„Соседна држава на Македонија шири информација ЕУ да не ѝ помага финансиски на Македонија, да ѝ се скратат сите фондови како ЕУ, затоа што ако ѝ помага, Македонија ќе напредува, а во спротивно, ако нема ЕУ фондови за Македонија, тогаш ќе дојде пред банкрот, ќе биде приморана да клекне, да моли и на тој начин да се реализира тоа коешто се бара од нив”, соопшти премиерот Христијан Мицкоски сознанија од мултилатерални и билатерални средби, без да открие која соседна држава ја шири оваа теза, а е членка на ЕУ.

Како одговор на пратеничко прашање за обвинувањата од опозицијата дека Македонија е пред банкрот, Мицкоски се надоврза дека токму тоа се тезите и на македонската опозиција.

– И ова е многу опасна теза којашто денеска ја шири опозицијата. А фактот е дека оваа влада ги сервисира сите обврски преземени од претходната влада. Не се чека ни ден, ни милиметар во било која област, дали е тоа Министерството за внатрешни работи, дали е тоа во одбраната или е тоа по некоја основа во другите ресори.

Во Министерството за транспорт сега ги префрливме проектот за коридорот 8 и 10Д, во Јавното претпријатие за државни патишта, железницата, коридорот 8 итн. Вклучително и оние обврски, како солидарниот данок, обврски коишто беа од претходната влада на начин на којшто јавноста следеше, практично се одземаа пари од компаниите, иако тврдевме дека е неуставно, дека ќе имаме проблем и тоа ние го враќаме, вклучително и пресуди коишто доаѓаат од Европскиот суд за човекови права кои што се десет или петнаесет години стари. И тоа го враќа, исто така, оваа влада.

И не очајуваме, не кукаме, не држиме прес-конференции да велиме „вака било- така било”, тоа е нашата обврска и ние таа обврска си ја следиме со сите предизвици со коишто располагаме и резултатите ги кажавме, со бројки коишто ги објавува Меѓународниот монетарен фонд. Јасно се вели, за трипати помал долг и за трипати пократко време, имаме раст на номиналниот бруто домашен производ за 140 милиона долара повеќе од претходната влада – рече Мицкоски.

Тој рече дека Македонија е прва во испорака на реформите од европската агенда.

– Јас знам дека некој не сака да ја гледа успешна Македонија, не сака да ја гледа консолидирана, не сака да ја гледа како си ги завршува своите обврски, прави реформи, прва е во испорака на европската агенда. Еве уште од сега ви најавувам дека и во јуни ќе бидеме први, информацијата ќе стигне септември-октомври и еве уште сега ви најавувам. Следна цел ќе ни биде во декември да бидеме повторно најдобри. Тоа е нашата цел и ние така функционираме, да направиме пристојна убава држава со којашто нашите потомци, оние коишто доаѓаат по нас, ќе се гордеат. За тоа треба време, затоа што разорен е ефектот на погрешните политики на претходната влада. Разорен е, девастирачки, катаклизмичен по било кој основ. За тоа треба време. Но, приоритет по приоритет, визави ресурсите со коишто располагаме, ги решаваме тие недостатоци коишто ги наследивме – одговори премиерот Мицкоски.

The post СОСЕДНА ЗЕМЈА БАРА ОД ЕУ ДА ГИ ЗАПРЕ СИТЕ ФОНДОВИ ЗА МАКЕДОНИЈА? Мицкоски вели дека тоа го посакува и македонската опозиција appeared first on plusinfo.mk.

Во поткастот „ВМРО-ДПМНЕ Зборува“ заменик министерката за европски прашања, Викторија Трајков која воедно е и заменик главен преговарач за ЕУ, стави акцент на приоритетните области од Реформската агенда, со што би се забрзал процесот на интеграција и унапредување на економијата и ги наведе областите во кои би се спровеле реформите, како и улогата на младите во самиот процес.

Таа посочи дека Владата изминатите пет месеци има направено многу на дипломатски план и како и досега, Македонија останува да биде пред се и над се.

– Реформската агенда, тоа е нешто најактуелно во моментот што се зборува, нешто за кое што навистина упорно и напорно работеше Министерството за европски прашања, а претходно Секретаријат за европски прашања и морам да кажам дека нашата Реформска агенда е една од најдобрите, односно најдобра во регионот со што и не пофалија од Европската комисија дека добро сме ја сработиле. Она што сега во моментот следува како следна фаза е да ја реализираме баш онака како што е испланирана и напишана – изјави Трајков.

Таа образложи на што се темели Реформската агенда, односно областите кои ќе бидат опфатени и каде ќе се спроведат реформите, како што се јавната администрација, дигитализацијата, развојот на човечкиот капитал. Во фокусот на реформите го стави владеењето на правото, односно справување со корупцијата, така што тоа би довело до успешно справување со предизвиците кои ги носи иднината, сметајќи дека сето ова е клучно за подобрување на стандардот на граѓаните и обезбедување долгорочна стабилност и напредок на државата.

