Балистичка ракета лансирана од Иран ја погоди базата Ал-Удеид во Катар, најголемата американска воена база на Блискиот Исток, соопшти катарското Министерство за одбрана.

Министерството во соопштение наведе дека земјата била цел на две балистички ракети лансирани од Иран.

„Системите за воздушна одбрана успешно пресретнаа една од ракетите, додека втората ракета ја погоди катарската база Ал-Удеид без да предизвика жртви“, се вели во соопштението.

Министерството не даде информации за точното место на ударот на ракетата или за можната штета.

Ал-Удеид, која исто така ја користат катарските и британските сили, се наоѓа во предградието на Доха.

Иран веќе ја нападна базата минатата година во знак на одмазда за американското бомбардирање на иранските нуклеарни постројки. Иранската војска исто така соопшти дека извршила напади врз базата како одмазда за заедничките американско-израелски напади низ Иран во саботата.

Ал-Удеид е една од најважните американски бази на Блискиот Исток. Според извештаите, таму вообичаено се стационирани околу 10.000 војници и цивилен персонал. Базата служи и како команден центар за американските воени операции во регионот.

Штабот на американската регионална команда за Блискиот Исток се наоѓа во Тампа, Флорида.

The post ИРАН СО РАКЕТА ЈА ПОГОДИ АМЕРКАНСКАТА БАЗА АЛ-УДЕИД ВО КАТАР Нема загинати војници appeared first on plusinfo.mk.

На дел од персоналот му е советувано до среда навечер да ја напушти американската воздухопловната база Ал Удеид во Катар, изјавија тројца дипломати за Ројтерс, поради предупредувањата од Вашингтон дека може да интервенира во Иран, за да ги заштити демонстрантите против режимот на ајатолахот Хамнеи.

Амбасадата на САД во Доха немаше непосреден коментар, а Министерството за надворешни работи на Катар не одговори на барањето на Ројтерс за потврда или за коментар.

– Тоа е промена на положбата, а не нарачана евакуација – изјави еден од дипломатите за Ројтерс.

Дипломатот додаде дека не знае која е конкретната причина за промената на положбата.

Ал Удеид е најголемата американска база на Блискиот Исток, во која се сместени околу 10.000 војници.

Висок ирански функционер претходно изјави за Ројтерс дека Техеран ги предупредил регионалните земји дека ќе ги нападне американските воени бази на нивните територии во случај на напад од страна на Вашингтон, откако претседателот Доналд Трамп се закани дека ќе интервенира во Иран.

Минатата година, повеќе од една недела пред САД да почнат воздушни напади врз Иран, дел од персоналот и семејствата беа преместени од американските бази на Блискиот Исток. По нападите на САД во јуни, Иран изврши ракетен напад врз базата во Катар.

ЌЕ ГИ ГАЃАМЕ АМЕРИКАНСКИТЕ БАЗИ АКО САД НЀ НАПАДНАТ Иран кратко ќе ги суди, па ќе ги беси уапсените демонстранти и покрај заканата од Трамп

The post ЕВАКУАЦИЈА НА ПЕРСОНАЛОТ ОД АМЕРИКАНСКАТА ВОЕНА БАЗА ВО КАТАР Иран се закани дека ќе ги ракетира базите во соседството, ако САД ги нападнат appeared first on plusinfo.mk.