Десет службени лица, меѓу кои тројца од Бирото за јавни набавки, се осомничени дека ја оштетиле подружницата АД ЕСМ-РЕК Битола за 2,9 милиони евра кршејќи елиминирајќи една од понудите за јавна набавка за ископ на јаловина во централата РЕК Битола, соопшти Основното јавно обвинителство Битола.

„Иако фирмата доставила доказ дека ги исполнува условите за техничка и професионална способност од тендерската документација, тие сепак ги оцениле ваквите докази како неприфатливи и ја отфрлиле понудата“, соопшти ОЈО Битола.

Од десетмината, 7 лица се сомничат дека како соизвршители на делото ја злоупотребиле службената положба. Тројца од нив се членови за Стручната комисија со овластување да извршат евалуација на понудите на јавна набавка за избор на фирма за ископ на јаловина во РЕК Битола и притоа го скршиле Законот за јавни набавки.

Три лица од Бирото за јавни набавки се осомничени дека се се соизвршители на дело несовесно работење во службата, односно го пропуштиле должниот надзор при управната контрола на постапката за тендерот.

„Обвинетиот директор на РЕК Битола го прифатил предлогот за избор на најповолна понуда содржан во Извештајот на Комисијата за спроведување на јавната набавка иако бил спротивен на одредбите од Законот за јавни набавки и на 03.10.2022 склучил договор за ископ на инвестициска откривка во Рудникот Брод Гнеотино со РУД-КОП увоз-извоз ДООЕЛ Битола во износ од 708.000.000 денари со ДДВ.

Потоа, во септември 2023 година, директорот склучил и анекс кон договорот со кој вредноста на јавната набавка ја зголемил за дополнителни 20% односно за 120.000.000 денари, со што исто така постапил спротивно на Законот за јавните набавки, бидејќи претходно не извршил дополнителна анализа на исплатливост и не ги дообезбедил потребните парични средства кои според законските одредби требало да бидат обезбедени во целост пред склучување на договорот.

Службените лица од Бирото за јавни набавки, обвинети за несовесно работење, извршиле увид во целокупната документација поврзана со јавната набавка и требало да утврдат дека понудата на еден економски оператор е незаконски отфрлена, но тие пропуштиле тоа да го сторат и на договорниот орган противправно му дале инструкции да продолжи со постапката за јавна набавка и да го склучи договорот.

Надлежниот јавен обвинител до Основниот суд во Битола достави предлог за одземање на противправно прибавената имотна корист од 178.370.319 денари која како резултат на сторените кривични дела од обвинетите била исплатена на правното лице ДПТУ РУД-КОП увоз-извоз ДООЕЛ Битола. Оваа имотна корист во текот на постапката, по барање на Основното јавно обвинителство Битола е предмет на привремена мерка за обезбедување имот и средствата се замрзнати на сметка до донесување пресуда“, соопшти ОЈО Битола.

The post 10 ЛИЦА ОСОМНИЧЕНИ ЗА КРИМИНАЛ ТЕЖОК 2,9 МИЛИОНИ ЕВРА ВО РЕК БИТОЛА Намерно отфрлиле понуда на тендерот за ископ на јаловина? appeared first on plusinfo.mk.

Како што информираат за МИА од АД ЕСМ, понудената цена за ископан јаглен изнесува 49,85 денари за гигаџул, а за ископан кубен метар јаловина 214 денари. Вкупната финансиска рамка изнесува 1,44 милијарди денари за период од 12 месеци.

„Избраниот економски оператор би се ангажирал по налог на Подружница РЕК Битола,  согласно потребите на рударско– енергетскиот комбинат. Во период кога изведувачот нема да биде ангажиран, АД ЕСМ нема да има финансиски импликации.  Станува збор за ангажман за период од една година или до исцрпување на средствата предвидени во финансиската рамка,  во зависност од тоа кој услов ќе биде прв исполнет“, велат од АД ЕСМ.

