Осум лица од албанска националност, за кои се верува дека се дел од мафијашка група активна во Белгија, биле уапсени поради сомнеж дека планирале атентат врз главниот обвинител на Брисел, Жулиен Моинил, јавија белгиските медиуми.

Во акцијата што започнала во раните утрински часови, полицијата извршила 18 претреси на различни адреси во Брисел и Лувен.

„Главните осомничени имаат криминално досие поврзано со организирана трговија со дрога и се активни во рамките на албанската криминална мафија“, соопшти белгиското државно обвинителство.

Уапсените во моментов се на распит, додека судот ќе одлучи дали ќе бидат задржани во притвор или ќе се бранат од слобода.

Истражителите потврдиле дека случајот започнал во јули, кога полицијата добила информации за можен заговор за ликвидација на обвинителот Моинил. Поради сериозноста на заканата, нивото на безбедност околу него било веднаш подигнато на највисокото — степен 4, а мерките за заштита биле засилени.

За време на прес-конференција одржана летото, Моинил рече дека секој е изложен на ризик во Брисел.

– Секој, секој жител на Брисел и секој граѓанин, може да биде погоден од заскитан куршум – рече тој, повикувајќи на координирана борба против бандите.

The post СО МЕСЕЦИ ПЛАНИРАЛЕ АТЕНТАТ ВРЗ ГЛАВНИОТ ОБВИНИТЕЛ НА БРИСЕЛ Уапсени членови на албанската мафија во Белгија appeared first on plusinfo.mk.

Toj рече дека денеска во Европа постојат три опасни мафии: калабриската мафија Ндрангета, албанската и северноафриканската мафија.

– Денес има три мафии, тука е Ндрагета, тука е албанската мафија, која веќе не е таа што ограбува вили, таа е доста структурирана, која се збогати во својата земја благодарение на застрашувачката корупција, а потоа е мафијата на третата генерација северноафриканци – додал тој.

Обвинителот нагласил дека благодарение на големата корупција во Албанија лесно е да се компромитираат дури и јавните функционери.

Според него калабриската мафија Ндрангета има „деловен“ обрт еднаков на 50 милијарди евра годишно, присутна е во Австралија, САД, Канада, Германија и оти од 1 кг кокаин добивката е четирикратна и нема „поголема добивка од овој бизнис, кога грам кокаин се продава за 50 евра“.

Гратери претходно алармираше за притисокот што албанската мафија го презема во Европа за контрола на трговијата со кокаин од земјите од Јужна Америка.

The post АЛБАНСКАТА МАФИЈА МЕЃУ ТРИТЕ НАЈГОЛЕМИ ВО ЕВРОПА Проценка на италијански обвинител appeared first on plusinfo.mk.