Управата за хидрометеоролошки работи за петок издаде жолто предупредување за невреме на целата територија на Македонија.

Во петок ќе се задржи променливо облачно време со сончеви периоди. Попладне повторно ќе биде нестабилно, наместа со повремени врнежи од дожд и грмежи.

Локално процесите ќе бидат поинтензивни во форма на невреме со пообилен пороен дожд, во количина над 15 литри на квадратен метар, електрични празнења и појава на град. Ќе дува силен ветер  со  бзрина над 60 километри на час.

Минималната температура најниско ќе се спушти во Берово, до 11 степени, а најтопло ќе биде во Гевгелија, со дневна температура до 34 степени Целзиусови.

Во Скопје в петок времето ќе биде променливо облачно и нестабилно со повремени врнежи од дожд, грмежи и со засилен ветер. Во делови од котлината ќе има услови за краткотрајно невреме со пообилен пороен дожд и со појава на град. Температурата ќе се движи од 16 степени наутро до 30 степени во текот на денот.

До средината на следната работна седмица следува период на стабилно и претежно сончево време.

Во сабота ќе дува засилен до силен северен ветер, а во следните денови умерен до засилен северен ветер.

Алармите за предупредување на населението од временски непогоди се издаваат во жолта, портокалова и во црвена боја и се дел од системот за метеопредупредувања во Европа. Жолт аларм значи умерена опасност од временските прилики, со можност за умерени последици по околината, портокалов значи дека опасноста е голема, а црвениот аларм предупредува за екстремна опасност, со можност за катастрофални последици по луѓето, нивните имоти и по околината.

Алармите се издаваат за различни временски прилики и појави: за ветер, дожд, горештина, студ, снег, мраз, грмотевици, крајбрежни настани, шумски пожари, лавини, поплави, порои, опасности на море и за суша.

The post ВНИМАВАЈТЕ, ИЗДАДЕН Е ЖОЛТ АЛАРМ ЗА НЕВРЕМЕ ЗА ЦЕЛА МАКЕДОНИЈА Обилен дожд, град, грмежи и силен ветер appeared first on plusinfo.mk.

Санкт Петербург утрово бил цел на масовен напад со беспилотни летала, соопшти гувернерот на градот Александар Беглов. Во исто време во три одделни руски напади врз јужната украинска област Херсон загинаа пет луѓе.

„Утрово, на 6 јуни, Санкт Петербург беше изложен на напад од големи размери со беспилотни воени летала. Системите за противвоздушна одбрана се активни“, напиша Беглов на платформата Макс, пренесува РИА Новости.

Тој ги повика жителите да останат во своите домови и да избегнуваат излегување, предупредувајќи дека се можни прекини во интернетот и мобилната телефонија. Аеродромот Пулково е затворен за слетувања и полетувања на авиони, јавува РИА.

Гувернерот на Ленинградската област Александар Дрозденко соопшти дека се уништени 86 дронови. Во меѓувреме, руското Министерство за одбрана соопшти дека во текот на изминатата ноќ над руските региони, Црното и Азовското Море и Абхазија биле соборени вкупно 376 беспилотни летала.

Градоначалникот на Москва, Сергеј Собјанин, изјави дека осум беспилотни летала биле соборени додека се движеле кон главниот град.

Во средата, на отворањето на форумот во Санкт Петербург, украински дронови погодија нафтена рафинерија и воен објект.

Во текот на изминатата ноќ во три одделни руски напади врз јужната украинска област Херсон загинаа пет луѓе.

Гувернерот на Херсон, Олекдсандар Прокудин на Телеграм објави дека во еден од нападите загинале три лица над 70 години, чии тела биле откриени во нивните домови.

Херсонската област е една од четирите региони анектирани од Русија по инвазијата врз Украина во 2022 година. На почетокот на војната Русија зазеде голем дел од областа, но украинската армија успеа да ги врати под своја контрола териториите, како и градот Херсон.

The post РУСИЈА И УКРАИНА СЕ ПРАВАТ „САЛАТА“, ДАЛИ СЛЕДУВА ЦЕЛОСНА ЕСКАЛАЦИЈА? „Граѓани, не излегувајте од дома“, порача гувернерот на Санкт Петербург appeared first on plusinfo.mk.

Во текот на денешниот ден, сабота 16 мај, територијата на Македонија ќе се наоѓа под влијание на циклонска активност со центар над Џенова, Италија.

Времето ќе биде променливо облачно и нестабилно со поројни врнежи од дожд, појава на грмежи и со засилен ветер од јужен и од југозападен правец.

