Тенисерката Венус Вилијамс и актерот и продуцент Андреа Прети направија свадба во Флорида.

Неколку месеци претходно, тие се венчаа во Италија, а сега направија и втора прослава која траела ни помалку ни повеќе, туку цели 6 дена.

Венус открила и неколку детали за свадбата, вклучувајќи го и луксузниот подарок од сестра ѝ.

– Серена ни подари убава јахта, таа ја организираше храната и сè останато. Имавме 10-тина од најблиските пријатели и членови на семејството и прославивме на јахтата со пеење, танцување, уживајќи во нашето друштво.

 

View this post on Instagram

 

A post shared by Andrea Preti (@andreapreti88)

45-годишната тенисерка и нејзиниот 37-годишен партнер одлучиле да направат уште една прослава во САД, бидејќи требало да чекаат долг период додека венчавката во Италија да се официјализира и во Америка.

– Сонот ни беше да се венчаме во Италија. Но, немавме доволно време да ги средиме сите документи – бидејќи јас сум од друга држава, може да одземе и осум месеци. Па, одлучивме да направиме втора свадба.

За Vogue, Венус сподели детали за нивната врска, а го опишува и мигот кога Андреа ја запросил.

Тие се запознаа во 2024-та, на Модната недела во Милано, а набрзо потоа почнале да се допишуваат.

Венус вели дека по шест години поминати сама, не скала драми, но Андреа веднаш се покажал како одличен партнер.

– По само неколку состаноци, знаев дека ќе се омажам со него. Луѓето секогаш велат дека чувствуваат и јас навистина го чувствував тоа.

Шест месеци подоцна, Андреа ја побарал за жена.

– Со Андреа сакаме да патуваме и бевме на прекрасно место со термални води. По цел ден поминат во базените и неколку масажи, вечеравме во нашата соба, кога Андреа ми рече да си замислам желба.

Потоа ме праша дали сакам да ја слушнам неговата желба. Му реков дека сакам и тој се сврти, извади прстен и ме побара за жена – раскажува Венус.

Покрај забавата на јахта, Венус и Андреа организирале уште неколку прослави со најблиските.

Венус променила неколку аутфити, додека за главната вечер избрала долга бела венчаница од тантела со долг бел вел.

The post ПО ВЕНЧАВКАТА ВО ИТАЛИЈА, СВАДБА ВО САД Венус Вилијамс правеше шест дена свадба, од сестра ѝ за подарок доби – јахта appeared first on plusinfo.mk.

Венко Филипче, кој е еден од ретките што комуницира со Груби, троши 45 илјади евра за само 5 дена пловење со јахтата, пишува ВМРО-ДПМНЕ во соопштение.

„СДСМ и Венко Филипче заглавени во безидејност и очај, исплашени од историски најдлабокиот изборен пораз кој им претстои, изборната кампања, наместо натпревар на идеи, ја претворија во арена за напад. Филипче и СДСМ немаат што да им понудат на македонските граѓани, немаат никаква програма, идеи или проекти, ниту пак имаат со што да се пофалат за времето на нивно владеење, па уште од прв ден преминаа на црна кампања.

Па така, немајќи што да најдат против актуелната владина гарнитура, СДСМ и Венко Филипче се фатиле за еден договор во Железници, но не кажуваат колкава е договорената сума. И има за што не ја кажуваат, затоа што 45 илјади евра, колку што е договорот за кој зборуваат, Филипче за јахтата ги троши само за бензин за пет дена. А, ако пак, оди на поголема дестинација или побрзо плови по морските води, тие 45 илјади евра ќе ги потроши за бензин, за приближно три дена.

