Два потписи од двајца избирачи ќе бидат потребни за да можат независните кандидати за советници и градоначалници да учествуваат на претстојните локални избори во октомври.

Ова го предвидува новиот Правилник за регулирање на постапката за собирање потписи за поддршка на кандидатски листи поднесени од група избирачи и за начинот на определување на нотарите за локалните избори 2025 година, кој Државната изборна комисија го донесе вечерва на седница. Правилникот беше усвоен со шест гласа „за“, а единствена против беше Дитмире Шеху.

Правилникот го предложи членот на ДИК, Александар Даштевски повикувајќи се на членот 63 од Изборниот законик, кој како што рече не е укинат, а ја регулира постапката за собирање потписи за предлагање кандидати, иако членот 62 кој се однесува на локалните избори Уставниот суд го укина.

– Ќе прочитам неколку измени кои ги предлагам во правилникот, кои се од суштинско значење. Врз основа на член 63 став 3 собирањето потписи во постапката на кандидирање согласно одредбите на Избирниот законик почнуваат 10 дена од денот на распишувањето на изборите и трае 15 дена. Кога подносител на листа на кандидати за членови на совет, односно листа на кандидат за градоначалник е група избирачи потребно е предлогот на кандидатската листа да го потврдат пред подрачните одделенија или регионални канцеларии на ДИК со важечки документи за лична идентификација, со адреса на живеење на соодветна општина за која се поднесува соодветна кандидатска листа и притоа за поддршка на истата на пропишан образец да бидат потпишани најмалку 2 избирачи – рече Дашевски, образложувајќи одредби од новиот Правилник, откако стариот беше ставен вон сила бидејќи Уставниот суд укина два члена од Изборниот законик.

Даштевски нагласи дека потписите за поддршка на предлогот на кандидатските листи за кандидат на членови на совет, односно листа на кандидат за градоначалник се врши во временски период утврден согласно членот 63 став 3 од Изборниот законик во период на редовно работно време на подрачните одделенија и канцеларии од 8.30 до 16.30 часот.

– Овие се специфичните работи кои ќе важат само за овие избори, па затоа и предлагам на ДИК овој предлог правилник да го усвои – рече Даштевски.

Претседателот на ДИК, Борис Кондарко истакна дека има спротивно мислење од Даштевски од процедурално правен карактер, но оти сепак тој и неговиот колега Оливер Ристовски ќе гласаат за Правилникот.

– Со предложениот Правилник за собирање потписи се предвидува да се евидентираат најмалку два потиси во подрачните одделенија за кандидирање на група избирачи. Членот 60 од Изборниот законик дирекно го утврдува, предвидува и дава правото на учество на група избирачи да поднесат листа и да учествуваат на изборите, но, без собирање потписи. Уставен суд ги укина одредбите за бројот на собрани потпис предвидени во членот 62. Во таа насока не го прифаќам образложението на овој Правилник, кој се повикува на член 63 кој ја предвидува постапката за собирање потписи. Не може да се спроведува постапка без да постои цензус за предвиден број потписи кои треба да се соберат. Во случајот членот 63 членот е неприменлив бидејќи е поврзан со член 62 од Законот, а кој е укинат од Уставниот суд. Но, како што кажав, иако од формално правен процедурален карактер и наведените причини не се согласувам и имам поинакво мислење, сепак и јас и колегата Оливер Ристовски ќе гласаме „за“ и ќе го поддржиме овој Правилник, бидејќи сметам дека тоа е во интерес за непречено спроведување на сите дејствија од изборниот процес – истакна Кондарко.

Изборите се распишани, изборните дејства се во тек, додаде Кондарко и ДИК нема право и можност да ги одложи или сопре изборните дејства. Во оваа состојба, како што додаде претседателот на Комисијата, ДИК се нашла не по своја вина.

– Во два наврати Собранието не успеа да го регулира ова прашање за бројот на потребни потписи за предлагање кандидатска листа на група избирачи и поради тоа ДИК, не по своја вина, е доведена во ситуација да ги применува одредбите од Изборниот законик онакви какви се, а во интерес на успешно организирање на изборниот процес. Суштински без собирање потписо требаше да биде, односно со нула потписи, но со Правилникот се предлага најмалку два потписа од најмалку два избирачи, а тоа во суштина не менува ништо – рече Кондарко.

На ова реплицираше Даштевски, кој како што рече, смета оти со предложениот Правилник не се излегува надвор од законските рамки.

