На официјалната веб страница на републичкото Собрание се интегрирани напредни технологии за пристапност кои гарантираат полесна и еднаква употреба за лицата со попреченост, соопшти денеска собраниската прес-служба.

Оттаму посочуваат дека дигиталната платформа на Собранието сега нуди механизам што го олеснува пристапот за лицата со визуелни, моторни и когнитивни попречености, правејќи ги парламентарните информации поразбирливи, полесни за навигација и поблиски до граѓанинот.

„Оваа инвестиција, која е во согласност со Европската директива EN 301 549 и стандардите WCAG 2.1 ги следи најдобрите практики на дигиталното управување и почитување на човековите права. Затоа, тоа не е само техничко подобрување, туку јасен израз на заложбата кон транспарентност, дигитализација, граѓанска вклученост и пофункционална демократија. Кога информациите се достапни, институциите стануваат поотворени и доверливи“, се вели во информацијата.

The post 📽️ НОВА АЛАТКА НА САЈТОТ НА СОБРАНИЕТО Дигитален асистент за лицата со попреченост appeared first on plusinfo.mk.

Научниците развија нова алатка со вештачка интелигенција која може да го предвиди ризикот од повеќе од 1.000 болести, вклучувајќи го и ракот, со прецизност која досега повеќе од десет години во иднина.

Експерти од Европската лабораторија за молекуларна биологија (EMBL), Германскиот центар за истражување на ракот и Универзитетот во Копенхаген се надеваат дека оваа нова технологија ќе помогне во идентификувањето на пациентите со висок ризик, така што болестите можат да се спречат години однапред.

Генеративната алатка со вештачка интелигенција, наречена Delphi-2M, ја проценува веројатноста дали и кога некој ќе развие потенцијално опасни по живот болести, како што се рак, срцеви заболувања и дијабетес, пренесува Daily Mail.

– Медицинските настани честопати следат предвидливи шеми. Нашиот модел на вештачка интелигенција ги учи овие шеми и може да ги предвиди идните здравствени исходи – вели Томас Фицџералд, коавтор на студијата.

Како функционира Delphi-2M?

Моделот е обучен на анонимизирани медицински податоци од 400.000 пациенти од базата на податоци на UK Biobank и 1,9 милиони луѓе од данскиот Национален регистар на пациенти. Тој бара шеми во историјата на „медицински настани“ на пациентот и фактори на животниот стил, како што се пушењето, консумирањето алкохол и прекумерната тежина, за да предвиди што може да се случи во следните 20 години.

Истражувачите се надеваат дека во рок од неколку години, пациентите ќе можат да ја користат технологијата за да ја откријат веројатноста за развој на болест – слично како што временската прогноза предвидува 70% шанси за дожд за време на викендот.

Професорот Јуан Бирни, извршен директор на EMBL, објаснува дека технологијата би можела да се користи во ординации на матични лекари за да им помогне на пациентите со висок ризик да ја добијат потребната грижа пред да се појават прогресивни болести.

– Пациент доаѓа кај лекар, а лекарот, кој е навикнат да ги користи овие алатки, може да каже: „Еве четири главни ризици со кои се соочувате во иднина и две работи што можете да ги направите за да го промените тоа“. Тие веројатно ќе им советуваат на сите да ослабат и да престанат да пушат, но за некои болести ќе можат да дадат многу специфични совети. Тоа е иднината што сакаме да ја создадеме – додава Бирни.

Потенцијалот и ограничувањата на моделот

Иако моделот е најефикасен во предвидувањето на болести со јасен прогресивен тек, како што се дијабетес тип 2 и срцеви удари, истражувачите веруваат дека тој би можел да помогне во предвидувањето на потребите на здравствениот систем на глобално ниво. На пример, би можел да предвиди колку луѓе во Лондон веројатно ќе имаат срцев удар во следната година, што би помогнало во планирањето на ресурсите.

Сепак, некои експерти предупредуваат дека моделот има значителни ограничувања. Професорот Џастин Стебинг, онколог, истакнува дека моделот ги репродуцира пристрасностите пронајдени во податоците на кои е трениран. Професорот Питер Банистер додава дека моделот не ги зема предвид возраста, етничката припадност и социоекономскиот статус, што го прави несоодветен за поширока употреба.

И покрај овие ограничувања, истражувачите веруваат дека платформата Делфи е зрела за понатамошен развој. Со идните интеграции, вклучувајќи биомаркери, снимање и геномика, таа би можела да стане вистински мултимодална алатка за прецизна медицина.

Истражувањето доаѓа во време кога здравствените организации предупредуваат дека случаите на рак ќе достигнат рекордни нивоа до 2040 година, со по еден дијагностициран на секои неколку минути. Иако ситуацијата е алармантна, развојот на вакви алатки нуди надеж за рана дијагноза и превенција, што би можело да го промени исходот од болеста.

