Легендата на алпското скијање, Американката Линдзи Вон, и натаму се соочува со здравствени проблеми и води тешка битка по падот на олимпискиот спуст во Кортина д’Ампецо. Во интервју за магазинот „People“, таа призна дека сè уште има потешкотии при одењето и дека закрепнувањето е многу потешко отколку што очекувала.

– Мојот скочен зглоб сè уште е скршен и тоа ме загрижува – изјави 41-годишната Вон.

Нејзините бројни фанови очекуваа побрзо враќање, но и повеќе од пет месеци по несреќата, Вон вели дека закрепнувањето сè уште не е завршено. Дополнителен проблем претставуваат и бројните повреди што ги имала во текот на кариерата, кои го забавуваат процесот на рехабилитација.

Во еден период таа беше во инвалидска количка, а потоа се движеше со помош на штаки.

Американката откри дека моментот кога повторно почнала да оди без помагала бил исклучително емотивен за неа. Во меѓувреме, започнала и со тренинзи во теретана како дел од процесот на рехабилитација.

Вон беше меѓу познатите личности кои присуствуваа како специјални гости на финалето на Светското првенство, што во неделата се одржа во Њујорк.

The post ЛЕГЕНДАТА СÈ УШТЕ СТРАДА Вон откри колку е тешко враќањето по повредата appeared first on plusinfo.mk.

Американката Микаела Шифрин по шести пат во својата кариера го освои Големиот кристален глобус, како севкупна победничка во Светскиот куп во алпско скијање.

Шифрин до големиот триумф дојде, откако успеа по денешната последна велеслаломска трка сезонава да ја зачува предноста пред конкурентката Ема Ајхер од Германија.

Американката влезе со 85 бодови предност пред Ајхер во пресрет на трката во Хафјел, која Шифрин ја заврши на 11 место, а Ајхер на крајот беше едно место подолу.

За Шифрин ова е шеста титула во Светскиот куп во алпско скијање по 2017, 2018, 2019, 2022 и 2023 година, со што се израмни со претходната рекордерка, Австријката Анемари Мозер Прел.

Шифрин, која во кариерата има 110 победи во трките во Светскиот куп, покрај шесте Големи глобуси, има освоено и 12 Мали глобуси (девет во слалом, два во велеслалом и еден во супер велеслалом). Покрај тоа, минатиот месец ја освои својата втора олимписка титула во слалом.

The post СКИЈАЧКАТА КРАЛИЦА Е НЕЗАПИРЛИВА Шести Голем глобус за Микаела Шифрин appeared first on plusinfo.mk.

Македонската скијачка Јана Атанасовска со победи на натпреварувањата во слалом во Австрија и во Италија освои најмногу ФИС поени во историјата на македонското алпско скијање.

Откако на слаломот во италијанскиот ски-центар Пампеаџо во понеделникот заврши третопласирана и освои 30.66 ФИС поени, Атанасовска на истата патека следниот ден ја заврши слаломската трка на првото место и освои нови 23 ФИС поени.

Атанасовска денеска победи на двете слаломски трки во австриски Хинтерајт освојувајќи вкупно 46.85 ФИС поени.

„Честитки до Јана и до нејзиниот тренер Александар Атанасовски-Чаве, за посветеноста и извонредниот труд. Овој успех е голема инспирација за македонското скијање и за сите млади спортисти . Со овој успех, Македонија пишува историја“, објави Скијачката федерација на Македонија на својот Фејсбук профил.

The post ЈАНА АТАНАСОВСКА ДОНЕСЕ ИСТОРИСКИ УСПЕХ ЗА МАКЕДОНСКОТО СКИЈАЊЕ Три победи во слалом во Италија и во Австрија appeared first on plusinfo.mk.

Скијачката легенда Линдзи Вон доживеа тежок пад за време на спуст трката на Зимски олимписки игри 2026, а првичните информации од лекарите звучат загрижувачки – во моментов најважно е да ѝ се спаси ногата.