-На почетокот на образложувањето на Правилникот кажав дека членот 62 од ИЗ е укинат и оти на сила е членот 63, особено ставовите 1, 2, 3. Така што, во таа смисла сметам дека постапката за собрање потписи ќе треба да постои на некаков можеби симболичен начин, бидејќи тоа е предвидена постапка – рече Даштевски.

ДИК на седница минатата сабота, на 9 август, усвои заклучок вон сила да се стави Упатството на ДИК од 2024 за регулирање на постапката за собирање потписи и начинот на определување на нотарите согласно Изборниот законик. Како што рече претседателот на ДИК, Борис Кондарко, тоа Упатство се става вон сила поради одлуката на Уставниот суд со која се укинати членови 61 и 62 од Изборниот законик каде што е предвиден број/процент на потписи за предлагање листи на група избирачи.

Вчера Собранието имаше обид да донесе измени на Изборниот законик кои го регулираат бројот на потребни потписи за независните кандидати за локалните избори, но иако го доби потребното мнозинство немаше доволен број гласови по Бадентер и измените не беа донесени. Предложените измени предвидуваа независните кандидати да треба да соберат 0,5 проценти потписи од запишаните избирачи во изводот на Избирачкиот список на изборната единица.

Членовите на ДИК со шест гласови „за“ и еден против го усвоија и Упатството за начинот и постапката за поднесување/прием на кандидатските листи за локалните избори. Ова Упатство, како што рече Кондарко, ги систематизира сите одредби од законот во кои се определени процедурите, условите и критериумите за поднесување на кандидатските листи од формално-правен аспект.

– Упатството се однесува за сите учесници без разлика дали се партии, коалиции, група избирачи, за сите законски услови и потребни документи кои треба да ги имаат за да учествуваат на изборите – рече Кондарко и додаде дека е еден вид водич за учесниците во изборите, за да можат навреме и правилно да ги комплетираат документите.

Упатството, како што рече Кондарко, ќе биде објавено на веб-страната на ДИК.

На денешната седница, меѓу другите точки беа усвоени и Програмата за едукација на општински избирачки одбори, Програмата за едукација и информирање на гласачите, како и Јавниот повик за проверка на податоци во Избирачкиот список од страна на граѓаните.

The post СО 2 ПОТПИСА ДО КАНДИДАТУРА ЗА ЛОКАЛНИТЕ ИЗБОРИ Државната изборна комисија донесе правилник што ќе важи само за претстојните избори appeared first on plusinfo.mk.

„Ве известуваме дека покрај тоа што сме лично понижувани и навредувани, исто така како членови во највисоката институција за организирање и спроведување на изборите, сме изложени и на неосновани и непримерени јавни политички притисоци и на закани за кривична одговорност поради донесените одлуки на ДИК“, се вели во реакцијата.

Следејќи го контекстот и интензитетот на нападите, прозивките и навредите, како што наведуваат, исто така се загрижени и дека е можно да преминат и во лични напади на нашата сигурност.

„Ве известуваме дека ДИК во целост професионално, транспарентно и само врз основа на закон ги спроведе изборите што е потврдено од сите домашни и меѓународни фактори. Исто така и покрај сите непријатности кои ги имаме, сепак со највисок степен на интегритет врз основа на јавна проверка на изборниот материјал ДИК ги утврди фактите и одлучуваше по приговори поднесени од различни учесници за 110 избирачки места, од кои врз основа на образложени докази усвои приговори за само 7 избирачки места за кои имаше правен основ, додека сите останати 103 избирачки места, беа одбиени како неосновани и за нив немаше поднесено тужби ниту еден учесник на изборите“, се наведува во реакцијата.

Според тоа за ДИК, како што се наведува, се неприфатливи и недопуштени нападите, притисоците и мешањето на одредени политички партии и на поединци од техничката Влада во изборните процедури, како и во работата и одлучувањето на ДИК и на Управниот суд.

Посочуваат дека за сето ова денеска на средбата во ДИК била известена и амбасадорката на набљудувачката мисија на ОБСЕ-ОДИХР Џилијан Стирк.

Премиерот на техничката Влада Талат Џафери вчера на прес-конференција соопшти дека имало договор за надгласување во Државната изборна комисија за прифаќање на одредени приговори за изборните резултати и прегласување и оти на ваков начин се прави обид за изборен инженеринг за менување на бројките во Собранието и изигрување на волјата на граѓаните. Изборниот процес кој беше оценет како кредибилен и демократски, сега е во рацете на Управниот суд, рече Џафери и повика сите институции да постапуваат согласно закон без партиски директиви од која било страна.

