На ранч близу Санта Фе на 21 октомври 2021, Болдвин вперил пиштол кон кинематограферката Халина Хачинс, при што оружјето испукало и ја уби Хачинс, а го рани режисерот Џоел Соуза. Наводите говорат дека револверот му бил предаден на Болдвин од помошник-режисерот Дејвид Холс, без консултации со стручњаците за оружје.

Регулаторите забележуваат дека Холс служел и како координатор за безбедност и дека бил присутен и како сведок на двете случајни испукувања на снимањето, како и дека тој и другите менаџери кои знаеле за погрешните пукања не презеле истражни, корективни и дисциплински мерки. Членовите на екипажот изразија изненадување и непријатност.

– Она што го имаме, врз основа на наодите на нашите иследници, е збир на очигледни опасности за вработените во врска со употребата на огнено оружје и неуспехот на одговорните да дејствуваат по тие очигледни опасности – изјави Боб Џеновеј, шеф на Бирото за безбедност при работа.

Властите притоа ги документирале и поплаките за безбедноста на оружјето од членови на филмската екипа.

The post КАЗНЕТА ФИРМАТА ШТО ГО СНИМАШЕ ФИЛМОТ СО БОЛДВИН 137.000 евра за пропусти околу огненото оружје appeared first on plusinfo.mk.

Вакви биле последните зборови на Халина Хачинс, режисерката на филмот „’Рѓа“ која загина од истрелот на пиштолот на глумецот Алек Болдвин, во трагична несреќа и недоразбирање, пишува Јутарни. Зборовите биле откриени откако биле интервјуирани 14 членови на филмскиот сет, а биле испитувани и мејлови. Веста за последните зборови прв ја објави Лос Анџелес Тајмс.

Според весникот, Болдвин се подготвувал за местото на пукањето во црквата кога се случила трагедијата.

– Па претпоставувам дека треба да го земам ова, да го повлечам и „бенг“ – рекол актерот, кој бил убеден дека држи пиштол со лажни куршуми, кои биле наменети за филмскиот сет. Наместо тоа, тој испука вистински куршум и ја погоди Хачинс.

Смртно ранетата Хачинс паднала во рацете на главниот електричар на сетот додека крвта течела од нејзините гради на местото каде што била погодена. Во меѓувреме, на земја паднал и режисерот Џоел Соуза, кој беше ранет од куршум.

– Што беше тоа по ѓаволите? Ова гори како пекол – извикал Соуза откако бил погоден.

Болдвин го фрлил пиштолот и во шок повторил:

– Што по ѓаволите штотуку се случи? Некој нека повика брза помош!

Член на филмскиот сет ја погледна Хачинс во очи и рече:

– О, ова не беше добро.

– Не, не беше добро. Воопшто не беше добро – возвратила повредената снимателка која почина неколку часа подоцна.

The post ПОСЛЕДНИТЕ ЗБОРОВИ НА ЖЕНАТА ШТО ЈА УБИ БОЛДВИН „Ова не беше добро, не беше воопшто добро“ appeared first on plusinfo.mk.