„Топлина“, додаваат, пријавила четири оператори како подизведувачи „ГД Гранит“ Скопје, „Градба Промет“ Кавадарци,  „Илинден“ Струга и „Топ Билд“ од Скопје. Во својство на техничка поддршка се пријавени фирмите „Форса АС“ од Скопје  и „Машинокоп“ од Кавадарци.

The post ИЗБРАН НАЈПОВОЛЕН ПОНУДУВАЧ ЗА ИСКОП НА ЈАГЛЕН ВО РЕК БИТОЛА Познати се деталите од јавниот повик appeared first on plusinfo.mk.

Водата што истече од рудникот Тораница во Крива Река не содржи хемикалии, се работи за техничка вода, соопшти компанијата.

Оттаму информираат дека вчера во 6.30 часот одговорни вработени лица во рудникот  констатирале дефект на водоводна цевка, низ која тече вода што е зафатена во јамите на рудникот и истата понатаму се користи како техничка вода, со цел да се намали зафаќањето на вода од приодните водотеци.

„Согласно протоколите за работа и пропишаните нормативи во А‐Еколошката интегрирана дозвола, протокот на вода во овие цевководи е веднаш сопрен и пристапено е кон санирање на оштетената цевка. Истовремено, согласно прописите, по писмен пат се известени надлежните органи, вклучително и Државниот инспекторат за животна средина. Покрај тоа што протокот на вода е веднаш сопрен, водата веќе присутна во цевководот продолжува да тече до целосно негово празнење, а поради значителната висинска разлика истекот формира поројно течение, поради што се заматува и коритото на Крива Река,“ соопшти компанијата.

Водата од цевководот за јамска вода, освен природни, механички нечистотии, како ситни честички и зрна од карпести материјали, мобилизирани од поројниот тек, не содржи никакви хемиски или друг вид супстанци и материи кои се резултат на технолошкиот процес од флотацијата во рудникот, се додава во соопштението. По интервенцијата на техничката служба, се наведува, цевката веднаш е во целост санирана и системот за управување со јамски води работи нормално.

„Сакаме да ја информираме пошироката јавност дека при вчерашната случка е истечена вода која се зафаќа во рамките на јамата на рудникот и истата понатаму се користи како техничка, со цел да се намали искористувањето на чисти површинска води. Категорично тврдиме дека овие води не содржат никакви хемиски или друг вид супстанци и материи кои се резултат на процесите на флотација или депонирање на јаловината во Рудник Тораница“, велат од компанијата.

Бидејќи се работи за заматена вода со зголемени концентрации на ситни честички и зрна од карпести материјали, уверени сме дека можните влијанија врз екосистемот на Крива Река и нејзината околина се краткотрајни и целосно реверзибилни, се додава во соопштението.

„Како одговорна компанија сакаме да изразиме благодарност до сите инволвирани субјекти во овој случај за навремената реакција и секако, до жителите на Крива Паланка и околните населени места за нивното разбирање. Дополнително, во соработка со сите надлежни органи и институции транспарентно ќе работиме на процена и елиминирање на можните влијанија и благовремено ќе ја информираме јавноста за оваа тема“, соопштија надлежните од Рудник Тораница.

• ЈАЛОВИНА ОД „БУЛМАК“ ИСТЕЧЕ ВО КРИВА РЕКА Дефектот е саниран, следат мерки и санкција за компанијата

The post ОД РУДНИКОТ ТОРАНИЦА Е ИСТЕЧЕНА АТМОСФЕРСКА ВОДА Можните влијанија врз екосистемот на Крива Река се краткотрајни, соопшти компанијата appeared first on plusinfo.mk.

Дефект на цевка на излезот од флотацијата во „Булмак“ предизвика излевање јаловина во Крива Река, при што реката е загадена од излезот на Тораница долж целиот тек.

Општинскиот инспектор за животна средина Зоран Павловски информира дека по увид на местото утврдено е дека хаваријата се случила на цевка со профил Ф-250 милиметри на излезот на флотација до таложниците.

