Според коалицијата, ДУИ не е победник на овие избори и нема легитимитет да го застапува албанскиот народ.

Лидерите на Алијанса за Албанците и на Алтернатива, Зијадин Села и Африм Гаши во обраќањето пред делегацијата на ЕУ од маршот упатија две барања до земјите – членки на ЕУ: да не се признае легитимноста на ДУИ како претставник на Албанците и да почне процесот на радикална реформа на Изборниот законик.

– ДУИ не е победник на овие избори, туку е арамија на албанската политичка волја. Може да ја има легалноста според Државна изборна комисија, но никогаш нема да има легитимност за застапување на албанскиот народ во Северна Македонија. Ако сме земја која има за цел европска интеграција, слободата и демократијата треба да бидат клучен збор за оваа интеграција. Бараме од земјите на Европската унија, да се ​​осуди злоупотребата на правото на глас и да не се признае легитимноста на ДУИ како претставник на Албанците во Северна Македонија, како и да почне процесот на радикална реформа на Изборниот законик за идните избори, како што оценија, да станат пример дека нашата земја ги исполнува европските стандарди за фер и демократски изборен процес – беше порачано од собирот.

За организаторите, изборите на 15 јули 2020 година се најнедемократските избори што некогаш биле одржани во земјава.

– Овие избори уште еднаш докажаа дека демократијата кај Албанците е безначајна идеја, зашто зборот „избори“ во албанскиот политички камп стана еквивалентен на зборот кражба. Манипулацијата со волјата на албанските гласачи, што веќе се случува на неколку изборни циклуси и која беше брутално истакната особено на последните избори, е аларм за нас дека ако не реагираме денес, утре може да биде предоцна. Како партија, може да се повлечеме од оваа нееднаква и не фер трка за нас, но се плашиме дека албанските гласачи ќе се лизгаат кон диктатурата и на долг рок може да има непожелни и непредвидливи импликации не само за Албанците, кои денес се жртви на државно фаќање – сметаат АА и Алтернатива.

Според нив, купувањето гласови, рекетирањето гласачи, корупцијата, заплашувањето, узурпацијата на слободата на избор, гласањето за луѓе кои не се тука, злоупотребата на записници и други манипулации со правото на глас се сигнали дека албанското општество во Северна Македонија е заробено од каста мафијаши.

– Овој начин на организирање на изборите, покрај тоа што става дамка на демократијата кај нас, предизвикува и обесхрабрување кај албанските граѓани да учествуваат на изборите кога веќе се знае резултатот и уште повеќе, ја убива демократијата, претворајќи се во монизам, диктатура или поточно демократија што како резултат може да има акумулирано незадоволство кое може да еруптира во незамисливи форми – потенцираа од двете партии.

Тие најавија дека борбата за демократија ќе продолжи. Веќе имаат, потсетија,  пратеници кои, независно дали како дел од мнозинството, ќе бидат гласот на Албанците.

Маршот почна во 19 часот од паркот Чаир, продолжи преку улицата „Цветан Димов“, кај трговскиот центар „Мавровка“, потоа приврзаниците на АА и Алтернатива помина покрај Владата, а собирот заврши пред канцелариите на Делегацијата на ЕУ.

Покрај албанските, можеа да се забележат и американски и знамиња на ЕУ, а меѓу транспарентите во првите редови беа оние со пораките „Нашата демократијата беше хакирана“, „Крадци во затвор, не во Владата“,Нè направивте сиромашни за да не купите“ и „Државен изборен криминал“.

Додека поминуваа покрај Владата, некои од учесниците ја исвиркуваа и скандираа.

Учесниците на маршот постојано беа придружувани од полицијата, а имаше и редари ангажирани од организаторите.

Иако беше најавено дека ќе бидат запазени сите заштитни мерки согласно корона протоколот, сепак, дел од учесниците не носеа заштитни маски или ги носеа, но под устата.

The post Села: ДУИ не е победник на изборите, туку е арамија на албанската политичка волја appeared first on plusinfo.mk.

Маршот ќе започне во 19 часот од паркот Чаир во Скопје, потоа ќе помине пред Влада и е планирано да заврши пред канцелариите на Делегацијата на Европската Унија.

– Како знак на револт за потиснување на највозвишеното право на слободното гласање, овој марш – токму пред седиштето на Делегацијата на Европската Унија во Скопје – ќе испрати јасна порака дека една држава којашто ги започнува преговорите за членство во ЕУ не смее да дозволи дел од нејзините граѓани да бидат лишени од правото да избираат и да бидат избрани, што е основното човеково и политичко право во ЕУ, изјави на прес-конференција портпаролката на Централниот штаб на коалицијата, Нурџан Асановска.

Симболи на маршот, посочи таа, ќе бидат националните симболи и симболите на нашите западни сојузници, а слоганите ќе се однесуваат на заштита на демократијата, укажувајќи дека секој друг симбол и кој било друг повик што искажува фобија, омраза или навреда за било кого, е против целта на овој марш.

– За да се избегне каква билo можност за инфекција, организаторите се погрижија и за бројот на учесниците. Впрочем, за коалицијата ништо не е поважно од здравјето. Затоа, заштитните маски и одржувањето дистанца, како и грижата за здравјето на учесниците се задолжителни обврски за успешна граѓанска акција, рече Асановска.

За маршот е известена и полицијата, а организаторите најавуваат и свои редари за успешен тек.

The post Алијанса за Албанците и Алтернатива најавија Марш за демократија appeared first on plusinfo.mk.

„Ова се случи денес, каде машинеријата на компанијата која го доби тендерот за изградба на основното училиште во Мала Речица, остави впечаток дека се започнати работите за изградба на основното училиште. Иако ова училиште веќе 20 години се ветува од ДУИ, за него никогаш не започнаа, ниту завршија изградбите. Најголем и најнепростлив срам е кога, само две недели пред изборите, ДУИ ги принудува договорните фирми кои го добија тендерот да дефилираат на местото на изградбата, наводно дека започнале со работа“, соопшти Коалицијата.

Оттаму потсетуваат дека секое вакво дејствување во предизборна кампања при што јавните ресурси се злоупотребени за изборни цели, претставува кривично дело според член 353 од Кривичниот законик, првиот член во Поглавје 13.

„Изборниот законик е многу јасен кога се вели дека од денот на одлуката за одржување избори до денот на нивното завршување, парите не можат да бидат распределени од буџетот на Северна Македонија, во општините каде што се дел и јавните објекти, во овој случај училиштата“, додаваат од Коалцијата.

Тие ги повикуваат надлежните тела, како што се Антикорупциската комисија и Управниот суд кој е надлежен за изборите да реагираат доколку постои правна основа за злоупотреба на јавните ресурси за изборни цели, но и за злоупотреба на службените позиции за време на изборите.

– Бараме и политичка одговорност од градоначалничката на Тетово, г-ѓа Теута Арифи, но и од министерот за образование Арбр Адеми, кој е носител на листата за пратеник од ДУИ, да се изјасни за предметниот случај затоа што ова прашање спаѓа во нивна надлежност – велат од Коалицијата „Сега е време“ на Алијанса за Албанците и на Алтернатива.

The post Коалиција Алијанса Алтернатива: ДУИ и Арифи го злоупотребуваат училиштето во Мала Речица во кампањата appeared first on plusinfo.mk.