Форумот, кој денеска се одржа во Истанбул, ги обедини владините претставници, институциите и бизнис заедниците од двете земји, а преку Б2Б средбите отвори нови можности за партнерства, инвестиции и продлабочување на економската соработка

Зајакнувањето на економската соработка, зголемувањето на трговската размена и отворањето нови инвестициски можности беа во фокусот на Бизнис форумот Северна Македонија – Турција, кој денеска се одржа во Истанбул. Македонската делегација, предводена од претседателот на Владата Христијан Мицкоски, учествуваше на форумот заедно со високи државни претставници, институциите и бизнис заедниците од двете земји, со цел продлабочување на економските односи и поттикнување нови партнерства меѓу македонските и турските компании. Дел од македонската делегација беше и генералниот секретар на Владата, Игор Јанушев.

Форумот беше отворен со обраќања на претставници на DEİK – Советот за надворешни економски односи и УНДП, по што пред присутните се обратија министерот за надворешни работи и надворешна трговија, Тимчо Муцунски, првиот заменик-претседател на Владата и министер за европски прашања, Беким Сали и министерот за трговија на Република Турција, Омер Болат. Во своите обраќања тие ја нагласија важноста од натамошно јакнење на економските врски меѓу Северна Македонија и Турција, како и потребата од создавање нови можности за инвестиции и деловна соработка.

Во рамки на панел-дискусиите, посветени на трговијата, индустријата, енергетиката, инфраструктурата и логистиката, посебен акцент беше ставен на регионалното поврзување и улогата на слободните економски зони во привлекувањето нови инвестиции. Во таа насока, генералниот секретар на Владата, Игор Јанушев, ја имаше улогата на модератор на втората панел-сесија, на која учествуваа заменик-претседателот на Владата и министер за транспорт, Александар Николоски, директорот на ТИРЗ, Гоце Димовски, извршниот директор на TAV Airports, Серкан Каптан, генералната директорка на турските слободни економски зони, Емел Емирлиоглу и министерот за транспорт и инфраструктура на Република Турција, Абдулкадир Уралоглу. Панелот беше оценет како значаен придонес кон унапредување на дијалогот за инфраструктурно и економско поврзување меѓу двете земји. Размената на ставови отвори дополнителни можности за соработка во клучни сектори од заемен интерес.

Во рамки на форумот беше презентирана и Мапата за инвестирање во Северна Македонија, која ја претстави советникот на претседателот на Владата и поранешен вицепремиер за економски прашања, Владимир Пешевски. Мапата нуди сеопфатен преглед на инвестициските потенцијали, развојните зони и можностите за вложување во земјата, со цел нивна промоција пред странските инвеститори.

Во завршниот дел од форумот се обратија претседателот на Владата, Христијан Мицкоски и министерот за трговија на Република Турција, Омер Болат, кои ја потврдија заедничката заложба за натамошно продлабочување на економската соработка, зголемување на трговската размена и поттикнување нови инвестиции меѓу двете земји.

По официјалниот дел следуваше Б2Б средба меѓу македонски и турски компании, на која беа остварени директни контакти и разговори за идни партнерства и нови инвестициски проекти.

Бизнис форумот уште еднаш ја потврди силната економска поврзаност меѓу Северна Македонија и Турција, како и заедничката определба за унапредување на економските односи и поттикнување одржлив економски развој.

Форумот беше организиран во рамки на проектот „Промоција на Мапа за инвестирање”, како дел од Програмата за поддршка на спроведувањето на Националната развојна стратегија, предводена од Владата на Република Северна Македонија и Генералниот секретаријат, а имплементирана во соработка со УНДП.

The post МАПА ЗА ИНВЕСТИРАЊЕ И РАЗВОЈНИТЕ ЗОНИ ПРЕТСТАВЕНИ ПРЕД ТУРСКИТЕ КОМПАНИИ Мапата нуди сеопфатен преглед на инвестициските потенцијали на Македонија appeared first on plusinfo.mk.

Изгрaдбата на катната гаража во Охрид е директен ефект од законските измени што ги направивме на почетокот од оваа Влада и со тоа ги олеснивме постапките за изградба на училишта, болници, градинки, амбуланти и катни гаражa, истакна заменик претседателот на Владата и министер за транспорт Александар Николоски денеска од Охрид.

Тој заедно со претседателот на Владата, Христијан Мицкоски и градоначалникот на Охрид, Кирил Пецаков, го означија почетокот на изградба на катната гаража.

Инвестицијата е околу 2 милиони евра, средства обезбедени од проектот на Владата за подршка на општините. Катната гаража ќе бори околу 200 паркинг места и треба да биде завршена следната летна сезона.