Локално атмосферските процеси ќе бидат поинтензивни и во форма на невреме проследено со обилен пороен дожд за кратко време, силен ветер и електрични празнења, со услови за појава на град, пишува македонскиот метеопрогнозер Славчо Поповски на неговата веб-страница Метеоаларм.

Максималните температури денеска ќе се движат во интервалот од 17 до 23 степени, а во Скопје и околината температурата ќе се искачи до 22 степени.

Целата прогноза на Поповски може да ја прочитате на следниот ЛИНК.

ВНИМАВАЈТЕ, СЛЕДУВА НЕВРЕМЕ СО ПОРОЕН ДОЖД И СО СИЛЕН ВЕТЕР Издадени портокалов и жолт аларм од УХМР, еве што значи тоа

The post ЦИКЛОНОТ ОД ЏЕНОВА НОСИ НЕВРЕМЕ НАД МАКЕДОНИЈА Внимавајте, можни се грмежи и град! appeared first on plusinfo.mk.

Две жени на возраст од 62 и 56 години побарале помош во Итната медицинска помош број два во Кавадарци, каде биле медицински третирани под сомнеж за труење со заостанати велигденски јајца.

Едната била задржана на болничко одделение во кавадаречката болница, а другата, по неколкучасовно медицинско следење, сама изразила желба да си оди дома, бидејќи, како што рекла, се чувствувала подобро.

Оваа информација ја потврди за МИА, доктор Антоан Паракеов, началник на Службата за итна медицинска помош во Кавадарци.

Ратко Грков, доктор во Итна медицинска помош број еден, рече за МИА дека и во негова смена, имало пациенти кои се пожалиле на лесни симптоми на труење, а кажале дека претходно консумирале велигденски јајца.

Паракеов и Грков апелираа до населението за внимателност при консумирање преостанати велигденски јајца од празникот, со цел да се избегнат несакани последици од консумирање постара храна.

The post ДВЕ ЖЕНИ СЕ ЗАТРУЛЕ СО ВЕЛИГДЕНСКИ ЈАЈЦА Лекарите апелираат на внимателност appeared first on plusinfo.mk.

Под влијание на стабилна, сува и топла воздушна маса од Африка, од утре (четврток 7 август) па се до следниот петок (15 август) времето ќе биде стабилно, суво, сончево и топло со појава на мала локална облачност.

The post ДОАЃА НОВ АФРИКАНСКИ БРАН Температурите ќе пораснат до 38 степени appeared first on plusinfo.mk.

Звукот е толку продорен и препознатлив што е невозможно да се игнорира – без разлика каде се наоѓате во градот. За многумина, ова не е само утрински аларм, туку симбол на строгата контрола на владејачката династија Ким.

Пропаганда уште од будењето

Северна Кореја е позната по својот тоталитарен систем на управување и по низата необични практики што го изненадуваат светот. Утринската мелодија, дел од оперската композиција „Каде си, драг генерале?“, се смета за дел од пропагандниот апарат, создавајќи чувство на преданост и восхит кон лидерите, објави Економист.

Според официјални извори, оваа композиција ја напишал Ким Јонг Ил во 1971 година, како дел од операта „Вистинската ќерка на партијата“, каде што воена болничарка копнее да го сретне „Големиот лидер“ Ким Ил Сунг.

Звук како од кошмар

Британскиот актер и комичар Мајкл Пејлин, познат од легендарната група „Монти Пајтон“, имаше можност да ја слушне оваа мелодија во живо за време на својата посета на Северна Кореја во 2018 година. Тој го опиша ова будење како едно од најчудните искуства во неговиот живот, споредувајќи го со сцени од ноќен кошмар.

На социјалните мрежи, снимката од оваа мелодија повторно стана вирална, а корисниците на TikTok ја опишуваат како звук кој предизвикува морници, ја споредуваат со кошмарна атмосфера или велат дека звучи како совршена музичка подлога за парализа во сон.

The post 📽 СЕКОЕ УТРО Е МОРНИЧАВО ВО СЕВЕРНА КОРЕЈА Еве како Ким Јонг Ун ги буди своите граѓани appeared first on plusinfo.mk.

Гаши порача дека е крајно време да определиме приоритети во државата и да не се делиме по идентитети „зашто се уморивме од тоа“. Како што рече, секој се гледа во потенцијален иден ризик и ова треба да биде последен аларм што треба да нѐ отрезни.

