Екипа на Планинската спасителна служба (ПСС) со седиште во Охрид изврши евакуација на параглајдерист од Германија, кој од неутврдени причини паднал од поголема височина на исклучително непристапен и карпест терен на падините на планината Галичица.

Како што соопштуваат од службата, тие попладнето околу 18.30 часот примиле повик од група параглајдеристи кои ги информирале за незгодата и побарале помош.

Во тој момент тројца спасители на ПСС се наоѓале во планинарската куќа „Спиридон“, каде е лоцирана и спасителната станица на службата, со специјализирана техничка опрема за интервенции во таков регион.

Веднаш по дојавата, екипата за само 15 минути стигнала до местото на несреќата, извршила имобилизација на повредениот, по што отпочнал комплексен транспорт на повредениот по стрмен и тежок терен. Дополнителна отежнувачка околност било што активностите се одвивале во ноќни услови.

„По повеќе од еден час напорна интервенција, во 20.20 часот, повредениот беше безбедно спуштен до асфалтниот пат кај превојот Баба, каде беше предаден на екипа на Итната медицинска помош од Охрид. Оттаму, тој веднаш беше пренесен во Специјалната болница за ортопедија и трауматологија „Свети Еразмо“, каде, за жал, му беа констатирани фрактури на 5 пршлени во долниот дел на рбетот“, информираат од Планинската спасителна служба.

Оттаму апелираат до сите посетители на планината за претпазливост и одговорно уживање во преубавиот есенски амбиент на Галичица.

The post ПАРАГЛАЈДЕРИСТ ОД ГЕРМАНИЈА ИСКРШИЛ 5 `РБЕТНИ ПРШЛЕНИ ПО ПАД НА ГАЛИЧИЦА Го извлекла екипа на Планинската спасителна служба од Охрид appeared first on plusinfo.mk.

Во неделата доцна попладне медиумите известуваа за спасувачка акција која е отежната поради лошите временски услови.

Две тешко повредени лица со хеликоптер се пренесени во болница во Љубљана. Три лица се полесно повредени, а двајца планинари поминаа без повреди.,

Акцијата за извлекување на пет лица беше загрозена поради повторното влошување на временската ситуација.

Во Центарот за оперативни и комуникации на СВР Нова Горица несреќата била пријавена во 9:39 часот. Групата од седум лица се упатиле кон Мала Мојстровка по сртот Жупанчич, а кога излегле надвор од сртот – ги однела лавина.

The post СЕДУМ НАСТРАДАА ВО ЛАВИНА ВО СЛОВЕНИЈА Сите преживеаја, но има тешко повредени appeared first on plusinfo.mk.