Првпат во својата 116-годишна историја, британската надворешна разузнавачка служба МИ6 ќе добие жена на своето чело – на таа функција е именувана Блејз Метревели.

Метревели се приклучила на МИ6 во 1999 година, а подоцна годинава ќе го преземе раководството од досегашниот директор, сер Ричард Мур, станувајќи 18-от шеф на агенцијата, објави Би-Би-Си.

Таа во моментов ја предводи единицата за технологија и иновации во рамки на МИ6, а по повод назначувањето изјави дека чувствува „гордост и чест“.

Премиерот на Велика Британија, Кир Стармер, го поздрави нејзиното именување како историски момент за земјата.

Која е Блејз Метревели?

Блејз Флоренс Метревели има грузиско потекло. Студирала антропологија на Пемброк Колеџ при Универзитетот во Кембриџ. Во 1997 година била дел од екипажот што победил на Женската веслачка трка (Women’s Boat Race).

Во 1999 година се приклучила на МИ6 како оперативен агент, објави НДТВ.

Голем дел од нејзината кариера го минала на терен, работејќи на оперативни задачи на Блискиот Исток и во Европа. Низ годините извршувала широк спектар на улоги во рамки на МИ6.

Исто така, била на директорска позиција во МИ5 – домашната разузнавачка агенција на Обединетото Кралство.

Подоцна била именувана за Генерален директор за технологија и иновации во МИ6. Во 2024 година таа била одликувана со титулата Придружник на Редот на Сент Мајкл и Сент Џорџ (CMG), во рамки на роденденските почести на кралот, за нејзиниот придонес кон британската надворешна политика.

„Истакнат технолошки мислител и иднина на британското разузнавање“

– Со богатство од искуство од целата наша заедница за национална безбедност, Блејз е идеален кандидат да го води МИ6 во иднината – изјави британскиот министер за надворешни работи, Дејвид Лами, објави Лајвминт.

Во време на глобална нестабилност и нови закани по безбедноста, додаде тој, кога технологијата е моќ, а нашите противници се сè поединствени и соработуваат поблиску, Блејз ќе овозможи Велика Британија да се справи со овие предизвици директно, а со тоа ќе ја одржи Британија безбедна дома и во странство.

Метревели ќе биде 18-ти шеф на МИ6 кога ќе ја преземе функцијата од Ричард Мур.

– Апсолутно сум пресреќен поради оваа историска номинација на мојата колешка, Блејз Метревели, да ме замени како „Ц“. Блејз е високо етаблиран разузнавачки офицер и лидер, а и еден од нашите најистакнати мислители за технологијата. Со нетрпение ја поздравувам како првата жена раководителка на МИ6 – рече претходниот шеф во заминување.

Што е Тајната разузнавачка служба МИ6?

МИ6, позната и како Тајна разузнавачка служба, има задача да прибира информации надвор од земјата со цел, заштита на националната безбедност.

Основана во 1909 година, таа работи тајно низ целиот свет и поднесува извештаи до министерот за надворешни работи. Агенцијата се фокусира на закани како што се тероризам, сајбер напади и непријателски држави. Нејзиниот шеф „Ц“ („C“) е единствениот јавно именуван службеник. За разлика од МИ5, која се занимава со домашно разузнавање, МИ6 работи исклучиво во странство.

Но, зошто титулата се вика „Ц“? Првата разузнавачка агенција во Британија, Тајната служба (Secret Service Bureau), е основана во 1900-те. Капетанот Менсфилд Каминг од Кралската морнарица, кој ја раководел службата, наводно секогаш ги потпишувал своите писма со буквата „C“ и токму поради тоа се појавило кодното име.

Во својата актуелна улога, Метревели е одговорна за развој на технолошки решенија кои ја штитат анонимноста на агентите и ги спречуваат обидите за надзор и следење, особено од страни како Кина.

– Горда сум и почестена што ми е доверено водството на Службата. МИ6 има клучна улога, заедно со МИ5 и со штабот за владини комуникации (GCHQ), во зачувувањето на безбедноста на британскиот народ и во промовирањето на британските интереси во странство. Со нетрпение очекувам да продолжам со таа работа заедно со храбрите офицери и агенти на МИ6 и со нашите многубројни меѓународни партнери – изјави Метревели.

