Екипата на Ал Наср предводена од Кристијано Роналдо ја освои титулата во Саудиската Про Лига, откако во последното коло убедливо славеше против Дамак со 4:1.

Со оваа победа, Ал Наср ја заврши сезоната на првото место со 86 бодови, два повеќе од големиот ривал Aл Хилал, кој остана втор со 84.

Домашниот тим го отвори резултатот преку Садио Мане, а на стартот од второто полувреме предноста ја зголеми Кингсли Коман. Гостите успеаја да намалат од пенал, но потоа на сцена стапи Роналдо.

Португалската суперѕвезда постигна два гола за конечни 4:1 и уште еднаш беше херој на својот тим. Вториот погодок за Роналдо беше и негов 973 гол во професионалната кариера, бројка што дополнително ја потврдува неговата неверојатна фудбалска доминација.

Cristiano Ronaldo in tears of joy.

What a moment. pic.twitter.com/ftEJFvLYPr

— TC (@totalcristiano) May 21, 2026

По последниот свиреж започна големо славје на стадионот, а Роналдо конечно стигна до првата шампионска титула во Саудиска Арабија, откако му се приклучи на Ал Наср.

التتويج النصراوي

كريستيانو رونالدو يرفع الكأس، ويتسلّم الميدالية، ويحتفل باللقب مع لاعبي النصر pic.twitter.com/zsLYQhCOjq

— رياضة ثمانية (@thmanyahsports) May 21, 2026

The post 📽️ 973 ГОЛА И НОВ ПЕХАР ЗА РОНАЛДО Португалецот и Ал Наср се шампиони на Саудиска Арабија appeared first on plusinfo.mk.

Приватниот авион на Кристијано Роналдо го напуштил Ријад во текот на ноќта и слетал во Мадрид, што веднаш предизвика шпекулации дека фудбалската суперѕвезда се повлекува од Саудиска Арабија поради влошената безбедносна ситуација во регионот.

Според податоците од следење на летови објавени на интернет, неговиот „Bombardier Global Express 6500“ полетал од Ријад околу 20 часот и по речиси седумчасовен лет пристигнал во шпанската престолнина нешто по полноќ. Полетувањето доаѓа во период кога бројни странски државјани го напуштаат Блискиот Исток, а дел од летовите кон Ријад се пренасочуваат или откажуваат.

Во меѓувреме, Ријад, градот каде што 41-годишниот напаѓач живее со партнерката Џорџина Родригез и нивните деца, беше погоден од ирански напади во четвртиот ден од борбите, што дополнително ја зголеми загриженоста за безбедноста.

Роналдо, кој настапува за саудискиот клуб Ал-Наср, моментално е надвор од терените поради повреда. Тој мораше предвреме да го напушти натпреварот против Ал Фајха, што отвори прашања дали ќе биде подготвен за претстојните предизвици.

Луксузниот авион вреден милиони

Ѕвездата го напуштила Ријад со својот „Bombardier Global Express 6500“, приватен авион што го купи во 2024 година за околу 70 милиони евра, откако се раздели со постариот „Gulfstream G200“.

Луксузниот авион собира до 15 патници и располага со повеќе одделни простории, дневна соба со софи, спална со двоен кревет и бања со туш. Леталото е целосно персонализирано и украсено со логото на фудбалерот.

Засега нема официјална потврда дали заминувањето на Роналдо е привремена мерка или најава за подолг престој надвор од Саудиска Арабија.

The post 📽️ РОНАЛДО СРЕДЕ НОЌ КИДНА ОД РИЈАД Луксузниот авион на Португалецот по ескалацијата слета во Мадрид appeared first on plusinfo.mk.

Португалскиот напаѓач на Ал-Наср, Кристијано Роналдо, повторно ги воодушеви фановите со својата амбиција, истакнувајќи дека само повредите можат да го спречат да постигне 1.000 гола во својата кариера.

Четириесетгодишниот фудбалер моментално има 956 гола, а за „RMC Sport“ изјави дека секогаш се стреми кон нови предизвици, без разлика дали игра на Блискиот Исток или во Европа.

– Каде и да играм, секогаш сакам да освојувам трофеи и да ја достигнам таа бројка што сите ја знаете. Уверен сум дека ќе го постигнам тоа ако останам без повреди – рече Роналдо.

