Инспектори од Дирекцијата за санитарни, ветеринарни и безбедносни прашања за храна во романскиот град Бузеу изземаа 1,2 тона месо од продажба, поради сомнеж дека е заразено со вирусот на африканска свинска чума, јави телевизијата Диџи24.

Во текот на јуни, биле извршени над 300 инспекции кај економски оператори низ целиот синџир – од производството до продажбата. Целта на контролите била да се провери усогласеноста со општите хигиенски услови, барањата за следливост и правилното етикетирање на прехранбените производи.

„По завршените проверки беа утврдени структурни недостатоци, отсуство на здравствени проверки, немање мониторинг на температурата во ладилниците, проблеми со етикетирањето, складирањето и ракувањето со храната. Како резултат на овие неправилности беа изречени шест парични казни во вкупна вредност од 33.600 леи (близу 13.000 лева) и издадени 23 предупредувања“, се наведува во соопштението од Дирекцијата.

Дополнително, инспекторите земале над 380 примероци од храна за лабораториски тестирања и проверка на усогласеноста со законските регулативи.

Само пред една недела, вирусот на африканската свинска чума беше потврден на две фарми во областа Бокша, во југозападна Романија. Како итна мерка, локалниот центар за контрола на болести воведе строги протоколи за контрола и превенција, вклучително и воспоставување на зона за набљудување со радиус од 10 километри, што ги опфаќа и блиските ловишта.

Иако вирусот не се пренесува на луѓето и не претставува директен ризик по јавното здравје, експертите предупредуваат дека предизвикува огромни економски штети во сточарството – со целосно уништување на фарми, масовно колење и губење на приходи.

The post 1,2 ТОНИ СОМНИТЕЛНО МЕСО ВО РОМАНИЈА Стотици инспекции, сомнителни примероци и повлекување од продажба appeared first on plusinfo.mk.

Во Србија се потврдени 1.363 случаи на африканска свинска чума (АСЧ) кај домашни свињи во 918 фарми во 30 општини, од кои 662 починале, објави српското Министерството за земјоделство, шумарство и водостопанство.

Како што се наведува, еутанизирани се 11.840 свињи од различни категории, заедно со дезинфекција на фармата. За угинатите и убиените свињи се обезбедува целосен паричен надоместок на сопствениците на животните по итна постапка во сите реони каде што е регистрирана заразата.

Во 2023 година досега се потврдени вкупно 303 случаи на АСЧ кај диви свињи на територијата на 24 општини во Србија

Министерството апелира до сопствениците на свињи секоја промена во здравствената состојба да ја пријават кај ветеринарот, со цел брзо дијагностицирање на болеста и преземање на сите неопходни мерки во најкус можен рок за да се спречи ширењето на болеста.

Африканската свинска чума е вирусно заболување што ги напаѓа свињите со кое покрај Србија се бори и целиот регион и некои земји од Европската унија, а во Србија првпат е дијагностицирана во 2019 година.

Во областите во кои српското Министерството за земјоделство, шумарство и водостопанство и Управата за ветеринарство ги прогласи зараза со африканска свинска чума, колењето на свињи е можно само за сопствени потреби и со одобрение на ветеринарната инспектор.

The post ОСТАНАВМЕ ЗИМАВА БЕЗ ЧВАРКИ! Се заканува помор на свињите во Србија appeared first on plusinfo.mk.

Во општина Клокот денеска е потврден првиот случај на африканска свинска чума, соопшти Агенцијата за храна и ветеринарство на Косово.

„Агенцијата за храна и ветеринарство со свои екипи излегоа на терен за дијагностички истражувања на фармата, земање мостри и изолирање на фармата. Резултатите од мострите потврдија присуство на таа болест“ се вели во соопштението.

Екипи на ветеринарни инспектори заедно со договорената фирма ги уништија заболените женки и ја дезинфицираа фармата и се околу фармата. Започна епидемиолошкото истражување на фармите на периметар од три километри.

Врз основа на важечкиот закон, агенцијата формираше кризен штаб кој ќе биде одговорен за управување со ситуацијата и надзор на активностите за спречување на ширењето на болеста.

Африканската свинска чума е заразна вирусна болест која предизвикува хеморагична треска кај домашните и дивите свињи со висока стапка на смртност до 100 проценти.

The post АФРИКАНСКА СВИНСКА ЧУМА НА КОСОВО Потврден првиот случај, ветеринарите ја чистат фармата appeared first on plusinfo.mk.

Агенцијата за храна и ветеринарство од утрово почна постапка за уништување на околу 400 свињи на фарма во селото Виничка Кршла, откако бил добиен позитивен лабораториски наод дека се заболени од африканска чума. Потврдата за заболувањето на свињите во соседната Општина Виница доаѓа само еден ден по информацијата од Агенцијата дека успешно е спречено ширењето на болеста во кочанските села Мојанци и Тркање.

– Се работи за една од трите поголеми свињарски фарми во атарот на ова село, а принудени сме сите грла безбедно да ги уништиме и да ги отстраниме од одгледувалиштето. Превентивно, ќе мораме на ист начин да дејствуваме во радиус од три километри околу фармата, што значи дека ќе бидат опфатени и малите одгледувалишта во кои жителите за сопствени потреби чуваат само по неколку свињи. Истовремено, продолжуваме со земањето мостри од другите фарми за навремено да спречиме понатамошно ширење на болеста. Ова ќе предизвика неповолни економски последици за фармерите, но е единствен начин да се дејствува, со оглед што во светот не постои лек или вакцина против африканската чума кај свињите – вели Вања Кондратенко, раководител на Секторот за здравствена заштита и благосостојба на животните во Агенцијата за храна и ветеринарство.

Ширењето на африканската чума во источниот регион од државата беше евидентирано откако на почетокот на годината заболувањето се потврди во приватни одгледувалишта на домашнин свињи во околината на Македонска Каменица, поради што беше забранет и ловот на диви свињи.

Фармерите се загрижени дека заболувањето може значително да го намали бројот на свињи и ќе им нанесе значителни загуби. Нивните проценки се дека годишно од извоз на свинско месо и преработки од свинско месо се остварува приход од 100 милиони евра, а околу десет илјади семјества директно или индиректно се вклучени во одгледувањето свињи. Притоа, над 60 отсто од одгледувалиштата се индивидуални, со помал број грла, а останатите се на компаниите и месните комбинати.

The post СЕ УНИШТУВААТ 400 СВИЊИ НА ФАРМА ВО ВИНИЧКO Потврдено присуство на африканската чума appeared first on plusinfo.mk.

Како што информираат од АХВ, директорот Николче Бабовски донесе решение со кое нареди преземање на контролни и заштитни мерки за контрола и сузбивање на болеста, а за појавата на болеста официјално ги извести и Светската организација за здравствена заштита на животните – ОИЕ и Европската комисија.

The post ВО ДЕЛЧЕВСКО ДРАМЧЕ Потврден е прв случај на африканска свинска чума appeared first on plusinfo.mk.