– Пред сè сме луѓе и заеднички треба да ги градиме институциите. Лично донирав, но мислам дека треба да ги поттикнеме сите граѓани колку што можат да донираат и како општество да реагираме на тој начин и нашите институции да се стават во функција на ситуацијата. Да го дадеме целиот капацитет, а тој не е мал, зашто имаме одлични професионалци, меѓу кои се и докторите. Ако така реагираме, убеден сум дека одговорот ќе биде добар и ќе има утеха за оние кои ги изгубиле најблиските иако тагата не може да ја надоместиме – рече претседателот на Собранието .

Во врска со реакции во јавноста зошто Собранието, покрај минатата, не работи и оваа седмица, Гаши одговори дека Собранието работело и претходната и оваа недела, но немало пленарни и комисиски седници во знак на почит. Тоа, рече, било договорено на координација т.е. на состанок на координаторите на пратеничките групи.

– Нема седници во знак на почит, за да нема дефокус и да отвораме други теми на политикантство и дневна политика од кои граѓаните ќе се згрозат. Сакавме да покажеме солидарност и емпатија – рече претседателот на Парламентот.

Собранието не донирало како институција за помош по несреќата во Кочани туку одлучиле, рече, „секој пратеник да донира по своја волја и совест“.

– Но уверен сум дека веќе донирале и ги повикувам оние што не донирале, тоа да го сторат – рече Гаши кој учествуваше на Донаторската вечер на ТВ Канал 5.

The post ОВА НЕКА НИ БИДЕ ПОСЛЕДЕН АЛАРМ Гаши вели дека трагедијата во Кочани треба да ги отрезни институциите appeared first on plusinfo.mk.

Целата територија на Македонија е во опасност од силно невреме. Управата за хидрометеоролошки работи издаде портокалово предупредување за повеќе региони, а онаму каде не е портокалово, предупредувањето е на жолто ниво. Алармот важи во текот на денот и претстојната ноќ.

„Под влијание на циклонска активност следува период на променливо облачно време со честа појава на повремени врнежи од дожд. Наместа процесите ќе бидат поинтензивни, во форма на невреме со пообилен пороен дожд, појава на грмежи и силен ветер, над 70 километри на час. Во овој период локално се очекува да наврне поголема количина на дожд, над 60 литри на квадатен метар“, предупреди УХМР.

Во Скопје во следните денови времето ќе биде променливо облачно со повремени врнежи од дожд.

„Во делови од котлината врнежите повремено ќе бидат пообилни и поројни, проследени со грмежи и засилен ветер, краткотрајно во форма на невреме“, соопшти Управата.

The post ВНИМАВАЈТЕ НА ПОПЛАВИ, ДОАЃА ПОТОП СО ГРОМОВИ И СИЛЕН ВЕТЕР Портокалово предупредување за силно невреме од УХМР appeared first on plusinfo.mk.

Путин зборува за „Орешник“

Претседателот Владимир Путин потврди дека вооружените сили на Русија извршиле комбиниран напад користејќи ја најновата ракета „Орешник“ со среден дострел, врз објект на украинската одбранбена индустрија, како одговор на американските и британските напади на руска територија.

The Russian media are sharing a video of the new hypersonic ballistic missile “Oreshnik” that hit a Ukrainian military facility on Thursday night. pic.twitter.com/TA8rZiLfO1

— Politsturm International (@PolitsturmInter) November 21, 2024

– Би сакал да го информирам персоналот на вооружените сили на Русија, граѓаните на нашата земја, нашите пријатели ширум светот, како и оние кои сè уште имаат илузии за можноста да и се нанесе стратешки пораз на Русија, за настаните што се случуваат денеска во областа СВО, односно по употребата на наша територија на западно производство на оружје со долг дострел – изјави рускиот претседател во своето обраќање пред вооружените сили на Русија и пред граѓаните.

Западни извори новото руско оружје го идентификуваат како РС-26 „Рубеж“. За какво оружје станува збор?

Технички карактеристики на РС-26 „Рубеж“

РС-26 „Рубеж“ е руска солидно-горивна интерконтинентална балистичка ракета, развиена од Московскиот институт за термотехника. Ракетата е базирана на претходниот модел РС-24 „Јарс“, но со пократка должина и помал број фази. Таа е долга околу 12 метри, со дијаметар од 1,8 метри и тежина од 36 тони.

РС-26 може да носи боеви глави со тежина до 800 килограми, вклучувајќи и повеќекратни независно насочени боеви глави (MIRV). Ракетата е дизајнирана за мобилно лансирање, што ја прави потешка за откривање и неутрализирање.