The post САКАТЕ ДА ЗНАЕТЕ ДАЛИ ЌЕ ДОБИЕТЕ РАК ВО СЛЕДНИТЕ 20 ГОДИНИ? Вештачката интелигенција може да предвиди дали некој ќе добие животозагрозувачка болест во иднина appeared first on plusinfo.mk.

Во Основното јавно обвинителство за гонење на организиран криминал и корупција (ОЈОГОКК) денеска, 2 јули, беше отворена првата специјализирана просторија за сослушување на деца жртви и сведоци на трговија со луѓе.

Проектот е реализиран со поддршка на регионалниот проект EU4FAST – „Поддршка на ЕУ за зајакнување на борбата против криумчарење мигранти и трговија со луѓе во Западен Балкан“, финансиран од Европската Унија, а ко-финансиран од Германија, Италија и Холандија.

Просторијата е прва од ваков вид во рамките на јавното обвинителство во државава, прилагодена според највисоките европски и меѓународни стандарди чија цел е создавање безбедна и поддржувачка средина за жртвите на трговија со луѓе, особено децата, соопштија од Обвинителството.

– Оваа донација за нас не е само материјална поддршка, туку признание дека сме на добар пат и се залагаме за вистинските вредности – особено кога се во прашање децата и ранливите категории – изјави Основниот јавен обвинител Ислам Абази во своето поздравно обраќање, додавајќи дека „просторијата не е само функционален простор, туку алатка од суштинско значење“.

– Таа е одраз на нашата заложба како институција да бидеме на страната на граѓаните – особено на оние на кои најмногу им е потребна заштита и разбирање – вели Абази.

Во духот на воспоставување на нови стандарди, јавниот обвинител го заврши своето обраќање со инспиративна порака:

– Нека оваа просторија биде почеток на нови стандарди – стандарди кои ќе го почитуваат човекот, ќе го штитат детето и ќе ѝ дадат лице на правдата која зрачи со доверба.

The post 📷 ОБВИНИТЕЛСТВОТО ДОБИ СПЕЦИЈАЛИЗИРАНА ПРОСТОРИЈА Во неа ќе се сослушуваат деца жртви на трговија со луѓе appeared first on plusinfo.mk.

Како функционира „Find-AF“?

Развиена од тим научници и лекари од Универзитетот во Лидс и фондацијата Leeds Teaching Hospitals, алатката ги користи анонимизираните медицински податоци на повеќе од 2,1 милиони пациенти за да ги пронајде оние со висок ризик. По првичната анализа, алатката е тестирана и на податоци од дополнителни 10 милиони луѓе, при што покажала извонредна точност.

„Find-AF“ овозможува откривање на ризикот од развој на атријална фибрилација во следните шест месеци, по што пациентите добиваат дополнително тестирање и третман за намалување на ризикот од мозочен удар.

Животи спасени благодарение на оваа алатка

Џон Пенгели, пензиониран офицер, кој учествувал во тестирањето, сведочи за ефикасноста на алатката. „Навистина сум благодарен што ми беше откриена атријална фибрилација. Сега, само со неколку апчиња дневно, го намалувам ризикот од мозочен удар,“ изјави тој.

Атријалната фибрилација често е асимптоматска, што ја прави тешка за откривање, но со новата технологија, експертите веруваат дека илјадници животи ќе бидат спасени.

Британската фондација за срце: „Секое рано откритие е клучно“!

Според Британската фондација за срце (BHF), околу 1,6 милиони луѓе во Обединетото Кралство имаат дијагностицирана атријална фибрилација, но илјадници други живеат со оваа состојба без да бидат свесни. „Кога состојбата е откриена навреме, ризиците можат значително да се намалат,“ нагласуваат од BHF.

Оваа револуционерна технологија не само што ја трансформира медицинската дијагностика, туку отвора нови можности за борба против срцевите заболувања на глобално ниво.

The post ВЕШТАЧКА ИНТЕЛИГЕНЦИЈА ОТКРИВА СРЦЕВИ ЗАБОЛУВАЊА ПРЕД СИМПТОМИТЕ Револуционерна алатка спасува животи во Велика Британија appeared first on plusinfo.mk.

– Не постои ништо намерно. Или ќе се почитува закон или не. Како министер сум должен да го почитувам законот. Стриктно е наведен членот се однесува исклучиво на резидентното население односно на територијата на Република Северна Македонија, односно сите жители на територијата на Република Северна Македонија ќе бидат во формулата за пресметка на таканаречениот „балансер“. Да повторам таа тема е завршена архивирана и се спроведува – изјави министерот Минчев.

