценти од запишаните избирачи.

The post НЕ ПОМИНАА ПРЕДЛОГ ИЗМЕНИТЕ ЗА НЕЗАВИСНИТЕ ЛИСТИ Немаше Бадентерово мнозинство за амандманот на Левица appeared first on plusinfo.mk.

Известувачот за Македонија во ЕП, Томас Вајц, ги искара бугарските пратеници кои го киднапираа извештајот за домашни цели. Ја пофали Македонија како лидер на Западен Балкан по реформите, нагласувајќи дека проширувањето треба да биде процес базиран на заслуги, врз основа на Копенхашките критериуми и ја повика Македонија да ги спроведе потребните реформи. Потенцираше и дека нејзиното пристапување е неправедно блокирано предолго поради билатерални спорови, поттикнувајќи ја јавната фрустрација и разочарување од ЕУ.

– Денеска го усвоивме првиот извештај за земјата од 2022 година. Македонија е лидер во регионот, покажувајќи вистинска посветеност на вредностите на ЕУ, вклучително и историска промена на името и смели реформи. Но, нејзиното пристапување е неправедно блокирано предолго поради билатерални спорови, поттикнувајќи ја јавната фрустрација и разочарување од ЕУ. Извештајот нагласува дека проширувањето треба да биде процес базиран на заслуги, врз основа на Копенхашките критериуми и ја повикува Македонија да ги спроведе потребните реформи. Ги повикувам сите политички партии во Македонија да се вклучат во конструктивен дијалог за да се постигне потребниот консензус, што би го зајакнал мултиетничкиот карактер на земјата и би го забрзал напредокот во ЕУ. Како известувач, неуморно работев за добро избалансиран и непристрасен извештај за демократскиот напредок на оваа земја. За жал, некои бугарски европратеници го киднапираа извештајот за домашни цели – изјави Вајц во Европарламентот.

The post НЕКОИ БУГАРСКИ ПРАТЕНИЦИ ГО КИДНАПИРАА ИЗВЕШТАЈОТ ЗА ДОМАШНИ ЦЕЛИ Вајц ја искара Софија, го пофали Скопје appeared first on plusinfo.mk.

Министерот за европски прашања, Орхан Муртезани, во гостување на ТВ Сител оцени дека изјавата на еврокомесарката Марта Кос, која го сведе македонскиот идентитет на „тавче-гравче и полнети пиперки“, ја отсликува европската перцепција за идентитетот како нешто што е природно, препознатливо и неоспорно.

Тој посочи дека таквиот пристап не важи за Балканот, особено не во односите со Бугарија, каде што, според него, се прават обиди за редефинирање на македонскиот идентитет преку европски документи.

– Во нашите односи со Бугарија, дури и една обична резолуција без обврзувачки карактер се проблематизира. Се инсистира да се стави зборот „модерен“ пред идентитетот и јазикот на државата, што е обид за диктирање на идентитетот од трета страна – рече министерот.

Муртезани нагласи дека ваквите барања се спротивни на основните принципи на Обединетите Нации и на европските вредности, и дека нивното прифаќање би значело сериозен удар врз преговарачкиот процес.

– Кога разговараме со партнерите во Европската Унија, тие ја разбираат штетата што може да ја предизвика еден ваков извештај, доколку во него се вметнат амандмани со зборот „модерен“ пред македонскиот јазик. Тоа би значело дека некој друг го диктира идентитетот и јазикот на една соседна држава, нешто што директно се коси со основните правила на Обединетите нации – изјави Муртезани.

Тој посочи дека постојат две спротивставени визии за европската интеграција на Македонија: една, поддржана од 26 земји членки кои бараат уставни измени како предуслов за отворање на преговорите, и друга – бугарската, која го условува процесот со дополнителни барања вон европската рамка.

Во однос на Планот за раст за Западен Балкан и реформската агенда, изјави дека нашите 136 чекори, се целосно хармонизирани со скрининг извештаите и сите поглавја во преговарачката рамка.

– Фокусирањето на реформите сега, освен што носи пари, го подобрува животот на граѓаните, ни помага во подигање на стандардите и усогласување со европските, ни помага да завршиме дел од работата сега кога сме блокирани од Бугарите и ќе ни служи кога формално ќе ги отвориме преговорите – рече тој.

