Доктор Зекерија Шаини, кој вчера беше застрелан во фреквентен дел од Куманово, е пуштен од болница и се наоѓа на домашно лекување.

По нападот, кој ја потресе јавноста, Шаини бил хоспитализиран на одделот за Пластична хирургија во клиниката „Мајка Тереза“ во Скопје. По успешната интервенција, лекарите потврдиле дека тој е во стабилна состојба и може да продолжи со закрепнување дома.

Во изјава за Алмакос, докторот првпат проговори за настанот, нарекувајќи го „кукавички обид за убиство“ извршен од маскирани лица. Тој нагласи дека нема непријателство со никого и побара случајот да не се политизира.

– Вчера бев нападнат на кукавички начин од маскирани лица. Сакам да ве уверам дека немам непријателство со никого, ниту пак сум ја допрел нечија чест или семејство – за тоа ми е сведок само Бог. Сме во изборна кампања, но не сакам оваа случка да добие политичка конотација. Немам политичко непријателство со никого. Ги молам органите на редот да го расветлат случајот што е можно побрзо – изјави доктор Шаини.

Од Министерството за здравство вчера соопштија дека со вознемиреност ја примиле веста за нападот врз нивниот колега, додека директорката на Клиниката за пластична хирургија, Јасмина Ѓоргиевска Павловска, потврди дека пациентот е во добра општа состојба и дека раните се успешно санирани.

Полицијата во меѓувреме ја лиши од слобода 43-годишната А.А. од Тетово, која се сомничи дека е поврзана со обидот за убиство на својот сопруг – докторот Шаини. Се трага и по Љ.Ф. (36) од Гостивар, кој е осомничен дека директно учествувал во нападот и сè уште е во бегство.

По целосното документирање на случајот, против сите инволвирани ќе бидат поднесени соодветни кривични пријави.

The post „НЕ ЈА ПОЛИТИЗИРАЈТЕ СЛУЧКАТА, НЕМА ПОЛИТИЧКО НЕПРИЈАТЕЛСТВО“ Доктор Шаини проговори по нападот appeared first on plusinfo.mk.

Имињата на протераните Руси пишуваат од редакцијата на Алмакос, се политичките советници И.Хропјачков, А.Рождевсдвенски, како и аташето С.Попов, кој според изворите на Алмакос извршиле несоодветни дипломатски дејствија.

Од информациите добиени од надлежните органи, овие лица вршеле дејствија што се спротивни на Виенската конвенција за дипломатски односи и во следните 5 дена ќе треба да ја напуштат територијата на Македонија.

Алмакос дознава и дека други специјализирани безбедносни органи го протерале свештеникот на Руската црква В.Змеј.

The post МАКЕДОНИЈА ПРОТЕРА ТРОЈЦА РУСКИ ДИПЛОМАТИ И ЕДЕН РУСКИ СВЕШТЕНИК Имаат 5 дена да ја напуштат земјава appeared first on plusinfo.mk.

Албанската младина во Сарај почна да се приклучува во редовите на ВМРО-ДПМНЕ, јавува Алмакос.

„Сарај нека биде пример за сите во Македонија, на Балканот и пошироко. ВМРО-ДПМНЕ е партија на секој граѓанин“, се вели во Фејсбук објавата на која беа прикачени и фотографии со албанското, македонското и со знамето на ВМРО-ДПМНЕ направени вечерва во Сарај.

The post „ОВА НЕКА БИДЕ ПРИМЕР ЗА СИТЕ“ Опозициската ВМРО-ДПМНЕ ги обедини Македонците и Албанците во Сарај (ФОТО) appeared first on plusinfo.mk.