На консултативен настан во Битола на кој учествуваа градоначалници од пелагонискиот и од југозападниот регион, министерот Перински нагласи дека со новото законско решение ќе се модернизира актуелниот Закон за локална самоуправа.

– Станува збор за системски Закон за кој што се потребни две третини од Собранието и секако Бадентер за негово донесување. Сфативме дека актуелното законско решение треба да се модернизира и да се адаптира врз основа на модерните услови на живеење. Со комуналната полиција ќе се превенираат девијантните појави на мали група граѓани, кои што секојдневно несоодветно депонираат и одлагаат отпад, несоодветно постапуваат со урбаната опрема за која што локалните самоуправи издвојуваат значајни средства од своите буџети. Сакаме да го корегираме и превенираме тоа однесување за да имаме поубаво место на живеење – изјави министерот Перински.

Комуналните редари или полицајци, кои се предвидуваат со законските измени,  ќе бидат задолжителна обврска за општините кои ќе немаат можност за избор од типот – сакаме или не сакаме да ги интензивираме комуналните надзори, додаде Перински.

– Комуналните редари и сега се предвидени во Законот за комунални дејности, но кога ќе ги предвидеме и во Законот за локална самоуправа, тоа ќе биде облигаторна работа која ќе мора да ја извршуваат градоначалниците. Ваквата дејност ќе биде под ингеренции на локалната самоуправа и ќе се доуреди со Законот за комунални дејности, бидејќи таму е опишана целата материја – рече Перински.

Во општините веќе постојатат одделенија со комунални инспкетори, но, како што рече градоначалникот на Битола Тони Коњановски, тие или немаат ингеренции за да дејствуваат или пријавите тешко се процесуираат низ правниот систем.

На првиот консултатитивен состанок со градоначалници, други претставници на локалната самоуправа и  на граѓанскиот сектор, министерот Перински рече дека предлозите за измени во Законот за локална самоуправа се одвиваат во транспарентен, инклузивен и јавен процес, во кој се вклучени сите засегнати страни.

– Верувам дека само преку вака отворен процес ќе можеме да ги подобриме и да ги зголемиме квалитетите на услугите што се испорачуваат од локалните самоуправи кон граѓаните, а со тоа ќе го подигнеме нивото на секојдневното функционирање на самите локални самоуправи – посочи Перински.

За потребата од измени и дополнување на Законот за локална самоуправа, свои стручни мислења искажаа експерите Мемет Мемети, Гордан Ѓоргиев и Александар Спасеновски.

– Актуелниот закон го издржа тестот на времето, а со текот на времето како резултат на неговата долготрајна примена, се појавија серија на аномалии и забелешки кои со новите измени и дополнувања сакаме да ги адресираме. Со помош на Министерството за локална самоуправа, како резултат на овој широк инклузивен процес во кој ќе бидат вклучени градоначалниците и други носители на јавни функции што имаат надлежности врзани со локалната самоуправа, очекуваме да добиеме финален предлог што ќе биде предложен до Собранието. Венецијанската комисија како експертско тело долго време се занимава со прашањето за отповик на градоначалниците. Република Македонија има такво искуство со претходниот Закон за локална самоуправа. Врз основа на највисоките стандарди на Советот на Европа преку Венецијанската комисија, и врз основа на нашето искуство, ќе се обидеме низ овој широк консултативен процес да најдеме оптимизирано законско решение, со начин како да се рефлектира довербата или недовербата на градоначалниците, што ќе гарантира дека во иднина нема да има некакви злоупотреби – рече универзитетскиот професор Спасеновски.

The post ЌЕ ИМА ОТПОВИКУВАЊЕ ГРАДОНАЧАЛНИЦИ И КОМУНАЛНА ПОЛИЦИЈА Со измените на Законот за локална самоуправа до поефикасни и поубави општини appeared first on plusinfo.mk.

– Граѓаните со право мислат дека им се ускратува нешто што им припаѓа. Кандидатски статус добиваат некои (држави) кои не исполнуваат услови. Многу е важно Македонија да ги надоградува сојузите и прво во НАТО и земјите членки, како и со САД и да се прикаже како лојален партнер и споделувач на тие вредности. Да, ние сме сведоци на однесувањето на Бугарија, но има и активности во позитивна насока за Македонија, чекори, како на пример, на Германија. Решението не е едноставно, ова се лоши денови за нас од кои мора да излеземе и да го продолжиме европскиот пат. Многу е важно за Македонија да има столче на таа маса – заклучи професорот кој предава Уставно право и политички систем.

Говорејќи за тоа каков очекува да биде исходот од изборите, Спасеновски рече дека врз основа на истражувањата може да се заклучи дека ВМРО-ДПМНЕ е партијата зад која ќе застанат најголем дел од граѓаните, дека победата е јасна, но дека битката е партијата по победата да се ангажира на сите нивоа за да го зголеми својот коалициски капацитет.

– Главна битка на ВМРО-ДПМНЕ според анкетите кои ги гледам не е победа (на изборите), тоа е јасно, но поларизираноста и наративите водат кон тоа да има потреба опозицијата уште да се ангажира за создавање влада и тоа може да го направи на два начини, едниот начин е со уште поголем ангажман на сите нивоа, а вториот начин е зголемување на коалицискиот капацитет, да се возобноват мостовите со албанската заедница и со помалите политички партии, значи потребно е Македонија да влезе во ера на стабилност – оценува Спасеновски додавајќи дека мора да се прекине со политиката на дисконтинуитет според која сѐ што правеле претходниците е целосно погрешно.