The post ПРВПАТ ЖЕНА Е ШЕФ НА БРИТАНСКАТА ТАЈНА СЛУЖБА Кoја е Блејз Метревели, грузиски антрополог и шпион одликуван од кралот? appeared first on plusinfo.mk.

Иранското судство денеска соопшти дека е погубен маж, кој бил уапсен во 2023 година и осуден како агент на израелската разузнавачка служба Мосад.

„Есмаил Фекри, агент на Мосад осуден за тешки кривични дела – корупција и војна против Бога (мохаребе), е обесен по судска постапка“, пренесе веб страницата Мизан Онлајн, која е поврзана со судството.

Егзекуцијата се случи на четвртиот ден од конфликтот меѓу Иран и Израел.

The post „ЕСМАИЛ ФЕКРИ Е ОБЕСЕН ПО СУДСКА ПОСТАПКА ПОРАДИ ВОЈНА ПРОТИВ БОГА“ Иран погуби агент на Мосад appeared first on plusinfo.mk.

Првиот агент со вештачка интелигенција Умниверзум, денеска, 14 април, ќе биде промовиран во Македонија.

Туторот кој е наменет да им помага на учениците по математика, според Бреинстер Некст Колеџот и НУ Академијата, кои стојат зад проектот, е „достапен 24/7 и е најдобар во светот“.

Бреинстер им овозможува бесплатен пристап на првите 1.000 корисници кои ќе се пријават на umniverzum.com.

„На настанот премиерно ќе биде презентиран ‘Умниверзум’, бесплатниот AI-тутор по математика кој е достапен 24/7 и веќе тестиран со 100% точност во решавање задачи. Развиен целосно од студенти и професори на Бреинстер Некст колеџот и НУ Академијата, со поддршка од професори и алумни на Бреинстер академиите, „Умниверзум“ е наменет за средношколци кои имаат потреба од поддршка во учењето, особено за оние кои немаат пристап до приватни ресурси за истото“, велат од Бреинстер и ги канат сите на промоцијата.

Настанот кој ќе се одржи во 18 и 30 часот во Театар Комедија ќе биде шести од серијалот „Од Креативност до Кариера“, посветен на една од најрелевантните теми на денешницата: „AI & YOU“, односно на улогата на вештачката интелигенција во образованието, кариерата и личниот развој.

„Ве покануваме на промоција на иновацијата која ќе го смени на подобро македонското образование“, додаваат од Бреинстер.

Во написот на Бреинстер се вели дека учениците во Македонија во моментот заостануваат зад своите врсници од Европската унија и дека токму Умниверзум 1.0 Бреинстер интелигенцијата е, како што велат, директен одговор на овие резултати, решение на овој проблем.

„Последното ПИСА истражување (2022) ја рангираше Македонија на 61. место по математика од 81 земја. Според информациите од Министерството за образование, нашите ученици заостануваат 3,5 години споредено со нивните врсници од ЕУ, и имаат 900 часа помалку настава до 15-годишна возраст“.

Понатаму, од Бреинстер порачуваат дека „воедно, се работи за првиот AI-агент од Македонија кој користи повеќемоделен протокол за да овозможи најголема точност при решавање на математички задачи, чекор-по-чекор објаснувања и можност за натпревари – со целосна поддршка на македонски јазик“.

На настанот збор ќе земат Игор Трајковски – основач на time.mk, Ивица Пешовски – CTO, Brainster, д-р Владимир Трајковиќ – стартап ментор, Анја Марија Макеска – CMO, Brainster и Петар Ниновски – основач на Brainster и NU Академијата.

„Дополнително, на настанот ќе може да се слушнат инспиративни предавања, дискусија како AI ќе ги трансформира работните позиции и ќе биде лансирана AI практичната академија на Бреинстер“, се додава во соопштението.

The post ПРИСТИГНА ПРВИОТ AI-ТУТОР ОД МАКЕДОНИЈА Умниверзум ќе им помага на учениците со математичките потешкотии appeared first on plusinfo.mk.