– Најважно е да се зајакне капацитетот на јавната администрација, но и еден процес којшто е многу важен е дигитализацијата, да речам прво на администрацијата, па сите останати државни процеси. Она што е особено важно, а мислам и дека најголем акцент ќе се даде е реформата во владеењето на правото, како една партија којашто имаше навистина огромна поддршка од граѓаните, мислам дека таа реформа мора да се случи и конечно во оваа држава секој да биде еднаков пред законот, да нема ваши и наши, туку тој што ќе си погреши да си одговара, односно ќе се фокусираме на борбата против корупцијата – наведе Трајков.

Исто така, таа посочи дека младите се дел од процесот на Реформската агенда во донесувањето на разни одлуки, потенцирајќи дека е од огромно значење да се слушне нивниот став и мислење за одредено прашање и дека тие ќе бидат вклучени со присуство на разни дебати и настани.

– Младите и невладиниот сектор ни се навистина многу важни и мислам дека во цел овој процес за реформската агенда ќе бидат вклучени како дел од расправи, тркалезни маси, така што ние не ги напуштивме младите ни претходно како политичка партија. Но и сето она коешто денес е, да речам, суштински важно да бидат дел од процесот и може да се виде дека на секоја една стратегија на секој еден состанок каде што се покровители или организатори Владата на нашата земја, апсолутно има присутност на младите и тоа го поздравувам дека таа пракса треба и понатаму да се продолжи – заклучи Трајков.

The post РЕФОРМСКАТА АГЕНДА НА ВМРО-ДПМНЕ Е НАЈДОБРА ВО РЕГИОНОТ Трајков вели дека владините реформи ќе го променат македонското општество appeared first on plusinfo.mk.

Во соопштението понатаму се вели дека ДУИ, иако беше домаќин на Лавров во Скопје, пред изборите бараше да се каже НЕ на Русија. Али Ахмети ги лажеше сателитите дека САД нема да дозволи ДУИ да не биде дел од владината коалиција. Не само што мнозинството Албанци токму нив им кажаа НЕ на изборите, туку сега им ги тегнат ушите како Мики Маус за нивните планови за предизвикување тензии.

„Затоа, крајно време е СДСМ и ДУИ да излезат од лажниот филм во кој живеат. Ние не сме како нив да присвојуваме стратешки национални цели кои по природата на значењето надминуваат мандат на една Влада. Сепак, треба да прифатат дека токму нивното неодговорно и коруптивно владеење најмногу ја оддалечи земјата од ЕУ. Реформската агенда е директна потврда дека ние работиме на динамизирање на полноправното членство во ЕУ. Тоа ги боли. Исто како што ги боли што ќе има правосудни реформи за отстранување на “мувлата” и ќе спроведеме бескомпромисна борба против корупцијата. Преминуваме на дела без разлика на сите опструкции, блокади и сопки од оние кои по секоја цена сакаат да ја избегнат правдата“, стои во соопштението на ВЛЕН.

The post СДСМ И ДУИ СЕ БРАЌА ВО НИВНИТЕ ЗАБЛУДИ Агендата за ЕУ е приоритет за ВЛЕН appeared first on plusinfo.mk.

Премиерот Христијан Мицкоски на денешната прес-конференција со министерот за европски прашања Орхан Муртезани ја претстави реформската агенда „24-27“ која е резултат да се унапредат економските раст и стабилност на Македонија во рамки на планот за раст за земјите од Западен Балкан.

– Овој план е инициран од Европската комисија и има за цел да ги намали економските диспаритети на државата и ЕУ. На граѓаните ќе им се нуди пристап до придобивките на Унијата уште пред официјалното членство – рече премиерот.

Тој посочи дека реформската агенда се темели на четири столбови.

– Зајакнување на економската интеграција со единствениот пазар на ЕУ. Овој процес ќе го зголеми нашиот пристап до пазарите, ќе ја подобри трговијата и ќе ја поттикне регионалната стабилност.

– Продлабочување на економската интеграција преку зголемена соработка со нашите соседи во рамки на заедничкиот пазар. Со тоа ќе се создаде посилна и поотпорна економија.

– Забрзување на фундаменталните реформи. Овие реформи се клучни за усогласување на законодавството и стандардите на ЕУ, овозможувајќи економски развој и придобивки на нашите граѓани.

– Зголемување на финансиската помош на реформите со пакет 6 милијарди евра од кои 2 милијарди се грантови. Економијата ќе добие значителна поддршка за спроведување на реформите и постигнување на целите.

– Според формулата за нас треба да припаднат 740,4 милиони евра за периодот од 2024 до 2027 година. Реформската агенда за периодот 2024-2027 треба да биде усвоена од Европската комисија со што ќе се отвори можноста за потпишување на договор за механизмот за раст и договор за заем – рече Мицоски.

Тој посочи дека по ратификацијата на договорите пак ќе биде поднесено барањето за повлекување на првата транша во висина од 7 проценти од алокација на средствата, односно околу 52,5 милиони евра.

