Голем пожар избувна во магацин во местото Митри-Мори, во францускиот департман Сена и Марна, јавува „Ле Фигаро“, повикувајќи се на противпожарната служба.

Густи облаци црн чад биле видливи на километри околу местото на пожарот околу 21 часот, а снимките објавени на социјалните мрежи покажуваат како чадот се издига над аеродромот „Шарл де Гол“, кој се наоѓа на само неколку стотици метри од местото на несреќата.

Од управата на аеродромот за „Ле Фигаро“ соопштија дека пожарот засега не влијае врз воздушниот сообраќај.

„Во моментов пожарот нема никакви последици врз воздушниот сообраќај на аеродромот ‘Шарл де Гол’“, соопштија од аеродромската управа.

Франција веќе со недели се соочува со последиците од силниот топлотен бран што зафати голем дел од Европа. Високите температури, сушата и силниот ветер создадоа идеални услови за брзо избувнување и ширење на пожари, поради што противпожарните служби низ целата земја се во состојба на зголемена готовност.

Во изминатите денови беа регистрирани повеќе големи пожари во различни делови на Франција, а надлежните предупредуваат дека екстремно високите температури може да предизвикаат нови инциденти.

Според метеоролозите, жешката воздушна маса од Сахара ќе се задржи и во наредните денови, што дополнително го зголемува ризикот од пожари на отворено.

Француските власти ги повикаа граѓаните на зголемена претпазливост и апелираа да избегнуваат активности што би можеле да предизвикаат пожар, додека пожарникарите продолжуваат да се борат со огнените стихии, кои поради високите температури и сувата вегетација често излегуваат од контрола.

The post 📽️ ЦРН ЧАД ГО ПРЕКРИ НЕБОТО НАД „ШАРЛ ДЕ ГОЛ“ Огромен пожар избувна во близина на аеродромот во Париз appeared first on plusinfo.mk.

Жена од скопски Аеродром му нанела расекотина на сопругот фрлајќи остар предмет кон него. Oвој случај е само еден од деветте семејни инциденти што полицијата објави дека ги евидентирала во изминатото деноноќие.

Според пријавата, 40-годишен маж од Скопје во полиција пријавил дека неговата сопруга Н.Ѓ. (42) во нивниот дом  фрлила кон него остар предмет и му нанела повреда на раката. Случајот се расчистува.

Во Кавадарци, пак, полицијата привела 37-годишна жена која физички ја нападнала својата 57-годишна мајка и ѝ упатувала закани. При проверката било утврдено дека била под дејство на алкохол, со измерени 1,02 промили.

Во Куманово бил лишен од слобода 71-годишен маж поради напад врз својата 50-годишна сопруга, додека во Дебар бил приведен 58-годишник кој бил агресивен кон својата мајка.

Во Штип полицијата уапсила 30-годишен маж по пријава дека физички ја нападнал својата 24-годишна партнерка, а во Пехчево бил приведен 50-годишен жител кој, според пријавата, ја нападнал сопругата и ѝ упатувал закани.

Во Скопје, на подрачјето на Центар, бил лишен од слобода 42-годишен маж поради закани кон неговиот чичко и членовите на неговото семејство.

Семеен инцидент бил пријавен и во Ранковце, каде жител на едно село физички ја нападнал својата мајка.

Полицијата постапувала и по пријава за конфликт меѓу партнери на „Јадранска магистрала“ во Скопје. Триесет и тригодишна жена пријавила дека била нападната од својот партнер од Косово додека се движеле со автомобил, а и тој возвратил со пријава дека бил физички нападнат од неа.

The post ФРЛИЛА ОСТАР ПРЕДМЕТ КОН СОПРУГОТ И МУ ЈА РАСЕКЛА РАКАТА Девет семејни инциденти за само 24 часа appeared first on plusinfo.mk.

Јавното обвинителство побара да се поведе постапка против четири малолетници поради насилниот инцидент што на 30 јуни се случи во скопската населба Аеродром, кога 12-годишно девојче беше физички нападнато, а целиот настан беше снимен со мобилен телефон.

