Управата за цивилна заштита констатирала смрт на едно лице, а најмалку едно лице е повредено во оваа несреќа.

Несреќата се случила околу 16 часот по локално време, додека пилотите изведувале маневри.

Како што можете да видите на видеото, несреќата се случила кога еден од авионите во шестчлената екипа со крилото удрил во друг авион, по што се урнал и сето тоа се случило пред шокираните гледачи.

Авио-салонот Беја беше веднаш откажан по падот, а властите работат на собирање повеќе информации за инцидентот.

The post 📽️ ОВА Е МОМЕНТОТ ОД СУДАРОТ НА ДВА АВИОНИ Луѓето шокирани гледаа како авионите се уриваат и горат appeared first on plusinfo.mk.

Посочувајќи дека во 1923 година е формиран првиот аероклуб во нашата држава, Аероклубот Скопје, претседателот на Владата, Димитар Ковачевски, истакна дека нашата авијација помина низ многу предизвици поминувајќи преку разни општествени прилики општествени уредувања, војни кризи и непогоди.

– Но, со упорноста и големата верба успеа да ги надмине предизвиците и да добие епитети на почит и уважување. Велам многу предизвици бидејќи скромните почетоци пред 100 години, денес се претворени во солидна база за успеси на македонското воздухопловство, не само на нашата држава, туку и надвор од неа, а тоа го докажуваат и многуте заеднички активности кои нашите пилоти, нашите авијатичари ги реализирале и ги реализираат како преку учество во акции и зачувување на човечки животи во државата, така и преку заеднички и регионални и глобални акции на полето на безбедноста – наведе Ковачевски.

Во рамки на настанот се одржа богата програма во која учествуваа над 30 различни воздухоплови од земјава и странство, како и падобранци од нашата земја и од целиот регион.

Беше изведено акробатско летање со авиони, прелети во група и низок прелет на патнички авион. На македонското небо, падобранците го развеаја најголемото државно знаме досега, а едриличарите реализираа акробации кои се стандардни за аеромитинзи. На аеромитингот, посетителите имаа уникатна можност да го видат првиот македонски воздухоплов „Илинденка” дизајниран и произведен во нашата држава од членови на Аероклубот Скопје. Специјални гости на настанот беа авионите на воздушните сили на Србија, Италија и Грција кои имаа свои изведби.

На настанот присуствуваа и се обратија министерот за надворешни работи на Република Србија, Ивица Дачиќ, амбасадорот на Италија во Република Северна Македонија, Андреа Силвестри и претставниците од Аероклубот Скопје, Дејан Саздовски и Јане Стефанов.

Фото: Прес служба на Владата на РСМ

The post 📷 МАКЕДОНСКАТА АВИЈАЦИЈА ПОКАЖА ШТО ИМА И ШТО МОЖЕ Аеромитинг по повод стогодишниот јубилеј appeared first on plusinfo.mk.

Од Аероклубот Скопје денес на прес-конференција кажаа дека ги направиле сите напори за аеромитингот да помине во најдобар можен ред и дека се вклучени сите институции за осигурување на безедноста на настанот.

– На овој аеромитинг имаме четири работи кои се забранети. Строго се забранети дроновите, сите што мислат да носат знајте дека има повеќе противдронски пушки и тие ќе бидат срушени веднаш штом ќе полетаат. Второ, немојте да користите ласери и огледалца за да им светите на пилотите. Најстрога е забраната за носење оружје. На овој настан ќе има многу полициско обезбедување, а оружјете е најстрого забрането – рекоа од Аероклубот.

Тие исто така им порачаа на посетителите да не ги носат домашните миленици на настанот поради бучавата која ќе биде генерирана од сите воздухоплови на аеродромот Стенковец.

– Ако некој ги носи, ќе мора да ги води со повод, бидејќи едно вознемирување може да направи голем проблем. Кој има услови да го остави дома миленичето ќе биде најдобро. Нема да ги забраниме, ниту одземаме милениците, но добро е да ги оставите дома – рекоа од Аероклубот.