– На самата локација веќе нема истекување на јаловина, екипа од рудникот работи со механизација на санација на цевката, но при пукањето на цевката истечена е неодредена количина концентрат – јаловина по асфалтен пат со нагиб кон Крива Река. Загадена е целата река, од рудникот долж течението, што секако ќе има последици. Се очекува да биде завршена поправката и уште еднаш ќе нагласам, при увидот констатирано е дека нема веќе истекување јаловина – рече Павловски.

Од Државниот инспекторат за животна средина велат дека од добивање на информација по е-пошта и телефонска комуникација со одговорното лице за животна средина за случен еколошки инцидент, од страна на двајца државни инспектори за животна средина од Крива Паланка-Зоран Стојнев и Пробиштип-Благој Игновски од Одделението за инспекциски надзор во животната средина-Североисточен и Источен регион, врз основа на налог за вонреден инспекциски надзор издаден од в.д директор на ДИЖС м-р Ивана Гиновска извршeн е вонреден инспекциски надзор на лице место во правниот субјект БУЛМАК 2016 ДООЕЛ Пробиштип подружница Рудник Тораница Крива Паланка кој поседува А-Интегрирана Еколошка Дозвола издадена од МЖСПП, Управа за животна средина, а надлежна институција за вршење на инспекциски надзор е ДИЖС, објави Државен инспекторат за животна средина на својот фејсбук профил.

„При вршење на вонредниот инспекциски надзор на лице место беа присутни претставници од горенаведениот правниот субјект Антонио Антовски и Стојанче Велков, а од изјава на одговорното лице сме известени дека на ден 14.03.2025 година во 6:30 часот дошло до пукање на главниот цевковод за технолошка вода во должина околу 6 метри. Со овој цевковод се снадбува со технолошка вода погонот Флотација. Овој цевовод ги зафаќа јамските води и дел од Тораничка река. При пукање на цевката со димензии ф-350 и поради големиот притисок кој доаѓа од големата висинска разлика, водата се излеала низ индустрискиот круг и во делот кај главниот влез во рудникот се влеала во Тораничка река каде дошло до заматување на истата, по што како така заматена вода се влеала во Крива река“, соопшти Државен инспекторат за животна средина.

„Од изјава на одговорните лица ДИЖС е известен дека јамската вода која се користи како технолошка е механички заматена од работните активности во јамските простории односно движење на јамската механизација, движење на работниците во просториите и други работни активности. Околу 15.00 часот е заменета целосно цевката, со што е отстранета опасноста од понатамошно неконтролирано излевање на јамска вода“, стои во објавата.

По комплетирање на целосната документација и инспекциската постапка, ДИЖС ќе има посебен пост за превземените мерки и санкции спрема правното и одговорното лице во правното лице предвидени со законската регулатива, надедуваат од Државен инспекторат за животна средина.

The post 📽️ ЈАЛОВИНА ОД „БУЛМАК“ ИСТЕЧЕ ВО КРИВА РЕКА Дефектот е саниран, следат мерки и санкција за компанијата appeared first on plusinfo.mk.

На денешната прес конференција Николоски изнесе детали за овој тендер во РЕК Битола и јавно упати прашања до инволвираните фактори.

– Би сакале да го прашаме менаџерскиот тим на Електрани на Македонија, а особено шесте лица потпишани на договорот за јавна набавка, кој е нивниот мотив или да бидам попрецизен, кој е нивниот финансиски интерес да спроведат и да потпишат ваков тендер?

Дали разликата од 30% помеѓу избраната понуда и најниска понуда е можеби мотивот за овие шест лица, директори во РЕК Битола да потпишат ваков криминален тендер, а претходно да постават критериуми кои што одговараат само на една компанија?

Дали во криминалната постапка извршиле намерно зголемување на критериумите за учество на јавната набавка со цел, како што кажав, само една компанија да ги исполнува, што е директно прекршување на Законот за заштита на конкуренција?

Дали намерно или ненамерно направиле превид, дека фаворизираниот економски оператор Марковски компани со истата механизација веќе учествува на два други тендери што е спротивно на закон?

