Директорката на градинката, Соња Јанчевска, во разговор за Плусинфо тврди дека се многу мали шансите децата да се заразиле со вирусот за време на нивниот престој во градинката, оти, како што објаснува таа, симптомите ги добиле за време на викендот, а не во текот на работната недела.

– Имаме само едно дете кое е заразено со коксаки вирусот и кое поседува соодветен документ дека е заразено. Сите останати деца се повлечени од градинката по барање на родителите. Од друга страна, симптомите на вирусот им се појавиле за време на викендот, а не во периодот додека децата биле во градинка. Родителите си ги носат своите деца на игралишта, на роденденски забави во игротеки и на разни други места, а не само во градинка. Колкава е веројатноста коксаки вирус да се шири во детска градинка? Во секој случај, ние веднаш направивме целосна дезинфекција на целиот објект. Ја дезинфициравме целата постелнина, креветчињата, играчките и сите други предмети – вели Јанчевска.

Во објавата на Слободен печат, родител на дете заразено со вирусот коксаки се жали на хигиената во градинката.

– Првите симптоми се појавија минатата недела и скоро сите мислевме дека е алергија. Моето дете се разболе во петокот. Детето се исфрли по телото со красти по нозете и на рацете. Матичната лекарка потврди дека се работи за коксаки и сите родители во групата беа известени. Нема никаква хигиена во градинката – обвинува мајката на детето.

Од Државниот санитарен и здравствен инспекторат, пак, информираат дека вчера бил извршен редовен инспекциски надзор во оваа градинка, при што е констатирано дека санитарно-хигиенската состојба во градинката е на солидно ниво, спроведени се мерки за дезинфекција, дезинсекција и дератизација, како и здравствено-санитарни прегледи за вработените, согласно законските рокови.

– Известен е и Центарот за јавно здравје-Скопје, кој ја следи состојбата во градинката и во текот на вчерашниот ден во просториите кои ги користи оваа група, извршено е вонредно механичко чистење по кое е спроведена дезинфекција на просторот и опремата. ЦЈЗ Скопје и ДСЗИ ја следат состојбата и доколку има потреба ќе се преземаат и дополнителни мерки – одговорија за Плусинфо од Министерството за здравство.

Комисијата за заразни болести сѐ уште не е запознаена со случајот, но како што ни изјави портпаролот д-р Злате Мехмедовиќ, појавата на коксаки вирусот во детските градинки воопшто не е невообичаена работа.

– Немаме информација дека постои поголема група бебиња којашто е заразена со коксаки вирусот, но секако дека веднаш ќе стапиме во контакт со Институтот за јавно здравје. Но, од тоа што го знаеме од минатото, коксаки вирусот е вообичаена појава во детските градинки и тој вирус отсекогаш се ширел помеѓу најмладите. Не би можел да кажам колку е опасен вирусот, но за секое инфективно заболување, пријавите пристигнуваат во Институтот за јавно здравје. Ќе ги провериме информациите и ќе ја известиме јавноста – изјави д-р Мехмедовиќ.

И епидемиологот Александар Стојанов објаснува дека коксаки вирусот најчесто ги напаѓа послабите организми, односно бебињата, но, како што потенцира, тој вирус не се смета за животозагрозувачки.

Брзо се шири од човек на човек, но не се смета за опасен вирус.

Д-р Александар Стојанов Епидемиолог

– Нема место за паника. Коксаки вирусот најчесто се пренесува преку воздух, преку допир со фецес, преку кашлање и преку кивање, а и преку храна. Неговата појава е честа особено во овој период на годината. Брзо се шири од човек на човек, но не се смета за опасен вирус. Тој најчесто ги напаѓа послабите организми, особено бебињата. Во поглед на лекувањето, тоа зависи од случај до случај. Постои симптоматска терапија, а не постои специфична терапија за лекување од вирус. Заразените најчесто креваат температура и им се појавува осип на кожата, а инфектолозите точно знаат каква терапија да припишат според симптомите – ни изјави д-р Стојанов.

The post КОКСАКИ ВИРУСОТ РАСПЛАКА 25 БЕБИЊА ВО ГРАДИНКА ВО ВЛАЕ Директорката на „Пролет“ не верува дека градинката е извор на заразата appeared first on plusinfo.mk.

Според лекарите со коишто разговараше Плусинфо, сега е моментот повторно да се воведат мерките коишто беа укинати во текот на пролетта, оти, како што објаснуваат, летото ќе ни биде тешко, а есента уште потешка и пострашна.

Дали има место за паника и дали се крчкаат нови мерки за заштита од коронавирусот се обидовме да дознаеме од Комисијата за заразни болести, но во моментот кога го контактиравме портпаролот д-р Злате Мехмедовиќ, тој веќе беше влезен на седница на Комисијата и не беше во можност да даде изјава за медиумите.