The post СЕ ОБИДУВААТ ДА ДИКТИРААТ ИДЕНТИТЕТ СПРОТИВНО НА ВРЕДНОСТИТЕ НА ЕУ Муртезани вели дека Европа знае колку е штетен зборот „модерен“ пред „јазик“ appeared first on plusinfo.mk.

Премиерот Христијан Мицкоски  вели дека сè може се да очекува, и дека ништо не би го изненадило во врска со најавените спорни амандмани од бугарски европратеници за Извештајот за Македонија во кои се бара пред македонскиот јазик да стои зборот „модерен“.

– Очекувам секаков инженеринг во Европскиот парламент (ЕП) и, јас би бил многу, многу повнимателен, бидејќи се водам од максимата не ги слушај што зборат, гледај ги што прават – рече премиерот Христијан Мицкоски.

Во репликата на изјавата на заедничката прес – конференција со еврокомесарката Марта Кос, која изјави дека „никој не може да ни ги одземе специјалитетите како тавче гравче, пинџур и полнети пиперки“, премиерот посочи дека за него македонскиот идентитет не се само македонските специјалитети туку и Гоце Делчев и Даме Груев и Сандански.

– За мене мојот идентитет не е само прекрасната македонска кујна, туку е и Гоце Делчев и Шапкарев, и Миладиновци и Илинденското востание и Дамјан Груев и Јане Сандански… Не знам дали ќе го споделат истото мислење и колегите од исток, но тоа се луѓето кои се дел од нашиот идентитет, македонски идентитет – рече Мицкоски.

Тој потенцира дека е секогаш малку повнимателен кога станува збор за идентитетот, поради досегашното тридецениско искуство на земјата.

– Да тоа, е така дека ние го носиме со нас, длабоко во нас. Но, морам да признам дека овие повеќе од три децении ние изгубивме голем дел од нашиот идентитет менувајќи знаме, менувајќи име, неколку пати менувајќи Устав. И во услови кога немаме гаранција дека ова ќе биде последна идентитетска отстапка која ние треба да ја направиме, јас би бил многу, многу повнимателен, бидејќи се водам од максимата не ги слушај што зборат, гледај ги што прават. А тоа што го направија и сè уште прават дел од пратениците во ЕП од нашиот источен сосед, нема никаква врска со европските вредности – потенцира Мицкоски.

The post НЕ ГИ СЛУШАЈ ШТО ЗБОРУВААТ, ТУКУ ШТО ПРАВАТ ВО ЕВРОПАРЛАМЕНТОТ Мицкоски ги коментира амандманите за извештајот за Македонија appeared first on plusinfo.mk.

Македонија нема механизам да го спречи евентуалното усвојување на амандманот кон Извештајот на Европската комисија за напредокот на Македонија кој треба да биде изгласан на почетокот на јули, но ќе направи сè за да упати на разум.

Со вакви зборови одговори министерот за надворешни работи и надворешна трговија Тимчо Муцунски на прашањето што ако биде донесен амандманот со кој бугарски европратеници бараат да стои придавката „модерен“ пред македонски јазик во извештајот.

Муцунски потсетува дека не е мала работа што извештајот на австрискиот европратеник Томас Вајц, во кој се споменува македонскиот идентитет беше усвоен во Комитетот за надворешни работи (АФЕТ) на Европарламентот со огромно мнозинство, спротивно од писмото на бугарскиот претседател Румен Радев и изјавата на лидерот на ГЕРБ, Бојко Борисов, кој рече дека „ништо фатално не се случило“.

– Тоа што со огромно мнозинство беше усвоен извештајот за Македонија во АФЕТ за мене е историски момент. Велам дека не е триумфален, но е историски момент поради неговата содржина во која се споменува македонскиот идентитет. Ќе повторам, тоа не е мала работа – изјави Муцунски на денешната прес-конференција на која даде отчет за сработеното во првата година од мандатот.

Министерот потсети дека Македонија има многу пријатели кои ја разбираат ситуацијата во која се наоѓа земјава во спорот со Бугарија.

– Не сме членка на ЕУ, за тоа не се прашуваме, но, тоа што го имаме се многу пријатели во ЕУ кои ни посакуваат успех. Со нашиот ангажман ќе направиме сè што можеме да направиме за да упатиме на разум во Европарламентот. Да не дозволиме воопшто да се помисли колку би било страшно европарламентот да се впушти во создавање нов македонски идентитет, што е толку спротивно на европските принципи. Посакуваме да веруваме дека ќе ЕУ ќе постапи согласно сопствените вредности – порача Муцунски.