– Реформската агенда е подготвена во соработка со Европската комисија и ќе опфати приоритетни области. Тука спаѓаат Јавната администрација, енергетската транзиција, сајбер безбедноста, дигитализацијата, развојот на човековиот капитал и подобрување на деловното опкружување. Овие приоритети се клучни за подобрување на квалитетот на живот на нашите граѓани и за обезбедување на долгорочна стабилност и напредок – истакна премиерот.

The post МИЦКОСКИ ЈА ПРЕТСТАВИ РЕФОРМСКАТА АГЕНДА „24-27“ Премиерот посочи дека со ова ќе се унапреди економскиот раст и стабилноста на државата appeared first on plusinfo.mk.

Или, поинаку кажано за да разберат и слепциве во нивната Северна, токму Алијансата сега додава нова мирудија во манџата што самата ја зготви, обидувајќи се „спорот“ официјално да го држи вон агендата на свеченоста. Зошто? Затоа што се свесни, прво, за неговата веќе блуткава безумност, и второ, не се сигурни во потенцијалните одговори што би можеле јавно да ги добијат, а со коишто „проблемот“ би отишол во непосакувани насоки. И би им ја расипал „свеченоста“.

И тоа им ги одвеа предвремените ликувања и јавно изразените желби на нашиве „мудреци“ кои со години во едното уво имаат слушалка на којашто примаат вести директно од Брисел, а на другото од Вашингтон, ама не ги дослушуваат или не ги разбираат, па тераат своја мантра. А така својски се спремаа и се ситеа уште од оној 8 мај дека токму на тоа одбележување на 75 години од безбедносната алијанса високите НАТО „главучи“ ќе им ги влечат ушите на премиерот и македонската делегација. И однапред уживаа во таа слика. Затоа и ракоплескаа на идејата дека кога Мицковски ќе отиде на самитот на НАТО во Вашингтон и за првпат ќе се сретне во официјално својство на премиер со главните актери на светската политика, прво ќе се препоти, па ќе почнат да му се тресат рацете, а на крај ќе мора да клекне и да признае дека ја разбира ситуацијата во која се наоѓа и тој, Владата и државата! Бре, бре, толку ли се страшни тие натовци? Или само нашиве глувци се толку страшливи па се плашат и од сопствената сенка?

И после сè, после сите навивања и заплашувања на домашната јавност, на што се сведе посакуваното од нив понижување на државата на самитот? Се сведе на „Мицковски се сликаше на НАТО подиумот како претседател на Владата на Северна Македонија“! И сега глувциве тоа го слават како компензација за пропаднатиот план за виткање раце, удирање чврги и слични детински предвидувања.

Се разбира, од друга страна односно од страната на логиката и моралноста, изјавата на спомнатиот Бјуланд е само еден „мудар“ bullshit – простете на безобразлукот – зашто токму креаторот на „спорот“ сега се обидува да си ги измие рацете и да го држи настрана. Бидејќи и во таа и таква Алијанса, или барем во свеста на неколкумина од главешините, сосема е јасно каква будалаштина направиле, нешто за што ќе бидат обележани како неморални насилници во историјата на современата цивилизација. Но, не им е ни прва, а нема да им биде ниту последна!

Сепак, остануваат неколку нејасни нешта во врска со нашево локално преурането „славје“ и пропаднатите очекувања од случувањата во Вашингтон. Меѓу нив особено што „случајот Македонија“ беше целосно вон фокусот на самитот. Тоа се виде и на воведната прес-конференција на амбасадорот Мајк Карпентер (специјален советник на Бајден) со новинари од целиот свет. Што ќе рече дека дел од овдешната клиентела на бившата власт настојчиво сее смутови и повикува на славје секогаш кога е на повидок понижување на државата. Не нивната, онаа на „другите“! Или се тоа само некои лични анимозитети проектирани на општ план а така беневолентно пренесувани од нивни пајташи на јавната сцена?

Истото се случува и во однос на новата претседателка, кај која по правило се бараат „гафови“ во секое однесување и/или обраќање, па дури и кога таа средствата за нејзино одење на отворањето на Олимпијадата во Париз сака да ги пренасочи на млади математичари! Или се предат коекакви јасновидни приказни – ама на француски! – за некакви „огради“ со коишто новата власт, онаа иста што ја поддржа во кандидатурата, после само месец-два сака да ја дистанцира! Или пак, како што сака да се прави умен еден политикант кој вечно се вози во приколката на СДСМ, дека нашиот однос кон НАТО не можел да се сведе на играта „добар полицаец, лош полицаец“ итн.!

Мислам, извинете, но колку треба да си понизен, па и глуп, за низ слушалките да примаш секакви пораки/наредби и да смислуваш онакви конструкции? Или проблемот е што локалниве „мудреци“ свикнале сите да се однесуваат како оние претходнине „прогресивци“, како простирка за бришење чевли, па секое отстапување од тој имиџ им е нејасно и неприфатливо!?