Управниот суд вчера одржа јавна седница по тужба на Коалицијата „Вреди“ по одлуката на ДИК за одбивање на нивниот приговор за избирачко место 0511, во Долна Бањица во Општина Гостивар на Парламентарните избори 2024 година. Постапката беше прекината, откако претставникот на Коалицијата „Вреди“ изјави дека ја повлекува тужбата во целост.

До Државната изборна комисија беа поднесени вкупно 27 приговори за парламентарните избори – девет од коалицијата „Влен“, осум од ВМРО-ДПМНЕ, пет од СДСМ и четири од Левица. Прифатени беа седум и тоа шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино.

Против одлуката на ДИК може да се поднесе тужба до Управниот суд, во рок од 24 часа од приемот на решението.Управниот суд, пак, по жалбата е должен да донесе одлука во рок од 48 часа по нејзиниот прием.

The post ОД ДИК СЕ ЖАЛАТ ДЕКА СЕ ИЗЛОЖЕНИ НА ЗАКАНИ И ПРИТИСОЦИ Го известиле ОБСЕ/ОДИХР за нападите од владини функционери и од партии appeared first on plusinfo.mk.

Во вечерашното гостување на Сител, Даштевски појасни дека на претстојните двојни избори, гласачите ќе можат да се појават на гласачкото место само еднаш.

На прашањето дали се крши приватноста со тоа што гласачите ќе бидат прашани дали се дојдени да гласаат за парламентарни или претседателски избори пред набљудувачите присутни на гласачкото место, Даштевски одговори дека тоа не е во делот на тајност.

–  Јас за тоа не можам да одговорам бидејќи ние се занимаваме за спроведување на избори, а не со притисок. Упатството е донесено повеќе од месец дена. Беше тоа сериозна дебата и се заклучи така. Тоа што се заклучило мора да се спроведе – рече претседателот на ДИК.

Даштевски дополни дека очекува овој пат пребројувањето на гласовите да се одвива побрзо, а првичните резултати да бидат објавени пред полноќ.

– Ќе се одвива брзо, побрзо од првиот круг, но, ќе се објавува побавно бидејќи има две броења во кои ќе учествуваат сите заедно, рече тој.

The post ПРВИЧНИТЕ РЕЗУЛТАТИ ОД ИЗБОРИТЕ ЌЕ БИДАТ НА 8 МАЈ ПРЕД ПОЛНОЌ На двојните избори, гласачите ќе може да се појавата на избирачкото место само еднаш appeared first on plusinfo.mk.

– Вкупен број на запишани избирачи во избирачките места од кои пристигнале податоци е 872 090, вкупен број на избирачи кои гласале во избирачките места од кои пристигнале податоци е 229 803. Процентот на избирачи кои гласале во избирачките места од кои пристигнале податоци е 26,35% – соопшти Даштевски на прес-конференцијата.

Според обработените податоци на ДИК, најголема излезеност  до 13 часот има во општина Новаци – 42,87% , а најмала излезеност е забележана во Врапчиште – 10,11%. Гласањето, како што кажа Даштевски се одвива мирно на сите гласачки места.

Според податоците од ДИК, излезеноста на претседателските избори 2024 е поголема споредбено со првиот круг на претседателски избори во 2019 година.

-Излезноста споредена со 2019, е точно за 6% поголема сега од 2019 година – изјави Даштевски.

До ДИК се доставени 140 приговори за заштита на избирачко право. Од нив усвоени се 16 приговори и на избирачите име е овозможено да оставарат право на глас, 8 се отфрлени како неуредни, а 9 се одбиени. Останатите приговори се во обработка, посочи претседателот на ДИК.

The post ИЗЛЕЗНОСТА Е ПОГОЛЕМА за 6% ВО ОДНОС НА 2019 Претседателот на ДИК ги спореди обработените податоци од сегашните и од претходните претседателски избори appeared first on plusinfo.mk.

Во интервју за Македонската радио телевизија, Даштевски рече дека од утре почнува доставата на доверливиот и недоверливиот материјал до општинските избирачки комисии (ОИК) и дека останува ОИК да ги примат материјалите и да ги достават до избирачките одбори.

