Алказар Енерџи ја објавува Студијата за оцена на влијанието врз животната средина и социјалните аспекти (ESIA) за ветерниот парк Штип и ја става на јавен увид, што претставува значајна пресвртница во развојот на проектот кој треба да стане најголемиот проект за обновлива енергија во Македонија.

Со планиран инсталиран капацитет до 396 MW, ветерниот парк Штип претставува трансформативен чекор кон зајакнување на енергетската независност на земјата, намалување на зависноста од фосилни горива и забрзување на напредокот кон националните климатски цели. Проектот е и значаен придонес кон Платформата за праведна енергетска транзиција на Северна Македонија, лансирана на COP28.

Се очекува проектот да биде финансиран од водечки меѓународни финансиски институции, вклучително и Европската банка за обнова и развој (ЕБОР), Меѓународната финансиска корпорација (IFC) и Ерсте Груп Банк АГ (ERSTE), што ја нагласува неговата силна усогласеност со меѓународните стандарди за животна средина, општество и корпоративно управување.

Студијата за оцена на влијанието врз животната средина и социјалните аспекти (ESIA) е изготвена во целосна согласност со националното законодавство и меѓународно признати рамки, вклучително и Стандардите за перформанси на IFC, Еколошката и социјална политика на ЕБОР и Еколошките и социјалните стандарди на Европската инвестициска банка (ЕИБ). Таа обезбедува сеопфатна проценка на потенцијалните еколошки и социјални влијанија, заедно со јасно дефинирани мерки за ублажување и мониторинг, со цел сите влијанија да останат ограничени, локализирани и одговорно управувани.

Како дел од посветеноста на Алказар Енерџи кон транспарентност и вклучување на засегнатите страни, периодот за јавен увид на Студијата (ESIA) трае од 27 февруари до 27 април 2026 година. Во овој период, засегнатите страни се поканети да ја разгледаат проектната документација и активно да учествуваат во процесот на консултации.

Серија на јавни консултативни настани, кои започнуваат во текот на неделата од 30 март, ќе обезбедат отворена платформа за дијалог со проектниот тим. Овие сесии се наменети да овозможат локалните заедници, институциите и сите заинтересирани страни да поставуваат прашања, да споделуваат мислења и суштински да придонесат во развојот на проектот.

Документацијата за ESIA, вклучително и резиме на разбирлив јазик, е достапна онлајн и во општините на локално ниво. Материјалите се подготвени на повеќе јазици, со цел да се обезбеди пристапност и инклузивност за сите засегнати страни.

Сите добиени коментари во текот на периодот на јавен увид ќе бидат внимателно разгледани и вклучени во финалната верзија на Студијата (ESIA), како и во плановите за управување што ќе го водат процесот на изградба и работење.

– Транспарентноста и отчетноста се во основата на начинот на кој ги развиваме нашите проекти. Работиме целосно во согласност со законите на Северна Македонија и во линија со меѓународните стандарди. Овој процес обезбедува ветерниот парк Штип да се развива одговорно, во партнерство со заедниците и со долгорочни придобивки за земјата – изјавија од Алказар Енерџи.

Алказар Енерџи останува посветена на реализација на проект што обединува техничка извонредност, одговорност кон животната средина и суштинско вклучување на локалната заедница, придонесувајќи кон поодржлива и постабилна енергетска иднина за Македонија.

The post НАЈГОЛЕМ ВЕТЕРЕН ПАРК ВО ЗЕМЈАВА Алказар Енерџи ја објави студијата за Штип, оди на јавен увид appeared first on plusinfo.mk.

Камен-темелникот на најголемата досега инвестиција во чиста енергија во Македонија беше поставен денеска, 16 јули, во Штип. Ветерниот парк на „Алказар Енерџи“ вреден повеќе од 500 милиони долари треба да донесе чиста енергија за 100.000 домаќинства, 630 работни места и енергетска независност, истакна Даниел Калдерон, ко-основачот на „Алказар енерџи“.

Планирано е 55 ветерници да бидат поставени меѓу Штип, Карбинци и Радовиш на површина од околу 326 хектари.

Премиерот Христијан Мицкоски посочи дека владата е сериозно посветена на економијата и силно верува дека земјата има голем потенцијал, па затоа, како што рече, со гиганстки чекори оди напред.

– Исклучително е пријатно чувството бидејќи по нешто повеќе од една година, тоа што го ветивме заедно со компанијата, денеска добива некаква завршица, на првата фаза. Заедно со Даниел и соработниците најавивме инвестиција во делот на обновливата енергија во вредност од половина милијарда долари. Инвестиција која ќе биде модел како треба во иднина да се движиме. Ако нема дисциплина и јасна поставеност на еден проект, тогаш нема ништо. Ќе почне да се распаѓа сето она што го градите и на крајот нема да стигнете до посакуваната цел. Имаме уште многу идеи, но со компанијата тоа ќе го разговараме во некоја следна фаза – нагласи премиерот.

Даниел Калдерон, ко-основачот на „Алказар енерџи“ се заблагодари на работната дисциплина на Владата велејќи дека таа ги туркала како компанија за поскоро завршување на работите, нешто што не било случај во останатите земји каде работи компанијата.

