Кај 33 жртви во дискотеката „Пулс“ се пронајдени цијаниди во крвта, кај 49 имало присуство на алкохол, кај 8 дрога, а кај 4 седативи и антидепресиви, но, главна причина за смртта на 59 лица, врз основа на обдукциските наоди и токсиколошките анализи, се: насилно задушување од труење со јаглероден моноксид, амбиентално задушување, компресивно задушување и термичко оштетување на дишните органи, рече директорот на Институтот за судска медицина, Александар Станков на денешното рочиште за пожарот во Кочани.

Кај останатите 4 загинати причини за смрт се оштетување на белите дробови и изгореници.

Починале од јаглероден моноксид

– Јаглерод моноксидот е најчест токсичен гас што се јавува при пожари во затворен простор. Тој многу брзо и добро ја исполнува просторијата и е доминантен причинител за смртта. Кога се дава причина за смрт, се дава основниот и доминантен причинител. Кај овие лица процесот на отпочнување на смртта е од јаглероден моноксид, но не можеме да ги исклучиме и останатите дополнителни фактори. Доминантната причина е јаглероден моноксид, а потпомогнале и синергистички делувале топлиот воздух, чадот и вдишувањето на цијанид, кои само го потпомогнале настапувањето на смртта – изјави Станков.

Водородниот цијанид, посочи Станков, само потпомогал, но труењето со јаглероден моноксид е главниот причинител на смртта.

– Доколку водородниот цијанид беше главен причинител тогаш и бројот на загинатите би бил многу поголем – рече Станков.

На прашање од Обвинителството Станков на почетокот објасни дека Институтот за судска медицина бил вклучен на два начини – со наредби на Обвинителството биле извршени обдукции на жртвите со цел идентификација и утврдување на причините за смрт, а кај повредените за утврдување на причините на повредите и нивна правна квалификација.

– Причината за смрт кај секоја од жртвите беше утврдена врз основа на надворешниот и внатрешниот наод од обдукциите, како и резултатите од токсиколошките испитувања – рече сведокот.

Сложени и прецизни анализи

Станков посочи дека во писмените извештаи за извршените обдукции се содржани дел од токсиколошки наоди – за јаглероден моноксид и за алкохол, а во пасусот каде се наведени резултатите е ставен дел дека сите други резултати ќе бидат дополнително доставени. Причина за тоа е што одредени токсиколошки анализи бараат подолг временски период за испитување, како и големиот број примероци.

– Во врска со водородниот цијанид е потребна прецизна метода, заради што на Институтот се инсталираше нов апарат и после проверката за неговата исправност беа направени тие анализи. Мора да напоменам дека токсиколошките анализи се работеа во континуитет и сите беа извршени врз основа на наредбите за обдукција на починатите – изјави Станков.

Резултатите за присуство на јаглероден моноксид се во извештаите за извршените обдукции.

– Кај 7 лица е утврдена концентрација до 10%, кај 17 до 20%, кај 17 до 30%, кај 14 до 40% и кај 4 лица над 40% карбокси хемоглобин во крвта – рече Станков.

Комбинација од фактори

Јаглеродниот моноксид е безбоен гас, без мирис, се создава при нецелосни согорување и е еден од водечките причини за смрт. Својата токсичност ја искажува со тоа што се врзува со хемохлобинот во крвта и има до 200 пати поголема врска од кислородот, со што оневозможува транспорт на кислород до органите. Тој се врзува и со миоглобинот во мускулите со што предизвикува слабост во мускулите и отежнато движење.

– Основна симптоматологија при труење се главоболка, вртоглавица, повраќање и смрт. Кај пожари, особено во затворен простор, никогаш не треба да се гледа како изолиран фактор. Тој е доминантен, но има и други штетни фактори кои го потпомагааат неговото дејствие. Освен јаглероден моноксид, при пожари во затворен простор се создаваат и други токсични гасови. Поради согорувањето просторијата се полни со чад кој при вдишување ги затнува дишните патишта. Тука е и жешкиот воздух при вдишувањето. Затоа не треба да се гледа и да се споредува со одредени таблици дека треба да има концентрација од 50 до 70% за да настапи смрт. Тоа е комплексно – изјави Станков.