Роналдо неодамна беше прогласен за играч на годината на Блискиот Исток по трет пат по ред од страна на „Globe Soccer Awards“. Легендата е петкратен победник на Златната топка, петкратен освојувач на Лигата на шампионите и европски шампион.

Напаѓачот игра за Ал-Наср од 2023 година, а во својата импресивна кариера настапувал и за Спортинг, Манчестер Јунајтед, Реал Мадрид и Јувентус, оставајќи неизбришлив белег во светскиот фудбал.

The post ЌЕ ПОСТИГНАМ 1.000 ГОЛОВИ АКО ОСТАНАМ ЗДРАВ Роналдо и на 40 години не се откажува од целта appeared first on plusinfo.mk.

По девет години врска, Кристијано Роналдо и неговата свршеница Георгина Родригез ја планираат својата свадба, а познатиот фудбалер избра посебно место за таа пригода.

Двојката, која се сврши во август, ќе го каже своето последно „да“ на родниот остров на Роналдо, Мадеира, а церемонијата е закажана за ова лето по Светското првенство, објави „Сан“.

Ѕвездата на „Ал-Наср“ наводно, за венчавката ја избрал катедралата во Фуншал, додека свадбената прослава ќе продолжи во еден од луксузните хотели на островот.

Изборот на Фуншал за Роналдо има длабоко лично значење. Катедралата е на помалку од три километри од болницата каде што е роден и недалеку од стадионот на неговиот младински клуб, Национал да Мадеира.

Легендата на Реал Мадрид помина две години таму пред, на 12-годишна возраст, во 1997 година, да се приклучи на Спортинг Лисабон.

The post РОНАЛДО И ГЕОРГИНА ЌЕ СЕ ВЕНЧААТ ВО РОДНОТО МЕСТО НА ФУДБАЛЕРОТ Прво светски куп и трофеј, а после свадба appeared first on plusinfo.mk.

Португалската суперѕвезда Кристијано Роналдо стана првиот фудбалер во историјата кој ја надминал границата од една милијарда евра во лична заработка, објави „Блумберг“.

Четириесетгодишниот Роналдо ја постигна оваа неверојатна бројка со последното продолжување на договорот со саудискиот клуб Ал Наср, во вредност од приближно 360 милиони евра. Според проценката на Блумберг, неговото богатство сега изнесува приближно 1,2 милијарди евра.

Блумберг го проценува богатството на Роналдо на нешто повеќе од 1,2 милијарди евра со што Португалецот стана првиот фудбалер во историјата кој ја надминал границата од една милијарда евра заработка Роналдо заработи над 470 милиони евра плата помеѓу 2002 и 2023 година. Тој, исто така, потпиша десетгодишен договор со „Најк“ за речиси 16 милиони евра годишно и други спонзорства со брендови како „Армани“ и „Кастрол“, додавајќи над 150 милиони евра на неговата нето вредност.

Неговиот трансфер во Ал-Наср во 2023 година му донесе околу 172 милиони евра годишна плата и бонуси ослободени од данок, плус привилегии, вклучувајќи бонус од нешто повеќе од 25 милиони евра.

The post РОНАЛДО Е ПРВИОТ ФУДБАЛСКИ МИЛИЈАРДЕР Платите, спонзорствата и бонусите што го направија Португалецот многу богат appeared first on plusinfo.mk.

Фудбалерот на Ал Наср, Кристијано Роналдо најави дека ќе продолжи да игра за саудискиот клуб.

Претходно беше објавено дека 40-годишниот Португалец би можел да го смени тимот за да игра на Светското клупско првенство, кое ќе се одржи од 15 јуни до 13 јули во САД.

Ал-Наср би можел да го продолжи договорот со Роналдо и да го позајми на Ал-Хилал за Светското клупско првенство

– Мојата иднина? Ништо нема да се промени. Дали ќе останам во Ал-Наср? Да – го цитира Роналдо новинарот Фабрицио Романо.

Роналдо игра за Ал-Наср од јануари 2023 година. Минатата сезона одигра 41 натпревар на сите турнири, постигна 35 гола и направи четири асистенции.

The post РОНАЛДО ОТКРИ КАДЕ ЌЕ ЈА ПРОДОЛЖИ КАРИЕРАТА Ова никој не го очекуваше appeared first on plusinfo.mk.

Напаѓачот на Ал-Наср, Кристијано Роналдо навести дека ќе го напушти клубот од Саудиска Арабија.