41-годишната Американка по несреќата итно била пренесена со хеликоптер во болница, каде што започнала детална проценка на повредите.

Францускиот специјалист за повреди на колено, д-р Бертран Сонери-Коте, објасни дека станува збор за исклучително комплексна повреда, какви што најчесто се гледаат при тешки сообраќајни несреќи.

– Ќе минат неколку месеци пред да може нормално да оди. Нејзината прва цел е да ја задржи ногата и повторно да може да стои. Во овој момент темата за врвно скијање и враќање на патеките не треба ни да се отвора – изјави лекарот.

Тој предупреди дека ваквите повреди можат да остават последици до крајот на животот, а во најтешките случаи исходот може да биде и ампутација.

Вон низ кариерата повеќепати се соочуваше со сериозни повреди, особено на лигаментите на коленото. И покрај тоа, секогаш се враќаше на патеките.

И овојпат таа не се предава. Според нејзините зборови, претходната повреда на лигаментите не била причина за падот во Милано–Кортина, ниту пак влијаела на тежината на сегашната повреда.

Сепак, пред неа сега стои најголемиот предизвик, не борбата за медал, туку борбата за сопственото здравје.

The post БОРБА ЗА НОГАТА НА ЛИНДЗИ ВОН Лекарите предупредуваат на сериозна опасност appeared first on plusinfo.mk.

Воздушното перниче под натпреварувачкото одело и  уред „црна кутија“ станаа клучниот детал по драматичниот пад на американската скијачка Линдзи Вон. Според Асошиејтед Прес, токму тие два елементи од опремата најверојатно го ублажиле ударот од падот на Олимпијадата што можеше да има далеку потешки последици.

Задолжителниот систем за воздушна перница, вграден во оделото, се активирал автоматски во моментот кога Вон ја изгуби контролата. Алгоритмот реагира кога телото влегува во неконтролирано движење, а перничето се надувува за дел од секундата, штитејќи ги градниот кош, грбот и виталните органи.

Марко Пасторе, кој работи на безбедносниот систем за „Даинезе“, рече дека воздушната перница се отпушта по околу 20 секунди, па тоа веројатно се случило додека Вон лежела на снегот по падот. Компаннијата „Даинезе“ ќе се обиде да пронајде еден вид сензор за „црна кутија“ што би можел да открие податоци за падот, се вели во статијата на АП.

– Таа ја носеше кога ја однесоа со хеликоптерот. Значи, сè уште не сме ги добиле податоците – рече Пасторе.

Директорот на женските трки Питер Гердол изјави дека делот од патеката кајшто падна Лизи не бил значително различен од претходните години. Сепак, анализите сега ќе се потпрат токму на податоците од „црната кутија“, кои треба да покажат дали причината била брзината, аголот или комбинација од фактори.

Падот се случи само 13 секунди по стартот на олимпискиот спуст во Милано, на патеката Олимп ија деле Тофане. Иронично, тоа е стаза на која Вон има 12 победи и вкупно 20 подиуми. Шест пати триумфирала во спуст и шест во супер-џи. Ниту една друга натпреварувачка нема таква историја на ова место.

Искуството, сепак, не беше доволно. Во клучната десна кривина со заден наклон, нерамнината ја фрли Линдзи во воздух. Таа се обиде да ја врати рамнотежата, но слета со скиите нормално на линијата за спуштање. Следуваше серија превртувања и уште еден удар во портата, по што застана на средина од патеката, далеку од заштитните мрежи.

Кога конечно застана, скиите ѝ беа свртени во спротивни насоки, а таа лежеше речиси неподвижна. Помошта пристигна по неколку напнати минути, а Вон беше префрлена со хеликоптер. Овој пат, технологијата можеби ја направи разликата меѓу тешка несреќа и трагедија.

Kолешката на Линдзи Вон, Американката Бризи Џонсон, настапуваше под истото американско знаме и како дел од истиот национален тим стигна до златото.

На социјалните мрежи одекна пораката на тренерот на Линдзи, легендарниот норвешки скијач, Аксел Лунд Свиндал. Тој откри што им кажала Линдзи на лекарите и на публиката во Кортина по нејзиниот пад.