– Морам да кажам дека беше предизикувачкиот аспект што требаше да се вклопат три различни заштити тука. Едната е, секако, генералната заштита на УНЕСКО, втората е заштитата на културното наследство и третата е архитектоинската заштита. Сите три се направија со поддршка на Општината, со поддршка на Завод и музеј Охрид, Министерството за култура и сите надлежни институции.

Финансирањето, како што кажа градоначалникот, е обезбедено преку средствата во буџетот и сум убеден дека со работата која што ја прави градоначалникот, веќе следната летна сезона тука ќе може да се паркираат и гостите, а секако и жителите на Охрид, како би се отворил еден поголем простор и би можело да заживее уште повеќе чаршијата, што секако ќе значи економски бенефит за сите кои што живеат во Охрид.

Ќе продолжиме да ја поддржуваме општината, имаме и други бројни проекти кои што се одвиваат во овој момент и заедно со градоначалникот и со неговиот тим ќе продолжиме да работиме – изјави вицепремиерот Николоски.

Градоначалникот Пецаков најави и нови проекти за развој на Охрид. Тој потенцира дека заедничките инвестиции на опшината и владата достигнуваат 15 милиони евра.

The post ОХРИД ЌЕ ДОБИЕ МОДЕРНА КАТНА ГАРАЖА Законските измени овозможија забрзување на проектот appeared first on plusinfo.mk.

Вицепремиерот и министер за транспорт и врски Александар Николоски се поклони пред великанот Никола Карев.

„За Илинден традиционално во славно Крушево! Поклон пред великанот и претседателот на Републиката Никола Карев. Слава му!”, напиша Николоски на социјалните мрежи.

The post ПОКЛОН ПРЕД ВЕЛИКАНОТ НИКОЛА КАРЕВ Николовски традиционално е во Крушево appeared first on plusinfo.mk.

Стратешкото партнерство со Обединетото Кралство значи инвестиции во инфраструктурата, здравството и во образованието, вели вицепремиерот и министер за транспорт Александар Николоски.

„Ова партнерство значи инвестиции во транспортот, здравството, образованието, одбраната, нови работни места и силна економија и стратешка позиционираност на Македонија“, напиша Николовски на неговиот Фејсбук профил.

Николоски заедно со владини министри присуствуваше на заедничката прес-конференција во Владата на премиерот Христијан Мицкоски и британскиот амбасадор Метју Лосон по повод постигнатата согласност за договор за стратешко партнерство со Обединетото Кралство.

Премиерот Христијан Мицкоски денеска оцени дека договорот за стратешко партнерство со Обединетото кралство ќе овозможи најсилна досега економска соработка меѓу двете влади и претставува втор столб на нашата меѓународна позиционираност по стратешкото партнерство со САД, што е потврда оти нашата држава чекори по патот на стабилноста, безбедноста, развојот и европската иднина.

Претседателот на Владата Христијан Мицкоски со британскиот премиер Кир Стармер вчера на средбата во Тирана одржана во рамки на Самитот на Европската политичка заедница, постигнаа согласност за договор за стратешко партнерство со Обединетото Кралство, кој наредната недела треба да биде потпишан во Лондон.

The post ИНВЕСТИЦИИ ВО ТРАНСПОРТОТ, ЗДРАВСТВОТО, ОБРАЗОВАНИЕТО И ОДБРАНАТА Стратешкото партнерство со Обединетото Кралство значи силна економија appeared first on plusinfo.mk.

Тој нагласи дека УСС на УКИМ  секогаш работи за интересите на студентите, Николовски. Рече дека чекаат да видат какви барања ќе произлезат од страна на тие здруженија и организации и дека се отворени за дискусија.

– Во моментов размислуваме за отворена трибина на која ќе ги повикаме сите страни, за да дискутираме за сите предизвици коишто сметаат дека треба да се поправат. Секако, ние сме тука и кога се добри времиња и кога се случуваат вакви трагедии за заедно да менуваме работи во системот. Дополнително, УСС на УКИМ спроведе анкета со сите студенти преку која ќе се направи еден вид документ, што ќе биде манифест со барање до институциите за одредени промени, согласно трагедијата во Кочани. Но ние, во ниту еден случај, не одиме против вакви здруженија затоа што тоа се студенти, а ние како легитимно избрани тела, ниверзитетско студенстско собрание и факултетски собранија, сме тука за да дискутираме и заедно да ги решаваме проблемите – истакна Николовски.

Во врска со политички влијанија во студентските организации, тој нагласи дека партиски членови не треба да се на раководни функции на студентско организирање затоа што тогаш доаѓа до конфликт на интереси.