Разлика меѓу труење и задушување со јаглероден моноксид не постои, затоа што задушувањето може да биде различно.

– Кај јаглеродниот моноксид задушувањето е од хемиската реакција и нема никаква разлика. Задушувањето е на клеточно ниво, бидејќи јаглеродниот моноксид не дозволува транспорт на кислород до ткивата – рече Станков.

Кај 26 жртви имало водороден цијанид во крвта

Токсиколошките анализи, нагласи Станков, покажале дека водородниот цијанид е содржан во крвта кај 26 лица.

– Цијаниди во крвта се пронајдени кај 11 лица во концентрација до 0,6 микрограми на милилитар крв, кај 5 до 1 микрограм на милилитар, кај 9 лица до 2 микрограми, кај 4 лица до 3 микрограми и кај 4 лица до 5,25 микрограми на милилитар – изјави Станков.

Водородниот цијанид е безбоен гас и се создава при пожари и при согорување на полиутерани. Тој е еден од најтоксичните гасови, кој, исто така, делува на клеточно ниво и го оневозможува клеточно дишење. При негови високи концентрации во воздухот смртта настапува многу брзо, и до една минута.

Концентрацијата на цијанид во крвта никогаш не треба да се гледа изолирано кога се работи за вака комплексен случај. Концентрација меѓу 2 и 3 микрограми на милилитар прави тешки компликации, а над 5,5 се смета дека се смртоносни. До ова е дојдено искуствено, бидејќи има најдени и повисоки концентрации што не биле смртоносни.

Алкохол имало кај 49 починати, дрога кај 8

Според резултатите добиени од анализите на етил алкохол во крвта кај починатите, кај 10 немало алкохол во крвта, кај 12 имало до 0,5 грам промили, од кои петмина биле малолетни. Кај 15 лица имало до 1 грам промил, кај 11 до 1,5 грам промили, кај 9 до 2 грам промили и кај 2 лица над 2 грам промили, односно 2,05 и 2,29.

Станков рече дека се направени испитувања и за присуство на лекови и на дроги.

– Кај едно лице се најдени седативи и аналгин, кај едно само седативи, а кај двајца антидепресиви, кои не може да се купат без рецепт. Од психоактивни дроги кај 6 лица е е пронајден кокаин, кај едно лице кокаин и амфетамин и кај едно лице канабис – рече сведокот.

Карактеристична слика за труење со јаглероден моноксид

Тој објасни и дека труењето со јаглероден моноксид има специфични и неспецифични индикации. Надворешно, тоа се светло црвени дамки и крварење под кожата, а во внатрешните наоди покажуваат течна и светла крв и розово пребројување на внатрешните органи. Цијановодородот, според вештакот, дава слична, но не иста слика. Има светло црвени дамки и розеникаво пребројување на органите, но нема црвеникаво пребројување на мускулите и тоа е клучната разлика.

– Кај сите кај што е утврдена причина за смрт од насилно труење со јаглероден моноксид имаше карактеристична слика за труење со јаглероден моноксид, дури и кај останатите немаше типична слика за цијановодородно труење – рече Станков.

Нагмечени во стампедо

Сведокот додаде и дека компресивна асфикција најчесто има при стампеда, кога најчесто се јавува притисок на стомакот и градниот кош или комбинирано притисок на стомак, граден кош и на врат.

Амбиенталната асфикција означува задушување поради намалување на нормалниот процент на кислород во воздухот.

Сведокот рече и дека изгорениците на дишните патишта претставуваат значаен фактор за настапување на смртта на лица при пожар во затворен проатор. Воздухот во тие простори се загрева на многу висока температура и доаѓа до изгореници на слузницата на носот, гркланот и на дишните патишта.

Врз основа на обдукцијата и делјството на топлиот воздух и гарежот од чад, според вештакот, давањето кислородна поддршка не би дало резултат, со оглед дека повеќето се донесени во болница веќе починати.

