Приведен е поранешниот директор на Царинската управа и поранешен висок функционер во СДСМ, Стефан Богоев, според неофицијални информации.

Освен него, во акцијата на финансиската полиција се приведени уште три лица, а за други се преземаат истражни дејствија.

Акцијата се спроведува во координација со Основното јавно обвинителство за гонење организиран криминал и корупција, а според првичните информации, се однесува на сомнежи за местење тендер и за незаконитости во постапка за јавна набавка поврзана со Царинската управа, при што била стекната противправна имотна корист од големи размери.

Осомничените се товарат за злоупотреби, финансиски малверзации и за други незаконитости поврзани со тендерската постапка. Постапката произлегува од претходна предистрага насочена кон откривање кривични дела извршени од службени лица.

Надлежните институции засега не откриваат повеќе детали за предметот, а во текот на денот се очекуваат официјални информации од Финансиската полиција и од ОЈО ГОКК.

Од ОЈО ГОКК само потврдија дека под нивна координација Управа за финансиска полиција спроведува акција поради постоење на основано сомнение за сторени кривични дела од коруптивна природа. Акцијата сè уште трае, па обвинитеството не може да  сподели детали.

Стефан Богоев е поранешен потпретседател на СДСМ, поранешен пратеник, поранешен градоначалник на Општина Карпош од 2017 го 2021 година. За директор на Царина беше поставен во јуни 2023 година, а функцијата ја извршуваше до јули 2024 година.

The post ПРИВЕДЕН СТЕФАН БОГОЕВ, ПОРАНЕШЕН ПОТПРЕТСЕДАТЕЛ НА СДСМ И ЕКСДИРЕКТОР НА ЦАРИНАТА Акција на финансиската полиција за кривични дела поврзани со корупција appeared first on plusinfo.mk.

Повеќе лица се приведени денеска во акција на Финансиската полиција, поради сомнежи за сторен криминал во работењето на прилепската болница.

Според неофицијални информации приведени се 27 лица, а меѓу уапсените има поранешни директори и високи функционери, кои треба да дадат искази пред јавен обвинител.

ТВ21 објави дека сомнежите се за злоупотреби со јавните набавки во вредност од околу 800.000 евра.

Од Јавното обвинителство потврдија дека финансиската полиција постапува против повеќе лица за злоупотреби во работата прилепската болница.

„По наредби и насоки на Основното јавно обвинителство Прилеп постапува Управата за финансиска полиција. Се преземаат дејствија во врска со постапка за наводи против повеќе лица за злоупотреби во работата прилепската болница. Дејствијата се преземаат во моментов, а повеќе детали во текот на утрешниот ден“, информираа од Обвинителството.

The post ФИНАНСИСКАТА ПОЛИЦИЈА УАПСИ ПОВЕЌЕ ЛИЦА ВО ПРИЛЕП Сомнежи за злоупотреби во работата на прилепската болница appeared first on plusinfo.mk.