– Се трудиме да соработуваме со сите политички партии, сме соработувале и ќе продолжиме да соработуваме, но сметаме дека раководството на студентските организации не треба да биде под надлежност на партиски членови – рече Николовски.

The post УНИВЕРЗИТЕТСКОТО СОБРАНИЕ СО МАНИФЕСТ ЌЕ БАРА ПРОМЕНИ Отворени се за дискусија со сите нови студентски организации appeared first on plusinfo.mk.

Oд понеделник ќе започне продажба на државни комерцијални станови каде што 1 метар квадратен ќе чини 1.000 евра. Како што викендов најави министерот за транспорт и врски, Александар Николовски, во Скопје ќе се градат 4 комерцијални згради, а во Охрид и во Штип по една.

– Во Битола од понеделник започнуваме со продажба на државни комерцијални станови по 1.000 евра за метар квадратен. Се обидуваме силно да интервенираме врз цената на пазарот на недвижности – истакна Николоски во телевизиско интервју.

Тој потенцираше дека сегашната цена е превисока за животниот стандард на граѓаните и затоа државата ќе се обиде да интервенира преку изградба на комерцијални станови.

– Моментaлно цената на комерцијaлни станови во неколку градови галопира, во Битола направивме интервенција и од понеделник почнуваме со продaжба на станови по 1.000 евра за метар квадратен за стан, по 500 евра метар квадратен за гаража што е далеку пониска цена отколку што сега е во Битола. Во Скопје ќе почнеме да работиме на 4 згради, во Охрид имаме активен повик за една, во Штип бараме локација, така што на овие 4 места каде цената најмногу галопира, ќе се обидеме да ги намалиме цените на пазарот со наша интервенција. Сегашните цени на ниеден начин не одговараат на нашиот стандард, младите брачни двојки едноставно не можат да најдат сопствен дом, а по цена од 2.500-3.000 евра за квадрат никој не може да купи стан со овој стандард. Дополнително работиме на 5 социјални згради низ државата – рече вицепремиерот Николоски.

The post ОД ПОНЕДЕЛНИК ПОЧНУВА ПРОДАЖБА НА ДРЖАВНИ КОМЕРЦИЈАЛНИ СТАНОВИ Колку ќе чини 1 метар квадратен? appeared first on plusinfo.mk.

The post 🎥 ПРЕМИЕРОТ ОД ПАТОТ ОД 25,5 КИЛОМЕТРИ ГИ ЧЕСТИТА ПРАЗНИЦИТЕ Ќе го зајакнеме своето место на Балканот како важен транспортен коридор appeared first on plusinfo.mk.

„Министерството за транспорт и врски со жалење, но без изненадување, констатира уште една политичка интрига и злоупотреба на конструктивниот пристап на Бугарија. Изјавата на Николоски во Парламентот на РСМ дека Бугарија го одбила предлогот за средба во Скопје е лага и манипулација“, соопшти министерството.

• ЈА ДОБИВМЕ БУГАРИЈА СО 3:0 Николоски ги храбри соседите да присуствуваат на третиот состанок за изградба на пругата

Оттаму потенцираат дека поканата за оваа средба е добиена после изјавата на Николоски.

„Бугарија не одби, туку ќе даде одговор, откако заедно со ЕК и европските финансиски институции ќе ги добие коментарите на Скопје за документот од техничкиот состанок во Софија, што се одржа на 31 октомври 2024 година“, изјавиле од бугарското министерство.

Бугарската страна одговара дека „некоректниот и непрагматичен пристап на Скопје нема да доведе до резултат“.

„Бугарија јасно ги посочи своите рокови и обврски за изградба на трасата на нејзина територија. Бугарија заедно со своите партнери ќе остане фокусирана на реализација на овој стратешки коридор“, потенцираат од Министерството за транспорт и врски.

Министерот Александар Николовски вчера на собраниската седница за пратенички прашања рече дека во врска со изградбата на третата фаза, бугарската страна побарала планираната средба за неделава да се одложи за наредната недела.

– Во однос на аргументи, фудбалски кажано Бугарија ги добивме со 3-0. Очекувам да соберат храброст да се одржи и третиот состанок кој беше договорен, еден имаше во Брисел, еден во Софија. Неделава требаше да е во Скопје, сега замолуваат за следната, па за следната. Нека соберат храброст нека дојдат да ја затвориме оваа тема и еднаш засекогаш ова прашање да се затвори, затоа што нашите аргумети се јасни и тие стојат – мора да се направи ревизија на цената, бидејќи е невозможно 560 милиони евра да чини изградба на пруга сосе електрификација, мора да има заедничко проектирање на потенцијалниот тунел што треба да ги спојува двете држави и да си го завршат нивниот дел од работата, односно да се спојат до граница – рече Николоски.