Од Обвинителството информираат дека до надлежниот судија за деца е поднесено барање за поведување подготвителна постапка против две 14-годишни девојчиња, за кои постои основано сомнение дека сториле дело кое според Кривичниот законик се квалификува како насилство.

Воедно, за 15-годишно момче се бара постапка поради сомнение дека им помагало на девојчињата при извршувањето на насилството, како и за кривичното дело неовластено снимање. Истото кривично дело му се става на товар и на уште едно 14-годишно момче.

Според Обвинителството, нападот се случил на игралиште зад трговски центар во населбата Аеродром. Осомничените ја принудиле 12-годишната девојка да клекне и да им се извини, по што ја удирале со шлаканици и ја влечеле за косата. Девојчето се здобило со телесни повреди, а кај сведоците и јавноста биле предизвикани чувство на страв и несигурност.

Едно од момчињата, според обвинителството, ги советувало и охрабрувало девојчињата за време на нападот, додека двете момчиња без дозвола го снимиле целиот настан со мобилен телефон, нарушувајќи ја приватноста на жртвата. Снимката подоцна им ја испратиле на девојчињата кои учествувале во нападот.

Јавниот обвинител побарал од судот да им изрече мерки на претпазливост, со кои на сите осомничени малолетници ќе им биде забрането меѓусебно да контактираат, како и да воспоставуваат каков било контакт со 12-годишното девојче.

The post ЗАПОЧНУВА ПОСТАПКА ЗА МАЛОЛЕТНИТЕ НАСИЛНИЦИ ОД АЕРОДРОМ Побарана забрана да ѝ се доближуваат на 12-годишната жртва appeared first on plusinfo.mk.

Општина Аеродром започнува постапка за воспоставување систем за видеонадзор на детските и спортските игралишта, како и во парковите. На вчерашната седница на Советот беше усвоен предлогот за отпочнување на постапката.

„Секое искршено игралиште претставува загуба за сите граѓани, а најмногу за најмладите. Затоа, покрај реконструкцијата и обновата на спортските и детските игралишта, Општина Аеродром презема конкретни чекори за нивна трајна заштита. Целта е да се спречи вандализмот и да се зачува јавниот имот.

Новиот систем за видеонадзор ќе придонесе за спречување на вандализмот, заштита на општинскиот имот и урбаната опрема, зачувување на парковите и игралиштата, како и поддршка на надлежните институции во откривањето сторители на казниви дела. Истовремено, ќе овозможи поголем јавен ред, повисоко ниво на безбедност и подобра заштита на јавната инфраструктура.

Реализацијата на проектот ќе се спроведе согласно со законските процедури, со целосно почитување на прописите за заштита на личните податоци и сите важечки стандарди.

Безбедноста е инвестиција во иднината. Со оваа мерка, Општина Аеродром продолжува да создава побезбедни, уредени и зачувани јавни простори, во интерес на сите граѓани и на идните генерации“ – соопшти Општина Аеродром.

The post ОПШТИНА АЕРОДРОМ ВОВЕДУВА ВИДЕОНАДЗОР Поголема заштита од вандализам, насилство, криминал.. appeared first on plusinfo.mk.

Седум случаи на семејно насилство се регистрирани во изминатото деноноќие низ државата, а четири лица завршиле во полициска станица. Најтежок е случајот во скопски Чаир, каде 56-годишен маж е осомничен дека со тврди предмети ги нападнал сопругата, двете ќерки и синот.

Полициски службеници го привеле осомничениот, а по документирањето на случајот ќе следува соодветен поднесок. Во скопската населба Аеродром бил приведен 35-годишен маж од светиниколско, по пријава дека физички ја нападнал својата поранешна партнерка.

Според пријавеното, подолг период ѝ упатувал закани и барал парични средства, а телефонски ги вознемирувал и нејзините блиски и пријатели.