Според него, Бугарија во последните недели влегува во опасна реторика и ако мисли дека бранењето на македонскиот идентитет е говор на омраза, тогаш имаме уште поголем проблем во спорот.

– Проверете ги сите изјави на владата и на МНРнТ, таму нема ниту една изјава со говор на омраза. Ако Софија го смета нашето инсистирање на македонскиот идентитет за омраза, тогаш проблемот е уште поголем. Како земја кандидат правиме сè да создадеме свест за тоа што ѝ се правело на Македонија во последните 30 години во меѓународните односи, но и контекст за тоа што се ѝ се прави сега на Македонија – рече Муцунски во врска со наводите дека бугарскиот премиер Росен Жељазков добил гаранции од претседателот на Европскиот совет Антонио Кошта дека ќе биде спроведена Преговарачката рамка договорена во 2022 година.

На прашањето да ја коментирата изјавата на бугарскиот министер за надворешни работи Георг Георгеив, во која Гоергиев за БГНЕС тврдеше дека добил клучно уверување од Австрија дека земјата нема да ја смени својата позиција за Македонија и за Преговарачката рамка, Муцунски вели:

– Колешката министерка од Австрија беше тука во посета, навратете се на нејзините изјави и позиции. Кај огромно мнозинство членки во ЕУ има силно разбирање за фрустрациите на Македонија на европскиот пат. Има дури и свест дека тоа што ѝ се прави на Македонија е нелегитимно во политиката на проширување. Замислете, во минатото, имаше бранови на проширување на ЕУ со по повеќе земји, интензивна политика. За жал, Софија во последниот период се однесува ретроградно и тоа не користи никому. Политиката на Софија исто така ги оттуѓува граѓаните на Македонија и на Бугарија.

Македонија инсистира на силни гаранции дека уставните измени ќе бидат последниот услов на европскиот пат и дека нема да има билатеризирање на спорот.

Во светло на извештајот на Европската комисија кој беше усвоен и чека на гласање во Европарламент кое треба да се случи на почетокот на јули, координаторот на пратеничката група на конзервативната Европска народна партија (ЕПП), Михаел Галер, предложи амандман со кој пред терминот македонски јазик во текстот ќе стои „модерен“.

Македонскиот премиер Христијан Мицкоски оваа недела изјави дека излегла на виделина „руската политика“ на Софија кон Скопје и дека ЕУ ја увидела бугарската тактика за редефинирање на македонскиот идентитет.

На сличен став е и првиот дипломат Муцунски кој ги повтори црвените линии велејќи дека е срамно ако Софија навистина има за цел да нѐ редефинира.

– Срамно е нашиот сосед да мисли дека може членството во ЕУ да го користи за редефинирање на македонскиот идентитет. Постојано велам дека Софија во последно време влезе во опасен наратив. Ние имаме неколку црвени линии од кои нема поместување. Тоа се јазикот, идентитетот и културно-историското минато кое мора да биде потврдено, но исто така и имплементација на пресудите од Европскиот суд за човекови права во Стразбур – истакна Муцунски.

The post МАКЕДОНИЈА ЌЕ УПАТИ НА РАЗУМ ВО СТРАЗБУР ПРОТИВ „МОДЕРНИОТ“ АМАНДМАН Не е мала работа што ЕУ разбра што прави Бугарија, смета Муцунски appeared first on plusinfo.mk.

Извештајот за напредокот на Македонија кој помина во Комитетот за надворешни работи на Европарламентот (АФЕТ) беше усвоен по жестока битка со амандмани од страна на бугарски европратеници и европратеници на германската демохристијанска ЦДУ.

Комитетот за надворешни работи (АФЕТ) на Европскиот парламент денеска со 40 гласови „за“, 19 „против“ и 10 „воздржани“ го усвои Предлог-извештајот за земјава подготвен од австрискиот европратеник Томас Вајц. По гласањето бугарски европратеник најави дека како додаток на Извештајот ќе предложат дополнение со „мислење на малцинството“.

– Европратеникот Михаил Галер од ЦДУ/ЦСУ предложи амандман пред македонски јазик да стои одредницата „модерен“ македонски јазик, во корист на Бугарите. Станаа шестмина од групата на Патриотите и го блокираа амандманот на Бугарија. Претседателот на АФЕТ Дејвид Мекaлистер повика да се гласа извештајот на Томас Вајц. Бугарскиот европратеник Ивајло В’лчев направи скандал и потоа беше дадена пауза – вели извор за Плусинфо.

