Според тоа во Србија дозволено ниво на афлатоксин во млекото ќе остане на 0,25 микрограми на килограм.

Претходниот рок за примена на европското правила за дозволена максимална  количина на афлатоксин од 0,05 милиграми на килограм млеко ( не литар) беше  1 декември годинава, но српската влада се премисли и го одложи рокот.

Српските медиуми пишуваат дека владата не дала образложение за одлуката, но тие како една од причините за оваа одлука наведуваат дека е  тоа што земјоделците имаа проблем со појавата на афлатоксин во пченката во сушната 2022 година.

При претходното одложување надлежните рекле дека при носењето на одлуката за задржување на пропишаното ниво на афлатоксин во сила биле земени предвид резултатите од бројните домашни и европски тестови. Тие забележаа дека стандардот од 0,050 микрограми по килограм не е универзален, а се проценува дека две третини од светската популација ја користи референтната граница од 0,50 (меѓу другите, САД, Кина, Јапонија, Индија…). Дури и во самата ЕУ има различни граници кога станува збор за нивото на афлатоксин во свежото млеко и во сирењето.

Ова, секако е проблем за увозниците на млеко од Србија, меѓу кои е и земјава.

The post ВО СРБИЈА СЕ ДОЗВОЛЕНИ 0,25 МИЛИГРАМИ НА КИЛОГРАМ АФЛАТОКСИН ВО МЛЕКОТО Како ќе се справуваат земјите увозници со овој проблем? appeared first on plusinfo.mk.

„За да нема идни шпекулации и замајувања на јавноста, дека граѓаните во земјава пијат небезбедно млеко со афлатоксин, одговорно тврдиме дека со цел спречување на ризикот по јавното здравје, поради утврдено зголемено присуство на афлатоксин М1, на сила е Решението за безбедносни мерки при увоз на млеко, производи од млеко и храна за исхрана на животни од 1 декември минатата година кое го донесе Агенцијата за храна и ветеринарство. Со него се врши задолжително лабораториско тестирање на присуство на афлатоксин М1 на секоја пратка со млеко и производи од млеко која се увезува во земјава, а е по потекло од Република Србија или од Босна и Херцеговина. Мостри се земаат на граничните премини, односно пратките не се пуштаат во промет до добивање на задоволителен резултат од тестирањата. Оттаму, небулозно е денешното тврдење дека небезбедно млеко по потекло од соседна Србија завршило на рафтовите во продавниците“ – вели АХВ, додавајќи дека „веста“ на Трипуновски за млекото со афлатоксин е стара неколку месеци, а тој со неа денес се обидел да манипулира.

„Ова млеко, во согласност со операторот, уште во април годинава нештетно е уништено и не е стасано во прометот“ – тврди Агенцијата.

Министерот за економија Крешник Бектеши во врска со обвинувањата на Цветан Трипуновски од ВМРО-ДПМНЕ дека во продавниците има над 20 тони трајно млеко од Србија со афлатоксин, ги повика граѓаните да им веруваат на институциите, а не на изјавите што ги даваат некои политичари за собирање дневнополитички поени.

– АХВ е најкомпетентна институција за тоа во државата и јас имам целосна доверба во тоа што го кажува, а и граѓаните треба да им веруваат на институциите, а не на изјави што ги даваат политичари за некаква придобивка или за дневен интерес и собирање политички поени – потенцира Бектеши.

Трипуновски денеска на Фејсбук објави дека „на 21 септември оваа година во Македонија се увезени преку 20 тони трајно млеко од Србија, со рок на важност до 3 февруари 2024 година“ и дека ова млеко е пуштено во промет иако во него е детектиран афлатоксин М1, над максималното дозволено ниво.

