Албанското собрание со 92 гласа „за“ усвои декларација „за невиноста на лидерите на Ослободителната војска на Косово“ за кои Специјалниот суд во Хаг побара по 45 години затвор, во која посебно се нагласува дека „нивната војна била праведна“.

„Имајќи ја предвид историската вистина за војната на ОВК, Собранието на Албанија, нагласи дека оваа армија била легитимно ослободително движење, кое се борело за човекови права. Со загриженост забележува дека барањето на Специјалното обвинителство ризикува да создаде опасно искривување на историјата, изедначувајќи ја легитимната борба на еден народ за опстанок и слобода, со злосторствата на српскиот режим, кој изврши етничко чистење и злосторства против човештвото врз народот во Косово“, се вели во декларација, објави Топ чанел.

Албанското собрание ја нагласува својата целосна и безусловна поддршка за лидерите на ОВК, кои „беа и остануваат претставници на аспирациите и правата на народот на Косово за слобода и самоопределување“, додавајќи дека  „нивната борба беше праведна, заснована на универзалните принципи на човековите права“.

„Бара од Специјализираните совети во Хаг, меѓународната заедница и меѓународните правосудни институции да ја прогласат невиноста на Хашим Тачи, Кадри Весели, Јакуп Красниќи и Реџеп Селим, преку фер и непристрасен процес што го почитува и не го нарушува достоинството на ослободителната борба на народот на Косово. Ја потсетува меѓународната заедница дека војната на ОВК се одвиваше во услови кога режимот на Милошевиќ вршеше етничко чистење и геноцидни акти врз цивилното население на Косово и дека интервенцијата на НАТО во 1999 година ја потврди легитимноста на таа војна и криминалната природа на режимот на Милошевиќ“, се наведува понатаму во декларацијата.

Албанското собрание изразува целосна солидарност со народот во Косово и семејствата на лидерите на ОВК, повторувајќи дека албанската нација е обединета во одбраната на историската вистина и достоинството на борбата за слобода.

Во документот се посочува посветеноста за преземање неопходен дипломатски и политички чекор на меѓународните форуми за да се „осигури дека историската вистина за војната на ОВК нема да биде нарушена и дека правдата ќе биде праведно спроведена“.

Декларација беше предложена од координаторот на пратеничката група на владејачката социјалистичка партија, Таулант Бала, чиј лидер и актуелен премиер во реакцијата по веста дека се бара затворска казна, тоа го оцени како „неразумно и неприфатливо барање“ а хашкиот обвинител Метју Хаулинг го нарече „меѓународен идиот“.

The post АЛБАНСКОТО СОБРАНИЕ ГИ ПРОГЛАСИ ЗА НЕВИНИ ВОДАЧИТЕ НА ОВК „Праведна војна за слобода и за човекови права“ appeared first on plusinfo.mk.

Премиерот Еди Рама, кој беше присутен на  седницата, не можеше да зборува, а демократите се обидоа да дојдат до него, но беа спречени од обезбедувањето.

Претседателката на Собранието Линдита Никола ја обвини опозицијата дека гледа само на сопствените, а не на народот.

Албанскиот парламент пред една недела исфрли неколку демократски пратеници, но дел од нив успеаја да влезат во собранието.

Демонстрантите се собраа и пред зградата на парламентот и се судрија со полицијата.

Инцидентите во Парламентот на Албанија веќе извесно време се повторуваат, а за време на нив пратениците од опозицијата палеле факели и фрлале столчиња.

The post НОВ ИНЦИДЕНТ ВО АЛБАНСКОТО СОБРАНИЕ Рама спаси глава од бесот на демократите appeared first on plusinfo.mk.

Неред повторно го снајде албанскиот парламент. Факел од кој излегуваше портокалов дим западли пратеник од опозицијата на почетокот на седницата на која требаше да се расправа за државниот буџет. Опозиционерите се обидоа да ја блокираат и говорницата, но обезбедувањето ги спречи.

Со ова заврши препирката помеѓу опозиционерот Газменд Барди и Газменд Лика, член на обезбедувањето.