Филипче, кој е поранешен министер за здравство е дел од криминалната банда на СДСМ, кои целосно го уништија македонското здравството. За време на најголемата криза во корона периодот, додека луѓе умираа секој ден, Филипче го злоупотреби здравствениот систем за да врши набавка на вакцини по три пати поскапи цени преку компанија за јужно овошје, наречена Стабри од Хонг Конг. И додека народот чекаше донации од соседните држави, СДСМ и Филипче купуваа заштитна опрема по 10 пати повисока цена од реалната. Истиот тој Филипче, сега случајно или не, се фали дека е голем пријател на Зоран Заев и еден од ретките којшто комуницира со Артан Груби, едниот невиден криминалец, а другиот плус и бегалец. Филипче можеби не знае, но помагањето на Груби за бегство од правдата, претставува кривично дело“, се вели во соопштението на ВМРО-ДПМНЕ.

The post „ФИЛИПЧЕ СО ЈАХТАТА ТРОШИ 45.000 ЕВРА ЗА 5 ДЕНА“ Немаат идеи па измислуваат случај во Железници, реагира ВМРО-ДПМНЕ appeared first on plusinfo.mk.

Претседателот на СДСМ, Венко Филипче, ги отфрли обвинувањата дека поседува недвижнини и други луксузни добра во странство, притоа нарекувајќи ги „конструкции и лажни вести пласирани од ВМРО-ДПМНЕ“.

Тој беше прашан зошто го поминал одморот на луксузна јахта, а од друга страна, на своите јавни настапи тврди дека се бори за стандардот на граѓаните.

– Сметам дека имам легитимитет и кредибилитет, цел живот работам за граѓаните, како доктор, како министер, како и за стандардот. Владата во која седев носеше мерки за платите. Платите на докторите се зголемија за 150%, сега платите се 150.000, имам право и ќе продолжам да се борам за стандардот. Тој систем на пропаганда кој е присустен, ме обвинува за куќа во Нерези, излезе дека не е вистина, дека имам џип – не е вистина, дека имам зграда во Дубаи и авиокомпанија – не е вистина, дека имам јахта – не е вистина – изјави Филипче одговарајќи на новинарско прашање.

– Жалам што таков систем на пи-ар развива ВМРО со свои медиумски инструменти. Тоа не е само политички феномен, туку општествен. Креираат таков наратив за да го сведат нивото под елементарното и цивилизациското, да ве одведат во калта. Тоа нема да го дозволам, сите тие работи не се вистина. Целта е да дискредитираат, тие луѓе се кукавици, те обвинуваат дека си криминалец, предавник, тоа е мантрата – рече Филипче.

Претседателот на СДСМ вели дека ваквиот наратив на ВМРО-ДПМНЕ го охрабрува и дека ќе ја врати државата на вистинскиот пат.

– Тоа повеќе ме охрабрува да се борам за државата знаејќи дека тоа ВМРО и сите кои го иницираат тоа, го прават затоа што немаат резултати и немаат што да кажат. Со ситни пари ги плаќаат луѓето за тоа, а се фокусирани на големи бизниси, огромни кредити и договори во 4 очи. Додека државата е на слеп колосек, младите се иселуваат, тие бараат лопови и предавници. Додека ВМРО е на власт, противниците на Македонија мирно спијат. Нема да го дозволиме тоа, ќе ја вратиме државата на вистинскиот пат – рече Филипче.

Тој негира дека се консултитира со поранешниот претседател на СДСМ Зоран Заев и вели дека одлуките ги носи со потесното раководство на партијата.

– Не, Зоран Заев веќе не се занимава со политика. Моите одлуки ги градиме со раководството, со потесното раководство на Извршниот комитет и се автентични одлуки на новото раководство на СДСМ – рече претседателот на СДСМ.

The post НА ЈАХТАТА НА ЗАЕВ НЕ СЕ ЗБОРУВА ЗА ПОЛИТИКА Филипче вели дека кукавици го обвинуваат дека е криминалец appeared first on plusinfo.mk.

ВМРО-ДПМНЕ остро реагираше на изјавите на поранешниот министер за здравство и актуелен функционер на СДСМ, Венко Филипче, обвинувајќи го за, како што велат, „луксузирање на јахти додека народот преживува со празни џебови“.