Маски во затворено

Д-р Ангелчо Андоновски, педијатар и поранешен член на Комисијата за заразни болести, во разговор за Плусинфо вели дека очекувано било во овој период да се појави зголемување на бројките на новозаразени со ковид-19.

– Во текот на летото се зголемува бројот на контактите, луѓето се дружат, одат по одмори, прават забави, слават родендени, свадби… Затоа, очекувано беше ваквото сценарио, односно очекуван беше рапидниот раст на новозаразените со коронавирусот. Сепак, тоа што досега не е забележано е дека во одреден временски период растењето на бројките е како аларм за да се побара враќање на одредени заштитни мерки како што е носењето заштитни маски во сите затворени простории. Треба да бидеме внимателни и со децата, особено затоа што овој вирус дава многу големи сличности со сите други вируси коишто можат да се појават во летниот период. Затоа, треба да се придржуваме до мерките и на тој начин ќе бидеме заштитени од коронавирусот – објаснува д-р Андоновски.

Уште поголемо зголемување на бројките, додава д-р Андоновски, се очекува во текот на есента.

– Од септември ќе почнат да ни се појавуваат нови проблеми. Ќе имаме вирусни и бактериски заболувања поради почетокот на учебната година. Во тој период ќе треба да обрнеме многу повеќе внимание на таа млада популација, оти и покрај тоа што коронавирусот не создава тешки проблеми кај децата, сепак, има деца со коморбидитети и кај тие деца вирусот може да развие тешки компликации – вели д-р Андоновски.

Летото е веќе расипано

Епидемиологот д-р Александар Стојанов во изјава за Плусинфо вели дека здравствените власти во земјава треба да почнат да размислуваат за воведување на дел од заштитните мерки против коронавирусот, а кои пролетва беа укинати поради ниските бројки на новозаразени.

Доколку сега јас би имал можност да одлучувам, првото што би го сторил е воведување задолжително носење заштитна маска во затворен простор, особено во јавниот превоз, во трговските центри, а би вовел и ограничувања за свадби и други веселби.

Д-р Александар Стојанов Епидемиолог

– Две години истото го зборуваме. Летото е веќе расипано, ако мене ме прашувате. Погледнете само што се случува во Грција, таму во еден ден се регистрирани 20.000 новозаболени со ковид-19. Истото се случува и во Шпанија, во Португалија, во Италија, односно секаде каде што има многу народ на едно место. Едноставно, короната функционира онаму каде што има гужви. Сите мерки се укинати, но претпоставувам дека наскоро ќе мора да ги вратиме мерките. Како што ги укинувавме мерките, така сега ќе ги воведуваме. Проблемот е дали наесен ќе добиеме некој нов вирус, некој подвирус, некој мутиран вирус, и дали тој нов вирус ќе биде отпорен на имунитетот што веќе сме го стекнале преку прележување на болеста или преку вакцинирањето. Варијантите на омикронот не наидуваат на никаков отпор од вакцината – објаснува д-р Стојанов.

Тој апелира до здравствените власти уште сега да воведат дел од мерките за заштита од коронавирусот, но и да почнат со набавка на вакцини против ковид-19.

– Вакцините што ние ги примивме беа изработени според вухан-сојот и тие вакцини ни завршија голема работа. Скоро половина од нашето население се вакцинираше, иако сметам дека тој процент требаше да биде многу повисок и сега ќе бевме многу покомотни. Но, доколку сега јас би имал можност да одлучувам, првото што би го сторил е воведување задолжително носење заштитна маска во затворен простор, особено во јавниот превоз, во трговските центри, а би вовел и ограничувања за свадби и други веселби. Исто така, уште сега треба да се ставиме на список за набавка на нови вакцини и во септември да почнеме со вакцинирање и со водење кампања за вакцинирање. Овој сој омикрон бара четврта доза, а многу луѓе не сакаат да примат ни втора доза. Затоа, треба да им укажеме дека грешат и дека за нивно добро е да примат четврта доза. Вирусот си постои, а ќе биде присутен и следната година. Секако, како што ќе течат годините, така и силата на короната ќе биде сѐ помала и помала. Но, како што го имаме грипот секоја година, така ќе го имаме и ковидот – објаснува д-р Стојанов.

Полупразни болници

И докторот од Клиниката за токсикологија и професор на Медицинскиот факултет, Нико Беќаровски, вчера на социјалната мрежа Фејсбук објави дека бројките на новозаразени со ковид-19 ќе се зголемуваат во наредниот период.

„Бројките на дневната ковид-статистика рапидно ќе растат како резултат на доаѓањето на омикрон-БА 4 и 5 и тоа е лошата вест. Добрата вест е што сепак болниците ќе ни останат полупразни“, напиша д-р Беќаровски на Фејсбук.

Со ваквата забелешка се согласува и д-р Кирил Солески, кој во гостување на „Утрински брифинг“ рече дека и во нашата земја и на европско ниво се регистрира зголемен број на пациенти заболени со ковид-19, а сето тоа, како што објаснува, се должи на новите омикрон соеви кои се позаразни и умеат да го заобиколат веќе стекнатиот имунитет.