– Ова е редок момент кога после 12 годишно постоење на „Алказар“ никогаш досега немаме успеано да стигнеме до оваа фаза на подготвеност за градба и тоа точно во согласност во временската рамка, што ја договоривме со владата уште во јуни минатата година. Во нашето долгогодишно искуство, без разлика во која земја сме во светот, најважна за нас е дисциплината при работата со нашите партнери. Вообичаено кога ќе работиме за други проекти, ние сме тие кои треба да ги туркаме институциите и владите на земјите за да завршат нешто. Раководните лица во Владата на Македонија беа тие што нас не’ туркаа да ги завршиме работите побрзо и им благодарам – истакна Калдерон.

Министерот за транспорт и вицепремиер, Александар Николоски смета дека како нација можеме да водиме големи проекти.

– Во еднос на економијата имаме директен и индиректен импакт. Директен е она што ќе се произведе и продаде кое директно влегува во БДП, а индиректниот е многу поголем. За стопанството, за индустријата затоа што светот оди напред. ЕУ ги постави правилата за зелена транзиција ги постави, а тие велат дека особено во металната, во челичната индустрија, во индустрииите кои придонесуваат најмногу за нашиот БДП, од 2026-та мора да се користи зелена енергија. Да дадеме шанса на нашата економија и компаниите да бидат конкурентни надвор на пазарот, вакви проекти ќе придонесат да бидеме лидери и во индустриското производство – истакна Николоски.

Ветерниот парк претставува и значаен чекор кон зајакнување на енергетската безбедност и целите за обновлива енергија на земјата.

The post 📷 ЧИСТА ЕНЕРГИЈА ЗА 100.000 ДОМАЌИНСТВА, 600 НОВИ ВРАБОТУВАЊА, 55 ВЕТЕРНИЦИ Поставен камен темелникот на ветерниот парк кај Штип appeared first on plusinfo.mk.

Alcazar Energy Partners (AEP, водечки независен менаџмент на инфраструктурни фондови фокусиран на развој, финансирање, изградба и работа на проекти за обновлива енергија од комунален размер на растечки пазари, потпиша договор за поддршка на развој со Меѓународната финансиска корпорација (IFC), членка на Групацијата Светска банка. Договорот му обезбедува на Alcazar Energy Partners пристап до средства за развојна поддршка за Фаза I од ветерниот парк Штип, најголемиот проект за ветерна енергија во Северна Македонија, зајакнувајќи ја посветеноста на двете страни за мобилизација на приватен капитал за одржлива инфраструктура на стратешки растечки пазари.

Церемонијата на потпишување се одржа на маргините на Самитот за ESG Адриа во Порто Монтенегро и присуствуваа високи претставници на Владата на Македонија, заедно со Тим Шихан, виш директор во AEP и Патрик Авато, менаџер за енергија и инфраструктура во Европа при IFC.

Фаза I од проектот за ветерниот парк Штип ќе започне со изградба во текот на оваа година. Вкупниот инсталиран капацитет, по завршувањето на сите фази, ќе изнесува околу 400 MW. Проектот, кој ќе обезбеди чиста и сигурна енергија за над 100.000 домаќинства и ќе намали до 690.000 тони СО2 годишно, претставува значаен чекор кон зајакнување на енергетската безбедност и целите за обновлива енергија на Северна Македонија. Вкупната инвестиција се проценува на 500 милиони евра.

– Нашето континуирано партнерство со IFC е клучно во напредокот на ветерниот парк Штип. Заедно, не само што ја унапредуваме енергетската транзиција, туку и ја поддржуваме економската развојна и долгорочната енергетска безбедност. Очекуваме да испорачаме проект што ќе донесе трајна вредност за заедницата и ќе ги зајакне одржливите амбиции на Северна Македонија  изјави Даниел Калдерон, ко-основач и управувачки партнер во Alcazar Energy Partners.

AEP моментално напредува со деталниот дизајн на проектот и ангажира водечки инженери, еколошки, правни и социјални советници за да обезбеди усогласеност со највисоките меѓународни стандарди.

Ветерниот парк Штип е првиот проект на AEP во Северна Македонија и ја одразува стратегијата на компанијата за проширување во Западен Балкан, каде што веќе има стекнато портфолио од 1,5 GW на зелени проекти за ветерна и соларна енергија, кои ги поддржуваат националните цели и глобалните климатски заложби.

– IFC и Alcazar Energy Partners имаат изградено стратешко партнерство повеќе од една деценија, соработувајќи на развој на одржливи енергетски проекти во земји во развој. Ветерниот парк Штип е природно продолжение на оваа соработка, насочена кон зголемување на пристапот до достапна и чиста енергија – суштинска за економска конкурентност и раст. Освен што ќе ја зајакне енергетската безбедност на земјата, проектот ја одразува и посветеноста на IFC за поддршка на одржливи енергетски решенија што ги исполнуваат меѓународните стандарди и придонесуваат за праведна енергетска транзиција во регионот – изјави Патрик Авато, менаџер за инфраструктура и енергија во Европа при IFC.

