Катарската телевизија „Ал џезира“ денеска објави дека израелски војници упаднале во нејзината редакција во Рамала на Западниот брег со налог дека мора да се затвори во рок од 45 дена.

Телевизијата во живо пренесуваше како војниците упаѓаат во канцеларијата и го предаваат налогот на еден вработен и преносот во тој момент се прекинува.

Синдикатот на палестинските новинари во соопштение ја осуди акцијата кажувајќи дека „самоволната одлука на војската е ново насилство над работата на новинарите и медиумите кои ги откриваат окупациските злосторства против Палестинците“.

Израелската војска не одговори на барањето за коментар од порталот Асошиејтед прес.

Ал Џезира го осуди потегот додека продолжи да емитува во живо од Аман во соседен Јордан.

Тоа уследи по вонредната наредба издадена во мај, според која израелската полиција изврши рација на радиодифузната позиција на „Ал Џезира“ во Источен Ерусалим, запленувајќи ја опремата таму, спречувајќи ги нејзините преноси во Израел и блокирајќи ги нејзините веб-страници.

Ова беше прво затворање на странски медиум во Израел. Сепак, Ал Џезира продолжи да работи на Западниот Брег окупиран од Израел и во Појасот Газа, територии кои Палестинците се надеваат дека ќе ги имаат во нивната идна држава.

• НЕТАНЈАХУ ЈА ЗАТВОРИ „АЛ ЏЕЗИРА“ ВО ИЗРАЕЛ Нема да молчиме за Газа, порача медиумската мрежа
• ИЗРАЕЛ ЌЕ ЈА ЗАБРАНИ „АЛ ЏЕЗИРА“ Нетанјаху најави итна акција

HAPPENING NOW:

Israeli soldiers are raiding Al Jazeera’s office in Ramallah and forcing it to stop broadcasting in the West Bank for 45 days.

Israel is planning something terrifying across the West Bank, and doesn’t want the world to see. pic.twitter.com/mVr07W6A6M

— sarah (@sahouraxo) September 22, 2024

The post 🎥 ИЗРАЕЛСКАТА ВОЈСКА УПАДНА ВО РЕДАКЦИЈАТА НА „АЛ ЏЕЗИРА“ Телевизијата мора да се затвори во рок од 45 дена appeared first on plusinfo.mk.

Премиерот Христијан Мицкоски во интервју за „Ал џезира“, говорејќи за внесувањето на Бугарите во Уставот истакна дека ставот на Владата по ова прашање е јасен и непроменет и дека во таа насока треба да се даде одговор на две прашања, односно која е причината за внесување на Бугарите во Уставот и што добиваме ние како држава од тоа.

– Првото прашање има едно потпрашање. Велиме, во ред еве, дали нечии права човекови се забранети или се ограничени затоа што не се дел од Преамбулата на нашиот македонски Устав. Тогаш се поставува дилемата, во ред може да е тоа така, но која европска институција е задолжена да суди дали нечии човекови права се ограничени или нарушени. Тоа е Судот за човекови права во Стразбур. Ако ги видиме одлуките на овој суд поврзани со човековите права во регионот ќе дојдеме до заклучок дека 14 пресуди доаѓаат од оваа европска релевантна институција за македонската заедница во Бугарија дека нема право, односно дека нивните човекови права или се ограничени или се нарушени и нула за бугарската заедница во Македонија. Четиринаесет со нула, значи не е тоа причината. Ајде тогаш да видиме што е причината и што добиваме ние – кажа Мицкоски.

Тој, како што соопшти владината прес-служба, праша дали некој нас ако ова го направиме ни гарантира дека ова е последното кое што треба да го направиме.

– Бидејќи гаранции дека ова е последното слушаме уште од раните 90-ти кога променивме име, променивме знаме, променивме банкноти, територијални распределби, имавме воен конфликт, неколку пати менувавме Устав и секогаш пораката од Брисел беше, само уште ова и вие сте најдобрите во одделението и вие сте тие коишто ќе бидете први, но за жал сите поминаа, а ние се уште останавме во ходник да чекаме вратата да ни ја отворат, да седнеме и да преговараме – потенцира Мицкоски.

Премиерот додаде дека ваквата политика мора да престане и дека тој лично во политиката не е за да се збогати туку за да остави историска трага преку штитење на интересите на македонскиот народ.