„Линдзи. Ти си неверојатно храбра. Ги инспирираш луѓето што го следат твоето патување и оние од нас што работат со тебе секој ден. Вчера беше тешко. За сите, но најмногу за тебе. Но, се случи нешто што многу зборува за тебе. ‘Честитки и кажи ѝ на Бризи дека одлично се справила со работата’, рече во моментот кога твојата соиграчка Бризи Џонсон беше на првото место. Тоа е пораката по која сакаше да те паметат пред да бидеш однесена со хеликоптер во болница“, напиша Аксел Лунд Свиндал, додавајќи:

„Вистинскиот карактер излегува на површина во најтешките моменти.“

Тој, исто така, ѝ честиташе на победничката Бризи Џонсон за златниот медал.

The post ВОЗДУШНО ПЕРНИЧЕ ЈА СПАСИЛО ЛИНДЗИ ВОН ОД ПОГОЛЕМА НЕСРЕЌА? Првите зборови по падот ја покажуваат нејзината спортска големина appeared first on plusinfo.mk.

Американската алпска скијачка Линдзи Вон доживеа тежок пад на почетокот на своето возење на денешната трка во спуст на Олимписките игри во Кортина.

Вон по страшниот пад остана да лежи на патеката и да чека помош од медицинскиот тим. Снимката покажа дека левата нога на Вон се извиткала неприродно по падот. Натпреварувањето беше времено прекинато. Хеликоптер ја пренесе Вон во болница.

Американката дојде на Олимпијадата со повреди. Таа падна за време на натпреварувањето од Светскиот куп во Кран-Монтана (Швајцарија) на 31 јануари, што резултираше со скинат преден вкрстен лигамент, модринка на коската и скинат менискус на левата нога.

За состојбата на Вон се чекаат официјални информации од организаторите на Олимпијадата во Италија.

LA CAÍDA DE LINDSEY VONN.#MilanoCortina2026 pic.twitter.com/jBPRHbnr9e

— Eurosport.es (@Eurosport_ES) February 8, 2026

BREAKING: American Olympic skier Lindsey Vonn airlifted by helicopter after crashing in downhill skiing https://t.co/LiA7mc2j9W pic.twitter.com/syUhDvs48O

— Rapid Report (@RapidReport2025) February 8, 2026

Женскиот спуст на Зимските олимписки игри во моментот повторно е во прекин, откако Канде Морено од Андора го повреди коленото по тежок пад.

The post 📽️ ОЛИМПИСКА ДРАМА Линдзи Вон се струполи на теренот, хеликоптер ја одвезе од терените appeared first on plusinfo.mk.

Американската скијачка Микаела Шифрин со убедлив триумф во денешниот слалом во Шпиндлеров Млин забележа уште една победа во Светскиот куп во алпско скијање и воедно го обезбеди Малиот кристален глобус во оваа дисциплина.

За Шифрин ова е 108. победа во Светскиот куп и деветта титула во слалом, со што уште еднаш ја потврди својата доминација во оваа дисциплина.

Второто место го освои Швајцарката Камил Раст, која заостана една секунда и 67 стотинки зад победничката, додека на третата позиција се пласираше Германката Ема Ајхер со заостанување од 2,18 секунди.

Во пласманот во слалом, Шифрин има 780 бодови, што се недостижни 288 бодови повеќе од Раст, која се наоѓа на второто место.

Американката води и во генералниот пласман со 1.133 бодови, пред Камил Раст, која има 963 бодови.

Ова беше последниот слалом пред Зимските олимписки игри во Милано и Кортина, што дополнително ја нагласува важноста на триумфот на Шифрин.

The post МОЌНА ПОРАКА ДО КОНКУРЕНЦИЈАТА ПРЕД ОЛИМПИЈАДАТА Шифрин е незапирлива, Американката го обезбеди Малиот глобус appeared first on plusinfo.mk.