Седницата траеше околу 5 минути, по што буџетот беше начелно изгласан. Поради чадот во Собранието, немаше ниту расправа, а во еден момент, избувна и мал пожар.

На седницата беше присутен и премиерот Еди Рама, но за брзо ја напушти.

The post 📽 ЧАД ВО БОЈА ВО АЛБАНСКОТО СОБРАНИЕ Опозицијата запали факли, Еди Рама си замина appeared first on plusinfo.mk.

Демократските пратеници ги обвинуваат социјалистите дека им е ускратено уставното право да формираат истражни комисии или да назначуваат претставници на опозицијата во Комисијата за изборни реформи. Тие отворено изјавија дека „нема да има нормален развој на работата на парламентот, сѐдодека не се почитуваат правата на опозицијата“.

https://t.co/vyJP6xBK2S

— Albanian Daily News (@Albanian_News) November 2, 2023

И покрај напорите на опозицијата да ја блокира работата, социјалистите избраа да стојат, додека претседателот на Собранието забрзано ја водеше процедурата за одобрување на точките од дневниот ред. Од собраниската говорница демократскиот пратеник Ервин Салијањи запали неколку цигари една по друга. Редарите неколку пати се обиделе да го изнесат од салата.

Социјалистите ги кренаа картите за одобрување разни акти и закони, без никаква расправа и расправа. Целата седница траеше нешто повеќе од 25 минути.

Поранешниот премиер Сали Бериша по затворањето на седницата изјави дека она што се случи денеска е „реакција во форма на граѓанска непослушност и протест на пратениците од опозицијата со јасно барање за враќање на нивните уставни права“.

– Ние сме опозиција на ускратените права, како никогаш досега во 32 години – рече тој.

The post 📽 ТЕПАЧКА И ПРЕВРТЕНИ СТОЛЧИЊА ВО АЛБАНСКОТО СОБРАНИЕ Опозицијата бара да ѝ се вратат „ускратените уставни права“ appeared first on plusinfo.mk.

Тој не само што е прв пратеник, кој јавно се декларира како Македонец, денеска првпат се обрати на македонски јазик од собраниската говорница во албанскиот законодавен дом.

– Почитуван претседател на Собранието, почитувани пратеници. Ја имав честа во сто и првата годишнина од Собранието на Република Албанија да бидам првиот пратеник кој се декларира за Македонец. Јавностa преку парламентарната говорница слушна за Македонците во Преспа, Гора, Голо Брдо и Врбник, за Македонците низ цела Албанија – рече тој на почетокот од обраќањето.

Додаде дека достојно ги претставувал Македонците во Албанија, како и сите  граѓани од округот на Корча.

– Се борев за подобрување на условите за живот и работа на Македонците во Албанија, ги подржав сите закони за евроатланските интеграции. Благодарност до Владата што го одобри проектот вода за пиење на општина Пустец од 4 милиони евра, благодарност за поддршката од колегите пратеници – посочи тој.

Рече дека се гордее што бил гласот на Македонците, на сите малцинства во Албанија и се борел за општество на еднакви пред Уставот и законите.

– Почитувани сонародници, бидете горди Македонци и лојални државјани на Албанија, негувајте ги македонскиот јазик, култура, историја и традиции бидејќи и тие cе нераскинлив дел од Албанија – порача Стерјовски во неговото обраќање на македонски јазик,  што е прво во историјата на албанскиот Парламент.

Стерјовски во албанскиот Парламент влезе во мај 2019 година и во оценувањето на активноста на пратениците редовно е меѓу најактивните, главно со прашања кои ги тиштат Македонците во областите Преспа, Голо Брдо и Гора, каде нивната концентрација е најголема, но и прашања кои ги мачат жителите на округот Корча од каде и е пратеник.

Тој на парламентарните избори на 25 април е на кандидатската листа на Социјалистичката партија, исто така во Изборната единица Корча.

The post Стерјовски е првиот пратеник кој на македонски јазик се обрати во албанскиот Парламент appeared first on plusinfo.mk.