Мицкоски потенцираше дека македонскиот народ направил сѐ како ниту еден друг народ и дека сега е ред на Европа да направи нешто за возврат, а декемврискиот состанок на Европскиот Совет беше доказ дека кога се сака се може.

– Ние како народ направивме сѐ, како ниту еден народ што направил во Европа, којшто доаѓа од земјите кои порано беа дел од Варшавскиот пакт, како ниту еден народ што направил. Сега треба Европа да направи нешто за нас и тоа го видовме дека кога се сака се може, уште на декемврискиот состанок на Европскиот Совет кога немаше консензус околу едно клучно геостратешко прашање и кога правилото на еден глас беше заменето со правилото на минус еден човек во просторијата – истакна тој.

Мицкоски посочи дека решението кое го нуди Владата е одложена примена на тоа што преставува услов, односно на уставните измени.

– Ако навистина постои желба во Брисел да ја види нашата држава, да ги види граѓаните да бидат дел од европското семејство тогаш има начин како тоа да се реши и ние решението го понудивме и тоа е одложна примена на тоа кое што претставува услов. Ние можеме тој процес да го започнеме, да го завршиме, но да важи тогаш кога ќе почне ратификацијата на пристапниот протокол во рамките на парламентите на 27-те земји членки. Простете, но ние доволно направивме. Сега треба вие да покажете малку комитмент, односно вие да направите нешто за овој, би рекол, еден од најмалобројните народи во Европа, а тој е македонскиот народ и граѓаните – рече тој.

The post ВРЕМЕ Е ЕВРОПА ДА НАПРАВИ НЕШТО ЗА НАС Премиерот вели дека ние сè сме направиле appeared first on plusinfo.mk.

Не се согласувам со вашата констатација дека не го почитувам договорот од Преспа. Не сум среќен со тој договор, знаете како тој договор беше донесен во Парламентот, кога пратеници за уши се носеа, а претходно притвораа и затвораа, се уценуваа за да гласат за тоа што се случи тогаш. Но, тоа е во функција, тоа е реалност. Јас пред четири години самиот кажав дека овој договор е реалност и покрај тоа што трпев големи политички напади од крајната десница или левица во Македонија. Така што сè што е содржано во договорот го почитувам, целокупната официјална, формална, институционална комуникација е апсолутно со придавката, вели премиерот Христијан Мицкоски во вечерашното интервју за Ал Џезира.

Тој додава дека вистинското прашање е зошто другата страна односно Грција не го почитува Договорот од Преспа.

– Вистинското прашање е зошто другата страна не го почитува Договорот од Преспа и што направи другата страна којашто е дел од Договорот од Преспа, тука мислам на нашиот јужен сосед Република Грција. Почитувањето е двонасочна улица, мораме така да се однесуваме, не смееме да имаме двојни стандарди, треба да имаме принципиелен однос, јас така се однесувам, како човек сум принципиелен и така ќе продолжам да се однесувам во животот, за разлика дали на тоа некој му се допаѓа или не – истакна премиерот.

Мицкоски нагласи дека доколку се анализира добро Договорот од Преспа ќе се види дека македонската страна има многу повеќе направено од тоа што таму го има, укажувајќи дека односот од Грција не е зрел бидејќи освен декларативна, нема суштинска поддршка за интеграција на Македонија во рамките на Евроатланските институции.

– Очекувам зрел добрососедски однос со нашиот јужен сосед. Ваков тип на однос не е зрел. Мислам дека ако правилно се анализира и чита договорот ќе се види дека ние имаме направено многу повеќе од тоа кое што е наша обврска. Не само со Преспанскиот договор туку и со гантограмот на активности на негова имплементација. Ќе повторам, вистинското прашање е што има направено нашиот јужен сосед. Ја споменавте поддршката од страна на Грција за интеграција на Македонија во рамките на евроатланските институции, освен декларативна, јас суштинска поддршка ниту сум видел, ниту граѓаните во нашата земја имаат почувствувано нешто такво, а да не зборувам за навредливата реторика Скопјанос, Скопја, да не зборувам за неусвојувањето на меморандумите во рамките на Парламентот изминатите пет години – изјави Мицкоски.

Премиерот додаде дека граѓаните изминатите седум години биле жртви на поданичкиот однос од страна на претходната власт, за која, како што рече, не направиле ништо добро во насока на подобрување на квалитетот на живот на граѓаните.