The post БУГАРСКОТО МИНИСТЕРСТВО ЗА ТРАНСПОРТ ТВРДИ ДЕКА НЕ ОДБИЛО СРЕДБА СО МАКЕДОНСКОТО Софија чекала документ од Скопје appeared first on plusinfo.mk.

Македонија е природна крстосница на двата коридора и затоа мораме да ги искористиме предностите. Имаме огромна шанса, но мораме да имаме и заложба од другите земји кои се на двата коридора, 8 и 10, за заеднички да ги унапредиме, истакна синоќа вицепремиерот и министер за транспорт, Александар Николоски во гостување на  ТВ 21.

– До границата со Бугарија води експресен пат кој околу Нова година ќе го пуштиме во сообраќај и граѓаните за околу 1 час и 20 минути ќе се стигнува до границата. Започнавме реконструкција на граничниот премин Деве Баир, но од другата страна на границата ништо не се работи, за да може квалитетно да се поврземе – потенцираше министерот Николоски.

Тој го посочи примерот со граничниот премин Клепало кој од македонска страна е изграден пред десетина години. Овој премин не е ставен во функција затоа што бугарската страна досега нема инвестирано во инфраструктурата.

– Ако имаме автопатско поврзување кон Бугарија, а тие немаат, тогаш која е поентата ние да градиме автопати? Сега ја забрзуваме постапката за Охрид-Кичево, забрзуваме и со Гостивар-Букојчани, што значи дека ќе имаме автопат и на запад. Добра вест е што Албанија гради, што значи дека ние автопатски ќе се поврземе со две пристаништа, Драч и Валона, додека од бугарска страна не се гради ништо. Истото е и со пругата. Мораме да имаме заедничи проект бидејќи пругата не води никаде. Тие јавно истакнаа дека немаат проект за пругата и дека до 2026 година ќе го направат проектот, а ќе им требаат уште најмалку четири години да ја изградат. Јас не сакам да оставам позади мене незавршен проект па генерациите после мене да решаваат проблеми. Дополнително на Бугарите ќе им треба повеќе време бидејќи тие треба да ја реконструираат и целата пруга од Ѓуешево до Софија – истакна министерот Николоски.

Тој потенцираше дека потребно е да се ревидира проектот за третата фаза, а потоа да се прилагоди цената и да се обезбеди договор со Бугарија, со кој ќе дадат гаранции дека пругата ќе ја изградат до границата.

Во врска со Коридор 10, вицепремиерот Николовски исткана дека приоритет за следната година е реконструкција на пругата на Коридорот 10 и амбициозниот проект за изградба на брза пруга, исто така, на Коридорот 10.

The post АВТОПАТСКИ ЌЕ СЕ ПОВРЗЕМЕ СО АЛБАНИЈА, БУГАРИЈА НЕ ГРAДИ НИШТО За два месеци ќе биде пуштен експресниот пат до Деве Баир appeared first on plusinfo.mk.

– Треба да има таква средба. Добро е и за Бугарија да има средба, оти и за нив е добро да се поврземе. Во врска со повиците за моја оставка, јас му одговорив на Бојко Борисов, кажав што имам. Стојам зад секој збор што сум го кажал на тема односи помеѓу Македонија и Бугарија. За жал, 20 политичари на крајот од своите кариери и историчари кои не можат да направат никаква друга кариера освен на Македонија, ги уништуваат односите помеѓу два блиски народа како македонскиот и бугарскиот народ, што е трагедија за Бугарија – рече Николоски.

Тој додаде дека не сака, како што прават бугарските политичари и историчари, да кажува кој треба да ја води Бугарија.

– Но, можам да кажам дека е тажно тоа што го прават во односите меѓу Македонија и Бугарија. Подалечни не сме биле никогаш, што зборува многу за негативната енергија во нашите односи. Изградбата на пругата е сосема друга тема и доколку на другата страна има минимум одговорни луѓе, а сметам дека има, затоа што има повеќе од тие 20 луѓе во политичката и научната елита, ќе најдеме заедничко решение за да се поврземе со железница – рече вицепремиерот Николоски.

The post НИКОГАШ НЕ СМЕ БИЛЕ ПОДАЛЕЧНИ СО БУГАРИЈА Како 20 политичари на залез на кариерите ги уништија односите меѓу двата народа? appeared first on plusinfo.mk.