Зборувајќи за Си-Ен-Ен Турк, Ахмадинеџад рече дека уште 20 агенти во иранскиот разузнавачки тим, задолжени за следење на активностите на израелското разузнавање, исто така се свртеле против Техеран.

Двојните агенти наводно му пренеле чувствителни информации на Израел за иранската нуклеарна програма, заклучува поранешниот претседател.

Минатиот месец, иранскиот корпус на исламската револуционерна гарда соопшти дека 12 лица се уапсени под сомнение дека служеле како оперативци кои работеле со Израел и подготвувале заговор против Иран.

The post ТЕХЕРАН Е РАЗЈАДЕН ОДНАТРЕ Шеф во иранската тајна служба е израелски шпион appeared first on plusinfo.mk.

Според безбедносните претставници, диверзантот планирал серија терористички напади во Русија, „вклучувајќи ги објектите на Министерството за одбрана на Руската Федерација во Московскиот регион, како и членовите на еден од волонтерските баталјони и неговиот волонтерски центар во Ст. Петербург“, пренесува РИА Новости.

Според ФСБ, ликвидиран е 48-годишен руски државјанин, „агент на Главната разузнавачка управа (ГУР) на Министерството за одбрана на Украина“, односно „припадник на украинска терористичка организација забранета во Руска Федерација”.

The post ЛИКВИДИРАН УКРАИНСКИ ВОЕН РАЗУЗНАВАЧ Според ФСБ убиениот планирани терористички напади во Русија appeared first on plusinfo.mk.

Брајан Џефри Рејмонд (47) чувал речиси 500 видеа и фотографии што ги направил од голи, онесвестени жени, вклучително и на такви на кои може да се види како ги отвора нивните очни капаци и како ги пипка, соопштија обвинителите. Сликите датираат од 2006 година и следат голем дел од кариерата на Рејмонд, со жртви во Мексико, Перу и други земји, пишува АП.

Случајот е срам за ЦИА, која беше на удар на критики во последните месеци поради честопати таинствено и застарено справување со недоличното однесување, пренесува медиумот.

АП откри дека најмалку дваесет жени се јавиле да им кажат на властите и на Конгресот за сексуалните напади, несаканите допири и, како што велат, напорите на ЦИА да ги замолчи. Приправник на ЦИА беше осуден за напад во август, откако и завитка шал околу вратот на колешката и се обиде да ја бакне на скали во седиштето на агенцијата Ленгли.

ЦИА јавно ги осуди злосторствата на Рејмонд, а директорот на ЦИА, Вилијам Барнс во мај започна серија реформи за да се насочат барањата, да се поддржат жртвите и побрзо да се дисциплинираат оние кои се вклучени во недоличното однесување.

„Многу сериозно ги сфаќаме сите наводи за сексуален напад или вознемирување и презедовме значителни чекори за да обезбедиме инклузивна средина за нашата работна сила“, се вели во извештајот.

Обвинителите го опишаа 47-годишниот Рејмонд како искусен сексуален предатор кој водел детален список на потенцијални жртви организиран по име, етничка припадност и белешки за нивните физички карактеристики.

Кога бил уапсен пред три години, Рејмонд бил стациониран во Мексико Сити, каде што запознал жени на апликации за запознавање и ги поканил во неговиот стан изнајмен од амбасадата.

Дека Рејмонд е предатор беше откриено дури во 2020 година, откако гола жена, која поранешниот агент ја запознал на Тиндер, повикала за помош од неговиот балкон во Сан Диего.

Поради ова загрижен сосед повикал полиција. Инспекторите ги пребарале електронските уреди на Рејмонд и почнале да ги идентификуваат жртвите, од кои сите опишале дека доживеале некаков вид на губење на меморијата за време на нивното време со него. Обвинителите имаа намера да повикаат дури 14 наводни жртви за време на судењето.

Рејмонд се изјасни за виновен по четири од 25 точки од обвинението, вклучително и сексуален напад, принуда и транспорт на непристоен материјал. Поранешниот агент ќе биде осуден во септември, а се соочува со затвор од 24 до 30 години.

The post СЛУЧАЈ ШТО ЈА ПОСРАМОТИ ЦИА Разузнавач сексуално злоставувал, дрогирал и снимал жени, го чекаат 30 години затвор appeared first on plusinfo.mk.

