Компанија поврзана со Иванка Трамп и со нејзиниот сопруг Џаред Кушнер почна со реализација на еден од најголемите туристички проекти во Албанија. Но, отворањето на градилиштето не поминало мирно.

Видеоснимките објавени на социјалните мрежи покажуваат турканици и физички пресметки меѓу демонстрантите и обезбедувањето. На едно од видеата се гледа како демонстрант е одвлечен од местото на настанот, додека полицијата не интервенира.

Проектот го развива компанијата „Афинити партнерс“, која претходно беше поврзу вана и со најавите за изградба на Трамп кула во Белград.

Поранешна воена база ќе стане луксузно одморалиште

Компанијата купила земјиште на островот Сазан, најголемиот остров во Албанија.

Планот е поранешната советска воена база да биде претворена во луксузен туристички комплекс вреден околу 1,4 милијарди евра.

Албанските власти го поддржаа проектот и покрај критиките од еколошките организации и дел од локалното население.

„Лајме јаворе“ претходно напиша дека рокот за изведба бил продолжен до крајот на 2026 година поради тензиите. Премиерот на Албанија Еди Рама изјави дека островот Сазан никогаш не бил заштитетно подрачје освен за војниците во времето на Енвер Хоџа.

Update: Protests escalated in the Zvernec area.

According to protesters, private security personnel “kidnapped” a protester and used pepper spray against protesters and Albanian police.

The protest was attended by the leader of Albania’s left-wing Bashke party. https://t.co/akrM39ghpK pic.twitter.com/kwJZ3hrthw

— kos_data (@kos_data) May 30, 2026

Led by environmental activists, Alhanian residents protested against construction in the Zvernec area.

Protesters said the area is protected Albanian land and does not belong to Trump or Jared Kushner.

Kushner’s company received permission from the Albanian government as a… pic.twitter.com/H08OlbqaTX

— kos_data (@kos_data) May 28, 2026

Албанија не се откажува од проектот

Според медиумските извештаи, одморалиштето треба да се гради во близина на заливот Нарта, подрачје познато по ретките растителни и животински видови.

Токму поради тоа активисти и граѓани протестирале против почетокот на изградбата.

И покрај протестите, албанските власти немаат намера да го стопираат проектот.

Според проценките на владата во Тирана, изградбата ќе продолжи според планот, а луксузното одморалиште треба да биде завршено во 2028 година.

The post 📽️ СЕМЕЈСТВОТО ТРАМП НАИДЕ НА ОТПОР ВО АЛБАНИЈА Протести и турканици на стартот на проект вреден 1,4 милијарди евра appeared first on plusinfo.mk.

Албанскиот премиер Еди Рама го нарече менаџментот на Албанската радио-телевизија (РТШ) „најмизерната служба на светот“ и изјави дека јавниот медиумски сервис треба да се реформира.

Рама нагласи дека нема да се издвојуваат јавни пари сè додека не се спроведат реформи во РТШ. Според него, сите опции се на маса, вклучувајќи затворање, приватизација или партнерство.

Премиерот на Албанија го критикуваше долгорочното функционирање на РТШ, наведувајќи дека јавниот сервис е неуспешен и оти неговото работење е полошо од помалите комерцијални телевизиски станици со помал буџет. Тој додаде дека не ја следел програмата на РТШ од 1990 година и оти претходно им дал можност на директорите да ја подобрат својата работа, но без успех.

Здружението на новинари на Албанија реагираше на изјавите на албанскиот премиер, оценувајќи дека неговата реторика „ги стигматизира јавните медиуми“ и предлага драстични решенија што „сериозно би го загрозиле медиумскиот плурализам и уредничката независност“.

Здружението повика на длабинска реформа на РТШ преку дијалог со експерти и граѓанското општество, почитувајќи ги европските стандарди за слобода на медиумите.

Здружението нагласи дека РТШ е институција од јавен интерес, која мора да гарантира непристрасно информирање, култура, образование и еднаков пристап до граѓаните.

Екстремните опции како што се затворање или приватизација, посочија тие, сериозно би го загрозиле правото на јавноста на информации.

The post РАМА РАСПАЛИ ПО АЛБАНСКАТА ДРЖАВНА ТЕЛЕВИЗИЈА „Најмизерна служба, можно е и затворање“ appeared first on plusinfo.mk.

Синоќа во Тирана избувнаа масовни протести против албанската влада, откако обвинителите подигнаа обвинение против вицепремиерката Белинда Балуку за наводна корупција. Демонстрантите бараа оставка од владата на премиерот Еди Рама, а протестите ескалираа во насилни немири.

За време на протестот, дел од демонстрантите фрлаа молотови коктели кон владината зграда во која се наоѓа канцеларијата на премиерот Рама. Полицијата, опремена за справување со немири, ја обезбедуваше зградата, но, според извештаите од терен, не успеа целосно да ги потисне демонстрантите.

Во немирите биле уапсени четири лица, додека против уште шест се поднесени обвиненија, соопштија надлежните институции. Фотографиите и снимките од Тирана го прикажуваат хаосот што владеел во центарот на градот, со оган, чад и судири меѓу демонстрантите и безбедносните сили.