Пожарот во дискотеката „Пулс“ во Кочани избувна на 16 март 2025 година за време на настап на групата ДНК. Загинаа 63 лица, а повредени беа 222.

The post ЖРТВИТЕ ВО „ПУЛС“ УМРЕЛЕ ОД ЈАГЛЕРОДНИОТ МОНОКСИД Смртоносниот гас бил главен фактор за сите, а 26 имале и водороден цијанид во крвта appeared first on plusinfo.mk.

Причината за смртта кај сите 59 настрадани е настаната поради насилно задушување и е во директна поврзаност со пожарот во дискотеката „Пулс“, соопшти денеска на прес конференција проф. д-р Александар Станков, директор на Институтот за судска медицина.

– Кај дел од нив се пронајдени изгореници, од прв и од втор степен. Кај тројца имаше изгореници од четврт степен. Меѓутоа, причината за смртта е задушување – рече Станков.

Во март се очекува за бидат завршени сите извештаи за направените обдукции. Можеби ќе треба малку повеќе време за да се изработат токсиколошките анализи кои што бараат време. Потоа сѐ ќе биде доставено до надлежното јавно обвинителство.

Облеката и личните предмети на загинатите кои се најдени за време на обдукциите се во Институтот и тие се во надлежност на јавното обвинителство.

– Што ќе се случи со нив ќе одлучи јавното обвинителство бидејќи тие утре можат да бидат земени како докази во една судска постапка – додаде Станков.

Тој објасни дека при пожари најчест гас е јаглерод моноксид, а може да се јават цијан водород и сулфур водород.

– Ние сега ги работиме токсиколошките анализи за да утврдиме што е присутно во крвта, но според макроскопскиот наод за време на обдукциите кај најголем дел од нив има јаглерод моноксид – рече тој.

Јаглерод моноксид е многу опасен гас, тој е без мирис, без вкус, делува на централниот нервен систем, ги онеспособува жртвите и смртта може да настане многу брзо за неколку минути во зависност колкава е концентрацијата. Гасот ги онеспособува жртвите да избегаат, постои главоболка, повраќање, вртоглавица, бессознание, дезориентираност, парализа на мускулите. Пламенот кој гори го троши кислородот.

Станков појасни дека обдукциите се еден вид материјални докази и дека е важна идентификацијата. Кај загинатите жени, личните документи не биле во нив.

Кај загинатите биле утврдени и скршеници на ребра, како и задушување поради притисок што се случува при стампедо. Такво задушување било утврдено кај четворица од загинатите.

Четворица се идентификувани само со ДНК, зашто не било возможно да се земат отисоци од рацете.

– Со брзо завршената работа овозможивме семејствата брзо да си ги погребаат своите најмили – рече проф. д-р Светозар Антовиќ, декан на Медицинскиот факултет, кој изрази сочувство и надеж за брзо опоравување на повредените.

Од вечерта на 16 март до претпладнето на 18 март се извршени 59 судско медицински обдукции со позитивна идентификација.

– Веднаш по добивање на информацијата за несреќата во утринските часови во рок од 1 час беа сите присутни на своите работни места и беше направен организационен план за прифаќање и работа со телата на починатите. Беше решено сите загинати да бидат донесени во Бутел и етапно да се носат по 15 тела. Како што беа завршени тие обдукции беа предавани на погребалното претпријатие и се носеа други – појасни Станков.

Биле формирани 6 тимови со двајца лекари специјалисти, еден помошник и еден вработен во лабораториите во Инстутитот.

– Секогаш кога имаме обдукции на масовни несреќи кои вклучуваат идентификација, се вклучуват тимови од МВР од Одделението за потраги и Одделот за дактилоскопија и идентификација. Имаше и помошен персонал од Институтот за патологија и еден лекар специјалист и помошник обдуцент од одделението за судска медицина во Тетово – рече Станков.

На располагање биле институтите во Гостивар, Штип и во Битола.

