Во Тетово каде се одржа конгресот на партијата Алијанса за Албанците на Зијадин Села, политичкиот субјект беше преименуван во Албанска Лига.  Со 713 гласа „за“, колку што денеска имало делегати, Зијадин Села е избран за претседател и на Албанската лига, беше соопштено на Конгресот кој се одржа под мотото „Лигата е жива“.

Зијадин Села во своето обраќање по изборот, оцени дека и оваа функција носи одговорност кон членството, делегатите и идните генерации.

– Некој можеби мисли дека сум навикнал често да се качувам на оваа сцена, но не е така. Секогаш се искачува со емоции и со чувство на одговорност. Таа одговорност, порано како Алијанса за Албанците, а денес како Албанска лига, ја имаме пред генерациите што ќе ги наследат одлуките кои денес ги носиме – рече Села.

Во продолжение на говорот тој посочи дека Албанска Лига нема да биде дел од Владата.

– Вратите на срамот никогаш не се затвораат. Тоа е врата на срамот. Низ таа врата Албанската лига и нејзините пратеници нема да влезат. Албанската лига и нејзиното наследство од Алијансата за Албанците знаат и да излезат од тие врати, како што покажале во минатото – изјави Села.

Конгресот ја усвои политичката платформа на Албанската лига, како и повеќе резолуции предложени од партијата.

The post AЛИЈАНСА НА СЕЛА СТАНА АЛБАНСКА ЛИГА „Носиме одговорност пред идните генерации“ appeared first on plusinfo.mk.

Координаторот на пратеничката група на Вреди Беким Ќоку ја поврза иднината на Беса во Владата на Христијан Мицкоски со таа на коалицијата.

– Движењето Беса може да ја напушти Владата само кога Влен ќе ја напушти Владата – изјави тој во емисијата „Клик плус“ на ТВ 21.

– Не само ако излезе Беса ќе излезе Влен, туку секоја одлука на Беса е одлука на Влен. Беса е Влен, а Влен е Беса. И уште малку, затоа што се надевам дека нема да има ниту Беса, ниту Демократско движење, ниту Алијанса за Албанците, ниту Алтернатива, туку ќе има само Влен. И Билал Касами ќе зборува и зборува во име на Влен, како што зборуваат Изет Меџити, Беким Сали, Арбен Фетаи и Беким Ќоку – како Влен – рече Беким Ќоку.

Појаснувањето од Ќоку доаѓа по „искрите“ меѓу Мицкоски и Билал Касами околу министерот Фатмир Лимани од Беса, за кој премиерот изјави дека е задоволен од тоа како тој ја извршува функцијата.

The post НЕМА ДА ИМА БЕСА, АЛТЕРНАТИВА, АЛИЈАНСА, ЌЕ ИМА САМО ВЛЕН Беким Ќоку за односите во коалицијата appeared first on plusinfo.mk.

Раководството на Алијансата за Албанците, предводена од Арбен Таравари, едногласно одлучи да поднесе колективна оставка, објави ТВ21. Одлуката била донесена на последната седница на партијата и, според соопштението, има за цел организациско освежување и вклучување нови кадри во раководството.

„Одлуката е донесена за спроведување длабоки и сеопфатни реформи кои ќе го зајакнат политичкиот профил и внатрешното функционирање на Алијансата за Албанците“, наведуваат од партијата, додавајќи дека оставките се рефлексија на резултатите од локалните избори.

До одржувањето на Собранието и на Конгресот, управувањето со партијата ќе го извршува претседателот Арбен Таравари, додека Собранието официјално ќе ги констатира оставките.

Според статутарните рокови, Собранието на Алијансата за Албанците се очекува да се одржи во средината на февруари, додека Конгресот ќе се одржи наесен годинава.

The post РАКОВОДСТВОТО НА „АЛИЈАНСА“ НА ТАРАВАРИ ПОДНЕСЕ КОЛЕКТИВНА ОСТАВКА Реакција на изборните резултати appeared first on plusinfo.mk.

Партијата Алијанса на Албанците, крилото под раководство на Зијадин Села, ја напушта коалицијата Национална алијанса за интеграција, чиј предводник е ДУИ. Партијата ќе делува самостојно, а нејзините пратеници во Собранието ќе бидат независна група.

Претседателството на Алијансата за Албанците одржа состанок на кој се дискутираше за актуелната политичка состојба, процесот и епилогот од локалните избори, како и следните чекори, соопшти вечерва партијата.