Дали ова значи дека истата машина ќе биде платена трипати за иста дневна работа и дали ова значи дека денот во РЕК Битола нема 24, нема 48, туку има 72 часа?

Ова значи дека Марковски компани ќе работи на три паралелни тендери со иста механизација, затоа што претходно со договор од 17.11.2023 за ангажирање на помошна механизација за потребите на рударската оператива од 03.10.2023 година за ископ на јаловина со градежна оператива ја понудил истата работна сила и рударско-градежна механизација како и на новиот тендер од 46 милиони евра.

Исто така раководството на Електрани на Македонија свесно и намерно дозволило во условите на тендерската документација да нема забрана и злоупотреба, односно да може да се користи истата опрема и истиот кадар.

Понатаму, еден од критериумите за утврдување на техничката способност бил идниот економски оператор да има извршено ископ од најмалку еден милион тони јаглен или 8 милиони тони јаловински маси кумулативно во последните три години.

Во претходната постапка која исто така ја добил Марковски компани се барало да има само ископ на јаловина од пет милиони кубици. Значи, во оваа тендерска постапка се бара да има ископано 8 милиони тони кубици јаловина, а во претходната да има ископано 5 милиони кубици јаловина, а разликата од 3 милиони кубици јаловина е токму толку колку што Марковски компани има ископано помеѓу двата тендери. Значи, практично расте критериумот како што растат тендерите на Марковски компани со цел дискриминирање на останатите, а фаворизирање на еден економски оператор со цел никој друг да не може да учествува.

Ова и бројни други факти говорат за сериозниот криминал кој се случува во РЕК Битола во корист на само една компанија за што најдобар доказ се јавните набавки кои Марковски компани ги има добиено во РЕК Битола.

Само во периодот од јануари 2021 година до февруари 2024 година, односно за 3 години Марковски компани има добиено 58 тендери во РЕК Битола во вкупна вредност од 163 милиони евра.

Само со последниот тендер можат да се изградат половина од сите средни училишта во Македонија, а со вкупниот број тендери можат да се изградат сите средни училишта во Македонија и да останат пари и за спортски сали и за базени и да имаме комплетна преродба на македонското образование.

Но, власта не го прави тоа туку решава да работи за своите криминални потреби.

Повикувам надлежните органи, јавното обвинителство пред се сите тендери кои ги има добиено Марковски компани и да каже како е возможно за само 3 години да добиле тендери во вредност од 163 милиони евра, 58 на број, а исто така повикувам ЈО да испита зошто шесте директори на РЕК Битола прво не сакале, а потоа решиле да ја потпишат спорната јавна набавка за ископ на јаглен и јаловина во вредност од 46 милиони евра.

Доколку тоа не го стори сега ЈО ќе го стори ослободеното ЈО по претседателските и парламентарните избори на 8 мај, по кои и точка и запирка ќе биде прегледана и сите кои прават криминал ќе одговараат – рече Николоски.

The post МАШИНИТЕ НА МАРКОВСКИ ПЛАТЕНИ КАКО ДА РАБОТЕЛЕ 72 ЧАСА ДНЕВНО! Николоски тврди дека тендерите на РЕК Битола биле кроени по мерка на една компанија appeared first on plusinfo.mk.

Градската водоводна мрежа црпи вода од бунарскиот систем Грдовски орман, кој со капацитет од околу 300 литри во секунда е прв и најголем таков комплекс во непосредна близина на речното корито на Брегалница, низводно од браната Калиманци.

Од комуналното претпријатие „Водовод“ информираа дека внимателно ја следат состојбата.

– Исправноста на водата за пиење од градскиот водовод на Кочани се анализира постојано, и во нашата лабораторија што е во состав на филтер станицата и во надворешна независна лабораторија со која имаме договор. Испитувањата се прават на дневна основа и примероци од водата се земаат од неколку мерни места, а заклучно со денеска воопшто нема отстапувања од пропишаните параметри. Сметам дека нема причина за паника, затоа што ова не е прво истекување на јаловината во Саса, а искуството покажува дека и претходно немало промени во квалитетот на водата за пиење. Водоводната мрежа не користи површински води, а бунарите од кои се обезбедува снабдувањето се на доволна длабочина што обезбедува сигурност – истакна Андреј Киров, директор на КЈП „Водовод“ – Кочани.