Иако РС-26 е класифицирана како интерконтинентална балистичка ракета со опсег до 5.800 километри, таа може да се користи и како ракета со среден дострел при носење на потешки боеви глави.

Ракетата може да достигне брзини од неколку километри во секунда, што значи дека патувањето од Русија до Дњепар, кој е оддалечен околу 700 километри од границата, би траело помалку од 10 минути.

Историја на развој и тестирање

Првото успешно тестирање на РС-26 се одржало во 2012 година, но ракетата никогаш формално не влегла во оперативна служба. Во 2018 година, руските власти објавиле дека проектот е исклучен од државната програма за вооружување до 2027 година.

Сепак, неодамнешната употреба на оваа ракета сугерира дека Русија можеби го ревидирала својот став. или го завршила развојот на ракетата.

Инаку, првото, неуспешно пробно лансирање се случило во Плесец во септември 2011 година. Во друг тест во мај 2012 година, Русија покажа дека РС-26 може да постигне интерконтинентален дострел, иако се претпоставуваше дека тоа ќе се постигне со мала или без носивост. Последователните тестови уверливо покажале дека ракетата не може да лета надвор од среден дострел со вистинска боева глава.

Во услови на контроверзи околу класификациите, во 2018 година Русија официјално го „затвори“ проектот за развој на ракети РС-26, што потенцијално би го прекршил Договорот за елиминација на ракети со среден и краток дострел (INF).

Затворен па отворен проект

Во март истата година, само неколку недели откако рускиот претседател Владимир Путин го спомна тоа во говорот, Русија наводно одлучила да го одложи развојот на „Рубеж“, исфрлајќи го од планот за оружје на земјата за 2018 година. Наместо тоа, Русија требало да се фокусира на користење на хиперсоничната „Авангард“, како платформа за носење нуклеарно оружје.

Видеото од руското Министерство за одбрана, наводно, покажува прототипи на „Авангард“ и компјутерски генериран приказ на неговиот оперативен концепт.

„Авангард“ е вклучена во финалната верзија на државниот план за оружје како поважна за обезбедување на одбранбените способности на земјата, изјавил за ТАСС извор од руската одбранбена индустрија. Сите работи на „Рубеж“ и на „Баргузин’ (проектил испукан од железничката платформа), биле ставени во мирување до крајот на 2027 година.

До денес остана нејасно зошто Русија го напушти проектот РС-26. ,Можеби причините биле од финансиска природа. Во почетокот било планирано и „Авангард“ и „Рубеж“ да бидат вклучени во државниот план за оружје, но подоцна станало јасно дека средствата нема да бидат доволни за финансирање на двата системи истовремено.

Воскреснати во „Орешник“?

Како и да е, РС-26 со години ретко се споменува. Кремљ требало да го демонстрира системот пред инспекторите за контрола на оружјето од САД, прво во 2015 година, а потоа и во 2016 година, но тоа не се случило. Сепак, во извештајот од 2021 година, Пентагон ќе наведе дека и покрај извештаите во рускиот печат, работата на проектот РС-26 и тестирањето на поврзаната опрема продолжиле најмалку до 2018 година.

Со падот на Договорот за елиминација на ракети со среден и краток дострел и со продлабочувањето на тензиите меѓу Русија и НАТО, Москва веројатно повторно го разгледала системот РС-26, можеби во форма на „Орешник“, иако нема докази дека двата проектила се оперативно распоредени.

Импликации врз војната во Украина

Како и да е, употребата на РС-26 „Рубеж“ во конфликтот претставува значителна ескалација. Оваа ракета е дизајнирана за носење на нуклеарни боеви глави, иако нема индикации дека во овој напад е користена нуклеарна боева глава.

Сепак, употребата на интерконтинентална балистичка ракета против цел во Украина е без преседан и може да има сериозни последици врз регионалната безбедност.

Меѓународната заедница изрази загриженост поради употребата на РС-26. САД и нивните сојузници го осудија нападот, истакнувајќи дека употребата на вакви ракети претставува неприфатлива ескалација. Некои експерти предупредуваат дека ова може да доведе до понатамошна милитаризација на регионот и до зголемување на тензиите меѓу Русија и Западот.

Правни и договорни аспекти

Употребата на РС-26 покренува прашања за почитувањето на меѓународните договори за контрола на вооружувањето. Иако ракетата е класифицирана како ICBM под договорот New START меѓу САД и Русија, нејзината способност да носи потешки боеви глави на помали растојанија може да ја стави во категоријата на ракети со среден дострел, што би можело да биде во спротивност со Договорот за елиминација на ракети со среден и краток дострел (INF).