„На последните локални избори, коалицијата со која учествувавме излезе како победник на национално ниво, со бројот на освоени гласови на листите за советници и бројот на освоени советници, но сме незадоволни од епилогот во градоначалничката трка, каде што се соочивме со моќен државен инженеринг и интеракции на албанските субјекти на власт со македонските партии од сите табори, со единствена цел да се реализира платформата на ВМРО-ДПМНЕ за дефакторизација на Албанците во земјата. Од овие сценарија, самите Албанци изгубија повеќе од нас како субјекти, бидејќи по централната власт, Албанците сега беа деградирани и на ниво на локалната власт“, се вели во партиското соопштение, потпишано од Зијадин Села.

Но, и покрај оваа ситуација, се додава, Алијансата за Албанците останува решена да ја брани националната кауза на Албанците во Македонија.

„По суштински и многу важни дискусии, членовите на Претседателството едногласно донесоа одлука за автономно дејствување на Алијансата за Албанците, додека во наредните денови пратениците на АА ќе ја обработуваат во Собранието одлуката за дејствување како независна група. Алијансата за Албанците останува силен опозициски глас на Албанците, одржувајќи комуникација со субјектите на албанската опозиција, за што навреме ги известивме и нашите досегашни коалициски партнери“, соопшти партијата.

Националната кауза, рамноправноста на Албанците во државата и Уставот, како и санирањето на штетите предизвикани од актуелната Влада остануваат наша примарна определба за политичко дејствување, се додава во соопштението.

The post СЕЛА ЈА НАПУШТИ КОАЛИЦИЈАТА СО АХМЕТИ Алијанса на Албанците ќе делува самостојно, нејзините пратеници ќе бидат независна група appeared first on plusinfo.mk.

Претседателката на Младинскиот форум на Алијансата за Албанците (ФРАШ), Илка Нуредини, на својот статус на социјалната мрежа Фејсбук објави дека ФРАШ избрал да застане и да дејствува на страната на Арбен Фетаи, бидејќи, како што се наведува, го смета за пример за тоа како доверливата позиција се носи со целосно достоинство и со непоколеблива посветеност на сите оние кои донесоа и сè уште веруваат дека промената вреди.

„Не е секогаш лесно да се бранат принципите, но секогаш е неопходно, дури и кога тоа значи да се остане надвор од структурите. Поминав низ тежок период соочувајќи се со чувствителна дилема. Едната страна бараше моја лојалност, другата го бараше мојот глас. Го избрав гласот без да ја негирам мојата благодарност кон оние што ме формираа и ме водеа. Го сакам мојот водач. Сите го сакаме, но љубовта не треба да нè заслепува за причината што нè направила дел од оваа партија. Избирам да не се повлекувам кога е најтешко. Младински форум на Алијансата за Албанците избира да застане, да зборува и да дејствува на страната на Арбен Фетаи, знаејќи дека тој е најзначајниот пример за тоа како доверливата позиција се носи со целосно достоинство и со непоколеблива посветеност на сите оние кои веруваа, донесоа и сè уште веруваат дека промената вреди“, рече Нуредини.

Заменик-претседателот на Владата, Арбен Фетаи, преку соопштение ја поздрави поддршката од младинските структури на Алијансата за Албанците за останување во коалицијата Вреди, нагласувајќи ја нивната клучна улога во политичките и во општествените процеси.

„Младински форум на Алијансата за Албанците (ФРАШ) – Срцето што силно чука во рамките на Алијансата за Албанците, продолжува со нас во Вреди! Младите на Алијансата за Албанците отсекогаш биле и остануваат најчистиот глас на идеализмот, непокорната сила на промената и на искрената совест на нашето движење“, се вели во соопштението од Фетаи.

Под водство со визија и со решителност од страна на Илка Нуредини, младинските структури на ФРАШ, се наведува, денес цврсто стојат на страната на довербата „што ни ја дадоа 107.000 граѓани – на страната на вистинската промена. Зашто промената не е само слоган: таа бара работа, посветеност и непоколеблива истрајност“.

„Оваа нова генерација, со јасен глас и со непокорлив став, не се продава и не е дел од пазарите на оние кои повеќе од 2 децении ги празнеа албанските домови, протерувајќи ја младината. Во една политичка реалност, што честопати е затворена и потрошена, ФРАШ избира да биде поинаков: храбар, гласен и достоинствен. Младите не се само иднината – тие се сегашноста, тие се силата што ја предводи промената. Тие не чекаат некој да им го отвори патот – тие сами го отвораат!“, соопшти Кабинетот на вицепремиерот Арбен Фетаи во врска со одлуката на ФРАШ.

The post МЛАДИНАТА НА АЛИЈАНСА ЗА АЛБАНЦИТЕ ОСТАНУВА ВО ВРЕДИ Претседателката на Младинскиот форум била растргната меѓу две страни appeared first on plusinfo.mk.

Министерот за здравство Арбен Таравари попладнево поднесе оставка од функцијата.

