Александар Зверев ја освои првата грен-слем титула во кариерата, по што доби емотивна честитка од Новак Ѓоковиќ.

Ѓоковиќ на социјалните мрежи потсети дека нивното пријателство трае со децении и дека го следел патот на германскиот тенисер уште од детските денови.

„Саша, те познавам уште од кога имаше 10 години. Со години имаме однос на почит и пријателство со целото твое семејство. Имавме безброј разговори за тенисот, животот и за семејството“, напиша Ѓоковиќ.

Српскиот тенисер истакна дека успехот е уште поголем ако се знае низ што минувал Зверев поради дијабетесот со кој живее уште од младоста.

– Знаејќи низ што мораше да поминуваш и колку напорно работеше за да стигнеш до оваа титула, можам само да кажам дека целосно го заслужуваш успехот – порача Ѓоковиќ.

Зверев со години важеше за еден од најдобрите тенисери без грен-слем титула. Со триумфот на Ролан Гарос конечно го освои најголемиот трофеј во кариерата и ги замолкна критичарите кои се сомневаа дека некогаш ќе стигне до врвот.

The post УСПЕХОТ Е УШТЕ ПОГОЛЕМ АКО СЕ ЗНАЕ ДЕКА СЕ БОРЕШЕ СО ДИЈАБЕТЕС Саша, те знам од 10 години, му напиша Ѓоковиќ на колегата appeared first on plusinfo.mk.

Првиот носител на Австралија опен Шпанецот Карлос Алкараз успеа да се избори за своето прво финале откако по речиси 5,5 часа (5 часа и 27 минути) игра го совлада со 3:2 во сетови Германецот Александер Зверев. Ова беше најдолгото полуфинале во историјата на Австралија опен во кое три сета завршија во тајбрејк, а Зверев испушти шанса за триумф откако сервираше за победа.

Алкараз поведе со 2:0 во сетови откако ги доби првите два со 6:4 и 7:6 (5), пресврт се случи во третиот сет кога Зверев намали со 2:1 добивајќи го сетот со 7:6 (3). Во третиот и четвртиот сет Алкараз имаше и здравствени проблеми (повраќање и доби масажа од физиотерапевт). Тоа го искористи Зверев и го доби четвртиот сет во тајбрејк со 7:6 (4). Во решавачкиот сет Зверев направи брејк и имаше постојано предност и во десеттиот гем сервираше за победа, но Алкараз успеа од изгубена позиција и негатива од 4:5 да ги добие следните три гема и со тоа сетот 7:5 и мечот.

Во второто полуфинале ќе играат Јаник Синер и Новак Ѓоковиќ.

The post ПО РЕЧИСИ 5,5 ЧАСА АЛКАРАЗ ГО СОВЛАДА ЗВЕРЕВ Германецот водеше но пропушти шанса за финале appeared first on plusinfo.mk.

Германскиот тенисер Александар Зверев рано утрово го победи Американецот Лернер Тиен во четвртфиналниот натпревар на Австралија опен со 6:3, 6:7 (5:7), 6:1 и 7:6 (7:3).

Мечот траеше 3 часа и 13 минути.

Зверев сервираше 24 аса, направи една двојна грешка и реализираше три од осум брејк топки. Тиен сервираше 11 аса, направи девет двојни грешки и не реализираше ниту една од три брејк топки.

Германецот стана првиот полуфиналист на Австралија опен. Во следната рунда, тој ќе се соочи со победникот од натпреварот помеѓу Карлос Алкараз (Шпанија) и Алекс Де Минаур (Австралија).

Вкупниот награден фонд на Грен слемот во Мелбурн изнесува 74,9 милиони долари.

The post ЗВЕРЕВ Е ПРВ ПОЛУФИНАЛИСТ НА АВСТРАЛИЈА ОПЕН Ќе се соочи или со Карлос Алкараз или со Алекс Де Минаур appeared first on plusinfo.mk.

Вториот светски рекет, германскиот тенисер Александар Зверев, обезбеди пласман во полуфиналето на Австралија опен откако во првиот четвртфинален меч беше подобар од Томи Пол со 3-1 (7-6, 7-6, 2-6, 6-1).