– Еве ако сум јас сега проблем, што се случуваше изминатите пет години. Граѓаните во Македонија и државата, за жал, се жртви на поданичкиот однос изминатите седум години на претходната власт, која апсолутно не направи ништо добро во насока на подобрување на квалитетот на живот на граѓаните. Понатаму, навредливиот однос од страна на голем дел од нашите соседи кон Македонија, кон македонскиот народ, не донесоа ништо добро буквално за иднината на граѓаните. И она кое што исто така е многу важно, а кое што сакам да го споменам е дека очекував малку повеќе од страна на нашиот јужен сосед за тоа како треба да функционира оваа двонасочна улица – посочи тој.

Премиерот Мицкоски е дециден и изјави дека оваа Влада нема да витка кичма, нема да дозволи понижување, туку ќе гради принципиелен однос којшто ќе се темели на двонасочна улица, добрососедски односи, градење на мостови и решавање на домашните проблеми, бидејќи тоа е она кое што го очекуваат граѓаните од оваа Влада.

– Нема да виткаме кичма, нема да се вовлекуваме, нема да се себепонижуваме, да мафтаме во едната рака со европското и НАТО знаменце, а од другата страна да ги ограбуваме граѓаните и државата. Ние ќе имаме принципиелен однос којшто се темели на двонасочна улица, добрососедски односи, градење на мостови и решавање на домашните проблеми. Тоа е она кое што граѓаните го очекуваат од оваа Влада – дециден е Мицкоски.

The post 📽 ДОБРОСОСЕДСКИТЕ ОДНОСИ СЕ ДВОНАСОЧНА УЛИЦА Вистинското прашање е зошто Грција не го почитува договорот од Преспа, вели Мицкоски appeared first on plusinfo.mk.

„Со измамнички и клеветнички потег, израелскиот кабинет, предводен од премиерот Бенјамин Нетанјаху, едногласно гласаше за затворање на канцелариите на „Ал Џезира“ во Израел. Тие, исто така, одлучија да ги повлечат акредитациите на екипите, како и да им забранат на давателите на медиумски услуги да ги емитуваат емисиите и да ги блокираат веб-страниците на медиумската мрежа „Ал Џезира“, се наведува во соопштението.

Медиумската мрежа „Ал Џезира“ „најостро го осудува овој криминален чин кој ги крши човековите права и основното право за пристап до информации“. Ал Џезира го потврдува своето право да продолжи да обезбедува вести и информации за својата глобална публика, додава медиумот.

„Постојаното сузбивање на слободните медиуми од страна на Израел, што се гледа како обид за прикривање на неговите акции во Појасот Газа, е кршење на меѓународното и хуманитарното право. Директното таргетирање и убивање на новинари од страна на Израел, апсењата, заплашувањата и заканите нема да ја одвратат „Ал Џезира“ да известува, додека повеќе од 140 палестински новинари се убиени од почетокот на војната во Газа“, се истакнува во соопштението.

Мрежата жестоко ги отфрла обвинувањата на израелските власти кои сугерираат дека ги прекршила професионалните медиумски стандарди. Повторно ја потврдува својата непоколеблива посветеност на вредностите отелотворени во Етичкиот кодекс.

„Ал Џезира“ ги повикува сите организации за слобода на медиумите, организациите за заштита на човековите права и другите заинтересирани организации да ги осудат повторените израелски напади врз новинарите и медиумите и да ги повикаат одговорните на одговорност. Мрежата ќе ги користи сите достапни правни канали преку меѓународните правни институции во обид да ги заштити и своите права и правата на новинарите, како и правото на јавноста на информирање. Таргетирање новинари е кривично дело“, нагласува медиумот.

The post НЕТАНЈАХУ ЈА ЗАТВОРИ „АЛ ЏЕЗИРА“ ВО ИЗРАЕЛ Нема да молчиме за Газа, порача медиумската мрежа appeared first on plusinfo.mk.

„Терористичкиот канал „Ал Џезира“ повеќе нема да емитува програма од Израел. Имам намера веднаш да преземам итна акција согласно новиот закон за да се запре работата на телевизијата во Израел“, напиша Нетанјаху на Х.

Израелскиот парламент денеска го одобри законот кој дозволува да се затворат радиодифузерите од странство доколку се смета дека претставуваат ризик за државната безбедност.

Според законот, министерот за комуникации Шломо Кархи може да нареди затворање на телевизиски радиодифузер, конфискација на опремата за емитување, отстранување на радиодифузерот од програмите на провајдерите на кабелска и сателитска телевизија и блокирање на неговата веб-страница.