Ал-Наср синоќа на гости загуби од Ал-Фатех со 3:2 во последното, 34.коло на Премиер лигата на Саудиска Арабија.

„Ова поглавје е завршено. Приказната? Сè уште се пишува. Благодарен сум на сите“, напиша фудбалерот на социјалната мрежа Икс.

Ал Наср заврши на третото место на табелата со 70 бодови. Роналдо стана најдобар стрелец на првенството со 25 гола.

Договорот на фудбалерот со саудискиот клуб истекува на 30 јуни 2025 година.

Претходно претседателот на ФИФА, Џани Инфантино изјави дека 40-годишниот Португалец би можел да игра на Светското клупско првенство. Ал-Наср не учествува на турнирот.

The post РОНАЛДО СЕ ВРАЌА ВО ЕВРОПА? Заврши авантурата во Саудиска Арабија appeared first on plusinfo.mk.

Напаѓачот на саудиски Ал Наср и на португалската репрезентација, Кристијано Роналдо, наскоро би можел да стане косопственик на шпанскиот второлигаш Алмерија, објави денеска шпанскиот весник „Марка“.

Алмерија е во сопственост на првиот човек на саудиската инвестициска компанија SMC Group, Мохамед Ал-Кериџи, со кого 40-годишниот Роналдо е во добри односи.

Роналдо трета година по ред е на првото место на листата на Форбс за наплатени спортисти во светот. Португалската фудбалска ѕвезда во периодот од 1 мај 2024 до 1 мај 2025 година заработил 275 милиони долари.

The post ИГРА ЗА АЛ НАСР, САКА ДА ЈА ИМА АЛМЕРИЈА Роналдо купува акции во шпанскиот второлигашки тим appeared first on plusinfo.mk.

Саудиски Ал Наср, предводен од својата најголема ѕвезда, Португалецот Кристијано Роналдо, остана без пласман во финалето во Азиската лига на шампиони, откако вечерва во полуфиналето сензационално беше поразен од јапонски Кавасаки со 3-2.

Уште во 10 минута, Ито му донесе водство на Кавасаки од 1-0, но таа предност ја анулираше Садио Мане во 28 минута. Јапонскиот тим повторно дојде во водство на крајот од првото полувреме кога Озеки постигна гол за 2-1, додека Иенага стави печат на победата во 76 минута.

До крајот, Ал Наср успеа само да го намали резултатот на 2-3 со голот на Аиман Јахја во 87-та минута.

Противник на Кавасаки во финалето во Азиската лига на шампиони ќе биде саудиски Ал Ахли кој во вторникот го победи Ал Хилал со 3-1.

Финалниот натпревар помеѓу Ал Ахли и Кавасаки е закажан за в сабота, со почеток во 18:30 часот. И двата тима се борат за својот прв трофеј во историјата на Азиската лига на шампиони.

The post РОНАЛДО ОСТАНА БЕЗ ФИНАЛЕ Jапонски Кавасаки го победи Ал Наср, ќе игра со Ал Ахли за титула appeared first on plusinfo.mk.

Винисиус Жуниор, познатиот напаѓач на Реал Мадрид и Габриел, централниот бек на Арсенал би можеле да бидат дел од дрим-тимот на саудијскиот тим Ал Наср следното лето. Според пишувањата на шпанска „Марка“, тимот планира да потроши неверојатни 400 милиони евра за да ги привлече овие играчи.

Во замислениот „тим од соништата“ би биле и Мојсес Каиседо, играчот од средниот ред на Челзи, за кого, според „Марка“, Ал Наср е спремен да понуди 100 милиони евра, иако, се вели, тешко ќе го убедат за трансфер.

Всушност, се вели во статијата, најмалку две од посакуваните имиња ќе биде речиси неверојатно да се донсеат.

Цената која би била понудена за Винисиус Жуниор би била 250 милиони евра, додека за Габриел 50 милиони евра.

Ал Наср е на третото место во Саудиската Про лига. Клубот е познат по тоа што и претходно носел големи ѕвезди.

Тимот неодамна се согласи да ја продолжи соработката со Кристијано Роналдо.

The post АЛ НАСР СПРЕМА ТИМ ОД СОНИШТАТА? Клубот сака да понуди 400 милиони евра за тројца врвни играчи appeared first on plusinfo.mk.