На првиот ден од несреќата на Станков му се јавиле колеги од Атина, Солун, Ниш, Белград, Приштина, Тирана, Сараево, и понудиле помош.

– Првично идентификацијата беше вршена во болниците со помош на препознавање и лични документи, но во услови на стрес тие методи не се доволно уверливи и може да се случат грешки. Затоа една од целите на обдукцијата беше да се изврши идентификација според протоколите на Интерпеол и според препораките на ЕУ. Се направи идентификација со помош на ДНК и со помош на дактилоскопија. Беше направен тим кој во два наврата појде во Кочани и зеде примероци од ДНК од блиски на загинатите, а некои кои беа во Скопје им беа земени примероци во Скопје – рече Станков.

Со позитивната идентификација е завршено на 19 март. Неколку пати се поверувале идентификациите за да не се случат било какви грешки.

The post НАСИЛНО ЗАДУШУВАЊЕ Е ПРИЧИНА ЗА СМРТТА НА ЗАГИНАТИТЕ ВО КОЧАНИ Кај четворица е утврдено задушување во стампедо appeared first on plusinfo.mk.

– Работиме интензивно на процесот на идентификација и на утврдување на причините за смртта, со цел да ја завршиме работата што е можно побрзо за да може роднините што поскоро да ги преземат посмртните останки од нивните блиски – рече Станков.

Тој кажа дека работат во тимови заедно со претставници на Министерството за внатрешни работи, но не откри детали до каде е со процесот, односно кога би бил завршен и што е утврдено со обдукциите досега.

Во пожарот што се случи во дискотеката „Пулс“ во Кочани животот го загубија 59 млади лица, а над 150 настрадани се згрижени во земјава и во странство.

The post ИНТЕНЗИВНО СЕ ПРАВАТ ОБДУКЦИИ НА ЗАГИНАТИТЕ Целта е што побрзо да им се предадат посмртните останки на роднините appeared first on plusinfo.mk.

Тој се обрати во име на стручниот колегиум на Институтот за судска медицина, потенцирајќи дека не е направен никаков пропуст во истражната постапка од луѓето инволвирани во обдукцијата на телото.

– По пронаоѓање на телото на ден 07.06.2022 година околу 19.00 часот бил извршен увид на местото на настанот од страна на службени полициски лица и јавен обвинител од ОЈО Струмица. При увидот телото било прегледано од страна на лекар мртвопроверител. По наредба на јавниот обвинител истата вечер телото е донесено на Институтот за судска медицина, криминалистика и медицинска деонтологија за извршување на судско медицинска обдукција. На 08.06.2022 година во претпладневните часови на Институтот за судска медицина, криминалистика и медицинска деонтологија извршена е судскомедицинска обдукција врз телото на пронајденото починато лице. Обдукцијата е направена по сите светски стандарди од двајца специјалисти по судска медицина. За време на обдукцијата беше земен биолошки материјал за извршување на токсиколошки анализи и изолација на ДНА профил – вели професорот.

Станков претпоставува дека одлуката на обвинителот се темели на недовербата кон Институтот што тој го претставува.

– Оваа одлука на обвинителството веројатно се темели на недовербата кон нашата Институција и вербата во погрешните информации добиени од страна на мртвопроверителот односно непрофесионалниот изведен заклучок за причината и начинот на смртта формиран врз основа на надворешен преглед. И двајцата не се едуцирани ниту пак имаат знаење да толкуваат повреди и промени особено кога се работи за тело кај кое постојат развиени трулежни промени. Причината наведена во наредбата за реобдукција (неутврдена причина за смрт веднаш по завршување на обдукцијата) покажува дека ОЈО и колегите кој го прегледале телото немаат елементарни познавања од судска медицина, познавања кој треба да ги има секој обвинител за да може да работи на случаи од ваков тип и познавања кој треба да ги има секој лекар за да може да изврши преглед на мртво тело. Особено не ни е јасно како може истата вечер да излезат информации во јавноста дека се работи за убиство пред воопшто да биде започната обдукцијата – додава тој.

