Против кого протестираат децата на функционерите на ДУИ? Против своите родители или против последиците од политиките што токму ДУИ ги остави зад себе во изминатите 22 години, прашува Вреди.

„Денес гледаме еден политички парадокс: луѓето кои со години ги контролираа институциите, денес преку своите деца протестираат за проблемите што самите никогаш не ги решија. Кога ДУИ имаше министри, пратеници и апсолутна власт, зошто молчеа за овие неправди?“, прашува Вреди.

Од Вреди велат дека никој не е против студентските протести, но дека кога студентските каузи се користат за политичко враќање на истрошени фигури, тогаш граѓаните имаат право да се сомневаат.

Студентите заслужуваат решенија, а не политичка манипулација, порачуваат од Вреди.

Реакцијата на Вреди се однесува на најавениот протест за денеска на албанските студенти за полагање на правосудниот испит на албански јазик.

Погледнете го видето на следниот линк

The post 🎥 ДЕЦАТА НА ФУНКЦИОНЕРИТЕ НА ДУИ ПРОТЕСТИРААТ ПРОТИВ СВОИТЕ РОДИТЕЛИ Протестираат за проблемите што самите не ги решија, реагира Вреди appeared first on plusinfo.mk.

Пејачката Бебе Реџа, која има етничко албанско потекло од Македонија, реагираше по најавата за нов протест на албанските студенти во земјава, кои бараат правосудниот испит да може да се полага и на албански јазик.

Во објава на Инстаграм, таа порача дека албанските студенти заслужуваат исти права и можности како и сите останати, како и дека албанскиот јазик е длабоко поврзан со националниот идентитет и дека генерации се бореле за негово зачувување.

За денеска, понеделник, 18 мај, повторно е најавен протест на албанските студенти во Скопје, со барање правосудниот испит да се полага и на албански јазик, како и целосна примена на Законот за употреба на јазиците.

Протестот ќе започне во 16:30 часот кај Камениот мост во Скопје.

Поддршка на студентите им дадоа домашни политичари од албанскиот блок, но и од функционери од Албанија и од Косово.

The post ПЕЈАЧКАТА БЕБЕ РЕЏА ОД АМЕРИКА СЕ ЗАГРИЖИ ЗА ПРАВОСУДНИОТ ИСПИТ НА АЛБАНСКИ ЈАЗИК Протест на албанските студенти во Скопје appeared first on plusinfo.mk.