На Меѓународниот аеродром Скопје според објавата на нивната веб страница, утрово откажан е летот од Скопје за Истанбул, а има доцнење од еден час на летот од Истанбул за Скопје.

Времена измена на режим на сообраќај има на магистрален пат А1 делница Фариш – Прилеп каде што се врши санација на ударни дупки од 19.12.2024 г. до завршување на градежните работи, информираат од Доо „Стентон Градба – Битола”.

Сообраќајот на останатите патишта се одвива по зимски услови, по претежно суви коловози, а сите патни правци се проодни, без забрани и ограничувања. Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

The post МАГЛАТА ОТКАЖА ЕДНО ПОЛЕТУВАЊЕ ОД СКОПСКИОТ АЕРОДРОМ Слаба видливост има и на патиштата appeared first on plusinfo.mk.