Британските медиуми пишуваат дека 32-годишниот актер ја импресионирал режисерката Барбара Броколи за време на нивната средба во студиото „Пајнвуд“.

Шпекулациите за наследникот на Даниел Крег во улогата на агентот 007 траат уште од објавувањето на последното продолжение на филмот, а и покрај другите кандидати кои медиумите ги наведуваат како потенцијален Бонд, се чини дека Арон го презеде водството.

 

View this post on Instagram

 

A post shared by Aaron Taylor-Johnson (@aarontaylorjohnson)

„Сан“ тврди дека Арон бил на аудиција и ги воодушевил режисерот и продуцентите и сега е еден од главните кандидати за улогата.

Арон, кој е оженет со режисерката на „50 нијанси сива“ Сем Тејлор-Џонсон (55), глумеше во филмови како „Bullet Train“, „Kick-Ass“, „Avengers“.

Својата кариера ја започна во серијата „Armadillo“ од 2001 година, пред да се појави во филмот „Bill and Casualty“, а потоа и во биографскиот филм за Џон Ленон од 2009 година „Nowhere Boy“.

За улогата на култниот агент се поврзуваа многу познати имиња од Хенри Кавил до Том Харди, а летово британските медиуми тврдеа дека главен фаворит е Идрис Елба.

 

View this post on Instagram

 

A post shared by Aaron Taylor-Johnson (@aarontaylorjohnson)

ФОТО: Инстаграм

The post БИЛ НА ТАЈНА АУДИЦИЈА Арон Тејлор-Џонсон е нов фаворит за улогата на Џејмс Бонд appeared first on plusinfo.mk.

„Федералната служба за безбедност спречи акт на саботажа, што го смислија украинските специјални служби, на објект на енергетската инфраструктура на Крим”, соопшти прес-службата на ФСБ, јавија руски медиуми.

ФСБ информира и дека уапсениот 44-годишен украински државјанин, кај кого се пронајдени три експлозивни направи и детално упатство со мапа каде се обележани енергетските објекти, е одведен во притвор на понатамошно испрашување.

The post ПЛAНИРАЛ САБОТАЖА НА КРИМ Русите велат дека уапсиле опасен украински агент appeared first on plusinfo.mk.

Приходите одат за хуманитарни цели, како и парите остварени од продажбата на 24 други лотови поврзани со франшизата, а по повод прославата на 60 години Џејмс Бонд. Предмети од 35 други лотови може да се купат онлајн на аукцијата, која ќе трае до 5 октомври.

Репликата ДБ5, моделот со потпис на агентот 007, е едно од осумте возила специјално дизајнирани и произведени за играниот филм од 2021 година и е единственото возило за каскадер понудено на продажба од Астон Мартин и продукциската компанија ЕОН до денес.

На аукција се најдоа и други автомобили, филмски костими и предмети поврзани со познатата сага за британскиот шпион.

ФОТО: Инстаграм

The post ЗА ТРИ МИЛИОНИ ФУНТИ Автомобилот на Џејмс Бонд продаден на аукција appeared first on plusinfo.mk.

Во спорната тужба, која пред шест години ја поднесе обвинителот кој сакал да остане анонимен, се наведува дека актерката во тоа време била нападната од нејзиниот сопруг за време на летот во приватен авион, пишува магазинот „Филм њуз“.

За потсетување, во април оваа година, од ФБИ беше побарано да ги предаде документите поврзани со тужбата според законите за слобода на информирање.

Сега е потврдено дека Џоли ја поднела тужбата во тоа време.

Во извештајот се наведува дека актерката потоа му рекла на агент на ФБИ дека нејзиниот сопруг „физички и вербално ја нападнал“ пред децата во приватен авион, по што следел друг извештај во кој се вели дека актерката има повреден лакт.

По тогашната одлука на агентот на ФБИ, кој одлучил да не покренува обвинение врз основа на извештајот, актерката поднесе тужба против агентот поради кршење на слободата на информации, барајќи ја целата спорна документација.

The post АНЏЕЛИНА ЏОЛИ ГО ТУЖЕЛА ФБИ Причината е нејзиниот поранешен сопруг Бред Пит appeared first on plusinfo.mk.