Околу „балансерот“ има судир во Колаицијата „Вреди“ во рамиите на Владата а министерот Минчев порача дека коалициските партнери треба повеќе да читаат закони а помалку да се бават со дневна политика.

– Најмалку имам намера да провоцирам еден од нашите партнери во Влада. Јас ќе повторам, исклучиво спроведуваме закони а еден од принципите на кои е договорена коалицијата е почитување на законите. Јас само спроведувам закони. Во законот за вработени за јавен сектор децидно пишува дека алатката „балансер“ се применува исклучиво за граѓаните кои живеат на територија на Република Северна Македонија а тоа е резидентното население согласно последниот попис. Јас се надевам дека колегите од ВЛЕН ќе се вразумат и ќе потрошат повеќе внимание на читање на постоечките закони и ќе се посветат на спроведување на овие закони а не да се занимаваат со дневно политички теми – дециден е Минчев.

Квалитетна и подготвена а не партиска или етничка администрација и департизација на јавниот сектор е императив за Владата.

– Основната заложба на оваа влада е етничкиот предзнак да не биде принцип за вработување. Мислам дека е дојдено време во администрацијата да се вработуваат луѓе врз база на знаење и квалитет за да имаме силна ефикасна и добра јавна администрација. Првото начело е да имаме квалитетни закони. Ако ова го постигнеме тогаш може да зборуваме за добра и квалитетна администрација – дополни Минчев.

Министертвото со кое раководи, денес од собраниска процедура ги повлече Законот за административни службеници, предлог Законот за вработени во јавниот сектор и предлог Законот за стручно усовршување и обука на административните службеници.

The post „БАЛАНСЕРОТ“ Е ЗАВРШЕНА РАБОТА Минчев нема намера да провоцира, бара од „Вреди“ да се вразумат appeared first on plusinfo.mk.

Тој продолжи и додаде дека балансерот сега претставува товар и предизвикува фрустрација.

– Сега веќе претставува товар, бидејќи предизвикува фрустрација кај луѓето кој не сакаат да бидат таму затоа што се дел од некаква етничка заедница туку затоа што сакаат да напредуваат врз основа на мерит системот и врз основа на своите квалитети – посочи Мицкоски.

Нагласи дека потребно е создавање на општество во кое ќе се напредува по мерит систем и квалитетот на индивидуата.

– Ако целта е постигната, тогаш зошто да создаваме фрустрација кај граѓаните во Македонија затоа што навистина не ја гледам потребата да од тоа ние оваа алатка искористувајќи ја создаваме фрустрација кај македонските граѓани. Сега или сме искрени и сакаме да создадеме општество во кое ќе се напредува по мерит системот односно според квалитетот на индивидуата или ќе создадеме општество кое ќе се води по етнократијата – вели тој.

Мицкоски истакна дека не гледа кој би бил аргументот контра на идниот партнер во Владата на ВМРО-ДПМНЕ да е против укинувањето на балансерот.

– Не гледам причина зошто и кое би бил аргументот контра на идниот партнер на ВМРО-ДПМНЕ во Владата со кој би настапил а да не го прифати укинувањето на алатката балансер и овозможување на граѓаните на Македонија да напредуваат по мерит системот и врз основа на квалитетите што ги поседуваат – заклучи Мицкоски.

The post ПОТРЕБНО Е ДА СЕ НАПРЕДУВА СПОРЕД КВАЛИТЕТ Балансерот за вработување до сега се злоупотребуваше, истакна Мицкоски appeared first on plusinfo.mk.

Ова го покажува анализата „Ранливост на дезинформации кај различни групи граѓани во Северна Македонија”, што ја изработи Институтот за комуникациски студии.

Анализата, како што е наведено во соопштението, се фокусира на утврдување на индивидуалните фактори, мотиви и бариери за препознавање и за справување со дезинформации, како и на поврзаноста на медиумската писменост со умешноста за препознавање на дезинформации во интернет-вестите.

„Како ранливи групи се идентификувани младите лица на возраст меѓу 18 и 28 години, возрасните лица над 60 години, и лицата од социјално ранлива категорија (приматели на некаков вид социјална помош). Ова истражување е иновативно по тоа што за првпат прави соодветна скала и индекс на медиумска писменост, во обид да се провери дали и на кој начин можат да се мерат: писменоста за вести, мотивацијата, но и свесноста за бариерите кај ранливите групи граѓани во процесот на препознавањето на дезинформациите. Анализата е изработена во рамките на проектот ‘Употреба на новинарство засновано на факти за подигање на свеста и спротивставување на дезинформациите во медиумскиот простор во Северна Македонија’, кој се реализира со поддршка на Британската амбасада во Скопје“, се вели во соопштението.