ТРАЈНО СРПСКО МЛЕКО СО АФЛАТОКСИН СЕ ПРОДАВА ВО МАКЕДОНИЈА Трипуновски тврди дека и во свежо македонско млеко имало афлатоксин

The post НА РАФТОВИТЕ НЕМА МЛЕКО СО АФЛАТОКСИН, НЕОСНОВАНО СЕ ШИРИ ПАНИКА Агенцијата за храна ги негира тврдењата на Трипуновски од ВМРО-ДПМНЕ appeared first on plusinfo.mk.

Според него, станува збор за 20 тони трајно млеко во кое е утврдено дека има афлатоксин. Увезено е на  21 стептември годинава со трајност до 3 февруари 2024 година..

-Млекото е пуштено во промет иако во него е детектиран амфлатоксин М1 над максималното дозволено ниво. И со тоа истото е штетно за пиење и може да предизвика труење и други компликации по здравјето на граѓаните- вели Трипуновски.

Тој се повикува на резултатот од лабораторијата.

– Наодите покажуваат дека иако млекото содржи канцерогенци материи ги поминало сите контроли и како такво со штетни супстанци е дозволен влез во Република Македонија. Афлатоксините кои се пронајдени во млекото се познати во светот како најважни микотоксини во храната и добиточната храна поради нивната хепатотоксичност и канцерогеност- рече Трипуновски.

Тој праша – кој и зошто дозволил млекото во која е детектирано амфлатоксин М1 од Србија да биде пуштено во употреба, колкави количини на ова млеко завршило на рафтовите и дали АХВ има постапено по добиените наоди од тестирањето?

– Николче Бабовски е тотално промашување за АХВ. Наместо целосна контрола при увоз на храна, АХВ под раководство на Бабовски свесно пушта во употреба производи со канцерогени материи – рече Трипуновски.

Тој додаде дека поседува и информација деа во сурово млеко во една од поголемите млекарници во земјава е  детектирано повисоко ниво од дозволеното на афлатоксин М1 во млекото.

-АХВ и Бабовски да одговорат што е направено со таквото млеко и дали истото е веќе завршено на македонската трпеза како сурово млеко или е преработено во сирење, кој е препознатлив бренд на оваа млекара во Република Македонија?- рече Трипуновски.

Тој апелираше граѓаните на максимална претпазливост а од Бабовски побара наместо да се брани со напад дека шириме лажни вести, веднаш да го расветли целиот случај и соодветно да реагира.

-Доколку не знае како, нека си поднесе оставка – рече Трипуновски.

The post ТРАЈНО СРПСКО МЛЕКО СО АФЛАТОКСИН СЕ ПРОДАВА ВО МАКЕДОНИЈА Трипуновски тврди дека и во свежо македонско млеко имало афлатоксин appeared first on plusinfo.mk.

„Станува збор за резултат добиен во рамки на мониторинг програмата за безбедност на храната, која покрај редовните и вонредните контроли, Агенцијата ја спроведува секоја година. Од полиците се повлекуваат 20 тони од УХТ ТРАЈНО МЛЕКО, МИЛКАНО со 3,2 отсто масленост, со сериски број/лот- LOT FD04, датум на производство: 05.10.2022 и рок на употреба 04.03.2023 година, увезено од Босна и Херцеговина кое во целокупната количина е пласирано на пазарот, поради утврдено присуство на афлатоксин М1 над максимално дозволените количини од 0,05 микрограми на килограм, колку што е дозволено со нашите прописи.

Небезбедното млеко ќе се врати кај производителот доколку надлежните ветеринарни власти од Босна и Херцеговина го прифатат тоа, во спротивно, истото ќе биде уништено на депонијата Дрисла. Наредба за повлекување на небезбедниот производ од полиците е издадена и на операторот со храна, кој веќе ја информира јавноста за ова постапување.

Ги информираме потрошувачите дека сите останати производи од овој бренд се безбедни, со исклучок на млекото со наведениот лот и рок на употреба.