Д-Р БЕЌАРОВСКИ СО КОВИД-ПРОЦЕНА Бројот на заболени со коронавирусот ќе расте рапидно

– Тешко е да се предвиди како ќе се развива ова. Сепак, ова се пациенти со полесни состојби и немаме смртни случаи. Сѐ уште важат истите правила, што значи дека пациентот останува во изолација без оглед дали станува збор на полесна симптоматологија. Пациентите треба да се јават кај матичен лекар, а ако состојбата не е сериозна не треба ништо да се прави. Во најголем дел полесните случаи се третираат на примарно ниво и затоа Лекарското друштво и Министерството за здравство направија протокол и упатство за еднакво третирање на пациентите со ковид-19, вели д-р Кирил Солески за Утрински брифинг.

Тој посочува дека сите показатели укажуваат оти ќе се соочиме со нов бран на ковид-19, но веројатно полесен, а ние ќе мораме да научиме да живееме со вирусот.

Регионот се тресе

Министерството за здравство вчера информираше дека во последните 24 часа регистирани се 168 нови случаи од 1.101 тестирани, што е висока стапка од над 15 отсто од тестираните. Од нив 28 се реинфекции, соопштија здравствените власти.

Последните бројки што ги објавува Министерството за здравство заклучно со 10 јуни покажуваат тенденција на пораст на бројот на заболени од коронавирусот. Сите индикатори покажуваат дека сме пред нов бран. Тоа го покажуваат и бројките на земјите од регионот.

Во Албанија, на пример, пред два дена потврдени се 550 нови случаи со ковид-19 што беше двојно повисока бројка од оние во изминатите денови и е највисока бројка во последните три месеци. Од направените 1.537 тестови вирусот е потврден кај 550 или 35,8 отсто од тестираните. Регистриран е еден починат, а на болнички третман се 19 пациенти, соопшти Министерството за здравство и социјална заштита на Албанија.

Министерството го повторува апелот граѓаните да се вакцинираат, да се повнимателни, посебно во периодот кој следува кога се зголемуваат контактите поради движењето во летната сезона.

Во Србија вчера се регистрирани 468 заразени со коронавирус, а едно лице починало како последица на заразата. Сегашната епидемиолошка состојба бара да се донесат барем минимум мерки, како задолжително носење маски во затворени простории, јавниот превоз и особено во здравствените установи, што сега само делумно се почитува, вели во интервју за порталот Н1, Д-р Славица Плавшиќ, специјалист по белодробни заболувања.

Таа предупредува дека Србија веќе влезе во седмиот бран на коронавирус.

Член на Советот на Здружението Обединети против ковид (УПК) очекува дека во следните седум дена бројот на новозаразени во Србија ќе надмине 1.000 на дневна основа.

Во Брисел донесена е одлука ЕУ да ја продолжи употребата на сертификатот за ковид-19. Советот на ЕУ вчера даде зелено светло за продолжување на користењето на дигиталните сертификати за ковид-19 до 30 јуни 2023 година.

Проширувањето на таа регулатива ќе обезбеди дека патниците од ЕУ, како и оние од трети земји поврзани со системот, ќе можат да продолжат да го користат својот дигитален сертификат на ЕУ за патувања во Унијата во земјите-членки каде што тие сертификати и понатаму се потребни.

The post ВРЕМЕ Е ЗА НОВИ МЕРКИ Прво ќе почнеме со задолжително носење заштитна маска appeared first on plusinfo.mk.

Според здравствените експерти, најмногу на удар од мајмунските сипаници се хомосексуалците, кои најчесто си ја пренесуваат болеста преку сексуалниот чин, а првите знаци на сипаници (папули), појаснуваат нашите соговорници, се појавуваат на гениталиите.

Но, дури и да се зарази човек, лекарите тврдат дека инкубацијата трае најмногу три недели и дека лекувањето е прилично лесно и едноставно.

Комисијата за заразни болести објави дека ја следи состојбата со мајмунските сипаници во светот, како и препораките на Светската здравствена организација (СЗО) кои во моментот не предвидуваат ограничување на движење на луѓе и стока во рамки на земјите каде не се регистрирани, изјави портпаролот на Комисијата, Злате Мехмедовиќ.

Во среда, посочи тој, е закажан состанок на Комисијата, а една од точките на расправа ќе биде состојбата со мајмунските сипаници во светот и можноста за евентуално пренесување кај нас и подготвеноста на системот да се справи со евентуална епидемија или пандемија која би се појавила во светот и кај нас.

– Што ќе се дискутира на состанокот на Комисијата за заразни болести в среда ќе информираме по неговото завршување, за тоа што понатаму планираме да спроведеме како активности во однос на тоа системот да биде што поподготвен за евентуална епидемија која би можела да се случи – додаде д-р Мехмедовиќ.