Како што им е апсолутно неприфатливо и некој да се осмели да го употребува оној фамозен член 7 од „Преспанскиот договор“ на нормален а не на нивен начин. За нив договорот е „оче наш“ и којзнае колку пати дневно го повторуваат она „Северна“, само за да не го заборават. И такви „стручњаци“ имаме едно чудо, секој со своето будалесто толкување за некакво „ерга омнес“, па за налудничава „(зло)употреба на сопственото уставно име“ и крајно сомнителни „толкувања“ за некаков монопол или превласт врз името Република Македонија (цинично идентификувано само со бившата ЈУ држава) итн.

И, се разбира, сето тоа да се спакува во некаков профитабилен заклучок дека, ете, новата власт се оддалечува од евроинтегративниот процес (небаре оние претходните трчаа по него!), дури и забрануваат таа да се нарекува „проевропска“.

Притоа, повторно и по којзнае кој пат, упорно „забораваат“ токму на странските – односно баш американските! – појаснувања, какво што беше она од прес-службата на Стејт департментот за употребата на двете имиња за државата од страна на премиерот. Тие тогаш појаснија дека „Изјавата на мандатарот Мицкоски дека ќе го користи уставното име на државата во сите официјални контексти е во согласност со Договорот од Преспа“. Ама нашиве „уставобранители“ не прифаќаат такво мешање во внатрешните работи на државата односно она коешто не се совпаѓа со нивното „мислење“. И гледаат веднаш да го елиминираат. Со игнорирање, се рабира.

Но сепак, некој, некогаш, ќе мора да го објасни таквото однесување на дел од македонската интелектуална јавност, таквото слепило и извитоперената „страст“ за навивачко-лукративни подметнувања од секаков вид нив. Не мислам дека тие немаат право на свое мислење, па и на такво дека Земјата е плоча, но континуирано да се обзнануваат во јавноста лажни толкувања, да се игра на ситен блеф дека јавноста е веќе изморена од секакви измислици, дека народот може да се прелаже за сè па дури и за името … е навистина перверзија од посебен тип.

П. С.

И како шлаг на перверзната торта доаѓа она циркузантско уверување од „професорот“ – оној кому почитуваниот Хајредини му дели жешки шамари – дека половина од Американците ја поддржуваат неговата теза „дека е добро Америка да се меша во внатрешните работи на Македонија“! И тоа му го дошепнал никој друг туку негов „пријател од детство“ кој сега живее во Северна Каролина. И едно такво страотно лажливо подметнување циркулира во македонскиот етер како сериозна информација! Е па тогаш, за што говориме ние, за каква држава, за каква јавност, за каква интелигенција, за каков морал и етика …?!

The post Се тресеше гората… appeared first on plusinfo.mk.

Ова е дел од Стратешката агенда за периодот 2024-2029 година, која заедно со одлуката за носителите на врвните позиции на ЕУ, е усвоена од лидерите на земјите членки на Унијата на вчерашниот Самит на блокот.

– Одговорност на Европскиот совет е да ја утврди ориентацијата на ЕУ за следните пет години. Овој стратешки документ почнавме да го подготвуваме пред многу месеци, уште на Самитот во Гренада за време на шпанското претседателство, а сега решивме да го завршиме овој процес – истакна Мишел на заедничка прес-конференција  со претседателката на Европската комисија, Урсула фон дер Лајен и белгискиот премиер и претседавач со Унијата, Александер де Кро по завршувањето на Самитот на ЕУ.

Мишел потенцира дека Стратешката агенда се базира на три столба – почитување на демократските вредности, зајакнување на конкурентноста како парадигма на економскиот развој и зголемена ефикасност на европската одбрана.

Фон дер Лајен го поздрави усвојувањето на Агендата, потенцирајќи дека таа претставува политички план што ги поставува правците и целите на Унијата за следниот институционален циклус.

Таа нагласи дека едно од најважните прашања во Стратешката агенда се однесува на зајакнувањето на одбраната и безбедноста во услови на зголемени и досега невидени безбедносни закани и во услови на интензивна војна на европскиот континент.

– Ќе ви посочам три податоци. Заедничките трошоци на ЕУ за одбраната во периодот од 1999 до 2021 година пораснале за 20 проценти, а во исто време одбранбените трошоци на Кина пораснале за речиси 600 отсто, а на Русија за речиси 300 отсто – истакна Фон дер Лајен, додавајќи дека ова е за период пред руската инвазија врз Украина, додека Русија само оваа година за потребите на обраната ќе издвои сума во висина од седум отсто од нејзиниот БДП.

Таа посочи дека во рамките на ЕУ има идеи за создавање противракетен штит или за зајакнување на источните граници на блокот, па за остварување на ваквите планови заедно со останатите одбранбени трошоци на Унијата во следната деценија ќе ѝ бидат потребни 500 милијарди долари за одбраната.

Фон дер Лајен додаде дека покрај прашањата за одбраната во Агендата се посочени и планови за справување со климатските закани со цел постигнување климатска неутралност на континентот, како за зајакнување на конкурентноста на европската социјална економија.