Со тоа, Германецот го повтори успехот од минатата и од 2020 година кога, исто така, се движеше кон полуфиналето. Денешниот триумф го оствари благодарение на упорноста бидејќи по првите 2 сета, место да губи со 0-2, тој имаше водство од 2-0.

Во двата сета Пол имаше брејк предност и сервираше за сет, а Зверев успеваше да се врати. Во воведниот сет, Американецот сервираше при водство од 6-5, но Зверев ја искористи втората брејк топка и го израмни резултатот за да слави со убедливи 7-1 во тај-брејкот. Во вториот сет слично сценарио, Пол отвори со 3-0 и ја одржуваше предноста до 5-4 кога Зверев го освои сервисот на противникот без загубен поен и во тај-брејкот беше уште поубедлив (7-0).

Пол конечно ја валоризираше својата предност во третиот сет кој го освои со 6-2, но Зверев потоа на доминантен начин стави точка на мечот.

Во полуфиналето тој ќе се сретне со подобриот од пресметката меѓу Ѓоковиќ и Алкараз кој е планирано да почне во 10:30 часот.

Зверев во полуфиналето ќе се соочи со победникот од натпреварот Новак Ѓоковиќ – Карлос Алкараз.

The post ЗВЕРЕВ Е ПРВИОТ ПОЛУФИНАЛИСТ НА АВСТРАЛИЈА ОПЕН Со кого ќе се пресмета Германецот во полуфиналето? appeared first on plusinfo.mk.

На страната на Алкараз од теренот имаше многу пчели кои претставуваа опасност за Шпанецот, кој мораше да истрча во соблекувалната.

Судијата сфатил колку е сериозна ситуацијата, па го прекинал мечот, а потоа на сцена стапил човек по име Ленс Дејвис.
Човек со прекар „убиец на пчели“ ја завршил работата, ги отстранил пчелите со специјална правосмукалка што ја донел и така станал херој на денот.

omg he is doing it without protection? pic.twitter.com/Hl0qyBF27n

— Del threads.net/@stroppa_del (@Stroppa_Del) March 14, 2024

Дејвис целата работа ја заврши без заштитна опрема, но најважно е што се помина успешно, иако прекинот траеше речиси два часа.

Навивачите беа воодушевени од Дејвис, па се сликаа со него на трибините.

Откако теренот беше исчистен од неочекуваните гости,  Алкараз и Зверев го продолжија мечот во кој Шпанецот на крај славеше победа со 2:0 и се пласира во полуфиналето на Индијан Велс.

А еве каква беше реакцијата на Карлос Алкараз кога по мечот ја виде на снимка сцената на која бега од пчелите во соблекувална:

The post 🎥 АЛКАРАЗ ПОБЕГНА ВО СОБЛЕКУВАЛНАТА Рој од пчели го нападнаа теренот и го прекинаа мечот на Индијан Велс appeared first on plusinfo.mk.

Откако се случи спорната ситуација, Зверев реагираше кај судиите и навивачот беше отстранет од трибините.

Video of Zverev telling the umpire that a fan just yelled “the most famous Hitler phrase” in his match against Jannik Sinner.

The last thing you’d think to hear in the middle of a tennis match.

pic.twitter.com/2acam1qNZX

— The Tennis Letter (@TheTennisLetter) September 5, 2023

-Не, не! Ова не е правилно. Тој ја кажа најпознатата хитлеровска фраза што постои на овој свет. Тоа е неприфатливо. Неверојатно! – му рече Зверев на судијата.

The fan who Zverev claimed uttered a phrase about Hitler has been removed. @bgtennisnation helped identify him pic.twitter.com/fgBN7mu4tG

— Kenny Ducey (@KennyDucey) September 5, 2023

Инцидентот се случи при резултат 2:2 кога Зверев имаше сервис, по што се слушна спорен „извик“.

Зверев го победи Синер во пет сета и избори пласман во четвртфиналето на УС Опен.

The post 🎥 ХИТЛЕР НА ТРИБИНИТЕ НА УС ОПЕН! Голем скандал на американскиот грен-слем appeared first on plusinfo.mk.

