Специјалниот претставник на рускиот претседател за инвестиции и економска соработка, Кирил Дмитриев, изрази увереност дека Москва и Вашингтон се блиску до дипломатско решение за прекин на војната во Украина.

Дмитриев, кој пристигна во Вашингтон вчера, во интервју за Си-Ен-Ен изјави дека евентуалната втора средба меѓу претседателите Владимир Путин и Доналд Трамп не е откажана и дека двајцата лидери би можеле да се сретнат на друг датум.

Дмитриев по пристигнувањето во Вашингтон рече: „Верувам дека Русија, САД и Украина се всушност доста блиску до дипломатско решение“. Специјалниот претставник на Кремљ не даде детали.

– Фактот што претседателот Зеленски сега признава дека ова се бојни линии е голем потег од негова страна. Знаете, неговиот претходен став беше дека Русија треба целосно да се повлече, па всушност мислам дека сме релативно блиску до дипломатско решение – додаде специјалниот претставник на Кремљ.

Дмитриев пристигна во Вашингтон само неколку дена откако САД воведоа санкции врз две од најголемите руски нафтени компании – Росњефт и Лукоил во обид да се изврши притисок врз Москва да ја заврши војната во Украина.

Тој вели дека новите санкции ќе имаат спротивен ефект.

– Тие само ќе доведат до зголемување на цената на бензинот на американските бензински пумпи – рече Дмитриев.

Рускиот дипломат одби да одговори на прашањето со кои американски претставници ќе се сретне. Според „Аксиос“, Дмитриев ќе разговара со специјалниот пратеник на Белата куќа, Стив Виткоф, во текот на денов.

The post РУСИЈА И САД СЕ БЛИСКУ ДО ДИПЛОМАТСКО РЕШЕНИЕ ЗА УКРАИНА Путин и Трамп би можеле да се сретнат на друг датум appeared first on plusinfo.mk.

Горди сме што бевме ваш партнер во изминативе 30 години, рече Агелер, во кои бевме сведоци на значителни промени во овој период, но, подвлече, пред вас има уште многу предизвици.

– Сега повеќе се фокусираме на вашето лидерство и инвестирање во три клучни области: подобрување на економската продуктивност, поттикнување на младите да преземат активна улога во иднината на земјата и намалување на корупцијата. Последново – намалувањето на корупцијата – е важно затоа што корупцијата во која било форма ја оневозможува оваа земја да напредува во економска, социјална, образовна и структурна смисла, за кои знаеме дека може и треба да продолжи да ги постигнува. Иако чекорите по патот кон ЕУ, корупцијата продолжува да го кочи напредокот на Северна Македонија преку забавување на економскиот раст и поттикнување на најталентираните млади луѓе од земјата да бараат можности во странство – оцени амбасадорката Агелер.

УСАИД го одбележа 30-годишниот јубилеј со културно-уметничка програма во осум градови во земјава, а со денешната манифестација во Скопје завршија активностите по повод јубилејот.

The post КОРУПЦИЈАТА ВЕ КОЧИ НА ПАТОТ КОН ЕУ Американската амбасадорка ни постави дијагноза appeared first on plusinfo.mk.

Овие обвинувања доаѓаат во време кога западните земји ја обвинуваат Москва за трупање трупи на границата со Украина, наводно со намера да ја нападне земјата во наредните недели и месеци – намера која Кремљ постојано ја отфрла во јавноста.

Минатата недела, Си-Ен-Ен тврдеше дека „група оперативци“ обучени за урбана војна и употреба на експлозиви биле испратени да „извршат акти на саботажа против сопствените сили на Русија“ за да создадат изговор за воена интервенција во Украина. Со други зборови, Русија може самата да се нападне себеси, за да има оправдување за идната окупација.

– Русија ги поставува основите за да има можност да создаде изговор за окупација, вклучително и преку диверзантски активности и информативни операции, обвинувајќи ја Украина дека подготвува неизбежен напад против руските сили во источна Украина – неодамна изјави Џејк Салива, американскиот советник за национална безбедност.

The post РУСИТЕ ЈА ЕВАКУИРАЛЕ АМБАСАДАТА ВО КИЕВ Пред војна, секој ги повлекува своите appeared first on plusinfo.mk.