Како што информираат од аероклубот во Стенковец, за настанот на кој ќе присуствуваат владини претставници и гости од земјата и регионот, подготвена е богата програма во која ќе учествуваат над 30 различни воздухоплови од земјава и странство како и падобранци од нашата земја и од пријатели на клубот од целиот регион.

Вратите за посетители се отворени од 9 часот, а официјалната програма почнува во 11 часот.

Посетителите ќе уживаат во акробатско летање со авиони, прелети во група и низок прелет на патнички авион. Падобранците ќе го развеат најголемото државно знаме од воздух, а едриличарите ќе презентираат неверојатни акробации, најавуваат организаторите.

Специјални гости ќе бидат авиони од воздушните сили на Србија, Италија и Грција, а посебна атракција ќе приредат двата суперсонични пресретнувачи МИГ-29 на Српското воено воздухопловство кои исто така ќе биде дел од големиот Аеромитинг.

The post НЕ НОСЕТЕ ДОМАШНИ МИЛЕНИЧИЊА НА АЕРОДРОМОТ СТЕНКОВЕЦ Апел од организаторите на денешниот аеромитинг appeared first on plusinfo.mk.

За ова уникатно доживување подготвена е богата програма во која ќе учествуваат повеќе од 30 различни воздухоплови од земјава и од странство, како и падобранци од нашата земја и пријатели на клубот од целиот регион.

Аеродромските врати ќе бидат отворени во 9 часот за посетителите, а официјалната програма почнува во 11 часот. Посетителите ќе уживаат во акробатско летање со авиони, прелети во група и низок прелет на патнички авион. Падобранците ќе го развеат најголемото државно знаме досега во воздух, а едриличарите ќе изведат акробации од кои застанува здив. Во програмата се предвидени и акробатски летови, а ќе учествуваат и хероите на летните пожари, трите Air Tractor AT-802A Fire Boss на Дирекцијата за заштита и спасување, владиниот авион Лирџет 60, полициските хеликоптери Bell, и хеликоптерот на воените сили Mi-17, а во низок лет ќе лета патничкиот авион Ербас А320 на авиокомпанијата Визер.

Специјални гости ќе бидат авиони од воздушните сили на Србија, Италија и на Грција. На аеромитингот ќе биде изложен и единствениот Македонски воздухоплов дизајниран и произведен од членови на Аероклубот, наречен „Илинденка“, светиот грал на Македонското воздухопловство, кој во соработка со Министерството за одбрана на Република Северна Македонија привремено е донесен за да може да биде претставен на посетителите и на целата јавност.

Влезот на аеромитингот е слободен за секој љубител на летањето. Препорачливо е посетителите да се подготват како за пикник. Пожелно е да носат подлога за седење, а слободно може да се понесат камперски столчиња и слични помагала. Посетителите може да си носат и јадење и пиење, а организаторот ќе обезбеди штандови со кетеринг и на самиот аеродром.

Обезбеден е и бесплатен превоз за граѓаните со автобуски линии кои од 08.30 часот, од пет локации во Скопје: Автокоманда (кај ЈСП), Транспортен центар, Ѓорче Петров (кај пазарот на вториот кружен тек), Бутел (кај Еделпром) и Спортската сала Борис Трајковски.

Автобусите ќе возат во двата правци. Од 08.30 до 14.00 часот кон аеродромот Стенковец, а од 14.30 до 19.00 часот кон петте локации во Скопје.

На посетителите од Скопје им се препорачува, наместо со автомобил, на Стенковец да дојдат со бесплатните автобуси бидејќи паркинг местата се со ограничен капацитет.

The post СПЕКТАКЛ НА НЕБОТО НАД СТЕНКОВЕЦ Аеромитинг утре по повод 100 години од раѓањето на македонската авијација appeared first on plusinfo.mk.