Во однос на Украина, која исто така беше една од темите на Самитот, Мишел нагласи дека ЕУ потпиша договор за заеднички безбедносни обврски со Киев, што ќе овозможи поголема конкретна и одржлива поддршка за земјата, како и дека лидерите упатиле повик до Европската комисија, високиот претставник и Советот да работат во правец на утврдување на правниот аспект за исплата на финансиска помош за земјата.

Во контекст на поддршката за Украина, Мишел потсети и на одржаната прва Меѓувладина конференција со што беше означен официјален почеток на преговорите на земјата за членство во ЕУ, како и на Мировниот самит во Швајцарија од кој треба да произлезе изработка на мировен план за ставање крај на руската агресија.

Фон дер Лајен потсети дека оваа недела ЕУ го усвои 14-от пакет санкции кон Русија и исто така воведе рестриктивни мерки кон Белорусија, со што ја покажа својата определба за притисок врз Москва за ставање крај на руската агресија врз Украина.

– Денеска, како прв чекор, исплативме 1,9 милијарди евра како предфинансирање во рамки на Украинскиот механизам – истакна Фон дер Лајен, додавајќи дека пред лидерите го презентирала и планот на Г7 за исплата на 50 милијарди евра позајмици на Украина, како дека ЕУ ќе работи со своите партнери и Киев за усвојување на регулатива што ќе овозможи исплата на финансиски средства за земјата пред истекот на оваа година.

Во врска со состојбата на Блискиот Исток, претседателот на Европскиот совет нагласи дека ЕУ секогаш ќе се залага за почитување на меѓународното и меѓународното хуманитарно право и од тој аспект го поддржува правото на Израел да се брани од нападите на Хамас, но исто времено бара и итен прекин на огнот, безусловно ослободување на сите заложници и овозможување на дистрибуција на хуманитарна помош во Газа, како и дека го поддржува решението за создавање на две држави.

Мишел на крајот од своето обраќање ѝ се заблагодари на Белгија и на премиерот Де Кро за успешното претседавање со Унијата во првите шест месеци од годинава, оценувајќи дека во овој период биле усвоени важни регулативи и биле постигнати многу компромисни решенија.

Фон дер Лајен му честиташе на Де Кро за, како што рече, исклучителното претседавање со ЕУ, за кој период беа постигнати политички договори за 45 регулативи, меѓу кои и неколку клучни одлуки поврзани со Зелениот договор, дигитализацијата, индустријата и проширувањето, како и ревизијата на Повеќегодишната финансиска рамка на ЕУ и Пактот за азил и миграција.

Де Кро, пак, оцени дека ЕУ во следните години ќе се соочува со многу предизвици, имајќи ги предвид војната во Европа и притисокот врз економијата, потенцирајќи дека справувањето со овие предизвици било меѓу приоритетите на белгиското претседателство со Унијата.

Тој ѝ посака успех на Унгарија во претседавањето со Унијата во следните шест месеци и постигнување напредок во законодавниот процес и продолжување на европската поддршка за Украина.

– Претставува голема привилегија и голема одговорност да се работи за доброто на граѓаните на ЕУ. Тоа беше привилегија на Белгија и Белгија по 13 пат ја имаше таа привилегија. Европската Унија е одлично место за живот, одлично место за работа, одлично место за инвестирање и затоа сите треба да работиме заедно за да го задржиме тој правец – додаде Де Кро.

The post НАМЕСТО ДА РАБОТИ ЗА МИР, ЕУ ЌЕ СЕ ВООРУЖУВА Одбраната ќе биде најважна тема во Европа во следните 5 години appeared first on plusinfo.mk.

Mинистерот за авијација и технологија, Ентони Браун истакна оти се предвидува усвојување технологија „на границата на доменот на научната фантастика“, којашто треба да ја зајакне економијата на земјата за 45 милијарди фунти до крајот на ова десетлетие.

– Современата технологија „на батерии“ ќе го унапреди превозот каков што го знаеме, а овој план ќе обезбеди и инфраструктура и регулативи за да ја постигнеме таа реалност. Министерството се обидува да ја направи В Британија пионер на промените во превозот, подобар животот на луѓето и посилно стопанството, изјави Браун.

Давателот на услуги со беспилотни летала, „Скајферер“, во соработка со неколку универзитетски болници ќе ги тестира беспилотните летала и за испорака на брза помош до критично место. Според предвидувањата, тоа би го намалило времето за испорака на итна помош до 70 отсто.

Градоначалникот на Њујорк, Ерик Адамс лани во ноември претстави сличен план и за својот американски мегалополис. Тој предвидува електричните такси-летала да почнат да се користат до 2026 година за превоз на луѓе од аеродромите до градот и обратно.

The post НАД ЛОНДОН ЌЕ ФРЧАТ БЕСПИЛОТНИ ЛЕТЕЧКИ АВТОМОБИЛИ? Велика Британија се подготвува за револуција во транспортот appeared first on plusinfo.mk.