Сепак, голем е стравот во светот и во Европа. Белгија стана првата земја што воведе задолжителен 21-дневен карантин против сипаници – бидејќи 14 земји сега го потврдуваат избувнувањето на вирусната болест. Заразените со вирусот на мајмунска сипаница сега ќе мора да одат во самоизолација три недели, соопштија белгиските здравствени власти, откако беа пријавени три случаи во земјата.

Нема простор за пандемија

Скоро и да не постојат шанси мајмунските сипаници да се претворат во пандемија, затоа што оваа болест многу потешко се пренесува во споредба со коронавирусот, вели епидемиологот д-р Александар Стојанов во разговор за Плусинфо.

Тој појаснува дека забележано е оти мајмунските сипаници најчесто се шират помеѓу хомосексуалците, а првичните симптоми, како што посочува, се слични на ковид-19.

Папулите најчесто се јавуваат на гениталиите и токму затоа болеста најчесто се шири помеѓу хомосексуалците.

Д-р Александар Стојанов Епидемиолог

– Ако зборуваме за најновите случаи со мајмунски сипаници во Англија, забележано е дека болеста се шири помеѓу хомосексуалците. Првичните симптоми се висока телесна температура и малаксаност, а дури потоа се појавуваат плускавци познати како папули, кои, пак, на крајот се претвораат во краста и отпаѓаат. Папулите најчесто се јавуваат на гениталиите и токму затоа болеста најчесто се шири помеѓу хомосексуалците. Треба да се избегнува да не дојдеш во контакт со таков заболен. Болеста ја пренесуваат мајмуни и глодари, а такви животни кај нас не постојат. Најголем ризик е отворањето на летната сезона и тоа што луѓето ќе патуваат во странство, но не верувам дека голем број Македонци токму летово ќе одлучат да отпатуваат во Конго или во Гамбија. Така што, опасноста од мајмунските сипаници е далеку помала од опасноста со којашто се соочивме за време на пандемијата со коронавирусот во изминатите две години. Но, кога ќе се изгориме на млеко, потоа дуваме и на јогурт, нели? Нормално е луѓето да се плашат и да стравуваат, но овојпат навистина нема потреба од потресување – објасни д-р Стојанов.

Имаме лекови за лекување на мајмунските сипаници, а имаме и вакцина, доколку се појави таква потреба, додаде епидемиологот.

– Луѓето коишто имаат примено вакцина против вариола се заштитени од мајмунските сипаници. Јас бев прва година гимназија кога нѐ вакцинираа против вариола, а потоа се родија еден куп генерации кои не се вакцинираа. Не знам дали по 50 години оттогаш ние вакцинираните сѐ уште имаме имунитет против вариола, но сметам дека и вакцината против морбили помага во заштитата од мајмунските сипаници. Како и да е, имаме лекови и имаме вакцини, па нема да дозволиме болеста да се претвори во пандемија или во епидемија. Инкубацијата е една недела до две, најмногу три недели. Симптомите се слични како тие што ги дава короната, па апелирам до колегите лекари да бидат внимателни и добро да ги проценуваат пациентите. Лекарите треба да ги прашуваат пациентите со кои луѓе и во кои региони се движеле во изминатиот период, па ако се посомневаат дека можна е заразеност со мајмунски сипаници, тогаш треба веднаш тие луѓе да се стават во карантин и да се тестираат – појаснува д-р Стојанов.

Не се смртоносни!

Микробиологот Никола Пановски во емисијата „Утрински брифинг“ рече дека мајмунскиоте сипаници не заслужуваат никакво внимание, освен научно истражување и епидемиолошко значење.

– Мајмунските сипаници се покс сипаници. Тоа е кога излегува меурче. Ова трае со децении. Стручен назив е вариолавера, во Англичаните го викаат смол покс. Нашите новинари, а понекогаш и стручните лица го преведуваат како мали сипаници. Кај нас малите сипаници најчесто ги викаме морбили, додека смол покс и ние и Србите, Хрватите, Русите, ги викаме големи сипаници. Низ годините имало појава на спорадични случаи на мајмунски сипаници, но вакцините од малите сипаници пружаат голема заштита од оваа болест. Пред некој ден слушав дека СЗО вели дека ако сте вакцинирани од мали сипаници, 85 проценти ќе бидете заштитени од мајмунски сипаници. Кога би било тоа вистина, би било одлично, бидејќи од мајмунски сипаници се сите вакцинирани, додека од вариола вера, односно од големи сипаници, вакцинирани се оние кои се постари од 51 година. Значи Југословените два пати, а останатите во светот еднаш. Сите останати не се вакцинирани – објаснува Пановски.

Тој посочува дека мајмунските сипаници за првпат се појавиле во 1958 година во Копенхаген.

