Хуманоидниот робот „AgiBot A2“ стана ѕвезда во Гинисовата книга на рекорди откако пеш поминал 100 километри за три дена. Машината, висока 1,69 метри, тргнала од кинескиот град Суџоу на 10 ноември и по три дена стигнала во историскиот округ Бунд во Шангај, јави Гинисовата книга на рекорди.

Според компанијата „AgiBot“ од Шангај, која го создала роботот, A2 „патувал по различни површини, почитувајќи ги сообраќајните правила“ за време на своето патување од 106 километри, што е потврдено како прв ваков подвиг во светот. Промотивните снимки го прикажуваат црно-сребрениот робот како сигурно чекори по патиштата кон градот.

AgiBOT’s humanoid robot A2 just achieved a Guinness World Record.

It walked 106KM from Suzhou’s Jinji Lake all the way to the Shanghai Bund, earning the title of “Longest Distance Walked by a Humanoid Robot.”

A2 ran non-stop for 3 days and 3 nights, powered by hot-swappable… https://t.co/Xgcc0rsvYj pic.twitter.com/F6WWG59GsR

— CyberRobo (@CyberRobooo) November 24, 2025

Моделот е создаден за задачи како корисничка поддршка и е опремен со систем за „разговор“ и способност за читање од усни. Според инженерите, тоа го прави идеален за интеракција со луѓе во јавни простори.

Понатаму, технолошките компании ширум светот сè повеќе вложуваат во физичка вештачка интелигенција – роботи што ги разбираат законите на физиката и можат да се движат во човечката средина. Според „Морган Стенли“, до 2050 година би можело да има повеќе од милијарда хуманоидни роботи.

Кинеската влада ги поддржува овие развои, надевајќи се дека земјата ќе стане глобален лидер во роботската индустрија. Пекинг веќе беше домаќин на првите Светски игри за хуманоидни роботи, каде што повеќе од 500 „учесници“ се натпреваруваа во кошарка, танц и чистење хотелски соби.

The post 📽️ КОГА РОБОТ ЌЕ ПРОПЕШАЧИ 100 КИЛОМЕТРИ Кинескиот АгиБот ги крена стандардите во роботиката appeared first on plusinfo.mk.