Министерството за финансии преку националните структури што управуваат со средствата од ИПА/ИПАРД инструментот на Европската унија донесе одлука за привремен прекин на исплатите од ИПАРД-програмата. Одлуката доаѓа по серијата настани поврзани со Агенцијата за финансиска поддршка на земјоделството и руралниот развој, во која се води истрага за корупција и злоупотреби на европски фондови.

Од Министерството соопштуваат дека Европската комисија била веднаш информирана, а Брисел ја поздравил реакцијата на македонските институции.

– Целта на овој чекор е да се обезбеди уверување дека системот функционира со целосна законитост и регуларност на исплатите од ИПАРД, како и да се зајакнат мерките за заштита од измами и корупција – велат од Министерството за финансии.

Во моментов, Националните структури за управување со средствата од ИПА/ИПАРД инструментот спроведуваат внатрешни проверки и ревизии со цел утврдување на можни пропусти.

Според податоците, Македонија има децентрализирано управување со европските фондови од 2009 година, а ваквиот потег се смета за дел од мерките за одржување на довербата во системот.

Министерот за земјоделство, шумарство и водостопанство, Цветан Трипуновски, изјави дека Европската комисија нема донесено одлука за блокада на средствата од ИПАРД-програмата, туку напротив, ја поддржува транспарентноста на македонските институции.

– Брисел нема никаква најава за блокада на ИПАРД-средствата. Напротив, борбата што ја водиме против корупцијата и проверките што ги правиме во Агенцијата се поздравени од Европската унија – изјави министерот.

Тој додаде дека по акцијата на полицијата и Обвинителството, започнале детални проверки на функционирањето на Агенцијата за финансиска поддршка, особено во делот на исплатите и контролите на апликантите.

– Ќе се преземат активности за зајакнување на контролните механизми и транспарентноста во исплатата на ИПАРД средствата. Во најбрз можен рок ќе биде назначен нов директор на Агенцијата за да се обезбеди нормално функционирање – рече Трипуновски, додавајќи дека Владата останува решена да ја спроведе „борбата против корупцијата до крај“.

Во меѓувреме, Основниот кривичен суд Скопје определи мерка притвор за директорот на Агенцијата за финансиска поддршка во земјоделството и руралниот развој, Илија Стоилев, како и за уште четири лица.

Обвинителството за гонење организиран криминал и корупција (ОЈО-ГОКК) ги товари осомничените за примање поткуп и противзаконско влијание. Според истрагата, Стоилев бил уапсен „на дело“ по пријава дека примил 400 евра мито, како дел од договорено 50.000 евра за доделување на финансиска поддршка преку ИПАРД-програмата.

Меѓу осомничените се и службеници од Министерството за земјоделство и УЈП, кои, според обвинението, го искористиле службеното влијание за да помогнат на фирма што не ги исполнувала условите од јавниот повик.

Обвинителството оцени дека постои опасност од бегство и влијание врз сведоци, па судот им одреди притвор од 30 дена на четворица од осомничените, додека една од лицата доби куќен притвор.

Истражителите на ОЈО-ГОКК и полицијата извршија претреси на повеќе локации, при што беа пронајдени докази поврзани со нелегалното доделување на европски средства.

The post МИНИСТЕРСТВОТО ЗА ФИНАНСИИ ГО СТОПИРА ИПАРД Одлуката по истрагата за корупција ја поздрави и Брисел appeared first on plusinfo.mk.

По акција на Јавното обвинителство за гонење организиран криминал и корупција (ОЈО‑ГОКК), денеска е одредена мерка притвор за директорот на Агенција за финансиска поддршка во земјоделството и рурален развој, Илија Стоилев, и уште четири лица поради основано сомнение за земање поткуп и противзаконско влијание.

Специјалниот судија на претходна постапка го прифати предлогот на обвинителството и за осомничените Џ.Н.(77), А.Ф.(44), и Ф.Ф.(47) и И. С.(57) определи мерка притвор од 30 дена — поради опасност од бегство, влијание врз сведоци и можност за повторување на делото. За петтата осомничена, Ј.К.(35), определен ѝ е куќен притвор. Против овие решенија странките имаат право на жалба пред Кривичниот совет.

Инспекцијата и истражителите од ОЈО‑ГОКК и Министерството за внатрешни работи вчера извршија претреси на повеќе локации. Стоилев е уапсен „на дело“ во акција за која имало пријава дека апликант понудил и дал мито за да му биде доделен договор преку програмата ИПАРД.

Според обвинението, првосомничениот – управител на правно лице – во периодот од крајот на февруари годинава до вчера повеќе пати му ветил подарок или парични средства од значителна вредност на директорот на Агенцијата за земјоделство. Останатите осомничени, меѓу кои даночен референт во УЈП Скопје и државен службеник во Министерството за земјоделство, го искористиле своето влијание и службената положба за да го поттикнат директорот да потпише договор за финансиска поддршка, иако правното лице не ги исполнувало условите од јавниот повик бр. 01/24. Директорот, по ветеното мито од 50.000 евра, потпишал договор и примил 400 евра, кои беа пронајдени при претрес.

Јавното обвинителство, оценувајќи дека се исполнети условите за одредување притвор, ги достави сите релевантни податоци до судот при Основниот кривичен суд, кој денеска донесе одлука.

The post ВО ПРИТВОР И ТОЈ ШТО ДАЛ ПОТКУП, И ТОЈ ШТО ЗЕЛ И ДВАЈЦА ПОСРЕДНИЦИ! Се расплеткува криминалот во Агенцијата за поддршка на земјоделството appeared first on plusinfo.mk.

– Финансиската поддршка за оваа мерка е исплатена на сите сточари кои во период од една година не го намалиле бројот на вработени. Фармерите кои стоката ја напасуваат или чуваат на на надморска висина над 700 метри, односно регистрираните одгледувачници се наоаѓаат во населени места со надморска висина над 700 метри добија поддршка од 100% од просечната плата во дејноста за период ноември 2018 до декември 2020 година. Оние фармери кои стоката ја напасуваат или чуваат на надморска висина под 700 метри добија помош од 60 % од просечна месечна нето – плата во секторот – информира Директорот на АФПЗРР, Никица Бачовски

Парите се доделуваат во сооднос едно вработено лице на 150 овци, 50 кози или 50 говеда. Максималниот износ на исплатени средства е до 360.000 денари од вработен и за не повеќе од 20 вработени.

The post ПРЕДНОВОГОДИШНА ЧЕСТИТКА ЗА ОВЧАРИТЕ Близу 360.000 евра исплатени за нивните плати appeared first on plusinfo.mk.