Српскиот тениски ас Никола Јокиќ повторно се најде на удар на противнички кошаркар, овојпат на гостувањето на Денвер кај Мемфис во НБА-лигата. Кем Спенсер го удри српскиот центар со лакт во меѓуножјето, во обид да го спречи неговото движење без топка.

Јокиќ реагираше кон судиите, а кошаркарот на Мемфис беше казнет за неспортскиот потег.

Инцидентот се случи на натпреварот што Денвер го доби со 123:118. Спенсер по ударот падна на паркетот, оставајќи впечаток дека самиот бил фаулиран, но судиите го санкционираа неговото постапување, пренесува српскиот „Мондо“.

Јокиќ не дозволи инцидентот да го исфрли од ритамот. Натпреварот го заврши со 27 поени, 11 скока и осум асистенции, останувајќи на само две асистенции од нов трипл-дабл.

Денвер имаше и 18 поени предност во текот на натпреварот, но Мемфис успеа да ја врати неизвесноста во завршницата.

Cam Spencer just intentionally hit Jokic in the…

I know coach said “play ball” but not that ball man! https://t.co/gvwsBWO68F

— Razed NBA (@RazedNBA) November 12, 2026

Џамал Мареј беше најефикасен кај победниците со 30 поени и осум асистенции. Особено се истакна во последната четвртина, кога постигна 17 поени.

Камерон Џонсон додаде 23 поени, вклучувајќи важна тројка по асистенција на Јокиќ, со која Денвер стигна до предност од 120:113 на нешто повеќе од една минута пред крајот.

Сличен инцидент се случи и на 27 февруари годинава, на натпреварот меѓу Денвер и Оклахома Сити. Тогаш Лу Дорт намерно му го попречи движењето на Јокиќ и го сопна додека српскиот центар трчаше кон спротивната половина. Јокиќ бурно реагираше, по што дојде до турканица меѓу кошаркарите на двата тима.

Судиите го исклучија Дорт поради неспортска лична грешка од втор степен. Во официјалното образложение на НБА беше наведено дека неговиот потег бил непотребен, прекумерно груб и со висок ризик од повреда. Јокиќ и Џејлин Вилијамс добија технички грешки поради меѓусебната пресметка.џ

The post 📽️ НЕ ЗНАЕШЕ КАКО ДА ГО СОПРЕ ЈОКИЌ, ПОСЕГНА ПО ВАЛКАН ПОТЕГ Српскиот ас возврати со одлична партија appeared first on plusinfo.mk.

Кошаркарскиот ас Никола Јокиќ стана вториот кошаркар во историјата на НБА што забележал 200 трипл-дабл остварувања во регуларната сезона. Српскиот центар ја достигна историската бројка во победата на Денвер над Њу Орлеанс со 104:91. Пред него тоа му успеало единствено на Расел Вестбрук, кој ја заврши кариерата со рекордни 209 трипл-дабл остварувања.

Јокиќ го одигра натпреварот со 21 поен, 13 скока и 10 асистенции. За 31-годишниот Србин ова беше втор трипл-дабл во новата сезона, а јубилејниот 200. го постигна во својата 12. сезона во НБА.

Вестбрук, кој летово се пензионираше, до рекордот стигна во текот на 18 сезони. Интересно е што и тој го забележа својот 200. трипл-дабл додека настапуваше за Денвер.

На Јокиќ сега му недостигаат само 9 вакви остварув ања за да го израмни рекордот. Со уште 10 ќе стане новиот рекордер во историјата на најсилната кошаркарска лига.

Денвер ја контролираше играта против Њу Орлеанс и во првото полувреме имаше предност од 22 поена. Домаќините успеаја да ја намалат разликата на само 5 поени во последната четвртина, но гостите ја сочуваа победата.

Џамал Мареј постигна 23 поени за Денвер, додека Арон Гордон додаде 15 поени и 11 скока. Кај Њу Орлеанс најефикасен беше Зајон Вилијамсон со 25 поени.

Јокиќ и Денвер веќе еднаш го совладаа истиот противник во новата сезона, но на многу подраматичен начин. На 24 октомври, тимот надомести негатива од 23 поени и победи со 141:135 по продолжение.

Српскиот центар тогаш забележа 35 поени, 15 скока и 10 асистенции. Тоа беше неговиот 199. трипл-дабл, додека Мареј ја предводеше офанзивата со 42 поена.

Меѓу двата натпревара против Њу Орлеанс, Денвер загуби од Голден Стејт со 134:114. Тимот ја започна сезоната со 2 победи и 2 пораза.

Јокиќ минатата сезона забележа дури 34 трипл-дабл остварувања. Во првите 4 натпревари од сезоната 2026/27 веќе има две, а неговиот просек изнесува 22 поени, 10,5 скока и 9 асистенции.

The post МАГИЧНАТА БРОЈКА 200 ГО ВНЕСЕ ЈОКИЌ ВО ИСТОРИЈАТА НА НБА Само еден кошаркар стигнал дотаму, рекордот е на дофат appeared first on plusinfo.mk.

Српскиот кошаркарски ас Никола Јокиќ повторно ја помести историјата на НБА, со трипл-дабл што ја крена салата на нозе и ги потсети сите зошто важи за, можеби најкомплетниот кошаркар на планетата. Во триумфот на Денвер Нагетс против Чикаго Булс од 136-120, српскиот ас стигна до својот 182. трипл-дабл во кариерата.

Nikola Jokić passed Oscar Robertson for 2nd on the all-time triple-doubles list with a superb performance!

22 PTS (7-12 FGM)
14 REB
17 AST
4 BLK pic.twitter.com/t4gy5WkuAj

— NBA (@NBA) February 8, 2026

Асот има 22 поени, 17 асистенции и 14 скока. Бројки што не се само статистика, туку изјава. Со ова остварување, Јокиќ го мина легендарниот Оскар Робертсон и се искачи на вечната листа на трипл-дабл учинок. Пред него остана само уште едно име, неговиот поранешен соиграч Расел Вестбрук, со 207 вакви натпревари.

Јокиќ веќе по три четвртини беше двоцифрен во сите три категории. Контролираше темпо, читаше одбрана и делеше асистенции со ладна прецизност. Денвер, на неговите крилја, ја прекина серијата од три порази и испрати јасна порака дека повторно фаќа ритам.

Во стрелачкиот дел, чекор пред Јокиќ беа само Џамал Мареј со 28 поени, 11 асистенции и 3 скока, како и Тим Хардавеј Џуниор со 23 поени.

The post 📽️ 182. ТРИП-ДАПЛ ГО ВНЕСЕ ВО ИСТОРИЈАТА Јокиќ го надмина Робертсон и го крена Денвер appeared first on plusinfo.mk.