„Сите страни заслужуваат да бидат сослушани пред да се заземат позиции за било кои прашања“, им упати порака Мекалистер на бугарските пратеници кои приговараа и ги осудија како нешто несвојствено и неприфатливо за Европскиот парламент средбите и разговорите на известувачот со македонски политичари и функционери.

По усвојувањето на документот, Вајц кој воедно е и известувач на ЕП за земјава, порача дека е горд на целата напорна работа што била вложена во изнаоѓањето компромиси со цел „овој добро избалансиран извештај“ да може да биде донесен со широко политичко мнозинство.

– ЕУ мора да остане обединета со своите соседи во предизвикувачкиот геополитички пејзаж со кој се соочуваме. Северна Македонија припаѓа во ЕУ. По 20 години преговори, мора да го одржиме моменталниот добар моментум за понатамошно унапредување на процесот на проширување – додаде Вајц во писмената изјава по гласањето.

Сега по усвојувањето од страна на АФЕТ, останува Извештајот да биде одобрен на пленарно заседание на Европскиот парламент. Следното пленарно заседание на ЕП е закажано за од 7 до 10 јули во Стразбур.

Галер од ЦДУ/ЦСУ најави дека истиот амандман пред македонски јазик да стои одредницата „модерен“ ќе биде предложен и на пленарката каде што конечно треба да биде усвоен извештајот.

Бугарскиот европратеник Станислав Стојанов од националистичката партија Преродба на почетокот на месецов го обвини Вајц дека имал „ненајавени средби“ со македонските власти во текот на подготовката на Извештајот и дека ги нарушил правилата за транспарентност на Европскиот парламент, со што, според него, предложениот документ е компромитиран и необјективен.

Претседателот на АФЕТ, Мекалистер, ги осуди обвинувањата упатени изминативе недели на сметка на Вајц околу начинот на подготовката на Извештајот, посочувајќи дека практика е известувачот да биде во контакт со претставници на земјата за која се однесува документот што го подготвува.

Премиерот Христијан Мицкоски пред два дена откри дека добил вознемирувачки информации за координирани обиди во Брисел повторно да се атакува врз македонскиот јазик и идентитет.

– Успеавме да го амортизираме ударот кој што повторно некој сакаше да го нанесе врз македонскиот идентитет и јазик – изјави Мицкоски, нагласувајќи дека најголемиот дел од европратениците застануваат зад македонските аргументи.

Премиерот истакна дека веднаш по добиените информации, заедно со министерот за надворешни работи, реагирале координирано за да се спречи ваквата закана.

– Контактирав со сите од Брисел, и мислам дека успеавме некако да го амортизираме ударот – некој се обидуваше да создаде нова нација преку формулации како „модерен“ или „сегашен“ македонски јазик. Тоа не само што би нè поништило нас, туку би го нарушило и кредибилитетот на ЕУ – рече премиерот.

МИЦКОСКИ ОТКРИ УДАР ОД БРИСЕЛ, САКАЛЕ ДА НÈ ИЗБРИШАТ Македонскиот јазик не се допишува, тој се брани, рече премиерот

The post ЛОБИРАЊЕТО НА МИЦКОСКИ ВРОДИ СО ПЛОД, БЛОКИРАН АМАНДМАН ЗА МАКЕДОНСКИОТ ЈАЗИК Пред македонски јазик нема да стои „модерен“ appeared first on plusinfo.mk.

– Барам да се повлечат со цел побрзо да дојдеме до амандманите предложени од мнозинството, па да видиме за таму како ќе се изјасни мнозинството, а и за да дискутираме за тоа што го бараат пратениците со амандманите кои се поднесени од нив – рече тој.

На седницата беа одбиени три амандмани предложени од пратеничките Моника Зајкова и Маја Морачанин.

Пратеничката Вјолца Адеми од ДУИ побара пауза поради тоа што сака да предложи амандман и дека им е потребно време да го подготват амандманот. По ова барање на пратеничката, претседателот на Комисијата за европски прашања Арбр Адеми даде пауза од еден час.

Стојаноски нагласи дека лицемерно е власта да каже дека сака да ги заштити учениците и притоа во овој закон дозволува онлајн коцкање со никаква забрана за тоа каде може да биде имплементирано.