The post КАКО ДА СЕ СПРАВИМЕ СО ДЕЗИНФОРМАЦИИТЕ? Клучна алатка е медиумската писменост, покажа анализата на ИКС appeared first on plusinfo.mk.

Корисниците можеа до крајот на минатиот месец да бираат дали сакаат нов или стар интерфејс, но таа опција повеќе не постои. Сепак, и понатаму можете да го вратите стариот Фејсбук, но тоа ќе мора да го сторите по „заобиколен“ пат.

Мет Круз, програмер и творец на екстензијата „Social Fixer“ сега направи екстензија и за интернет пребарувачите која се вика „Old layout“. Со помош на оваа алатка можете да си ги вратите стариот изглед на омилената социјална мрежа.

Оваа алатка практично го прелажува Фејсбук да мисли дека вие користите стар интернет пребарувач кој не може да работи со новиот изглед. Фејсбук веднаш ќе ви го врати стариот изглед и нема да бара од вас да вршите некои посебни подесувања. Едноставно, ја инсталирате „Old Layout“ на вашиот интернет пребарувач, посетувате Фејсбук и ќе го видите стариот добар интерфејс.

Доколку ви останал Фејсбук отворен додека сте ја инсталирале оваа алатка, потребно е да ја освежите страницата неколку пати за да се забележи ефектот. Со клик на иконата „екстензија“ во горниот десен агол, можете да бирате помеѓу стариот и новиот Фејсбук.

Но, ве предупредуваме и дека оваа алатка има и свои недостатоци. Фејсбук секојдневно ќе ве известува дека користите стар интернет пребарувач и дека треба да го ажурирате. Некои игри или апликации на оваа социјална мрежа нема да можете да ги користите затоа што стариот Фејсбук не ги поддржува.

The post Сакате да си го вратите стариот изглед на Фејсбук? Еве како! appeared first on plusinfo.mk.

Преку апликацијата на земјоделците им се овозможува во услови на вонредна состојба, кога голем дел од пазарите (кванташки, зелени пазари, добиточни) не се во функција, да тргуваат со своите производи.

Практично се овозможува, како што наведува МЗШВ, брз и лесен пристап до податоците за расположливите количини и цени на земјоделски производи и добиток во реален временски период како и континуиранo следење и обезбедување транспарентен преглед на земјоделски производи од домашно потекло и движење на цените на земјоделските пазари.

– Да се понудат/побаруваат количини и цени на земјоделски производи или добиток директно од страна на производителите на земјоделски производи од домашно потекло, да се понудат/побаруваат количини и цени на земјоделски производи или добиток од страна на заинтересираните потрошувачи, купувачи, откупувачи и трговци на производи од домашно потекло, како и зинтересираните страни (понудувачи и побарувачи) да најдат заеднички интерес да договорат и направат трговска трансакција, се можностите што ги нуди „Понуда-Побарувачка“.

Веб апликацијата технички и административно ја одржува Одделението за ЗПИС во Секторот за анализа на земјоделска политика во МЗШВ. Понудата или побарувачката за определените земјоделски производи се внесуваат од страна на пазарните репортери од подрачните единици на МЗШВ, АПРЗ или од фирмите вклучени во системот на ЗПИС.

– Заинтресираните понудувачи или баратели на одреден производ или добиток досега се обраќаа до спомнатите репортери, пополнуваа образец, го потпишуваа и го оставаа кај пазарниот репортер. Врз база на образецот репортерот ја објавува понудата или побарувачката во системот. За сите барања и објавувања репортерите ги чуваат обрасците за објавување на понуда или побарувачка во период од една година. Но, во услови на вонредна состојба како што е моменталната предизвикана од пандемијата со коронавирусот, согласно препораките на Владата за социјално дистанцирање, заинтересираните понудувачи или баратели на одреден производ, барањето може да го достават такашто најпрво ќе го преземат образецот „Барање за понуда“ поставен на апликацијата, а потоа пополнетиот образец ке го испратат преку e-mail до подрачната единица на МЗШВ или АПРЗ – објаснуваат од Министерството.

Сите што не се во можност да користат интернет, потребно е телефонски да искомуницираат со подрачната единица на МЗШВ или АПРЗ, а пазарниот репортер во нивно име ќе пополни образец и ќе ја објави понудата/побарувачката во системот.

Комплетната агропонуда е достапна преку клик на банерот „Понуда-Побарувачка“ на веб-страницата на МЗШВ или на страницата на ЗПИС на: www.zpis.gov.mk како и на http://ponudapobaruvacka.zpis.gov.mk/.

The post МЗШВ: Апликација „Понуда-Побарувачка“ за тргување со земјоделски производи appeared first on plusinfo.mk.