The post ИЗРАЕЛ ЌЕ ЈА ЗАБРАНИ „АЛ ЏЕЗИРА“ Нетанјаху најави итна акција appeared first on plusinfo.mk.

Министерот за комуникации Шломо Кахри побара усвојување на овие регулативи со цел да се затвори каналот Ал Џезира, за кој тврди дека и наштетил на националната безбедност.

Прописите, исто така, се однесуваат на настани што веќе се случиле, што значи дека емитувањата на катарската телевизија од почетокот на војната може да се користат за да се донесе одлука за затворање на локалниот огранок на Ал Џезира.

– Израел е во војна, на копно, во воздух и на море, како и на фронтот на јавната дипломатија. Ние на ниту еден начин нема да дозволиме преноси кои ѝ штетат на безбедноста на државата. Емитувањата и извештаите на Ал Џезира претставуваат поттикнување против Израел, помош за Хамас – Исламската држава и терористичките организации и со својата пропаганда поттикнува насилство врз Израел – изјави Кархи.

Врз основа на новите прописи, министерот за комуникации, во договор со министерот за одбрана, ќе може да нареди прекинување на емитувањето на одредени медиуми, затворање на нивните канцеларии, одземање опрема и затворање или ограничување на пристапот до веб-страницата.

Одлука мора да биде одобрена од кабинетот за безбедност и да се заснова на правното мислење на службата за безбедност дека медиумите ѝ наштетуваат на националната безбедност и може да бидат разгледани од окружен суд.

Одлуката ќе важи 30 дена, но може да биде продолжена за уште толку денови. Прописите ќе важат три месеци или додека Владата официјално не прогласи крај на вонредната состојба.

The post ИЗРАЕЛ ВО „ВОЈНА“ СО АЛ ЏЕЗИРА Израелските власти ги затвораат странските медиуми appeared first on plusinfo.mk.

Тие ќе разговараат за мировната формула од 10 точки, составена од Киев, која повикува на повлекување на сите руски сили, објави Ал Џезира, повикувајќи се на шефот на кабинетот на украинскиот претседател, Андриј Јермак.

Јермак рече дека на самитот во Саудиска Арабија ќе учествуваат претставници од повеќе земји, но не кажа кога и во кој град ќе се одржи.

Американскиот Волстрит журнал, кој прв извести за самитот повикувајќи се на „дипломатите вклучени во дискусијата“, наведува дека разговорите ќе се одржат на 5 и 6 август во градот Џеда, со учество на околу 30 земји.

Весникот објави дека украинските и западните официјални претставници се надеваат дека напорите би можеле да кулминираат со мировен самит подоцна оваа година, на кој глобалните лидери ќе потпишат заеднички принципи за решение на војната.

Јермак на Телеграм објави дека ќе разговараат за украинската формула за мир, која „содржи 10 основни точки, чија имплементација не само што ќе обезбеди мир за Украина, туку и ќе создаде механизми за сузбивање на идните конфликти во светот“.

The post МИРОВНИ ПРЕГОВОРИ ЗА УКРАИНА БЕЗ РУСИЈА Формулата за мир ќе се разгледува во Саудиска Арабија appeared first on plusinfo.mk.

Критичарите на српскиот претседател велат дека се изгледа дека историјата ќе се повтори – додека Александар Вучиќ го најавува „најголемиот митинг во историјата на Србија“, повикувајќи ги илјадниците приврзаници на неговата Српска напредна партија (СНС) да се соберат во центарот на Белград денеска (петок, 26 мај), на интернет кружи снимка од 5 октомври 2000 година. Тогаш илјадници српски граѓани го принудија Слободан Милошевиќ следниот ден да застане пред телевизиските камери и да објави дека повеќе не е претседател на СР Југославија и дека „ќе им се посвети на семејството и внукот Марко“.

На социјалните мрежи кружи уште едно видео – последниот митинг на Чаушеску во Букурешт, кој собра ни помалку ни повеќе туку 1 милион луѓе. Тоа не му помогна да остане на власт.

– Тогаш беше доволно само едно, единствено „уа“ – вели белградската новинарка Снежана Чонградин, потсетувајќи на подоцнежното брутално соборување на романскиот автократ.

На протестите на граѓаните власта одговара со поголем протест

Како реакција на илјадниците граѓани кои веќе три петоци излегуваат на улиците на Белград, под слоганот „Србија без насилство“, поттикнати од масовните убиства во белградското основно училиште „Владислав Рибникар“, а два дена подоцна и од злосторствата во селата околу Младеновац, Вучиќ најави контрамитинг на симпатизерите на неговата Српска напредна партија. Тој ги нарече антивладините протести обид за насилно преземање на власта, ветувајќи дека тоа нема да се случи.