– Во дневните соби и во училниците ќе влезе онлајн коцкањето со овие три лиценци потпишани од Артан Груби. Партизацијата на овој сектор или дуизацијата или артанизацијата која што е присутна можете да ја видете насекаде, од оние фирми кои ги добиваат тендерите на Државна лотарија, од директорот, од управните и надзорните одбори на сите овие компании кои добија лиценци а се четири на број – три лиценци за онлајн коцкање и едно за видеолотарија. Тука не се работи дека некој сака да ги заштити учениците и коцкарниците да ги тргне надвор од училиштата. Ако се сакаше тоа да се направи, тоа можеше да се направи само со една измена во членот 10 – рече Стојаноски.

Со измените и дополнувањата на Законот за игри на среќа и за забавни игри се предлага ограничување на просториите во кои се приредуваат електронските игри на среќа, односно да може да се приредуваат само во простории на посебните игри на среќа за кои имаат добиено согласност од Министерството за финансии.

Со цел да се намали неограниченото отворање на уплатно-исплатните места кај обложувалниците, односно на деловните простории кај автомат клубовите, а со тоа и да се оневозможи лесниот пристап на населението до игрите на среќа, се предлага воведување на ограничување на бројот на уплатно-исплатни места на обложувалниците со издадената лиценца, како и ограничување на бројот на деловните простории на автомат клубовите што се отвораат со една издадена лиценца и воведување на надомест за секое ново уплатно-исплатно место за обложувалница и за секоја нова деловна просторија за автомат клуб.

Измените на Законот предвидуваат соработниците на друштвото кое поднело барање за лиценца или кои сакаат да влезат во постојно друштво кое има лиценца за игри на среќа да мора да поседуваат репутација, а деловните простории во кои се приредуваат игри на среќа во обложувалница и автомат клуб, томболата од затворен тип и електронските игри на среќа да се наоѓаат на оддалеченост не помалку од 500 метри од основни и средни училишта. Начинот на мерење на оддалеченоста, како што стои во предлогот, ќе се утврди со правилник пропишан од министерот за финансии.

Покрај тоа, со измените и дополнувањата се воведува надзорен информациски систем за приредувачите на електронските и интернет игри на среќа, се зголемува месечниот надомест за лотариските и електронските игри на среќа, се посочува дека електронските игри на среќа ќе можат да се приредуваат во простории каде што се приредуваат посебните игри на среќа за кои имаат добиено согласност од Министерството за финансии и се воведува нов начин на пресметка и плаќање на посебната давачка кај приредувачите на посебните на среќа (казина, обложувалници и автомат клубови). Воедно, се зголемува надоместот за издавање на лиценца за обложувалница од 105.000 евра на 200.000 евра, се ограничува бројот на уплатно-исплатни места на 25 со една издадена лиценца. За секое следно уплатно-исплатно место над 25-тото, приредувачот плаќа надомест во износ од 10.000 евра. Се зголемува и надоместот за издавање на лиценца за автомат клуб од 78.750 евра на 100.000 евра. Се прецизира дека лиценцата за приредување на игри на среќа во автомат клуб се однесува за три деловни простории и се воведува надоместок во износ од 30.000 евра. Се зајакнува регулативата и во делот на интернет игрите на среќа со имплементирање на препораката на Комисијата за принципите за заштита на потрошувачите и играчите на онлајн услугите за коцкање и за спречување на малолетници од коцкање преку интернет.

The post ВМРО-ДПМНЕ ГИ ПОВЛЕЧЕ АМАНДМАНИТЕ ЗА ЗАКОНОТ ЗА ИГРИ НА СРЕЌА Се очекува тоа да ја забрза дискусијата appeared first on plusinfo.mk.

„Претседателот Африм Гаши ја презентираше иницијативата на Алтернатива за поднесување на уставен амандман со кој ќе се исклучи кривичната застареност за политичката корупција, односно ќе се спречеше неказнивоста на корупцијата поврзана со политиката“.

„Оваа иницијатива мора да го надмине етничкиот дискурс и да се фокусира на владеењето на правото како приоритет за целото општество. Претседателот Гаши за овој амандман ја побара американската поддршка, бидејќи е еден од најголемите чекори предложени досега, со директна цел борба против политичката корупција“, се вели во соопштението на Алтернатива.

За уставниот амандман би се разговарало во рамки на најавените уставни измени како дел од францускиот предлог.

The post УСТАВЕН АМАНДМАН ПРОТИВ КОРУПЦИЈА Гаши и Агелер зборувале како да се спречи застарувањето на кривичните дела appeared first on plusinfo.mk.