Ова во интервју за МИА го вели Димитар Ковачевски, актуелен заменик-министер за финансии и член на Извршниот одбор на СДСМ, кој вчера изјави ќе се кандидира за лидер на партијата, откако социјалдемократите во петокот ја утврдија оставката на претседателот на партијата Зоран Заев и распишаа внатрепартиски избори по пат на непосредно гласање што ќе се одржат на 12 декември.

На обвинувањата на опозицијата оти е „маша“ во рацете на Заев, Ковачевски вели оти не е ничиј човек, туку, како што изјави, „човек со интегритет и големо професионално искуство соодветно за позицијата претседател на СДСМ“ и оти како долгогодишен член на СДСМ ја очекува поддршката од многу сопартијци, актуелни и минати функционери. Ковачевски додава дека СДСМ секогаш била и мора да остане партија која обединува.

– Во овој процес многу е важно да го зајакнеме единството и да го мотивираме секој член да се приклучи на промените. Верувам дека со нова стратегија и реорганизација на партијата брзо ќе ја вратиме и зголемиме поддршката. Јас сум ослободен од внатрепартиски поделби и игри кои ги сметам за многу непродуктивни. Јас верувам дека можеме да ја вратиме поддршката веќе на следните избори, но само доколку граѓаните и членовите на СДСМ ја видат потребната промена во партијата и начинот на раководење и во Владата и во самата партија, вели тој во интервјуто за МИА.

Господине Ковачевски, официјално потврдивте дека ќе се кандидирате на внатрепартиските избори во СДСМ за претседател на партијата. Очекувате ли други кандидати и кои се вашите следни чекори, ќе водите ли кампањата до изборите?

Да, ќе се кандидирам и подоготвен сум да преземам одговорност. Но, СДСМ е голема партија и во неа има многу способни луѓе кои можат да бидат кадидати за претседател на партијата. Без разлика дали и колку други кандидати ќе има, очекувам достоинствена политичка дебата и избор на ново раководство кое ќе значи нова енергија за партијата, но и за државата.

Во овој процес многу е важно да го зајакнеме единството и да го мотивираме секој член да се приклучи на промените. Верувам дека со нова стратегија и реорганизација на партијата брзо ќе ја вратиме и зголемиме поддршката. Јас сум ослободен од внатрепартиски поделби и игри кои ги сметам за многу непродуктивни. Затоа во мојата комуникација ќе обединувам наместо да делам, а внатрепартиската дебата од моја страна ќе биде исклучително конструктивна.

Во партијата сега повеќе од било кога сите сме си потребни. Ќе треба да се научиме да се критикуваме за слабостите и да извлекуваме поука од нив за да ги менуваме работите кон подобро. Но исто така и да се почитуваме за стореното и да не забораваме.

Сите сегашни и минати функционери во одреден период придонесувале и работеле во интерес на граѓаните и сите тие мора да бидат почитувани од страна на новото раководство. Јас сум член на СДСМ од 1994 година и во изминатите речиси 30 години сум имал прилика да соработувам со сите минати раководства. Идниот претседател на СДСМ мора да има план како да ги вклучи и да ја обезбеди нивната поддршка. Самите избори пак мора да ги спроведеме ефикасно и демократски, а потоа да се фокусираме на решавање на проблемите од интерес на граѓаните. Тоа граѓаните го очекуваат од нас како партија, а не да се занимавме со бескрајни дебати и јас тоа нема да го дозволам. Граѓаните бараат решенија и работа.

Се добива впечаток дека премиерот Заев ве промовира, а ВМРО-ДПМНЕ обвинува дека вие би биле само негова „маша“ во рацете. Како одговарате на овие коментари?

Претседателот Зоран Заев постигна извонредни резултати во својот мандат. Благодарение на неговата политика на отвореност и храброст за решавње на најтешките проблеми, денес сме сигурна и стабилна држава членка на НАТО и на чекор од преговори со ЕУ.

Но јас не сум ничиј човек, туку човек со интегритет и големо професионално искуство соодветно за позицијата претседател на СДСМ. Како долгогодишен член на СДСМ, очекувам поддршка од многу сопартијци, актуелни и минати функционери со кои успешно соработувам. Што се однесува до професионалната кариера, горд сум на се што постигнав во приватниот сектор работејќи на високи раководни позиции во меѓународни компании, академската кариера како професор, но и како претприемач во своја сопствена компанија. Затоа, воопшто не ме загрижуваат ваквите коментари бидејќи доколку станам претседател многу брзо ќе ги демантирам овие етикети со работа и резултати. Мојот фокус е токму на тоа – да донесам квалитетни промени кои граѓаните и нашите членови ги очекуваат, но и многу брзо ќе ги препознаат.

СДСМ историски најниско падна на овие избори, освојувајќи 230.000 гласови. Како планирате да ја вратите поддршката, знаете ли зошто се случи ова и какви промени треба да се направат?

СДСМ на овие избори на некој начин беше казнет од своите гласачи кои решија да останат дома или да гласаат за помали партии и независни листи. Добро е граѓаните да испратат порака кога не се задоволни бидејќи тоа не тера нас политичарите да ги менуваме политиките. Јас верувам дека можеме да ја вратиме поддршката веќе на следните избори, но само доколку граѓаните и членовите на СДСМ ја видат потребната промена во партијата и начинот на раководење и во Владата и во самата партија.