The post ВЕТЕРНИОТ ПАРК ВО ШТИП ЌЕ ПОЧНЕ ДА СЕ ГРАДИ ГОДИНАВА „Алказар енерџи“ потпиша договор со Меѓународната финансиска корпорација appeared first on plusinfo.mk.

Трендот на инвестирање во обновливи извори се очекува да продолжи и во иднина со цел земјата да стане енергетски независна и да ги постигне стратешките цели за намалување на јаглеродниот отпечаток.

Ваквите резултати се совпаѓаат и со Националниот план за енергија и клима, кој има за цел Македонија до 2030 година да го зголеми уделот на обновливите извори и значително да ја намали емисијата на стакленички гасови.

Меѓу најзначајните инвестиции кои се очекува да се реализираат во следните години се оние од француската компанија Акуо Енерџи и инвестицискиот фонд Алказар Енерџи.

Акуо планира изградба на соларен парк во близина на Штип, што ќе го зголеми производството на чиста енергија од сонце и ќе помогне во намалување на увозната зависност на Македонија. Според најавите, очекуваната инсталирана моќност ќе биде 400MW што ќе донесе производство на електрична енергија за стабилно снабдување на 94.000 домаќинства во регионот.

Од друга страна, Алказар Енерџи ќе инвестира околу половина милијарда евра во најголемиот ветерен парк во земјата, исто така во регионот на Штип. Овој проект, кој ќе обезбеди електрична енергија за околу 100.000 домаќинства, и е клучен за зголемување на капацитетите за ветерна енергија во Македонија.

Според очекувањата ако се реализираат овие стратешки енергетски инвестиции, обновливите извори ќе достигнат значителен дел од вкупното производство на електрична енергија. Ова е важен чекор за Македонија, која се стреми да ги оствари европските енергетски и климатски цели, истовремено обезбедувајќи поевтина и стабилна енергија за своите граѓани.

The post РАСТЕ ПАЗАРОТ НА ОБНОВЛИВИ ИЗВОРИ НА ЕНЕРГИЈА ВО МАКЕДОНИЈА Две значајни инвестиции се очекуваат во Штипско appeared first on plusinfo.mk.

Ова беше речено на денешната свеченост по повод почнување на проектот.

Даниел Калдерон, ко-основач и управувачки партнер на „Алказар Енерџи“ го претстави проектот и рече дека ветерниот парк ќе почне да се гради во втората половина на 2025 година.

Премиерот Христијан Мицкоски, кој присуствуваше на свеченоста, рече дека оваа инвстиција ќе влијае на енергетската независност на земјата од електрична енергија, и ќе придонесе земјава од увозник, да стане извозник на струја.

– Ваквиот почеток на мандатот со ваква инвестиција покажува дека како Влада сме насочени кон проекти што се во интерес на граѓаните. Со завршување на овoј проект дури 100.000 македонски семејства ќе може да се снабдуваат со електрична енергија од овие ветерници. Овој проект е значаен од многу аспекти – со него ќе се зајакне значително енергетката независност, што е наша цел, ќе го зголеми обемот на инвестиции и ќе се отвори пат за нови инвестиции. Ваков тип инвестиции покажуваат дека довербата во оваа Влада уште на самиот почеток е голема и дека како опозиција работевме и сега како Влада само ќе продолжиме да работиме со зајакнато темпо – рече Мицкоски.

Тој рече дека може да очекуваме следните години да има и други проекти кои ќе ја направат земјата енергетски независна и ќе ја направат извозник на струја.

– Со овој проект ќе се отвори патот и за нови инвестиции, а ќе се подобри енергетската независност од електрична енергија. Планот го имаме, останува сега да ја завршиме домашната задача и да го реализираме. Денес сум задоволен што „Алказар енерџи“ ја затвори финансиската конструкција на проектот и ќе може да го гради ветерниот парк, а ние како влада ќе помогнеме да се реализира. Овој тип инвестиција ќе донесе поволности за БДП на државата и за општините  – рече Мицкоски.

Тој нагласи дека не верува во чуда кои не се можни, но рече дека проектот е изводлив и дека тој има тим за енергетика кој е најдобар, како што рече, во регионот.

– Планот го имаме, луѓето ги имаме, останува само да ја завршиме домашната задача што сами ја поставивме. Велат дека секој човек сонува за големи работи, а дека малку кој своите соништа ги креира во вистински проекти. Јас сум од оние луѓе кои сакаат да видат конкретни дела, а не се потпира само на даден збор. Така функционирам, а така ќе функционира и оваа Влада – рече Мицкоски.

Министерката за енергетика, рударство и минерални суровини Сања Божиновска рече дека овој проект покрај другото ќе придонесе за намалување на емисијата на стакленички гасови и за балансирање на струјата од обновливите извори на енергија.

The post ВЕТЕРНИОТ ПАРК НА „АЛКАЗАР ЕНЕРЏИ“ ЌЕ СЕ ГРАДИ ОД 2025 ГОДИНА Ќе обезбеди струја за 100.000 домаќинства и 630 вработувања appeared first on plusinfo.mk.