„Почитуван Премиер Мицкоски, со ова писмо, Ве известувам дека поднесувам неотповиклива оставка од функцијата Министер за здравство на Република Северна Македонија. Одговорноста што ја преземав со оваа функција ја извршував со максимална
посветеност, транспарентност и чувство на должност кон граѓаните и државата. Одлуката ја донесувам по внимателна лична и професионална проценка, уверувајќи дека овој чекор е во најдобар интерес и за институцијата и за моите лични принципи“, се вели во оставката на Таравари.

Ви благодарам за довербата и можноста да бидам дел од Владата во еден исклучително значаен период за здравствениот систем, се додава во оставката до премиерот Мицкоски.

„Останувам отворен за соработка и поддршка во иднина, секогаш водејќи се од јавниот
интерес“, пишува Таравари.

The post АРБЕН ТАРАВАРИ ПОДНЕСЕ ОСТАВКА ОД ФУНКЦИЈАТА МИНИСТЕР ЗА ЗДРАВСТВО „Останувам отворен за соработка и за поддршка во иднина“ appeared first on plusinfo.mk.

Алијанса за Албанците денеска остро реагираше на, како што ги нарече, „апсурдните клевети“ од ВМРО-ДПМНЕ, кои се однесуваат кон претседателот Арбен Таравари, кон партијата и нејзиниот ангажман во владината коалиција.

„Алијанса за Албанците будно ги следеше ‘тврдењата’ на ВМРО за нашата партија и нејзиниот претседател. Во целосно отсуство на политички аргументи, очекувано е да има клевети од најапсурден вид“, порачаа од партијата.

Според нив, ваквите обвинувања доаѓаат токму во момент кога Владата, предводена од ВМРО-ДПМНЕ, се наоѓа во „тешки денови“ и е погодена од внатрешни политички предизвици.

„Смирено сме фокусирани на нашата работа кон октомвриската победа и не сакаме со никакви навреди или псевдообвинувања да ја оптоваруваме ВМРО, која во моментов има доволно маки“, велат од Алијанса.

Таравари потсети дека Алијанса за Албанците ја напушти владината коалиција по своја волја, што според него е доказ за политичка одговорност и некорумпираност.

„Самиот факт што ја напуштивме владата по своја волја јасно покажува колку малку сме корумпирани – можеби тоа е незамисливо за некои партии на власт“, рекоа од Алијанса за Албанците.

На крајот од обраќањето, според нив партија „е на добар пат и во своите најдобри денови“, алудирајќи на зголемена поддршка пред есенските избори.

The post „НЕ НЀ ИЗБРКАА, САМИ СИ ЗАМИНАВМЕ ОД ВЛАСТА“ Крилото на Таравари со реакција до ВМРО-ДПМНЕ appeared first on plusinfo.mk.

Оваа влада има доволно мнозинство за да продолжи со проекти во корист на граѓаните, соопшти коалицијата Вреди.

„Вреди е таму во име на 107.000 албански гласови, а не во име на која било партија или конкретно име. Ние ги претставуваме не само тие 107.000 гласачи, туку и политичката програма за борба против корупцијата што ја поддржаа тие гласачи. Затоа, Вреди останува посветена на исполнување на своите ветувања и на претставување на Албанците“, соопшти коалицијата.

Свесни сме за политичката игра на ДУИ, која од жед за моќ и страв од правда, се стреми кон Пржинска влада, но тоа е невозможно и никогаш нема да се случи, се додава во соопштението.

„За нас е необјасниво зошто Арбен Таравари стана дел од оваа игра на Али Ахмети за да се спаси себеси и своето семејство. Сепак, Вреди сака да ја информира јавноста дека единствените избори што ќе се одржат се локални избори, на кои ќе донесеме промени и конечно ќе го победиме криминалот, корупцијата и неспособноста на ДУИ и нејзините функционери во текот на изминатите 23 години“, соопшти Вреди.

Соопштението е реакција на одлуката на Арбен Таравари да излезе со посебни советнички листи на претстојните локални избори, по што премиерот Христијан Мицкоски соопшти дека крилото на Алијанса на Албанците излегува од Владата.

По овие одлуки, главна политичка тема е колку пратеника ќе има партијата на Таравари во Собранието.

МИЦКОСКИ ГО КАНИ ТАРАВАРИ НА „СИКТЕР КАФЕ“ Лидерот на Алијанса за Албанците одлучил да замине во прегратките на Ахмети

The post ВЛАДАТА ИМА ДОВОЛНО МНОЗИНСТВО И БЕЗ ТАРАВАРИ Коалицијата Вреди претставува 107.000 албански гласови, а не партии appeared first on plusinfo.mk.

Централното претседателство на Алијанса за Албанците на Арбен Таравари вечерва одлучи да одат со свои листи за советници на претстојните локални избори.