– Слична покс сипаница е варичелата, што ние ја викаме овчи сипаници, а врска нема со овци. Во иста фамилија спаѓаат вариолавера, мајмунски сипаници и вакциниа. Вакциниа е болест на кравите од која се разболуваат луѓето. Фамата се крена бидејќи во последниот месец се појавија стотина случаи. Но, за разлика од вариола вера, мајмунските сипаници не предизвикуваат смрт. Проблем е тоа што во медиумите се објавуваат страшни слики од екстремни случаи кои предизвикуваат страв кај населението – објаснува Пановски.

Младите мажи на удар

Мајмунските сипаници е обично лесна вирусна болест, придружена со треска и карактеристичен грутчен осип и затоа не постои причина за загриженост, изјавил српскиот виролог и микробиолог Миланко Шеклер.

Тој посочува дека во Европа речиси и да нема смртни случаи од мајмунски сипаници, а како што тврди, вирусот не е толку заразен како што се прикажува во медиумите.

– Сите пациенти, колку што знам, се мажи на возраст меѓу 20 и 40 години и јасно е откриено дека одреден број од нив биле во близок контакт со друг заразен маж, мислам на хомосексуалноста – вели д-р Шеклер и потсетува дека постоечката фармаколошка терапија е ефикасна, додека, пак, Светската здравствена организација тврди дека вакцините кои досега се користеа за искоренување на големи сипаници се и до 85% ефикасна заштита.

Професор Џими Витвард од лондонскиот Институт за хигиена и тропски болести вели:

– Повеќето луѓе со мајмунски сипаници целосно се опоравуваат за неколку недели. Сепак, има сериозни случаи кои бараат хоспитализација. Формата на болеста која сега е евидентирана во Европа е западноафриканскиот код, кај кого стапката на смртност е од 1 до 100 – објаснува Витвард.

Д-р Клер Даснап, претседател на Британската асоцијација за сексуално здравје и ХИВ, исто така рече дека епидемијата може да има „огромно влијание“ врз пристапот до услугите за сексуално здравје во Британија.

Дете кое моментално се наоѓа во критична состојба во болница во Лондон исто така се разболело од мајмунски сипаници, додека во Европа се регистрирани уште 100 инфекции.

– Нашиот одговор овде е навистина критичен. Следната недела ќе има повеќе дијагнози. Колку, тешко е да се каже. Најмногу ме загрижува тоа што има инфекција низ цела Европа, па веќе се проширила, веќе циркулира во пошироката популација. Да се ​​дојде до врвот на сите контакти на овие луѓе е огромна работа. Бројот на пациенти би можел да биде поголем во следните две или три недели – изјави д-р Даснап за „Sky News“.

The post КОГА ЌЕ СЕ ИЗГОРИШ НА КОРОНА ЌЕ ДУВАШ И НА МАЈМУНСКИ СИПАНИЦИ Сепак, внимавајте со кого ќе гужвате чаршафи! appeared first on plusinfo.mk.

– Комисијата за заразни болести предлага децата на училиште сами да одлучат дали да носат заштитна маска, додека, пак, просветниот персонал, учителите и наставниците немаат право на избор, туку мора да носат заштитни маски. А во светот расте бројот на новозаразени со коронавирусот, не опаѓа. Затоа мислам дека помало зло е да се носат маски, отколку да се укинат маските. Дечињата кои припаѓаат во возрасната група од 1 до 9 години се најмалку зафатени од короната. Од друга страна, ние имаме многу мал опфат со вакцинација, така што, ако сето тоа го ставиш на кантар, јас лично сметам дека не треба да се укинуваат мерките сѐ додека не влеземе во зелената зона. Впрочем, времето е сѐ уште студено, греењето во училиштата сѐ уште е неопходно, просториите не можат редовно да се проветруваат, а до крајот на учебната година има само уште два месеца. Децата се затворени во училниците, го дишат истиот воздух, не излегуваат надвор оти им студи, а часовите не им се скратени. Така што, јас мислам дека би можеле да се стрпиме уште малку и не треба да брзаме – објаснува д-р Стојанов.

Да почекаме и да не носиме избрзани потези од кои подоцна ќе нѐ боли главата, порачува тој.

– Во изминатите денови регистрирани беа по 300 новозаразени со коронавирусот, а се сеќавате како беше пред две години кога бројката на новозаразени скокна на 100? Тогаш сите весници и телевизии објавуваа дека бројката станала трицифрена, луѓето паничеа, не се знаеше дали ќе има место во болниците… А сега, секојдневно имаме по 300 новозаразени, но исто како ништо да не се случува. Така што, мислам дека треба да почекаме за да се смират бројките и да не избрзуваме со одлуки. Ние се наоѓаме во жолтата зона, бидејќи процентот на заболени од тестирани изнесува 11 на неделно ниво, а за да влеземе во зелената зона тој процент треба да биде помал од 5. Затоа, ајде прво да влеземе во зелена зона и тогаш да ги укинеме сите мерки – вели епидемиологот.