Прво, сметам дека е потребна поголема ефикасност во владеењето и исполнување на ветувањата, но и поголем фокус на реалните потреби на граѓаните. Владата на СДСМ храбро се посвети на решавање на историските проблеми со соседите и го отвори европскиот пат што одзема многу енергија и време. Сепак, тоа остави празнини во реалната политика како и реализација на ветувања и проекти. Ова мора да го унпаредиме преку поголем фокус на клучните проблеми дома, добар менаџмент од професионалци на сите позиции и одоговорност на секој функционер за својата работа.

Понатаму, сметам дека СДСМ мора да ја подобри комуникацијата со членството. Не може да ги бараме луѓето само пред избори или кога нешто и треба на партијата, туку постојано да ги вклчуваме, а нивниот глас да биде слушнат. И не е доволно само да биде слушнат туку и да видат дека тоа што го бараат и порачуваат се спроведува.

СДСМ мора да ги продолжи одличните социјални политики, покачувањето на минималната и просечната плата. Но, треба уште повеќе да зборуваме за решенија на проблемите за кои граѓаните зборуваат со семејствата, пријателите и кои им го отежнуваат секојдневнието. Партијата која владее треба да биде постојан контакт со реалните проблеми и на истите да има одговори.

Понатаму, потребно е одговорно владеење и недвосмислена борба со криминалот и корупцијата. Не се доволни успешни реформи на судскиот систем и добри закони. Граѓаните сакаат да видат дека сите ние како политчари со личен пример и во пракса го спроведуваме тоа. Потребна е поголема конзистентност помеѓу она што го зборуваме и она што го правиме и само така ќе ја вратиме довербата.

СДСМ секогаш била и мора да остане партија која обединува. На локалните избори дозволивме да се намали коалицискиот потенцијал на партијата, но се случија и внатрешни несогласувања што резултираа со поделби на изборите. Моја главна цел ќе биде да ја обединам партијата и да ги надминеме разликите.

Каков е вашиот став за европската агенда на земјава и предзивиците кои ни претстојат на ова поле. Каква треба да биде политиката на СДСМ на меѓународен план, што доколку не добиеме датум во декември?

СДСМ треба интензивно да ја спроведува европската агенда. Ова е пат по кој храбро тргнавме и мора да го доодиме. Ние сме суверена држава, која благодарение на СДСМ е членка на НАТО, безбедна и стабилна држава а со тоа и сами сме одговорни да ги решаваме пред се проблемите дома. Не може да очекуваме дека ЕУ или некој друг ќе ни ги реши проблемите. Приоритет мора да е домашната политика, подигање на животниот стандард на граѓаните, јакнење на економијата и од мене ќе слушате многу повеќе на овие теми. Јас сум човек кој силно верува во капацитетот на нашите граѓани. Во оваа земја се произведуваат делови за Мерцедес, работат наши врвни стручњаци во меѓународни компании по светски стандарди и тоа тука, дома. Значи, ние имаме знаење и луѓе да направиме многу повеќе сами за себе додека мудро и стратешки ги подобруваме позициите и се пробиваме на меѓународен план. Граѓаните мора да ја вратат вербата дека ние како држава можеме и умееме. Само така ќе можеме достоинствено да се избориме за добри позиции и меѓународно.

Да се вратиме малку на партиските промени. Ќе има ли кадровски поместувања во партијата?

СДСМ има според мене најдобар кадровски потенцијал во земјава. И во овој момент имаме одлични правници, инженери, економисти и голем број млади образовани луѓе. Но, потребни се секогаш нови лица и привлекување на најдобрите од сите професии и области. Треба да најдеме начин да ги мотивираме да се вклучат во политичкиот живот и да ја вратиме довербата кај нив за да работат и помагаат за државата.

Гледате како во Бугарија се случи двајца дипломци од Харвард да ги освојат симпатиите на гласачите и за само два месеци од формирањето партија да победат. Ние мора да се научиме тоа да го почитуваме и да привлекуваме. Тие луѓе носат со себе и друг менталитет, други работни навики и ослободени се од предрасуди. Партиите се сложен организам, во кој има работа за секого и секој од нив да го добие заслуженото внимение и почитување.

Премиерот Заев рече дека претседателот на СДСМ ќе биде и премиер, доколку вие бидете иден претседател, дали сте подготвени и за функцијата премиер? Што може да очекуваат граѓаните и какви промени и требаат на Владата за подобро функционирање?

