Само неколку моменти откако била касната од оса на островот Евија, 21-годишна девојка ја изгубила свеста, а подоцна починала.  и покрај повеќечасовните обиди на лекарите да ја реанимираат.

Грчките власти ги утврдуваат точните околности под кои настапила смртта. Според грчките медиуми, девојката во бесознание била пренесена во Здравствениот центар во Псахна.

Медицинскиот тим веднаш започнал интензивни обиди за реанимација.

Членови на нејзиното семејство изјавиле дека непосредно пред да ја изгуби свеста таа била касната од оса.

Засега нема официјална потврда дека токму каснувањето било директната причина за смртта.

Една од можностите што се разгледуваат е силна алергиска реакција, но тоа ќе треба да го потврдат медицинските анализи.

The post ДЕВОЈКА ПОЧИНА ПО УБОД ОД ОСА НА ОСТРОВОТ ЕВИЈА Обдукцијата треба да покаже која е причината appeared first on plusinfo.mk.

Оваа мајка на едно дете имала толку многу болки што брзо била упатена на очен специјалист и била подложена на дополнителни тестови за да се утврди причината.

По обемните тестови, вклучително и МРИ, Џорџина почна да губи надеж дека ќе добие дијагноза. Дури кога сфатила дека нејзините алергиски реакции се случувале секогаш кога имала менструација, почнала да ја истражува својата хиперсензитивност на прогестерон (PH).

Повеќе за ова на „Мајка и дете“.

The post АЛЕРГИЧНА НА СОПСТВЕНАТА МЕНСТРУАЦИЈА! Еве кои се симптомите на пречувствителност на прогестерон appeared first on plusinfo.mk.

Наташа Коутс (27) има синдром на активирање на мастоцитите (МЦАС). Овие мастоцити се всушност бели крвни зрнца со улога во алергиите, а тој процес се случува кога тие ослободуваат премногу супстанции во телото во погрешно време. Кај Наташа, сосем нормални појави во телото како што е смеењето, плачењето, возбудата, стресот или потењето, може да предизвикаат сериозна алергиска реакција што може да доведе и до смрт.

Кога била помлада, Наташа, која е гимнастичарка и освојувач на 22 врвни одличја во Велика Британија, често била болна и имала чудни реакции на различни јадења. Иако претпоставувала дека е само „пречувствителна“, на 18 години го доживеала и првиот анафилактичен шок.

– Бев на голем јавен настан, кога наеднаш почувствував треперење, вртоглавица и ми беше тешко да дишам. Ме однесоа в болница со полициска придружба и брзо изгубив свест. Лекарите ме уверија дека тоа е нешто што вообичаено се случува, па мислев дека е в ред – се присетува таа.

Сепак, во следните две недели, таа имала уште осум реакции кои ја вратиле во болницата за итни случаи. Девојката долго време го барала „специфичниот тригер“ (предизвикувач), па постојано внимавала што јаде.

– Никогаш не знаев што ќе предизвика реакција. Дури и лекарите беа збунети – нагласи таа.

Конечно, по две години, на Наташа ѝ била поставена дијагноза, што сепак, не ги поедноставило работите. Објаснувајќи го МЦАС, Наташа наведе:

– Кога убодот од коприва ви прави пликови што чешаат, тоа е предизвикано од хистамин – хемикалија која доаѓа од мастоцитите. Во моето тело, овие мастоцити се преосетливи. Тие ослободуваат премногу хемикалии.

Дури и обичното ноќно излегување може да заврши катастрофално.

– Еднаш, премногу се смеев со друштвото, па почувствував дека ми отече јазикот и грлото. Еден пријател повика брза помош, додека друг ми помогна да не се задушам. Пред да стигнам до болница, се онесвестив. Каков крај за едно ноќно излегување – се сеќава таа.

Таа до денес била згрижена повеќе од 500 пати в болница.

– Кога чувствувам дека почнува, се вознемирувам и се обидувам да го потиснам некако тоа, но реакцијата тогаш е уште полоша – тоа е маѓепсан круг – вели таа.

Неодамна почнала да живее сама, а во секојдневните обврски ѝ помага лична асистентка. Има и помошна технологија поврзана со повикот 911 за итна помош.

Освен на „емоции“, Наташа е алергична и на спрејови за тело, средства за чистење, миризливи свеќи, но и бројни хранливи намирници. Сите нејзини пријатели се исто така „увежбани“ во случај на напади кај неа, но таа признава дека нејзиното семејство е исплашено затоа што „не знаат која ќе биде последната реакција“.

Наташа, се чини, храбро се бори со стравот, а вели и дека успеала да се помири со својата состојба. Спасот го нашла и во гимнастиката што е прва нејзина љубов.

The post ДАЛ ДА ПЛАЧЕ ИЛИ ДА СЕ СМЕЕ Британка алергична на смеење и на плачење appeared first on plusinfo.mk.