Портпаролот на Комисијата за заразни болести, Злате Мехмедовиќ, пак, тврди дека земјава веќе е влезена во зелената зона и дека укинувањето на мерката за задолжително носење маски во училиштата нема никаква врска со блискиот крај на учебната година.

– Начинот на носење на мерките е направен на база на соодветна алатка којашто го калкулира епидемиолошкиот ризик во земјава. Во моментов, таа алатка укажува на тоа дека се наоѓаме во зелената зона, дека постои ниска трансмисија на вирусот, дека имаме доволно болнички кревети, дека не е загрозен здравствениот систем и дека можат да се даваат доволно здравствени услуги на сите оние коишто ќе побараат помош, без притоа да бидат загрозени останатите здравствени услуги коишто се даваат во здравствените установи. Врз основа на таквиот принцип на пресметување на актуелната епидемиолошка состојба, можат да се направат одредени релаксирања во однос на превентивните мерки. Една од тие мерки е и укинувањето на мерката за задолжително носење заштитна маска во основните училишта. Секако, родителите кои сметаат дека нивните деца треба да продолжат да следат настава со маска, тоа право нема да им биде ускратено. Сето ова е независно од крајот на учебната година. Ова зависи од актуелната епидемиолошка состојба, а не од тоа кога ќе биде крајот на учебната година – објаснува д-р Мехмедовиќ.

Тој вели дека епидемиолозите ќе продолжат редовно да ја следат епидемиолошката состојба во земјава, а кога ќе забележат евентуално зголемување на бројките на новозаразени со коронавирусот, тогаш повторно ќе стапат на сила мерките за заштита.

– Ако има влошување на епидемиолошката состојба и ако излеземе од зелената зона и влеземе во жолтата зона, тогаш повторно ќе ги вратиме заштитните мерки. Алатката ја следи епидемиолошката состојба на секои седум дена и ние на секои седум дена ќе имаме состанок на кој ќе носиме препораки и одлуки. Доколки има влошување на состојбата како резултат на релаксирање на мерките, тогаш ќе се донесат повторно мерки кои ќе бидат во насока на контрола на трансмисијата. И одлуката за да се укине мерката за задолжително носење маски во училиштата беше донесена на состанокот на Комисијата за заразни болести, на кој се водеше добра дискусија, а мнозинството гласаше за укинување на мерката – објасни д-р Мехмедовиќ.

И инфектологот Вело Марковски смета дека децата треба да дишат слободно.

– Постојано има инфекции, вируси, грипови, настинки, а веројатно и коронавирусот ќе остане да живее уште долго време заедно со нас. Затоа, не би било добро да им наложуваме на децата со часови да дишат преку заштитна маска. Сега е веќе март, се наближува пролетта, а со тоа во голем дел ќе исчезне и опасноста од масовно ширење на коронавирусот. Сметам дека одлуката на Комисијата за заразни болести е исправна, а дури и мислам дека таа одлука требаше многу порано да биде донесена. Верувајте ми, многу поголема штета прават маските отколку корист. Сега ние имаме двојно повеќе новозаразени со ковид-19 отколку што имавме во 2020 година, а тогаш бевме затворени во карантин – вели инфектологот.

Средношколци, вие сте следни!

Членот на Комисијата за заразни болести, токсикологот Нико Беќаровски во објава на Фејсбук откри дека наскоро истата мерка се планира и за учениците од средните училишта.

„За две недели ќе бидат ослободени и средношколците. Основците се ослободени порано бидејќи скоро сите учат во местото на живеење и не се врзани со јавен автобуски превоз, каде сѐ уште е задолжително носење на маски“, напиша Беќаровски на Фејсбук.

The post ПОМАЛО ЗЛО Е ДЕЦАТА ДА НОСАТ МАСКИ ОТКОЛКУ ДА НЕ НОСАТ Стрпете се уште два месеца, ќе заврши учебната година! appeared first on plusinfo.mk.

Тој смета дека е сè уште рано за да се излегува со какви било ставови кои шират огромен страв кај населението.

Постојано сме во некаква паника, прво со делта-сојот, па со делта плус, сега со омикрон, но најверојатно не е баш така како што изгледа.

Д-р Александар Стојанов Епидемиолог

– Омикрон сојот се појави пред десетина дена, а науката не може толку брзо да изнесе најточни податоци, бидејќи нема доволно време и нема доволно заразени луѓе за да се направат сите потребни испитувања во однос на тоа каква клиничка слика дава вирусот или колку луѓе можат да се заразат од само еден преносител. Постојано сме во некаква паника, прво со делта-сојот, па со делта плус, сега со омикрон, но најверојатно не е баш така како што изгледа. Во однос на ригорозните мерки кои ги преземаат голем број земји ширум светот, моето мислење како епидемиолог е дека земјите не треба да ги затворат границите. Постојат другите мерки кои се во насока на спречување на заразата и ако доследно се почитуваат може да бидат многу поефикасни од затворање на границите – објаснува д-р Стојанов за Фактор.