За тоа е навистина рано да се зборува, пред нас претстојат непосредни избори во партијата и фокусиран сум на нив и на програмата со која сакам да настапам пред членството. Што се однесува до Владата, без разлика дали ќе бидам јас премиер или некој друг потребни се секако промени. Владата мора ефикасно да работи на побрза реализација на сите проекти и капитални инвестиции. Новата влада мора да состави добар тим од професионалци кои ќе се справат со предзивиците на енергетската криза, економските политики, но секако и евроинтеграциите. Потребно е поцврсто владеење и поголема одговорност на сите нивоа од министрите па надолу. Се надевам дека во новата влада ќе има место за повеќе стручни луѓе и експерти во советничкиот тим на премиерот бидјеќи човечкиот потенцијал е клучен за добар менаџмент. Граѓаните бараат одговорност, реализација на ветеното и фокус на приоритетите и проблемите кои нив ги засегаат а тоа подобар живот и повеќе приходи.

За крај, кој е Димитар Ковачевски приватно?

Приватно сум оженет и горд татко на две деца. Секој слободен момент се трудам да го поминам со семејството, но и да најдам време за спортски активности, бидејќи од млад сум многу активен. Граѓаните често може да ме видат на кеј каде редовно трчам.

(автор на интервјуто: Неда Димова Прокиќ)

The post НЕ СУМ НИЧИЈА „МАША“ Ковачевски, кандидатот за лидер на СДСМ, ветува дека нема да дели, туку ќе обединува appeared first on plusinfo.mk.

– Предлагаме на еден од следните состаноци на Советот за надворешни работи на дневен ред да биде стратешка дискусија за регионот. Веруваме дека е крајно време да погледнеме стратешки на Западен Балкан – пишуваат министрите за надворешни работи на Германија, Австрија, Хрватска, Чешка, Грција, Ирска, Романија, Словачка и Словенија во заедничкото писмо што го објавува Еурактив.

Во писмото, датирано на 5 март, тие тврдат дека ситуацијата многу се сменила од последната дискусија за проширувањето во август 2019 година, особено дека „имало динамични внатрешни политички случувања во земјите од регионот“.

– Многу работи се сменија од нашата последна дискусија во август 2019. Имаше динамичен политички развој во земјите од овој регион. Дополнително, пандемијата ги влоши постоечките трендови вклучувајќи ги и геополитичките импликации. Други актери се подготвени да настапат во регионот, честопати на наша сметка. Додека ЕУ мобилизираше голема поддршка за регионот, други актери беа поефикасни во презентирањето на нивната поддршка поткопувајќи ја довербата во нас, кредибилитетот и перцепцијата на нашата солидарност – се вели во писмото.

Еурактив потсетува дека процесот на проширување се чинеше дека доби нов интензитет минатата пролет кога Северна Македонија и Албанија добија зелено светло од министрите на ЕУ за да започнат преговори подоцна истата година. Сепак, процесот наиде на друг камен на сопнување кога Бугарија стави вето на разговорите на Северна Македонија на есен поради разликите во однос на историјата и јазикот.

Деветте земи од ЕУ во заедничкото писмо, истакнуваат дека ЕУ треба да разговара за тоа како да се одговори на  случувања во регионот и на зголемената активност на трети страни.

– Пандемијата ги влоши веќе постоечките трендови, вклучително и геополитички импликации. Другите актери се подготвени да се замешаат во регионалните прашања. Нашата политичка дискусија за Западен Балкан се чини дека е веќе задоцнета и затоа треба да биде дел од состанокот на Советот за надворешни работи во април – се нагласува во писмото на шефовите на дипломатиите на Германија, Австрија, Хрватска, Чешка, Грција, Ирска, Романија, Словачка и Словенија

The post Западен Балкан да се врати на агендата на ЕУ, бараат девет земји членки на Унијата appeared first on plusinfo.mk.

Заменичката на претседателот на Владата за економски прашања Мила Царовска, која е и Национален координатор за имплементација на „Агендата 2030“, истакна дека во Северна Македонија за прв пат е изготвен еден ваков Национален преглед, којшто треба да даде јасна слика до каде сме и во која насока треба да се движиме понатаму во остварувањето на целите за одржлив развој, како што се родовата еднаквост, борбата со сиромаштијата и социјалната исклученост, како и за заштитата на животната средина.

– Ова е жив документ којшто ќе продолжи да се менува во насока на исполнување на целите од „Агендата 2030“ на ООН. Прегледот, по својата форма и содржина има за цел да го следи напредокот на спроведување на „Агендата 2030“ на локално, национално и меѓународно ниво, на начин што ќе биде прикажан и интегрираниот пристап на државата по однос на одржливоста – подвлече вицепремиерката Царовска.

Во подготовката на Доброволниот национален преглед за имплементација на „Агендата 2030“ освен 12 министерства, свој значаен придонес дадоа и триесетина граѓански организации, Агенциите на ООН во Северна Македонија, Германското друштво за меѓународна соработка (GIZ), Шведската меѓународна развојна агенција (SIDA), Јапонската меѓународна агенција за соработка (JICA), Швајцарската агенција за развој и соработка (SDC), УСАИД, експерти од различни области, МАНУ, како и Државниот завод за статистика.

The post Царовска: Подготвивме национален преглед, којшто ќе ни даде насоки за борба со сиромаштијата, нееднаквоста и одржливиот развој appeared first on plusinfo.mk.