Десет возачи биле приведени во текот на изминатото деноноќие низ државата поради опасно и безобѕирно управување со возило. Дел од нив немале возачка дозвола, други возеле под дејство на алкохол, а имало и случаи на сериозно пречекорување на брзината.

Четворица возачи биле затекнати без возачка дозвола во Берово, Гостивар, Битола и Скопје.

Полицијата привела и возачи кои возеле пребрзо во гевгелиско и во Делчево, додека во Неготино бил запрен возач кој управувал автомобил иако имал активна забрана за возење.

Дополнително, тројца возачи биле фатени под дејство на алкохол во Куманово, валандовско и гевгелиско.

По целосно расчистување на случаите, против сите ќе бидат поднесени соодветни пријави. Од полицијата потсетуваат дека непочитувањето на правилата сериозно ја загрозува безбедноста и апелираат возачите да не седнуваат зад волан без дозвола, под дејство на алкохол или со изречена забрана.

The post ЗАД ВОЛАН СЕДНАЛЕ ПИЈАНИ, БЕЗ ДОЗВОЛА И СО ЗАБРАНА Фатени 10 возачи што дивееле на патиштата appeared first on plusinfo.mk.