– Нашите сестрински служби од Истокот ни велат дека ова се обиди за обоени револуции – рече Вучиќ, но не даде повеќе детали.

Земјата ќе застане на 26 мај. Весникот „Данас“ пишува за притисокот врз вработените во јавните претпријатија кои мора да дојдат да го поддржат Вучиќ. Весникот цитира седум опозициски партии кои поднеле писмо до Основниот јавен обвинител во Ниш, поради „многу честа појава на принуда“ на вработените во јавните претпријатија, јавните комунални претпријатија и јавните институции да присуствуваат и активно да учествуваат на митингот на Вучиќ на 26 мај во Белград.

Опозициските медиуми пишуваат и за други случаи на узурпација на државни ресурси за потребите на митингот на Вучиќ, меѓу кои и за презакажување на операта во Ниш. На социјалните мрежи корисниците сведочат и за откажување на училишните екскурзии за в петок да има што повеќе бесплатни автобуси за да ги донесат приврзаниците на Вучиќ во Белград од далечните делови на Србија.

Вучиќ влегува во предизборна кампања

Јово Бакиќ, професор на Филозофскиот факултет во Белград, вели дека Вучиќ со голем состанок на неговата партија всушност ја започнува кампањата за изборите што би можел да ги распише оваа есен, охрабрувајќи ги сопствените гласачи дека неговата политика не е загрозена и дека Србија под негово раководство е сè уште силна, но и натаму перципирана како регионален лидер.

– На него му е потребно да ги галванизира своите поддржувачи, да ги наполни повторно со оптимизам по големиот удар, да им каже дека ништо не се случило по голема трагедија, дека тоа се случува во другите развиени земји и дека Србија сè уште останува економски тигар на Балканот.

За Вучиќ, клучен проблем може да биде ona што новинарот Чонградин го нарекува „органски“ протест на граѓаните, кој не е поттикнат и предводен од опозицијата во Србија.

Иако Вучиќ остана на власт 11 години и покрај бројните афери, поврзани со криминалното подземје, притисокот на Западот поради одбивањето на Белград да воведе санкции кон Русија по нејзината инвазија на Украина, системот овој пат беше сериозно поткопан поради смртта на децата, што ја разбуди емпатијата кај големиот број граѓани. Општеството погодено од најголемите трагедии што можат да го снајдат, тешко ќе се врати на „стариот пат“. Според Чонградин, српскиот претседател овојпат тешко ќе се извлече.

– Без разлика колку тој турка во автобуси, заплашува, уценува јадни и сиромашни луѓе да дојдат на неговиот митинг, тие луѓе ќе си одат дома знаејќи што всушност се случува – вели Чонградин.

Аида Ќоровиќ, граѓански активист и поранешен пратеник во Собранието, вели дека чувствува страв во потезите на Вучиќ, додека тој ја губи стабилноста под неговите нозе. Затоа за неа кризата е многу поопасна и понеизвесна отколку што изгледа во моментов.

– Можни се конфронтации во самото општество во Србија – предупредува Ќоровиќ.

Ал Џезира Балкан / МИА

The post ВУЧИЌ СТРАВУВА ОД „ОБОЕНА РЕВОЛУЦИЈА“ Што може да се очекува после „најголемиот митинг во историјата на Србија“? appeared first on plusinfo.mk.

The post УБИЈА ЛИ ИЗРАЕЛЦИТЕ ПАЛЕСТИНСКА НОВИНАРКА? Телевизијата Ал Џезира го тужи Израел пред Меѓународниот кривичен суд appeared first on plusinfo.mk.

– Талибанските борци приведоа седум борци на ИД кои планираа терористички напади во провинцијата Хост. За време на сослушувањето, тие дадоа важни признанија – изјави гувернерот, цитиран од катарската телевизија Ал Џезира.

Во експлозија во џамија во југоисточната авганистанска провинција Хост минатата среда загина едно лице, а 14 беа повредени. Одговорноста за нападот ја презедоа екстремистите од ИД.

The post ТАЛИБАНЦИТЕ УАПСИЈА СЕДУМ ТЕРОРИСТИ Милитанти на Исламската држава подготвувале напади appeared first on plusinfo.mk.