Тој вели дека многу важно е опфатот на вакцинација кај нас да биде што е можно поголем, а не само околу 50 отсто.

The post ЏАБЕ СЕ ПАНИЧИМЕ КОГА НИШТО НЕ ЗНАЕМЕ Д-р Стојанов вели дека омикрон-сојот сè уште е мистерија appeared first on plusinfo.mk.

За новиот сој на коронавирусот Стојанов вели дека е најлошиот досега, а како што објаснува, природата на вирусите е да мутираат за да опстанат.

– Вирусот нема да може да мутира ако се вакцинираат голем број луѓе. Вакцините кои беа проектирани за првиот сој беа најефикасни за тој сој, но откако вирусот почна мутира, така и ефикасноста на вакцините опадна. Сега е потребно да се направат нови вакцини. Тоа е исто како со антибиотиците, бидејќи колку повеќе антибиотици примате, толку станувате резистентни на нив. Затоа, потребно е голем број луѓе да се вакцинираат против коронавирусот. Ние го зборуваме тоа цело време. Потребна е брза и масовна вакцинација за да се прекине ланецот. Освен вакцината и класичните мерки кои вклучуваат да нема собири во затворен простор, друго решение не постои. Лек за вирусот нема, но вакцината заштитува од тешка клиничка слика и од смрт. Од вакцина нема смртни случаи, но има од ковид-19 – објаснува Стојанов.

The post НИКОЈ НЕ УМРЕЛ ОД ВАКЦИНА, АМА УМРЕЛ ОД КОРОНА Епидемиологот Стојанов објасни зошто мутира коронавирусот appeared first on plusinfo.mk.

The post На плажа во Грција почина д-р Александар Стојанов appeared first on plusinfo.mk.

Усовоени се нови мерки, вие сте дел од Комисијата која ги предложи. Дали сметате дека овие мерки ќе вродат со плод, со оглед на зголемување на бројот на новозаразените изминатиот период или ќе има потреба од поригорозни?

Вие сте запознаени со досегашниот процес на тестирање. Дали во земјава има доволно кадар да ги спроведуваат тестирањата доколку сѐ поголем број лица имаат симптоми?

– Медицинскиот кадар кој работи во лабораториите и останатите во здравствениот сектор никогаш не се доволни, и здравствените работници се разболуваат, имаат разни здравствени проблеми, жените забременуваат, апаратите се расипуваат, се сервисираат и сето ова ја усложнува работата и издавањето на резултатите. Затоа се апелите да се почитуваат мерките да не се оптерети премногу здравствениот систем за да може да одговори на сите барања.

Дали покрај стравот од вирусот треба да има и страв дека ако се зголеми бројот на заболени нема да може да се стигне до тестирање, изминатиот период има поплаки од граѓаните дека многу чекаат за термин за тестирање, една недела и повеќе?

– Зголемениот број лица со индикации за тестирање го зголемува и времето на чекање затоа што немаме неограничени капацитети, но додека да се тестира сомнителниот пациент и додека да се добие резултат, потребно е да останат во самоизолација поради секоја сигурност.

До каде се брзите тестови, кои беа најавени?

– Брзите тестови се тука, ќе се прават по поединечна индикација.

Може ли да ни појасните врз основа на кои критериуми се даваат решенија за изолација, дали тие решенија временски се исти за сите, до нашата редакција пристигнуваат реакции од граѓани дека некои добиле решение за 10 дена, некои за 14 дена и дали во периодот на изолација всушност лицето е на боледување?

– Решенијата за изолација ги изготвува ДСЗИ, за сите позитивни случаи и за контактите кои треба да се во изолација (според проценката на ризик, која ја прави епидемиолог). Времето на изолацијата е оправдано отсуство со решение од ДСЗИ.

Во последно време често се информира за случаи на медицински лица кои даваат отказ поради замор и притисокот со кој се соочуваат во екот на падемијата? Дали такви поплаки имаат и вработените во Центарот за јавно здравје?

– Можам да Ви одговорам за ситуацијата во ЦЈЗ Скопје. Во моментот останати сме без двајца епидемиолози и еден микробиолог. Едниот е на боледување веќе подолго време, другиот најде работа во Холандија и колешка е на породилно отсуство. Имаме отсутни и по други основи, но добиваме и помош од други институции, така што ја компензираме работата, со напор.

Деновиве лидерот на ВМРО-ДПМНЕ Христијан Мицкоски изјави дека членовите на Комисијата за заразни болести треба да дадат оставка бидејќи не се справуваат добро со ситуацијата. Партијата излезе со предлог за формирање нова специјална комисија за борба против ковид 19, која ќе ја избира Собранието. Како ги коментирате ваквите политики на опозицијата?