Потрошувачите кои имаат купено УХТ млеко од брендот МИЛКАНО со наведениот лот и рок на употреба, апелираме истиот да не го употребуваат, односно да го вратат на местото каде што е купен – се вели во соопштението на АХВ:

Секоја недоследност во однос на безбедноста на храната граѓаните можат да ја пријават лично до Одделението за заштита на потрошувачите при АХВ, на бесплатната телефонска линија наменета за потрошувачите 0800 3 22 22, или електронски на info@fva.gov.mk.

The post СЕ ПОВЛЕКУВААТ 20 ТОНИ ОД НЕБЕЗБЕДНОТО МЛЕКО „МИЛКАНО“ Утврдено е недозволено високо присуство на афлатоксин м1 appeared first on plusinfo.mk.

Во информацијата Aгенцијата дефинира за кое млеко „Милкано“ 3,2 проценти масленост станува збор:

„Сериски број/лот- LOT FD04

Датум на производство: 05.10.2022

Рок на употреба: 04.03.2023

Причина за отповикување: присуство на афлатоксин М1

Производство: МЛЕЧНА ИНДУСТРИЈА МИ 99 – ГРАДАЧАЦ, БОСНА И ХЕРЦЕГОВИНА, СО ОДОБРЕН БРОЈ ML 2-166

Увозник: СТОКОМАК ДОО СКОПЈЕ, Дистрибутер: СТОКОМАК ДОО СКОПЈЕ

Крајните потрошувачи кои гo имаат купено горенаведениoт производ со посочениот сериски број/лот, истиот да нe гo консумираат и да гo вратат на местото од каде гo купиле“.

Од „Стокомак“ вчера информираа дека купувачите можат да го вратат млекото, а дека останатите пратки од тоа млеко, односно со друг датум на производство и трајност, како и другите производи од истиот производител, се безбедни за конзумирање. Воедно маркетите поради овој пропуст ја прекинуваат соработката со оваа млекарница.

Што е афлатоксин M1?

Афлатоксин М1 е хемиско соединение од класата афлатоксини, односно микотоксини, кои се производ на мувла, а произлегува како реаултат за конверзија во црниот дроб на животните од фарма од афлатоксините Б/Г (Б1, Б2, Г1 и Г2). Овие афлатоксини можат да се формираат во мувлосана храна од одредени видови габи од родот Aspergillus flavus. Трансферот на афлатоксини од добиточна храна на производи од животинско потекло познат како „преносен“ ефект на микотоксините.

Внесувањето на афлатоксини од мувлосана храна во мускулното месо или јајцата се смета за занемарливо, но не и кај млекото. Меѓутоа, по ингестијата на афлатоксин преку контаминирана храна, може да се појават мерливи нивоа на афлатоксини кај остатоците (особено црниот дроб и бубрезите) или во крвта. Поголемиот дел од афлатоксинот М1 формиран од афлатоксини Б/Г се излачуваат во млекото и урината.

Големи дози на афлатоксинот М може да доведат до акутно труење (алфатоксикоза) што може да биде животнозагрозувачко, особено затоа што го оштетува црниот дроб. За афлатоксините е утврдено дека се и имунотоксични (го напаѓа имуниот систетм), како и генотоксични, што значи дека ја оштетуваат ДНК во гените. Афлатоксините се главен предизвикувач на канцер на црниот дроб кај луѓето во земјите во развој. Први симтоми токсикација со афлатоксин М се лошење, повраќање, стомачни болки и грчеви.

Поради опасните ефекти на афлатоксините утврдени се гранични вредности, односно максимално дозволени нивоа во храната, во Европската унија и во многу земји низ светот. Во последниве години во Европа имало неколку значајни случаи на надминување на максималното ниво на афлатоксин М1 во млачни производи, кои беа пријавени во Европскиот систем за брза тревога.

The post ВО МЛЕКО НА „МИЛКАНО“ ОТКРИЕН АФЛАТОКСИН, ТИВОК УБИЕЦ НА ЦРНИОТ ДРОБ  Граѓаните што купиле од ова млеко итно да го вратат во „Стокомак“! appeared first on plusinfo.mk.