Вистинската загриженост на Западот во врска со новото оружје на Москва, всушност, произлегува од фактот дека тоа ги прави ранливи сите европски метрополи. Времето на пристигнување на смртоносниот проектил до Лондон и до Париз, на пример, е помалку од 20 минути. Сите други западноевропски метрополи би биле на удар во време пократко од тоа. Се чини дека Путин конечно извади „адут од ракаовот“, со кој може ефикасно да се спротивстави на одлуката на Бајден да им дозволи на Украинците да гаѓаат цели во Русија со ракети со долг дострел.

На крајот, се поставува и дилемата – гледаме ли сега и на теренот увертира во отворен глобален конфликт меѓу Русија и Западот, кој може да се нарече и Трета светска војна?

ПУТИН СООПШТИ СО КАКВА РАКЕТА БИЛ ПОГОДЕН ДЊЕПРОПЕТРОВСК Се закани со нови напади во случај на ескалација

The post 🎥 ДАЛИ ГЛЕДАМЕ УВЕРТИРА ВО ОТВОРЕН ВОЕН КОНФЛИКТ МЕЃУ РУСИЈА И ЗАПАДОТ? Ракетата „Орешник“ за 20 минути може да стаса и до Лондон и до Париз appeared first on plusinfo.mk.

Дунав се излеа од коритото во Унгарија, го поплавил долниот кеј во Пешта,а водата стаса до зградата на парламентот во Будимпешта.

Унгарскиот премиер Виктор Орбан утринава на прес-конференција изјави дека состојбата со поплавите се уште е сериозна и тешка. Тој предупреди дека повеќето несакани настани не се случуваат во пикот на водостојот, туку за време на бавниот пад, што е забележан и кај Австријците.

• ДУНАВ НЕ Е ИЗВЕСТЕН ДЕКА ЦИКЛОНОТ БОРИС ВРТИ НА ЈУГОЗАПАД Историскиот воден бран од Виена патува кон Будимпешта и потоа ќе ги заплисне и Хрватска и Србија
• ИДЕ ДУНАВ Будимпешта пред најголемата поплава на деценијата

Сепак, добрата вест е што во наредната недела не се очекува силен дожд.

Бројот на жртвите од поплавите предизвикани од циклонот Борис во Полска, Унгарија, Романија и Австрија се искачи на 21. Ова е една од најтешките поплави во регионот во последните 30 години.

• СЕ ИЗЛЕВААТ БРАНИ, ЛУЃЕ ТОНАТ ПОД ВОДА Страшна бура дивее низ Европа

Хрватска, Унгарија и Словачка се уште се во состојба на готовност, бидејќи се прогнозираат пообилни врнежи од дожд. Италијанските региони Емилија Ромања и Лацио го активираа жолтото метео предупредување за пороен дожд и грмотевици.

• СЕВЕРНА ИТАЛИЈА ПОД ВОДА Евакуирани местата долж реката Марзено

Романија прогласи вонредна состојба за областите Галати и Васлуи, која ќе остане на сила до 16 октомври. И Полска прогласи состојба на природна катастрофа.

Чешката асоцијација за осигурување проценува дека поплавата на крајот може да ја чини земјата 677 милиони евра.

• ДРАМАТИЧНА СИТУАЦИЈА СО ПОПЛАВИТЕ ВО ЧЕШКА Пукна брана на границата со Полска, во тек е итна евакуација на граѓаните

Неколку погодени земји, главно Полска и Чешка, може да очекуваат сериозни прекини во сообраќајот по големата штета на нивните железнички системи.

• ЧЕШКА ОСТАНА БЕЗ СТРУЈА Расте бројот на загинати од поплавите во Европа
• ДРАМАТИЧНА СНИМКА ОД ЧЕШКА Спасувачки хеликоптер извлекува пожарникари од подивената река

Сообраќајот на Дунав во Австрија останува затворен.

• ПАТНИЦИТЕ ОСТАНАА ЗАРОБЕНИ НА БРОД ЗА КРСТАРЕЊЕ ВО АВСТРИЈА Страшните поплави ги оставија луѓето заглавени среде Дунав

The post ДУНАВ СЕ СПРЕМА ДА ВЛЕЗЕ ВО УНГАРСКИОТ ПАРЛАМЕНТ Циклонот Борис веќе однесе најмалку 21 жртва appeared first on plusinfo.mk.