Во комуналното претпријатие „Водовод“ не располагаат со податоци за евентуалната загаденост на површинските извори за вода, ниту пак имаат обврска да прават нивно испитување. Согласно одредбите во Законот за води, надлежноста за тоа ја има Државниот инспекторат за животна средина кој располага со мобилна лабораторија, поради што се очекува оттаму да дадат подетални информации

The post Јаловината од рудникот Саса истечена во Брегалница не ја загади водата за пиење во Кочани appeared first on plusinfo.mk.

Како што соопшти Министерството за животна средина и просторно планирање (МЖСПП), правниот субјект треба да постапи согласно предложените мерки за заштита наведени во Записникот за констатација и Решението во инспекциска постапка кое согласно закон ќе биде доставено во предвидениот рок.

– Согласно извештајот од направениот увид на водостопанскиот инспектор на ДИЖС во правното лице Рудник Саса направен е теренски увид со фотографирање и увид во документација. Притоа се констатира дека во раните утрински часови во 5.45 па се до 7.15 часот се случило испирање на јаловишен песок од 3.000 метри кубни од хидројаловиште бр.4, поради контактна филтрација во десниот бок. Овој материјал разлеан со вода од реката Каменица довел до заполнување на зафат на мала хидроелектрана и речното корито на реката, загадувајќи ја со јаловишен материјал од хидројаловиште бр.4. кое било и се гради од песок на хидроциклони со насипување во влажна состојба – наведува Министерството.

Записникот за почнување постапка за спогодување е потпишан од управителот на правното лице, а натамошната постапка продолжува пред Комисија за спогодување при Министерство за животна средина која ќе донесе конечна одлука.

The post За загадување на Каменичка река, „Саса“ ќе плати глоба од 100.000 евра appeared first on plusinfo.mk.

Професори од рударскиот факултет во Штип и градежниот факултет во Скопје, заедно со стручни екипи на компанијата, почнале детална истрага за да ги утврдат причините за инцидентот.

Првичните резултати од истрагата покажале дека дефектот не претставува закана за здравјето и безбедноста на вработените во рудникот и на жителите во неговата околина.

За настанот биле известени и сите надлежни институции на државно и локално ниво.

The post Дефект во рудникот Саса, се излеа јаловина во река appeared first on plusinfo.mk.

Изјавата и реакцијата на Ковачевски е предизвикана од министерот Чулев кој за време на денешната посета во СВР-Битола, на прес конференција изјави дека до Основното јавно обвинителство во Битола е поднесено известување за вршена изнуда и барање поткуп во износ од 250.000 евра од фирма која добила тендер во РЕК Битола за ископ на јаловина.

– Неоснованите обвинувања од страна на министерот Наќе Чулев се уште еден доказ за злоупотреба на полицијата за партиско-политички цели на ВМРО-ДПМНЕ. Ги отфрлам неговите обвинувања искажани денес во Битола и тие не се точни. Помина времето на МВР-ВМРО кога се правеше хајка и се оцрнуваа за нив неподобните. Кога министерот Наќе Чулев сака да бара криминал тогаш му препорачувам да се занимава со времето на владеењето на Христијан Мицковски како директор на АД ЕЛЕМ, сега АД ЕСМ и да ги истражи тендерите за набавка и увоз на електрична енергија по енормно високи цени, и ангажманите на неговите пријатели за консултанти како адвокати. За ваквите неосновани обвинувања и денешната изјава ќе поднесам кривична пријава против него – изјави Ковачевски.

The post Ковачевски: Ги отфрлам обвинувањата на министерот Чулев бидејќи се неосновани appeared first on plusinfo.mk.