– Секоја добронамерна помош е добродојдена, и комисијата е веќе заморена од осуммесечната постојана работа, сите сме и со други професионални задолженија и обврски и добро би ни дошла помош со нови луѓе со нови издржани идеи ако ги имаат.

The post Стојанов: Капацитетите ни се ограничени, брзите тестови ќе се прават по индикација appeared first on plusinfo.mk.

– За утре е најавено да се состанеме и да одлучуваме за евентуални нови вонредни мерки, но досега за такво нешто воопошто не сме зборувале. Ако некој зборувал за воведување полициски час надвор од Комисијата, тоа е веќе друга работа. Но, ние во Комисијата за заразни болести воопшто не сме спомнале такво нешто – изјави Стојанов.

На прашањето дали е потребна таа мерка со оглед на тоа што бројките на заразени со ковид-19 од ден на ден растат, Стојанов смета дека полицискиот час не ни врши работа.

– И кога имавме полициски час, голем број луѓе не го почитуваа. Полицискиот сме ние ако ги почитуваме мерките. Ако не ги почитуваме, џабе е сè – објаснува Стојанов.

The post Стојанов: Никој не спомнал полициски час! appeared first on plusinfo.mk.

Во неделното интервју за Радио Слободна Европа, д-р Стојанов истакнува дека медицинските работници се преморени, но не е прашањето само дали тие ќе издржат, туку и дали целокупниот здравствен систем  финансиски ќе може да го поднесе „товарот“.

Медицински персонал не можеме да увеземе, додава Стојанов, а клучно во борбата против ковид-19 е почитувањето на мерките за заштита.

Според докторот, сега младите се поактивни и се поизложени на вирусот, а пензионерите повеќе внимаваат. Младите кои ќе завршат на респиратор, предупредува, имаат големи проблеми

– Се трудиме колку можеме. Многу полесно ќе ни беше ако бројките беа двоцифрени, затоа што и болниците ќе се справуваа со помал број пациенти, центрите за јавно здравје помалку ќе тестираа, лабораториите ќе беа покомотни, ама, за жал, еве тоа не се случува. Се случува многу полека, јас пак сум оптимист и мислам дека трендот е во намалување, не е во зголемување, но не е само дали ќе издржиме, прашањето е и дали системот финансиски ќе издржи. Оти правиме многу големи трошоци, а немаме адекватна економска помош. И тој момент мора да се земе в предвид. Мора да се земе в предвид дека луѓето се изморени и им треба одмор на сите, барем по една недела, ние правиме некои напори, да пуштаме луѓе кај што може, но немаме друго решение освен да се работи секојдневно, ние работиме и саботи и недели и празници – нагласува директорот.

Во однос на почетокот на школската година, тој е дециден дека никој не може да каже кога ќе престане целата ситуација или кога бројките ќе се намалат за да биде безбедно одењето на настава, а децата мора да учат. Проблем ќе биде, нагласува, кај класовите со повеќе ученици. Во ваков случај опција би било да се седи помалку на час и да има по три смени или половина одделение да оди на настава една недела, а половина да работи од дома, а потоа обратно. Но, треба да се процени и дали ќе има доволно наставици.

– Децата мора да учат зашто оваа ситуација може да потрае подoлго време. Никој точно не може да каже кога ќе престане ова, кога ќе се намалат бројките за да биде побезбедно одењето во школо. Дали ќе ги држиме децата уште две години дома? Мерките се општи и важат за сите: дистанца, маска и дезинфекција. Но, како тоа да се спроведе во школите зашто и поголемите деца не ги почитуваат мерките, а нешто мора да се направи за да на изостануваат од училиште. Сепак, животот мора да тече, децата треба да бидат образовани. Истото се однесува и на градинките и на школите – вели д-р Стојанов.

За високата смртност во земјава, пак, смета дека има два момента, здравствениот систем и начинот на пријавување. Тој е дециден и гарантира, како што вели, дека од почетокот на епидемијата сè е транспарентно, сè е јавно кажано до детаљ и не е сигурен дека е така и во другите земји.

– Со тешките случаи најдобро се справи здравствениот систем на Германија, со тоа што уште од времето Германија има по глава на жител најголем број на интензивна нега, комплетно опремена со сè што треба. Ние не сме тој тип на држава со такво јако здравство. Другиот момент е што ние уште од почетокот значи сè што почина и во болница и надвор од болница и постмортем им земавме брисови и не сме промашиле ништо, затоа што мислевме дека во семејства каде што ќе почине некој и ако се земе брис и излезе дека е позитивен дека треба да се внимава на контактите, да се изолираат. Знам земји каде луѓе починати надвор од болница не беа воопшто ставени во таа статистика – нагласува директорот на Центарот за јавно здравје – Скопје, Александар Стојанов во интервјуто за Радио Слободна Европа.

The post Стојанов: Полесно ќе ни беше ако бројките на заразени беа двоцифрени appeared first on plusinfo.mk.