Во Кавадарци полицијата привела 45-годишен маж поради сомнение дека физички ја нападнал својата 70-годишна мајка. По интервенцијата бил однесен во здравствена установа, а против него ќе биде поднесена соодветна пријава.

Во Струмица е приведен 71-годишен маж кој, според пријавата, ја нападнал својата 61-годишна сопруга и ѝ нанел повреди. За случајот е известен јавен обвинител, а осомничениот бил задржан во полициска станица.

Полицијата регистрирала и случај во кој 54-годишна скопјанка пријавила дека родителите не ѝ дозволувале да го напушти домот. Во друг случај во Аеродром, сопружници меѓусебно се пријавиле за физички напад по семејна расправија.

Во Неготино, пак, 63-годишна жена пријавила дека била нападната од својот брат.

The post СО ТВРДИ ПРЕДМЕТИ ГИ НАПАДНАЛ СОПРУГАТА И ТРИТЕ ДЕЦА Седум пријави за семејно насилство за едно деноноќие appeared first on plusinfo.mk.

Повеќе пријави за поплави и нарушувања на инфраструктурата се регистрирани, според информациите добиени преку Единствениот број за итни повици 112 и надлежните институции, по невремето што го зафати Град Скопје и околината, а најголем број се однесуваат на поплавени станбени објекти, подруми, гаражи и сообраќајници, како и отежнато движење во делови од градот, соопшти денеска Центарот за управување со кризи (ЦУК).

Како најкритични подрачја се издвојуваат Кисела Вода, Гази Баба, Бутел, Чаир и Аеродром, нагласува ЦУК и додава дека состојбата континуирано се следи, а екипите интервенираат на терен според степенот на приоритет и ризик.

Според статистичкиот преглед, кој го објави ЦУК како последница на вчерашното невреме поплавени се два подвозници, три кружни текови, повеќе од осум улици, пет населби (Кисела Вода, Автокоманда, Чаир, Аеродром, Горно Лисиче), има повеќе пријави за поплавени станбени објекти (куќи) и за поплавени подрумски и гаражни простории, два деловни објекти (магацини), една јавна институција (МАНУ), има два критични водотеци/канали и на повеќе од десет локации е пријавен отежнат сообраќај.

Критични точки на сообраќајната инфраструктура се
подвозникот пред кружниот тек во Бутел, подвозник на бул. Србија (Кисела Вода), 
кружните текови кај Ист Гејт, Мото Центар, Цементара и Железара, 
улицата Јордан Мијалков (позади Дајмонд Мол), поплавени паркинзи и внатрешни сообраќајници во Расадник и Аеродром.

Критични точки во станбени и деловни објекти се поплавени куќи, подруми и гаражи во Кисела Вода, Автокоманда и Чаир, поплавени магацини во Чаир и Кисела Вода, поплавен објект на МАНУ (подрум, гаражи, хол и амфитеатар).

Критични точки во водната инфраструктура се Усјански канал – зголемено ниво со ризик од прелевање, река Серава (Бутел) – покачено ниво со ризик од излевање.

ЦУК соопшти дека на терен се ангажирани и координирано делуваат: Територијалните противпожарни единици (ТППЕ),
Дирекцијата за заштита и спасување (ДЗС),
Јавните комунални претпријатија на општините, Општинските екипи
„Македонија Пат“
и други надлежни институции и служби

„Сите служби работат координирано и интервенираат на терен со цел справување со последиците од невремето, расчистување на погодените подрачја и нормализирање на состојбата“, се нагласува во соопштението.

Граѓаните кои претрпеле штети од невремето, додаваат од ЦУК, поднесуваат барања до општинските комисии за процена на штети. Комисиите ќе извршат увид и проценка на настанатите оштетувања и може од таму да се побараат информации.

The post ВЧЕРАШНОТО НЕВРЕМЕ НАПРАВИ ХАОС Поплавени подвозници, кружни текови и десетици објекти во Скопје, информира ЦУК appeared first on plusinfo.mk.