Даштевски соопшти дека вчера имале состанок со претставници на Министерството за образование и наука и дека е договорено ден пред изборите, во оние училишта каде ќе се спроведуваат изборите, наставата да трае до 11 часот, по што ќе поче да се носат изборните материјали.

Во однос на објавувањето на првичните резултати, Даштевски рече дека се допрецизираат деталите со цел до ДИК побрзо да се испраќаат поважните податоци. Според претседателот на ДИК, првичните резултати од изборите се очекува да бидат објавени до полноќ на изборниот ден.

– Партиите се многу побрзи во објавувањето на резултатите затоа што нивните членови се на лице место. Имаме план кој треба да го доразработиме со компанијата која ќе биде задолжена за објавување на податоците со цел некои податоци кои се најважни да ги испраќаат побрзо за да ги објавиме првичните неофицијални резултати до полноќ. Сметам дека ќе успееме во тоа – рече Даштевски.

Досегашната кампања оценува дека е во рамки на правилата на игра и дека досега не се забележани посериозни инциденти и напади.

– Досега немаме добиено никаква пријава дека некој постапува спротивно на правилата. Доколку има, би имало пријави. Мислам дека не се пречекоруваат правилата кои се задолжителни со Изборниот законик – вели Даштевски.

Во поглед на тоа што веќе е започната кампањата за парламентарни избори, а во вторник е изборен молк за претседателските избори, Даштевски појасни дека тој ден може да продолжи кампањата за парламентарните избори, но дека не смее да се промовираат претседателските кандидати во медиумите.

Во однос на цензусот за претседателските избори и дали би можело да се случи тој да не се постигне во вториот круг, Даштевски очекува дека цензусот ќе се постигне.

Двојните избори, според проценките на ДИК, ќе чинат околу 17 милиони евра. Досега акредитирани се 942 набљудувачи од ОБСЕ, 568 се меѓународни набљудувачи, а домашни 342 и 32 акредитирани новинари.

The post ПРВИЧНИТЕ РЕЗУЛТАТИ ОД ИЗБОРИТЕ ЌЕ БИДАТ ОБЈАВЕНИ ДО ПОЛНОЌ Двојните избори ќе ја чинат Македонија околу 17 милиони евра appeared first on plusinfo.mk.

– Тоа е веќе договорено и мислам дека е ставено на веб страницата. Тие училишта ќе работат, меѓутоа просториите во кои ќе биде избирачкиот материјал, ќе бидат заклучени и ќе ги обезбедува Министерството за внатрешни работи – изјави денеска претседателот на Државната изборна комисија Александар Даштевски, одговарајќи на новинарски прашања по потпишувањето на Кодексот за фер и демократски парламентарни избори.

Првиот круг на претседателските избори ќе се одржи следната среда на 24 април.

Заради непречено спроведување на претседателските и парламентарните избори, закажани за 24 април и 8 мај, Владата вчера донесе одлука овие два дена да бидат неработни и да не се одработуваат.

The post УЧИЛНИЦИТЕ СО ГЛАСАЧКИТЕ ЛИВЧИЊА ЌЕ БИДАТ ЗАКЛУЧЕНИ Училиштата во кои ќе се гласа ќе работат во вторник appeared first on plusinfo.mk.

–  Затоа како двојни избори се предвидени средства кои медиумите ќе ги добијат како за два избори за платено политичко рекламирање. Тука ќе има само една работа. За време на предизборниот молк за претседателските избори ќе мора да прекине кампањата 48 часа. Еден-два дена ќе мора да се прекине кампањата бидејќи би можела да се злоупотреби.  За да не дојде до тоа тие два дена не, а другото сè ќе биде исто и ќе биде после заеднички за двата, за да може да продолжат кандидатите кои ќе влезат во вториот круг и оние што ќе се определат за влез за пратеници – рече Даштевски вечерва во гостување на ТВ Сител.

Во однос на најавената постапка за усогласување на системот за да има можност кога ќе стигнат граѓаните на гласачкото место да се одлучат дали ќе гласаат само за претседател или само на парламентарните избори, Даштевски наведе дека тоа се промени во софтвер за кои е потребно време, но оти ќе биде испочитувано правото на граѓаните.