„Класична СДСМ матрица на лаги и дефокус. Последниот човек кој може да зборува за економија е Венко Филипче. Под него, Заев, Артан, Бујар и Али, Македонија ја виде најголемата сиромаштија, најскапата струја, најскапото гориво и најголемите корупциски афери“, порачаа од ВМРО-ДПМНЕ.

Од партијата го прашаа Филипче колку чини еден ден луксуз на јахта, наведувајќи дека само за гориво, екипаж, одржување и марина, сумата достигнува околу 2.750 евра дневно.

„Ако се додадат и ручеци, пијалоци и уживањата на јахта, сметката стигнува до 6.000–7.000 евра дневно. Тоа значи над 70.000 евра за десетина дена. А за еден месец – речиси 200.000 евра. Нека одговори Филипче дали тоа е достоинството за кое зборува“, велат од ВМРО-ДПМНЕ.

Партијата го обвини „дуетот од СДСМ“ за разурнување на економијата и создавање сиромаштија, а сега, како што додаваат, „народот гледа како тие живеат хедонистички живот на јахти и грчки острови“.

„Додека народот преживуваше, тие купуваа јахти и планираа луксузен живот со украденото богатство. Затоа, Филипче – прекини! Засрами се, ако воопшто знаеш што е срам“, му порачаа од ВМРО-ДПМНЕ.

The post „ОД ЈАХТА ЗБОРУВА ЗА ЕКОНОМИЈА, А НАРОДОТ ГЛАДУВА“ Од ВМРО-ДПМНЕ му порачаа на Филипче да се засрами бидејќи луѓето го гледаат како се луксузира appeared first on plusinfo.mk.

Како и многу пати досега, СДСМ пак избра да молчи кога станува збор за скандали во кои е фатен неговиот претседател, Венко Филипче, заедно со поранешниот претседател Зоран Заев, соопшти ВМРО-ДПМНЕ.

„После златните визи, инвестициите во 50-катницата, приватната забава во луксузен хотел во Дубаи на која на уво им пееше Харис Џиновиќ, сега Филипче и Заев заедно уживаат и крстарат на луксузна јахта по Егејското Море. Неколку дена ги прашуваме СДСМ и Филипче да дадат коментар за овој скандал. Да кажат дали јахтата е на Заев и чини 850.000 евра и со кои пари е купена, дали можеби со пари од државни тендери?“, соопшти ВМРО-ДПМНЕ.

Но, тие збор не кажуваат, се додава во соопштението.

„Молкот може да значи потврда на поставените дилеми. Но, СДСМ и Филипче им должат одговори на македонската јавност, особено откако за време на нивната власт народот го осиромашија, а државата ја донесоа на работ на банкрот. СДСМ и Филипче се должни да одговорат, особено што со Заев го продолжуваат блискиот и партнерски бизнис однос, така што во Бугарија имаат фирми на иста адреса, а нивните браќа имаат заедничка фирма за производство на струја. Дополнителна причина за што должат одговори е тоа што фирмата на Заеви во Бугарија, каде комшија е Филипче, е поврзана со тендери во Македонија, а можеби со пари од овие тендери е купена и луксузната јахта“, се вели во соопштението.

Врските и бизнис зделките на Филипче со Заев се безбројни и затоа на македонската јавност им должат одговори, се додава во соопштението.

„Ако продолжат да молчат, СДСМ и Филипче само ќе потврдат дека се фатени инфлангратно во скандал и во луксузни уживања со пари спечалени на сомнителен начин, а можеби и од државни тендери“, додава ВМРО-ДПМНЕ.

The post ЗЛАТНИ ВИЗИ, ХАРИС НА УВЦЕ, ОБЛАКОДЕР ВО ДУБАИ, БИЗНИСИ ВО БУГАРИЈА, А ОД КАДЕ ИМ СЕ ПАРИТЕ? Време е Заев и Филипче да дадат отчет за луксузот, бара ВМРО-ДПМНЕ appeared first on plusinfo.mk.

