Milwaukee BIG RED Светска тура 2025 пристигна во Скопје – голем настан за сите љубители на алати и иновации. Импресивна мобилна изложбена платформа што патува низ Европа и го носи најдоброто од светот на Milwaukee директно до професионалците и ентузијастите.

Еуроимпекс, како генерален увозник и дистрибутер на Milwaukee за Македонија, ја организира оваа турнеја во Скопје со цел да им овозможи на македонските корисници да бидат дел од глобалното Milwaukee искуство. Ова беше ретка можност да се види и почувствува најдоброто што овој бренд го нуди во живо, на едно место.

Специјалното демо возило беше поставено во кругот на Еуроимпекс, на булеварот Трета Македонска Бригада, на 11.11.2025 година. Возилото е целосно опремено со најновата палета на Milwaukee алати, батериски системи и иновативни решенија за секој занает и индустрија. За време на турнејата имаше екслузивни промоции и специјални понуди на производите, а експертите на Milwaukee и Еуроимпекс беа достапни за професионални совети и презентации.

– Оваа година, Еуроимпекс одбележува 18 години како генерален увозник на македонскиот пазар на Milwaukee –  бренд со 100-годишна традиција во производство на електрични и акумулаторски алати. Кога станува збор за алати за професионална работа, брендот Milwaukee е на прво место, покрај останатите брендови на алати: Bahco, Irimo, Portable Winch. Овие брендови, заедно со Milwaukee, ја издвојуваат компанијата Еуроимпекс како една од водечките компании во продажбата на алати наменети за професионалци во Македонија – изјави Роберт Анастасов, директор на секторот за алати во Еуроимпекс.

Оваа компанија има широка дистрибутивна мрежа низ цела Македонија, а има и сопствен сервисен центар за машини и алати од нивните програми за да обезбеди квалитетна грижа за корисниците.

Еуроимпекс, во своето 35-годишно постоење, бележи раст, развој и успешно стопанисување во различни области, вклучувајќи ги сите брендови што ги претставува.

Работењето на компанијата е насочено кон сите брендови подеднакво: четири брендови на алати (Milwaukee, Bahco, Irimo, Portable Winch), Total Energies, Ловиштето Ниџе, автомобилските брендови Peugeot и Opel, кои покрај во Македонија, Еуроимпекс ги претставува и во Србија, Црна Гора, Косово и во Албанија.

За повеќе информации обратете се во Еуроимпекс на https://euroimpex.mk/

The post ГОЛЕМА ЦРВЕНА ПРОМОЦИЈА НА MILWAUKEE ВО МАКЕДОНИЈА Глобалното искуство го доживеаја и македонските корисници на алати appeared first on plusinfo.mk.

Четворица скопјани украле машини, алати и други предмети во вредност од 1.239.000 денари од Јавното претпријатие Железници, информираше Министерството за внатрешни работи. Тие извршиле пет дела „тешка кражба“ и една кражба во обид, се вели во соопштението.

„Имено, пријавените делата ги извршиле во периодот од 30.03. до 14.04.2025, при што од објект на ЈП Железници на РСМ -Железничка инфраструктура Скопје одзеле машина за обработка на дрва, мотор од компресор, алати и разни други предмети и се стекнале со имотна корист од околу 1.239.000 денари“, вели МВР.

Според полицискиот билтен, четворицата биле затекнати при обид за кражба и уапсени, додека судија на претходна постапка на тројца од нив им обезбедил ефективен притвор од 8 дена и куќен притвор за едно лице исто така од 8 дена.

Единицата за внатрешни работи Аеродром и Драчево при СВР Скопје поднесе кривична пријава против Е.З.(52), А.А.(55), Р.Д.(31) и С.Д.(32), сите од Скопје.

The post КРАДЕЛЕ МАШИНИ ВРЕДНИ 20.000 ЕВРА ВО ЈП ЖЕЛЕЗНИЦИ Одреден е притвор за четворица скопјани appeared first on plusinfo.mk.