Спасеновски оценува и дека кај нас во изборните кампањи доминира негативната кампања, наместо позитивното претставување на визиите и заложбите на партиите. Тој потсетува дека на последните избори излезноста била 49 отсто споредено со годините по осамостојувањето кога излезноста надминувала 70,75 проценти.

– Се разбира на тоа влијае исселувањето, стареење на населението, непрочистеност на избирачкиот список, тоа се аспекти кои имаат удел во ова. Потоа тука е и карактерот на кампањата, настанува поларизација и мислам дека сме дојдени до критична точка. Ние веќе една деценија живееме во ера на силна политичка поларизираност. Политичките партии како да се непријатели и политичката тензија никако да спласне – рече Спасеновски.

Професорот вели дека уште не разговарал со претседателот на ВМРО-ДПМНЕ во врска со можната кандидатура за претседател, но рече дека е благодарен што неговото име циркулира и е дел од анкетите на партијата која се сетила и ја цени неговата работа во изминатите години.

– Она што го знам во изминативе месеци и тоа сум го повторил досега во два наврати е дека моето име циркулира и е дел од анкетите коишто истражувањата на јавното мислење и разговорите и анализите што се прават во таа партија поврзани со евентуалната номинација. Јас знам искуствено, врз основа на разговори на личности што биле анкетирани, мои блиски пријатели итн. дека неколку месеци наназад партијата ВМРО-ДПМНЕ прави истражувања на јавното мислење и анализи поврзани со можните кандидати. Исто така знам дека во првичната листа од 20-тина луѓе коишто би можеле да бидат идеални кандидати на оваа партија се наоѓало и моето име и дека таа листа е драстично скусена и на неа повторно се наоѓа моето име – потенцираше Спасеновски.

The post ОДГОВОРНА ДРЖАВА НЕ ПРЕЗЕМА ОБВРСКИ КОИ НЕ МОЖЕ ДА ГИ ИСПОЛНИ Професорот Спасеновски ги коментираше евроинтеграциите и претстојните избори appeared first on plusinfo.mk.

– Независно како ќе тече расправата во Собранието, карактерот на преземената обврска од страна на власта нѐ тера да заклучиме дека ова не е нешто кое ќе заврши со завршување на мандатот на Собранието, туку ова е обврска која ќе биде присутна и на идната Влада, а таа е тесно поврзана со процесот на евроинтеграцијата. Ова е реалноста, и на таквата реалност ќе мора да се прилагодат политичките лидери по изборите и по формирањето на новата влада – изјави Спасеновски во емисијата Клик плус на ТВ 21.

Според него, станува збор за исклучително тешка состојба во која се наоѓа државата. Од една страна се легитимните стравувања на граѓаните поврзанни со барањата кои би можеле да дојдат од офцијална Софија по усвојувањето на уставните измени, а од друга страна исполнувањето на стратешката цел за интеграција во ЕУ.

– Стравовите на граѓаните се сосема легитимни. Бугарија не е идеален сосед од скандинавски тип. Ние си имаме работа со политика на отворена конфронтација кон Репубика Македонија и постојано создавање проблеми од Софија кон Скопје. Но, од друга страна имаме многу важна национална и државна цел – интегрирање во ЕУ. Не можеме да си дозволиме луксуз и на неодредено време да го прекинеме процесот на евроинтеграции, бидејќи тоа е една од најважните национални и државни цели. Поради тоа, како мала држава која е упатена на соработка и својата политичка сила ја црпи од сојузништвата кои ги гради, сметам дека се многу важни досегашните гестови на поддршка за надминување на стравовите на граѓаните од сојузниците САД, СР Германија и ЕК – изјави Спасеновски.

The post УСТАВНИТЕ ИЗМЕНИ ЌЕ ОСТАНАТ ОБВРСКА НА ИДНАТА ВЛАДА Спасеновски смета дека не можеме да го прекинеме процесот на интеграции на неодредено appeared first on plusinfo.mk.

– Постои едно силно изразено тешко чувство на отпор кон овие уставни измени. Доколку ги анализираме причините зошто е тој отпор и таквото чувство кое се олицетворува каде голем дел од јавното мислење односно граѓаните се противат на евентуалната измена на Уставот на државата тогаш треба да ги бараме во нивното чувство дека постојано нешто им се одзема и постојано од нешто се откажуваат – кажа Спасеновски.

Тој додаде дека непријатното е искуство кое го имаат граѓаните на Република Македонија со сите уставни измени.

– Имено доколку ја анализираме историјата на измени на нашиот Устав од 1991 година можеме да дојдеме до заклучок дека уставот на Република Македонија е еден од најчесто менуваните устави од државните кои произлегоа од Југославија или пак државните кои беа дел од комунистичкиот блок – кажа Спасеновски.

Спасеновски изјави дека овие досегашни уставни измени можеме да се поделат во две групи и тоа.

– На уставни измени кои биле резултат на воочени слабости во уставно правниот систем на државата главно поврзани со цензусот за избор на претседател на државата, траењето на притворот и други реформи во областа на државата и второто е политички мотивирани уставни измени – рече Спасеновски.

The post ПОСТОИ СИЛНО ИЗРАЗЕН ОТПОР Спасеновски коментираше како би реагирале граѓаните кон евентуални уставни измени appeared first on plusinfo.mk.