Од Управата за хидрометеоролошки работи (УХМР) информираат дека времето денеска ќе биде сончево и многу топло со умерена облачност. Ќе дува слаб до умерен ветер од северозападен правец. Попладне ќе има услови за изолирана појава на краткотраен дожд и ретки грмежи. УВ индексот ќе биде 9. Утринската температура ќе се движи од 14 до 23 степени, а дневната од 30 до 41 степен.

Во Скопје и околината времето ќе биде сончево и многу топло со умерена облачност. Утринската температура ќе достигне до 20 степени, а дневната до 39 степени.

Препораките за заштита на Министерството за здравство се согласно најавите на УХМР. Од Министерството апелираат единиците на локалната самоуправа, Црвениот крст и Центрите за социјални работи во регионите зафатени со топлотниот бран да имаат поактивен пристап и да пружат помош на осамени, стари и изнемоштени лица и бездомници.

Со оглед на фактот дека одредени ризични производни и технолошки процеси може да претставуваат дополнителен ризик по здравјето на изложените работници, од МЗ ги потсетуваат работодавците на обврската за почитување на законските прописи од оваа област.

Министерството воедно потсетува на општите мерки за заштита до кои треба да се придржуваат граѓаните, особено во овие екстремно топли денови.

– Да се остане повеќе во затворени простории (пред сè климатизирани), а при неопходен престој на отворен простор, да се најде можност за почести одмори под сенка. Да се носи светла и лесна облека, а при директна изложеност на сонце да се носат заштитни очила и капа и да се користи крем со висок заштитен фактор. Да се внесува помало количество храна, претежно овошје и зеленчук, а помалку масна храна. Да се внесуваат големи количества течности, најдобро обична вода за пиење, а да се избегнуваат алкохолните пијалаци. При влегување во возило, потребно е тоа одреден период да се проветри – укажува Министерството за здравство.

На хронично болните лица им се препорачува редовно да ја земаат препишаната терапија, во консултација со матичните лекари.

Поради високите температури и зголемената можност за појава на труења со храна и цревни заразни заболувања, се препорачува задолжително миење на земјоделско-градинарски производи (свеж зеленчук и овошје) пред нивна употреба, термичка подготовка на храната и нејзино консумирање веднаш по подготовката.

Министерството за животна средина и просторно планирање (МЖСПП) информираше дека е можно топлата воздушна маса која носи прекугранична прашина да биде причина за благото зголемување на концентрациите на ПМ 10 честичките. Се претпоставува дека станува збор за пустински ветер кој може да продолжи и во наредните денови.

The post Македонија и денеска во алертна фаза, ако сте надвор одморајте под сенка appeared first on plusinfo.mk.

За Скопје максималната температура за овој период, за мај, е 32 степени, а денеска се прогнозираат 36 степени, а за Гевгелија и Демир Капија, највисоката температура е 33 степени, а и таму денеска се очекува да бидат измерени 36 степени.

– Под влијание на многу топла воздушна маса до вторник дневните температури ќе се задржат над просекот за овој период на годината. Најтопло ќе биде денес, а од утре температурните максимуми ќе имаат тенденција на сосема благо намалување – прогнозираат од УХМР.

Оваа топла маса доаѓа од југ, а како што појаснуваат синоптичарите, се чувствува уште потопло отколку што е бидејќи времето е облачно, додека влажноста на воздухот не е многу голема. Во Скопје, на пример, таа денеска изнесува 35 отсто.

Времето денеска е сончево и многу топло со мала, до умерена облачност. Ќе дува умерен,
повремено засилен ветер претежно од југозападен правец, особено изразен во северните делови.
Максималната температура ќе биде во интервал од 31 до 36 степени. УВ индексот е висок и ќе изнесува 9.

Времето во Скопје е сончево и многу топло, со мала до умерена облачност и
ќе дува умерен, попладне на моменти засилен југозападен ветер. Tемпеpатурата ќе достигне до 36 степени.

Синоптичарите од УХМР прогнозираат дека под влијание на многу топла воздушна маса до вторник дневните температури ќе се задржат над просекот за овој период на годината. Од утре температурните максимуми ќе имаат тенденција на сосема благо намалување.

The post Најтопло денеска – и до 36 степени, цела Македонија во жолта алертна фаза appeared first on plusinfo.mk.