Венко Филипче и Зоран Заев да се одважат и да кажат чија е јахтата со која се луксузираат на Егејското Море, повикува ВМРО-ДПМНЕ.

„Луксузирањето, скапите јахти, скапите гоштевања и чаламот се секојдневието на Филипче и на Заев. Додека од една страна СДСМ преку прес-конференции и соопштенија вели дека во Македонија тешко се живее и стандардот на граѓаните опаѓал, гледаме дека Филипче го докажува сосема спротивното. Со лекарска плата тој заедно со неговиот ментор Заев пловат на Егејското Море, најверојатно со сидрото кое ги влече“, соопшти ВМРО-ДПМНЕ.

Секако, се додава во соопштението, не е проблем некој да оди на одмор.

„Проблемот е во лицемерието на Филипче и на СДСМ, коишто велат дека во Македонија тешко се живее и едвај се врзува крај со крај, а од друга страна го гледаме вистинското лице на Филипче кој ужива на скапи јахти, во скапи ресторани и скапи апартмани. Филипче и Заев треба да одговорат дали јахтата во којашто се возеа е изнајмена или пак е на Филипче или на Заев? Или можеби заеднички ја купиле? Доколку испадне дека јахтата е во сопственост на еден од нив, се поставува логичното прашање, како се купува јахта со лекарска, пратеничка или пак премиерска плата?“, прашува ВМРО-ДПМНЕ.

Филипче и Заев им должат одговор на граѓаните, се додава во соопштението.

„Седум години ја распродаваа и ја уништуваа државата, а сега ги гледаме како лицемерно и без срам се луксузираат на скапите јахти и во скапите ресторани“, се вели во соопштението на ВМРО-ДПМНЕ.

The post КАКО СЕ КУПУВА ЈАХТА – СО ЛЕКАРСКА, СО ПРАТЕНИЧКА ИЛИ СО ПРЕМИЕРСКА ПЛАТА? Филипче и Заев да одговорат во чија јахта се луксузираат, повикува ВМРО-ДПМНЕ appeared first on plusinfo.mk.

Чија е јахтата на која уживаат Филипче и Заев и со чии пари е платена, како со лекарска плата Венко стигна до луксузно пловење? Додека СДСМ секојдневно сее лаги, измислици и зборува за сиромаштија, нивниот претседател Филипче, со нивниот поранешен претседател Заев, плови по Егејското море во луксузна јахта вредна милиони, реагираше Миле Лефков од ВМРО-ДПМНЕ.

– Додека СДСМ секојдневно сее лаги како лошо се живее, нивниот Венко Филипче ужива и очигледно го нема проблемот за кој зборува неговата партија на прес-конференции. Напротив, живее живот кој лекари од неговата професија од многу поразвиени држави не можат да го живеат. Венко Филипче треба да одговори како со лекарска плата стигна до луксузно пловење на јахта? Но и по скапи ресторани, пред кои медиумите пишуваат дека бил фотографиран? Венко Филипче треба да одговори чија е јахтата на која плови тој и Заев, дали е негова, на неговиот поранешен шеф или на фирми поврзани со нив? Доколку јахатата е на него или на Заев колку чини истата и на кој начин е купена? Дали оваа јахта е купена со пари од тендери или фирми поврзани со тендери, како главни или подизведувачи? Очекуваме одговори од СДСМ и Венко Филипче, а секако и од ЈО, ако главниот обвинител Коцевски смее воопшто да отвори постапка или ќе спие до избори – рече Лефков.

The post ЧИЈА Е ЈАХТАТА НА КОЈА УЖИВААТ ФИЛИПЧЕ И ЗАЕВ? Лефков со низа прашања до лидерот на СДСМ appeared first on plusinfo.mk.

Не е проблем што Венко Филипче отишол на одмор, проблем е неговото лицемерие, се вели во соопштението од ВМРО-ДПМНЕ.