Фудбалската ѕвезда Лионел Меси доживеа неочекувана „аеродромска реалност“ во Мајами, каде и покрај својот статус како еден од најдобрите фудбалери на сите времиња, мораше да помине ригорозна безбедносна проверка од американската служба „TSA“.

Сцената се случи пред полетувањето на аргентинската експедиција, пред настап на Светското првенство во САД, каде наместо ВИП третман и црвен тепих, играчите беа пречекани со стандардна аеродромска процедура – метал детектори, скенери и детални проверки.

Строга проверка без исклучоци

Видеото од настанот брзо се прошири на социјалните мрежи и предизвика бројни реакции кај фановите, кои со доза на хумор коментираат дека дури ни Меси не добива „попуст“ од американската безбедност.

На снимките се гледа како Меси мирно и со насмевка ја поминува проверката, додека агент на „TSA“ го проверува со рачен скенер, особено околу нозете.

Во негова близина беше и соиграчот Родриго Де Пол, кој внимателно ја следеше ситуацијата, а навивачите на шега коментираат дека изгледал како „подготвен да реагира“ доколку се појави било каков проблем.

Социјалните мрежи „експлодираа“

Корисниците на интернет не ја пропуштија можноста да ја претворат ситуацијата во хумор:

„Детекторот пишти затоа што човекот е направен од злато“, гласи еден од коментарите.

„Проверка: дали носите нешто опасно? – Само левата нога на Меси“, пишува друг корисник.

Исто така, дел од фановите се пошегуваа дека обезбедувањето само сакало да провери „дали навистина е човек или нешто повеќе“.

Без ВИП третман – само правила

И покрај глобалната популарност, Меси и неговите соиграчи мораа да ги почитуваат стандардните безбедносни процедури. Без исклучоци, без привилегии – што уште еднаш покажа дека на американските аеродроми важат истите правила за сите.

 

View this post on Instagram

 

A post shared by Plusinfo.mk (@plusinfo.mk)

The post 📽️ НЕМА ИСКЛУЧОЦИ, НИТУ ЗА МЕСИ Аргентинецот мина низ строга проверка на аеродромот во Мајами appeared first on plusinfo.mk.

Полицијата ги идентификуваше и изврши службен разговор со двете малолетнички осомничени за бруталното врсничко насилство во скопската општина Аеродром, а по целосното расчистување на случајот ќе бидат поднесени кривични пријави не само против нив, туку и против нивните родители.

Случајот беше пријавен вчера во 19:30 часот во СВР Скопје, кога 31-годишна жена пријавила дека нејзината 12-годишна ќерка претходната вечер, околу 22 часот, во парк во општина Аеродром била жртва на физичко и психичко насилство.

Според пријавата, 14-годишна малолетничка, заедно со своја другарка, во два наврати ја принудиле девојчето да клекне на колена и да им се извинува. Откако тргнала да си замине, била физички нападната од друга малолетничка.

Целиот настан го снимале со мобилни телефони повеќе малолетници кои биле присутни, а едно од лицата што снимало било познато на оштетеното девојче.

Од Министерството за внатрешни работи информираат дека истиот ден во полициска станица бил извршен службен разговор со две малолетнички во присуство на нивните родители.

За случајот се известени јавен обвинител за малолетници и Меѓуопштинскиот центар за социјална работа.

Полицијата продолжува со активности за утврдување на идентитетот и на другите малолетници кои учествувале или го снимале насилството, по што ќе бидат поднесени кривични пријави за кривичните дела „насилство“ и „запуштање и малтретирање на малолетно лице“, согласно Кривичниот законик.

