Борбен авион на унгарското воено воздухопловство придружувал патнички авион на „Виз Ер“ до Будимпешта, откако за време на летот од Лондон кон Софија била примена закана со бомба. Патничкото летало безбедно слетало, додека безбедносните проверки не откриле никаква закана, соопшти авиокомпанијата.

Унгарскиот министер за одбрана Ромулус Русин-Санди потврдил дека бил испратен борбен авион за придружба на патничкото летало до меѓународниот аеродром „Лист Ференц“, пренесува „Скај њуз“.

Авионот бил пренасочен во согласност со безбедносните протоколи, по што бил паркиран на посебно определено место. Надлежните служби веднаш започнале проверка на леталото и на патниците.

Полицијата презела дополнителни безбедносни мерки по слетувањето, додека „Виз Ер“ соопштил дека целосно соработува со унгарските власти.

„Безбедноста на патниците и членовите на екипажот останува наш највисок приоритет“, се наведува во соопштението на авиокомпанијата.

По завршувањето на проверките, „Виз Ер“ потврдил дека не е откриена никаква опасност и дека авионот се подготвува да го продолжи патувањето кон Софија.

The post ДОЈАВА ЗА БОМБА НА ЛЕТ ЛОНДОН-СОФИЈА НА „ВИЗ ЕР“ Будимпешта крена воен авион за да обезбеди принудно слетување appeared first on plusinfo.mk.