Таравари на прес-конференцијата по завршување на сендицата рече дека остануваат во Вреди освен ако останатите коалициски партнери не одлучат да ги исклучат.

– Не излегуваме од коалицијата Вреди, излегуваме со наши листи за советници. За кандидатите за градоначалници не е дефинитивно. Не може четири-пет луѓе од Вреди да одлучуваат за кандидати за градоначалници без сондажи и анкети на јавното мислење – рече Таравари.

За евентуално помирување и соединување со Зијадин Села, Таравари одговори „оваа куќа е голема и отворена, сите се добредојдени”.

The post НА ЛОКАЛНИТЕ ИЗБОРИ ОДАТ СО СВОИ СОВЕТНИЧКИ ЛИСТИ Алијанса и Таравари остануваат во коалиција со Вреди appeared first on plusinfo.mk.

Претседателите на четирите партии, кои се во состав на коалицијата Вреди, вечерва ќе одржат состанок на кој ќе разговараат за натамошното дејствување на коалицијата, изјави денеска во Гостивар, лидерот на дел од Алијанса за Албанците (АА) и министер за здравство, Арбен Таравари.

Таравари по работната посета на општа болница „Ферид Мурад“ во Гостивар, одговарајќи на новинарско прашање, истакна дека претседателите на Беса, Биљал Касами, на Алтернатива, Зеќирија Ибрахими, на Демократското движење, Изет Меџити, и тој, како прв човек на дел од АА, се во континуирана комуникација во однос на натамошното политичко дејствување и изрази надеж дека ќе се изнајде надоброто можно решение, кое ќе биде во интерес на сите.

– Во Вреди продолжуваме со разговори. Вечерва имаме состанок, сите четворица претседатели на партиите, континуирано имаме комуникација, се надевам дека работните групи ќе продолжат да работат и дека ќе изнајдат најдобро можно решение кое нема да биде фрустрирачко или демотивирачко за партиите кои се дел од Вреди – истакна тој.

Во однос на изјавите на градоначалникот на Тетово и на неговиот коалициски партнер, Касами, лидерот на едното крило на АА изјави дека во психологијата има еден феномен кога „устата побрзо зборува додека мозокот процесира“.

– Во психологијата има еден феномен, кога устата зборува побрзо од мозокот додека мозокот процесира. Како феномен се вика „лапсус лингве“ и мислам дека господинот Биљал немаше намера да мисли лошо, дека Алијанса за Албанците е нула, туку не ги стави зборовите баш како што треба во реченицата. Се надевам, мислам и сигурен сум дека нема лоши намери и не мисли така како што кажа, туку избрза со еден збор и кажа како што не треба – истакна Таравари.

Првиот вицепремиер и министер за животна средина, Изет Меџити, кој е и претседател на Демократското движење, пред неколку дена побара од Таравари да избере страна, дали ќе биде дел од Вреди или ќе преговара со ДУИ за претстојните локални избори.

Меџити на прес-конферецијата во Владата во вторникот истакна дека Таравари бил запознаен со идејата за обединување на политичките партии од овaа коалиција во една партија.

Идејата за фузирање, како што истакна, била присутна уште од самиот почеток на коалицирањето, но се чекало соодветен момент за усогласување на политичките структури, идеите и програмите за да се направи следниот чекор кон формирање еден политички субјект.

Таравари, пак, неодамна изјави дека нема добиено понуда од Вреди да се спојат во една партија. За понудата за соработка на локалните избори во октомври, која Беким Ќоку со согласност на Изет Меџити, Биљал Касами и Зеќирија Ибраими ја испратил до Алијанса за Албанците, Таравари, пак, изјави дека ја доживува како ултиматум.

– Еден час пред да се одржи Собрание излезе јавно писмо до медиумите, порталите, но и до нас. Еден час пред да се одржи Собрание, ми изгледаше како ултиматум, никогаш во животот не сум прифатил ултиматум од никој, зборувам како лидер на партија, сакам разговори. Да седнеме, да разговараме, но ултиматуми не прифаќам. Едноставно, сакаме разговори и договори, а не ултиматум – изјави Таравари во понеделникот.

За информациите дека добил понуди од Вреди и од ДУИ да има 35% од советничките листи и 5 кандидати за градоначалници на претстојните локални избори, Таравари рече дека не преговарал со ДУИ, а од Вреди добил понуда која повеќе може да ја нарече ултиматум отколку понуда.

The post ЌЕ СЕ ОДРЖИ СОСТАНОК МЕЃУ ЛИДЕРИТЕ НА ВРЕДИ Таравари посочи дека е во постојана комуникација со Меџити, Касами и со Ибрахими appeared first on plusinfo.mk.