Македонскиот олимписки комитет (МОК) го објави тимот кој ќе нѐ претставува на Зимските олимписки игри во Милано и Кортина ди Ампецо. Македонија на овие Олимписки игри што ќе се одржат од 6 до 20 февруари 2026 година ќе ја претставуваат четворица спортисти, двајца во нордиските и двајца во алпските дисциплини.

Честа да ја претставуваат Македонија на Зимските олимписки игри во нордиските дисциплини ќе ја имаат: Ана Цветановска – Спринт и Интервал старт на 10 километри и Ставре Јада – Спринт и Интервал старт на 10 километри.

Во алпските дисциплини честа да го претставуваат црвено – жолтиот тим ќе ја имаат: Јана Атанасовска – слалом и велеслалом и Мирко Лазарески – слалом и велеслалом.

The post ТИЕ ЧЕТВОРИЦА ЌЕ НЀ ПРЕТСТАВУВААТ НА ЗИМСКИТЕ ОЛИМПСКИ ИГРИ Македонија ќе учествува во 4 дисциплини appeared first on plusinfo.mk.

Американската легенда на алпското скијање, 41-годишната Линдзи Вон, испиша историја во Светскиот куп со триумфот на спустот во Сент Мориц, станувајќи највозрасната победничка во натпреварувањето. Со оваа победа, Вон го урна рекордот што претходно ѝ припаѓаше на Италијанката Федерика Брињоне и го надмина подвигот на швајцарскиот великан Дидие Куше.

Вон освои прво место со време од 1:29.63 минути – резултат што ја донесе до нејзината 83. победа во кариерата и вкупно 44. во дисциплината спуст. Ова е нејзин прв триумф во Светскиот куп по повеќе од седум и пол години.

Италијанката Брињоне, која годинава победи во супервелеслаломот во Ла Туил на 34-годишна возраст, досега беше носителка на рекордот. Пред неа, швајцарскиот ас Дидие Куше го држеше машкиот рекорд со победата во Кран Монтана во 2012 година на 37-годишна возраст.

Со денешниот успех, Вон уште еднаш докажа дека е една од најдобрите што некогаш ги имало алпското скијање – и дека возраста понекогаш е само бројка.

The post 41-ГОДИШНАТА ВОН ИСПИША ИСТОРИЈА ВО СВЕТСКИОТ КУП Американката стана највозрасна победничка во алпското скијање appeared first on plusinfo.mk.

Со победата во велеслаломот во Крањска Гора, Словенија, во неделата, американската скијачка ѕвезда Микаела Шифрин го израмни рекордот на Линдзи Вон од 82 победи во Светскиот куп.

Погледнете детали од оваа извонредна победничка трка:

По водството од 0,24 секунди во првото возење, Шифрин заврши со 0,20 секунди пред Швајцарката Лара Гут-Берами, а на подиумот се најде и одличната скијачка од Словачка, Петра Влхова.

– Бев многу нервозна пред оваа трка. Не знам зошто, можеби малку и поради 82. Навистина сакав добро да скијам и успеав, просто не ми се верува – изјави Микаела по победата.

Во животна форма

Шифрин е во животна форма. Во последните трки таа триумфираше пет пати едноподруго. А токму оваа сезона фановите на Микаела ја очекуваа со загриженост, откако таа на Зимските олимписки игри во Пекинг минатата година не успеа ни да се качи на подиумот.

Сега веќе сите очекуваат таа во наредните недели сигурно да дојде до својата 83 победа во Светскиот куп и да ја остави зад себе славната Вон. Со тоа, Шифрин ќе стане најголемата женска ѕвезда во историјата на овој спорт.

Нејзиниот следен предизвик ќе биде да го собори рекордот на Стенмарк, кој победи во 86 трки од 1975 до 1989 година. Ако стаса до посакуваната 87. победа, Микаела ќе има најмногу победи во кариерата од кој било скијач во историјата.

Првата шанса за Шифрин е Сестриере, Италија, следниот викенд. Таму таа ќе вози велеслалом и слалом. Потоа Светскиот куп продолжува со уште 13 слаломи и велеслаломи.