Манекенката се породи во Германија, но претходно изјави дека не доаѓа предвид да го одгледува детето со тенисерот кого го обвини за физичко и психичко малтретирање.

Зверев беше под истрага на АТП за семејно насилство врз неговата поранешна девојка Олга Шарипова, но беше ослободен поради „недостаток на докази“.

Иако не се знае за што точно станува збор, се наведува дека пријавата за таков налог значи дека јавниот обвинител има доволно сомнеж за Зверев. Доколку судот одлучи да изрече казна, 26-годишниот тенисер ќе има рок од две недели да поднесе жалба на пресудата

Од ПР тимот на Александар Зверев немаат коментар за овој случај.

The post ЗВЕРЕВ ПОВТОРНО ОБВИНЕТ ЗА СЕМЕЈНО НАСИЛСТВО Судот во Берлин покрена нов случај против тенисерот appeared first on plusinfo.mk.

Рускиот тенисер Данил Медведев се искачи на првото место на најновата АТП ранг-листа.

Дваесет и шестгодишникот Медведев го престигна Србинот Новак Ѓоковиќ, кој падна на третото место. Втор е Германецот Александар Зверев.

Топ 10 тенисери во светот на ранг-листата на АТП: 1. Данил Медведев (Русија) – 7 950 поени, 2. Александар Зверев (Германија) – 7 075, 3. Новак Ѓоковиќ (Србија) – 6 770, 4. Рафаел Надал (Шпанија) – 6 525, 5. Каспер Руд (Норвешка) – 5 050, 6. Стефанос Циципас (Грција) – 4 945, 7. Карлос Алкарас (Шпанија) – 4 893, 8. Андреј Рубљов (Русија) – 4 125, 9. Феликс Оже-Алиасиме (Канада) – 3 895. 10. Матео Беретини (Италија) – 3 570.

The post МЕДВЕДЕВ Е СВЕТСКИ РЕКЕТ БРОЈ 1 Ѓоковиќ падна на третата позиција appeared first on plusinfo.mk.

Александер Зверев е победник на големиот турнир во Торино откако во финалето со 2-0 во сетови беше подобар од Данил Медведев.

Германскиот тенисер во двата сета направи по еден брејк и победи со 6-4 и 6-4 против Данил Медведев.

Ова е вторпат како Зверев го освојува завршниот АТП турнир, претходно тоа му успеа во 2018 година во Лондон.

– Играв против човек од кој загубив петпати во низа. Беше навистина одлично. Среќен сум поради овој успех, ова е нешто посебно, многу сум задоволен. Едвај ја чекам следната сезона – изјави Зверев по мечот.

The post ВТОРА ПОБЕДА НА ГЕРМАНЕЦОТ Зверев го освои завршниот АТП турнир во Торино appeared first on plusinfo.mk.

Асоцијацијата на тениски професионалци (АТП) покрена внатрешна истрага против Александар Зверев, поради наводите на неговата поранешна девојка Олга Шарипова дека физички и психички ја малтретирал.

АТП изјави дека независниот извештај за заштита е веќе усвоен, а потоа е поведена постапка против Германецот.

Масимо Калвели, извршен директор на АТП, ја објасни позицијата на Асоцијацијата по ова прашање.

– Обвинувањата против Александар Зверев се сериозни и наша одговорност е да се справиме со нив. Се надеваме дека истрагата ќе ни помогне да ги утврдиме фактите и да преземеме соодветни мерки. АТП целосно го осудува секој облик на насилство или злоупотреба и ќе ги испита овие наводи. Веруваме дека Зверев ја поддржува нашата истрага и свесни сме дека тој ги негираше обвинувањата. Ние ги следиме и понатамошните случувања во судовите во Германија – рече Калвели.

АТП реагираше неколку месеци по обвинувањата на Олга, а тениската организација беше на удар бидејќи досега не реагираше на овие тврдења.

– Почнавме истрага. Ние во АТП осудуваме секаков облик на насилство и затоа ќе ги истражиме сите наводи изнесени против еден наш член – се вели во соопштението на АТП.

The post ПОЗНАТИОТ ТЕНИСЕР ПОД ИСТРАГА Ја тепал и психички ја злоставувал својата девојка appeared first on plusinfo.mk.