Политичките тензии во Албанија се зголемија во последните недели, откако Специјалното обвинителство покрена обвиненија против Балуку. Таа, заедно со неколку функционери и приватни компании, се сомничи дека користела државни средства за фаворизирање на одредени фирми при реализација на големи инфраструктурни проекти.

Вицепремиерката Балуку минатиот месец во парламентот ги отфрли обвинувањата, нарекувајќи ги „клевета, инсинуации, полувистини и лаги“, и најави дека целосно ќе соработува со правосудните органи. Во меѓувреме, Специјалното обвинителство, задолжено за борба против корупцијата и организираниот криминал, оваа недела официјално побара од парламентот да ѝ го укине имунитетот и да дозволи нејзино апсење.

Засега не е познато кога парламентот ќе гласа за барањето, при што владејачката партија на премиерот Рама има мнозинство. Балуку, која е и министерка за инфраструктура, раководи со ресор што управува со стотици милиони евра наменети за изградба на патишта, мостови и тунели низ Албанија.

The post 📽️ МОЛОТОВИ КОКТЕЛИ ВРЗ ЗГРАДАТА НА ВЛАДАТА, ЕДИ РАМА ВО ПРОБЛЕМИ Големи немири во Тирана, демонстрантите бараат оставка поради корупција appeared first on plusinfo.mk.

Според партијата, последниот пример за ова е „донацијата, во која беше и модуларната амбуланта за селото Глобочени, Општина Пустец“.

– Ние не сме против донации кои го подобруваат животот на македонската заедница, но, гневни сме затоа што оваа фондација ги користи овие активности за да ги манипулира историските факти и да ги претстави Македонците како Бугари – изјави за МИА, Васил Стерјовски, претседател на МАЕИ.

Албанската влада, додава тој, има обврска да инвестира во регионите каде што живеат Македонците во Албанија и да ги „заштити нашите права и идентитет од бугарската агресија”.

– Секое премолчување на оваа ситуација е дозвола за продолжување на бугарската пропаганда, која е неприфатлива и штетна за македонската заедница. Партијата Македонска алијанса за европска интеграција уште еднаш ги повикува институциите во Албанија да преземат конкретни мерки за заштита на македонскиот идентитет и културно наследство – велат од МАЕИ.

Недозволиво е, се нагласува, македонската заедница да биде изложена на манипулации и притисоци од фондации со скриени политички мотиви.

– Сите донации што се наменети за подобрување на животот на Македонците се добредојдени, но никогаш нема да прифатиме тие да бидат користени за промовирање на лажни наративи. Време е албанската влада да го зајакне своето присуство и инвестиции во регионите населени со Македонци, како јасен сигнал дека Македонците во Албанија се дел од државата и дека нивните права и идентитет ќе бидат заштитени – нагласуваат од партијата.

Македонска алијанса за европска интеграција апелира до меѓународната заедница да внимава на овие опасни тенденции и да изврши притисок врз албанската влада за да го спречи „влијанието на бугарската пропаганда што има за цел да го наруши идентитетот на Македонците во Албанија“.

Реакцијата следува откако во неделата првите луѓе на споменатата фондација, во присуство на бугарскиот амбасадор во Тирана, Ивајло Киров, за општина Пустец донираа комплетно опремена модуларна амбуланта, клупи за седење за селата, копир и принтер апарати за општинската администрација.

Претходно остро реагираше и Организацијата за заштита на правата на Македонците во Албанија „Друштво Преспа” оценувајќи го овој чин „продолжување на бугарската агресија за денационализација и асимилација на Македонците”.

The post „ЗАШТИТЕТЕ ГИ НАШИТЕ ПРАВА И ИДЕНТИТЕТ ОД БУГАРСКАТА АГРЕСИЈА“ Македонците во Албанија бараат Тирана да ги спречи активностите на фондацијата „Бугарска меморија“ appeared first on plusinfo.mk.

Како што информира Министерството за внатрешни работи, ќе бидат преземени мерки за посебен режим на сообраќајот поради делегацијата од Република Албанија, која е во официјална посета на земјава.

МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе биде воспоставен посебен режим на сообраќајот.

The post УТРОВО ВО ЦЕНТАР ИМА ПРОМЕНЕТ РЕЖИМ НА СООБРАЌАЈ Следете ги полициските инструкции appeared first on plusinfo.mk.

Одговарајќи на новинарско прашање за утрешната заедничка владина седница со Албанија, Ковачевски рече дека граѓаните може да очекуваат да има средба меѓу двете влади, во исклучително позитивна атмосфера.

– Министерствата веќе имаат подготвено поголем број меморандуми и одлуки за соработка, кои утре не само што ќе бидат разгледани, туку и ќе бидат потпишани заедно со министрите од Албанија – нагласи Ковачевски.

Премиерот посочи дека за целиот тек на средбата за заедничката владина седница медиумите постојано ќе бидат информирани. Подоцна, како што рече, веројатно ќе следува и прес-конференција со премиерот на Албанија Еди Рама.

The post ЗАЕДНИЧКА СЕДНИЦА СО АЛБАНСКАТА ВЛАДА Ќе се потпишат повеќе меморандуми appeared first on plusinfo.mk.