Успони, но и падови

Своите рекордни 82 победи (засега само толку), Микаела Шифрин ги оствари во само 12 сезони. За истиот резултат на Вон ѝ беа потребни 18 сезони, а на Стенмарк 16 сезони. Вон имаше 33 години кога ја постигна својата последна победа, додека Швеѓанецот – една година помалку. Микаела во март ќе наполни 28 години. Тоа самото по себе зборува многу.

Треба да се каже и тоа дека успонот на Шифрин не одеше праволиниски. До првата побеца во Светскиот куп стаса на возраст од 17 години. Ова беше таа незаборавна трка:

Веќе на 18 години, на слаломот во Сочи, Микаела Шифрин освои златен олимписки медал. До 17 март 2019 година, на само четири дена по нејзиниот 24. роденден, таа имаше освоено 60 победи во Светскиот куп и сите очекуваа да ги надмине Вон и Стенмарк во наредните две сезони.

Тогаш нејзината кариера тргна низбрдо. Се соочи со лична трагедија, но и со повреда. Непосредно пред почетокот на сезоната на Светскиот куп во 2020 година, почина нејзината 98-годишната баба. Шифрин сепак победи на шест трки, од ноември до крајот на јануари 2021 година. Но, веќе не победуваше со темпото од нејзината претходна сезона. Во февруари 2020 година почина и нејзиниот татко Џеф, од повреда при несреќа во семејниот дом во Колорадо.

По смртта на нејзиниот татко, Шифрин отсуствуваше од ски-трките повеќе од 300 дена. Таа сепак се врати и победи во три трки, со што нејзиниот вкупен скор достигна 69. Иако до Олимпијадата во 2002 година таа освои уште четири трки во Светскиот куп, во Пекинг доживеа вистински дебакл.

Четири сезони пред „пензија“

Вистинското враќање на Шифрин на победничкиот трон беше означено со победите во слаломите од Светскиот куп во Леви, Финска. Сега веќе е извесно дека нејзиниот сон може да се оствари и до крајот на оваа сезона, најдоцна можеби во наредната.

Микаела не планира да се „пензионира“ пред Олимпијадата во 2026 година, чии домаќини ќе бидат Милано и Кортина д’Ампецо во Италија. Но, Олимпијадата е далеку, а пред неа има неколку сезони и многу трки во Светскиот куп.

Тајната на успехот

Која е тајната на успехот на оваа спортистка?

На прво место се неспорниот талент, речиси совршената техника и студиозноста на нејзините тренинзи. Кој сака да научи нешто во врска со ова, нека го погледне ова видео:

За разлика од многу свои конкурентки во Светскиот куп, Шифрин плени со својата сестраност. Освен што е подеднакво успешна во слалом и во велеслалом и секогаш е кандидат за подиумот, таа често се впушта и во брзинските трки, во супер-џи и во спуст. Понекогаш тоа е исцрпувачка и можеби погрешна тактика, но Микаела скија „со срце“ и секогаш го дава максимумот.

Освен тоа, таа и по својата телесна и психичка конституција, како и по начинот на кој живее, е комплетна спортистка и атлета. Погледнете детали од нејзиниот спортски живот, на кој е целосно посветена:

Се чини дека скијањето, тренинзите и натпреварите се животот на оваа Американка. Тоа не е лесно. Познато е дека големите спортисти жртвуваат многу од своите приватни животи. За среќа, олеснителна околност за Микаела е што таа е во врска со Александер Килде, кој и самиот е успешен алпски скијач. Погледнете како се согласуваат двајцата:

До следната победа на Микаела – само право кон целта!

The post ПОРТРЕТ НА ДЕВОЈКАТА ШТО ЌЕ СТАНЕ НАЈУСПЕШЕН АЛПСКИ СКИЈАЧ НА СИТЕ ВРЕМИЊА Микаела Шифрин пет победи зад Ингемар Стенмарк appeared first on plusinfo.mk.