Како потсетување за оние кои не знаат, причина за смрт претставува онаа основна повреда или болест која го иницирала ланецот на промени кои завршуваат со смрт, тврди професорот.

– Во најголем број на случаи причината за смрт се одредува веднаш по завршување на обдукцијата. Во одреден број случаи потребни се дополнителни испитувања и анализи кои ќе помогнат во донесување на заклучокот за причината за смрт. Тие анализи може да потраат подолго време. Затоа обвинителството треба да биде во постојана комуникација со лекарите од Институтот кои се единствени меродавни во давање на причина за смрт и толкување на промени на тело особено кај тела кои се со развиени трулежни промени. Кога ќе се дојде до причината за смрт тогаш обвинителството врз основа на сите собрани информации донесува одлука за начинот за смрт, односно ако се работи за насилна смрт дали е убиство, самоубиство или несреќен случај. Во конкретниот случај врз основа на погрешно толкување на промени на телото од покојниот донесен е преран заклучок во врска со начинот за смрт пред воопшто да се добијат информации од наодот од обдукцијата било за причината за смрт или пак токсиколошките наоди – вели Станков.

На Институтот за судска медицина во тек се токсиколошките испитувања на земениот биолошки материјал. Оттаму порачуваа дека по добивањето на овие резултати, надлежниот обвинител ќе биде известен за причината за смрт.

The post ОБВИНИТЕЛИТЕ НЕМААТ ЕЛЕМЕНТАРНИ ПОЗНАВАЊА ОД СУДСКА МЕДИЦИНА Се чека на токсиколошки наод за убиството во Ново Село appeared first on plusinfo.mk.

– Додека не заврши ДНК анализата не може да се утврди точниот број на настрадани лица. Направени се 44 обдукции, но увидени се и остатоци од тела коишто ќе се поврзат со ДНК анализата. Треба да почекаме да се испитаат овие остатоци и тогаш точно ќе видиме колку лица биле настрадани – изјави Станков за МИА.

Станков потврди дека кога ќе бидат готови извештаите од македонските лекари од судска медицина, кои овие денови беа во Софија, истите ќе бидат предадени на бугарските власти.

Претходно, портпаролката на главниот обвинител на Бугарија Сијка Милева, на прес-конференција со заменик-јавниот обвинител на Бугарија Борислав Сарафов изјави дека на местото на трагедијата се пронајдени 44 тела.

Таа информира дека се сретнала со преживеаниот маж кој и раскажал како го скршил стаклото на автобусот и рекол дека спасил осум лица, а не седум.

– Според податоците со кои располагаме, патувале 52 лица, ние пронајдовме 44 тела, а се хоспитализирани седум лица – четворица мажи и три жени. Останува големата загатка, каде е осмото лице. Работиме на таа верзија, не сакаме да шириме дезинформации, може да се работи и за лошо сеќавање на сведокот – истакна Милева.

The post ДИРЕКТОРОТ СТАНКОВ ДЕЦИДЕН Видов 44 целосни тела и остатоци од 45 тело appeared first on plusinfo.mk.

Директорот  на Институтот Александар  Станков вели дека сѐ уште не се знае на колку тела ќе треба да се врши ДНК анализа и засега не открива во каква состојба се донесените тела. Сепак, вели тоа што починатите биле ковид пациенти ја отежнува работата бидејќи треба да се почитуваат протоколите.

– Фактот што се тоа ковид позитивни пациенти ја отежнува работата, меѓутоа, ние за цела оваа година работиме под исти услов, под исти мерки и сега за сега сме зачувани од некаква инфекција којашто би можела да настане. Меѓутоа, ги запазуваме сите протоколи, работиме во малку поотежнати услови, но ќе се завршат брзо обдукциите –  рече Станков за „Сител“.

The post 14 ТЕЛА НА ПОЧИНАТИ ВО ПОЖАРОТ СЕ ВО СУДСКА МЕДИЦИНА Обдукцијата треба да заврши денеска appeared first on plusinfo.mk.