ПОЛИЦИЈАТА РАЗГОВАРАЛА СО ДЕТЕТО-ЖРТВА НА ВРСНИЧКО НАСИЛСТВО ВО АЕРОДРОМ Го утврдува идентитетот на сторителите

(ВОЗНЕМИРУВАЧКО) „ЌУТЕТЕ ДА СЛУШНЕМЕ КАКО ЌЕ ПУКА“ Девојче клекнато на колена додека други девојчиња го удираат и влечат за коса

The post КРИВИЧНИ ЗА ДВЕТЕ НАПАЃАЧКИ И ЗА НИВНИТЕ РОДИТЕЛИ Идентификувани девојчињата што ја малтретираа врсничката во Аеродром appeared first on plusinfo.mk.

По двата разорни земјотреси што ја погодија Венцуела, во кои загинаа над 37 луѓе, а повеќе стотици се повредени, ли затрупани под урнатините, на социјалните мрежи се проширија драматични снимки од разни локации, меѓудруггите и од главниот меѓународен аеродром Сомон де Боливар во главниот град Каракас.

WATCH: Inside Caracas Simon Bolivar International Airport during a powerful earthquake that struck Venezuela.

The first 7.2-magnitude quake was followed just 39 seconds later by a stronger 7.5-magnitude quake, according to the US Geological Survey (USGS), with witnesses… pic.twitter.com/3eZk7RV86h

— Breaking Aviation News & Videos (@aviationbrk) June 25, 2026

WATCH: Damage at Caracas Airport after major earthquake (terremoto) hits Venezuela pic.twitter.com/vmtqGDUJvS

— Rapid Report (@RapidReport2025) June 24, 2026

DIRECTO : TERREMOTO VENEZUELA AEROPUERTO. pic.twitter.com/uhSjo1yBxu

— keteden19 (@keteden191) June 25, 2026

Utter devastation seen across the Northern Venezuelan coastal city of La Guaira, following tonight’s pair of major earthquakes, measuring 7.2 and 7.5 magnitude with an epicenter just to the west of Caracas. pic.twitter.com/BQv4YixUiB

— OSINTdefender (@sentdefender) June 25, 2026

The post 🎥 ШОКАНТНИ СНИМКИ ОД АЕРОДРОМОТ ВО КАРАКАС ВО МОМЕНТОТ НА ЗЕМЈОТРЕСОТ Луѓето безглаво трчаат низ урнатини и прашина appeared first on plusinfo.mk.

Искршени реквизити и штета од неколку илјади евра оставил вандализмот на детското игралиште „Патрик“ зад ТЦ „Три Бисери“ во Аеродром, поради што просторот е привремено затворен до неговата санација.

Случајот во јавноста првично го отвори јутуберот Никола Поповиќ, кој објави видео на кое разговара со група деца затекнати на игралиштето.

На снимката се слуша како Поповиќ ги прашува дали го оштетувале инвентарот, додека едно од децата одговара дека не кршело ништо.

Сепак, градоначалникот на Општина Аеродром Дејан Митески денеска соопшти дека по увидот на терен било утврдено оти игралиштето било мета на вандализам.

„Станува збор за едно од најубаво уредените детски катчиња во Општина Аеродром. За жал, токму ова место беше мета на несовесно и недозволиво однесување, при што е причинета штета која според првичните проценки изнесува повеќе илјади евра“, напиша градоначалникот на Фејсбук.

Тој информираше дека случајот е пријавен во полиција и дека се поднесени соодветни пријави против сторителите.

Општината најави целосна санација на штетите и замена на оштетените реквизити со нови.

„За жал, вакви случаи не се случуваат само во Аеродром, туку и во многу други општини и населени места. Затоа е потребна поголема општествена одговорност, повеќе грижа и јасна осуда на секој обид за уништување на заедничкиот простор“, напиша Митески повикувајќи ги граѓаните веднаш да пријават во полиција ако забележат вандализам.

The post 📽️ МАЛОЛЕТНИЦИ НАПРАВИЈА ШТЕТА ОД ПОВЕЌЕ ИЛЈАДИ ЕВРА НА „ПАТРИК“ ВО АЕРОДРОМ Градоначалникот го осуди чинот и најави целосна санација appeared first on plusinfo.mk.