„Додека Венко Филипче ужива на јахта во Белото Море, неговата СДСМ во исто време хушка и потпалува пожари, додека во исто време држат пресови за ширење на паника и страв. Додека Венко Филипче во друштво на Зоран Заев ужива во сомнително стекнатиот капитал, во Скопје нивниот Љупчо Коцевски го бранат со сите сили за да им го штити капиталот и украдените пари. Додека во Грција на јахта Венко Филипче покажува колку е одлепен од реалноста, во Скопје лажат дека им е грижа за работниците и стандардот на граѓаните. Венко Филипче ужива со Зоран Заев на јахта во Грција, оваа фотографија која ја објавија медиумите го покажува целиот раскош и раскалашеност на СДСМ и нивното раководство. Венко Филипче со неговиот тутор Зоран Заев покажаа врвно лицемерие. Затоа, Венко Филипче и Зоран Заев се дел од срамното минато на државата и не се никаква иднина“, реагираше ВМРО-ДПМНЕ.

ФИЛИПЧЕ И ЗАЕВ СИ ГИ ЛАДАТ НА ЈАХТА НА ХАЛКИДИКИ Венко тренира да го џитне сидрото да влече напред на локалните избори

The post НЕ Е ПРОБЛЕМ ЈАХТАТА, ТУКУ ЛИЦЕМЕРИЕТО НА ЗАЕВ И НА ФИЛИПЧЕ Лажат дека им е грижа за работниците, обвини ВМРО-ДПМНЕ appeared first on plusinfo.mk.

Триесет и две лица беа спасени кога јахтата „Ламборџини“ почна да тоне во близина на Мајами Бич, Флорида, во текот на викендот, соопшти американската крајбрежна стража.

Во соопштението се вели дека јахтата долга 19 метри испловила од островот Монумент во Флорида во саботата, а спасените патници биле однесени во марина во Мајами Бич, објави АП.

Властите објавија дека причината за потонувањето на јахтата сè уште не е позната, додека на социјалните мрежи се наведува дека потонувањето е предизвикано од премногу луѓе.

The post 📽 ПОЧНАЛА ДА ТОНЕ ВО БЛИЗИНА НА МАЈАМИ 32 лица биле спасени од јахтата „Ламборџини“ appeared first on plusinfo.mk.

Џејмс Катфилд, 51-годишен државјанин на Нов Зеланд, е под истрага поради можно убиство од небрежност и кривични обвинувања за бродолом, а обвинителот од Термини Имерезе го сослуша по третпат денеска.

– Го искористи своето право на молчење, веројатно обвинителите го очекуваа тоа – изјави адвокатот Алдо Мордиља, додавајќи дека правниот тим на капетанот штотуку е именуван и дека им треба време за да ја подготват неговата одбранбена стратегија.

Катфилд е меѓу 15-те преживеани од потонувањето на 19 август, во кое загинаа британскиот технолошки магнат Мајк Линч, неговата ќерка Хана и уште пет други лица.

Главниот обвинител Амброжо Картоцио, кој ја води истрагата, изјави дека неговиот тим ќе разгледа секој можен елемент на одговорност, вклучувајќи ја и одговорноста на капетанот, екипажот, поединци задолжени за надзор и градителите на јахтата.

„Бајесијан“, луксузна јахта долга 56 метри која пловеше под британско знаме, потона во близина на медитеранскиот остров во јужна Италија. Истражителите се фокусираат на тоа како потонала јахтата, која производителот, италијанското бродоградилиште „Перини Нави“, ја сметало за „непотоплива“, додека блиската јахта останала речиси неоштетена од бурата.

Екипажот се спасил, освен готвачот, додека шест патници се удавиле заробени во трупот на јахтата.

The post НЕ КАЖУВА НИ ЗБОР Капетанот на супер-јахтата која потона кај Сицилија се брани со молчење appeared first on plusinfo.mk.