– Не може веднаш. Јас и тогаш мислам дека спомнав, ми кажаа партнерите дека се потребни 60 дена, односно два месеци. Така што од тогаш не се поминати ни месец дена. Тие работат на тоа решение и кога ќе биде готово, ќе дојдат ќе ни го презентираат и тоа ќе биде завршено. Јас тогаш реков дека има решение и дека е едноставно решение. Така што, нема да биде проблем,  а тоа е многу важно за членовите на избирачки одбори и општинските изборни комисии кои ќе имаат обуки како да се спроведува тоа. Меѓутоа, лесна е постапката. Не можам да ја кажам затоа што сè уште не е направена и можеби кога ќе дојдат тие да понудат сосема некое друго решение, за да не прејудицираме, кога ќе дојде време и ќе известиме и ако треба ќе се објасни – истакна претседателот на ДИК.

Тој се надева дека ќе се комплетира составот на ДИК, а како што оцени, досегашните предизборни дејствија биле добри и важно е таа атмосфера да продолжи.

Првиот круг од претседателските избори ќе се одржи на 24 април, додека вториот круг на 8 мај, кога треба да се одржат и парламентарните избори. Изборната кампања за претседателските избори започнува на 4 април, а завршува на 22 април. За парламентарните избори, кампањата почнува на 18 април и ќе трае до 6 мај.

The post ЗА ВРЕМЕ НА ПРЕТСЕДАТЕЛСКИОТ МОЛК НЕМА ПАРЛАМЕНТАРНА КАМПАЊА Даштевски ги соопшти деталите за двојниот изборен процес appeared first on plusinfo.mk.

– Ние не се мешаме во тоа, бидејќи тоа е регулирано во Изборниот законик. Оставаме Собранието да постапи и да избере член. Постапката е во тек. За нас би било корисно да имаме уште еден член, но не е наша работа да се мешаме во изборот. Си има закони и според закон треба да се постапува, така што ако ние се вмешаме тоа ќе значи дека ние не постапуваме според законот – изјави претседателот на ДИК.

Даштевски нагласи дека и доколку не се избере нов член на комисијата, изборите ќе бидат спроведени како што треба.

The post НА ДИК Ѝ НЕДОСТАСУВА СЕДМИОТ ПАТНИК Даштевски не сака да се меша во работата на Собранието appeared first on plusinfo.mk.

– Ние кога се договаравме со министерот определивме една сума, меѓутоа после кога отиде буџетот во Собрание, многу се скрати. Не можам прецизно да ви кажам. Се надевам дека за некои дејствија ако биде потребно ќе се надополни Буџетот. Јас реков околу милијарда денари, сега е 600 и нешто милиони, меѓутоа најверојатно таа бројка ќе се зголеми. Сега тука многу е битно дали е сметана платената политичка кампања. Ако ја сметаме тогаш тоа ја зголемува бидејќи се работи за поголема сума, меѓутоа ние никогаш не ги земаме предвид тие бидејќи ние сме како сервис, како дистрибутери на таа операција… Тука и дијаспората многу влече, може да повлече повеќе средства од сите избирачки одбори овде – вели Даштевски.

The post ДВОЈНИТЕ ИЗБОРИ ЌЕ НЀ ЧИНАТ НАЈМАЛКУ 12 МИЛИОНИ ЕВРА Првиот човек на ДИК смета дека тоа не се многу пари appeared first on plusinfo.mk.

Даштевски ја објасни процедурата како може да се учествува на парламентарните избори истакнувајќи дека  странска партија нема шанси да биде на листите.

– Услов за учество на изборите е да се македонски државјани и  да ги исполнуваат законските услови како што се државјанство и жителство. Без тоа не може да бидат запишани во Избирачкиот список. Не може странец да учествува на изборите ниту пак странски партии – објаснува Даштевски.

Партијата „Самооределување“ на Курти не е регистрирана во Македонија ниту пак нејзин огранок и со тоа е невозможно да учествува на изборите во Македонија како што најавија од албанската опозиција. На Алтернатива, Движење Беса и Демократско Движење им се приклучи Движењето Самоопределување од Косово, со нејзиниот претставник Беким Ќоку, кој му е советник на Курти.

Изет Меџити од Демократското движење објасни на кој начин „Самоопределување“ ќе биде вклучено на изборите.

– Беким Ќоку е државјанин на Македонија и тој ќе биде на заедничките листи. Тој е член и на Генералното собрание на движењето „Самоопределување“ – нагласува Меџити.

The post ПАРТИЈАТА НА КУРТИ НЕ МОЖЕ ДА УЧЕСТВУВА НА ИЗБОРИТЕ ВО МАКЕДОНИЈА Странска партија нема шанси да биде на листите, дециден е Даштевски appeared first on plusinfo.mk.