Адвокатот Тони Менкиноски, кој доби црн печат од граничната полиција за влез во Бугарија до 2036 година, денеска го информирал Парламентот, Владата и Министерството за надворешни работи за да преземат соодветните чекори согласно нивниот мандат и овластување, бидејќи, како што рече, да се стави црн печат на адвокат не се случило ниту во Нинбершките процеси.

Менкиноски, кој ги застапува македонските здруженија од Бугарија пред Европскиот суд за човекови права, смета дека политиките кои во иднина ќе ги гради Македонија треба да бидат политики за демократизација на Бугарија која треба да ги почитува правата на македонското малцинство во целост.

– Образложение нема и она што е апсурдно бидејќи Македонија и Бугарија се членки на НАТО и ако јас сум ја загрозил националната безбедност на Бугарија по аналогија сум ја загрозил и нашата национална безбедност бидејќи сме сојузници. Претпоставувам дека нема официјален допис ниту до македонските власти ниту до кој било дека сум ставен на црната листа на Бугарија – изјави Менкиноски во Тема на денот на Сител ТВ.

Адвокатот изјави дека добил телефонски повик од премиерот, дека имал комуникација и со министерот за надворешни работи и со претседателот на Адвокатската комора. Менкиноски рече дека бил искомунициран и од претседателот на француската Адвокатска комора за застапување, од нивниот Оддел за застапување и од Израелска адвокатска куќа кои сакаат овој процес да го изведат пред меѓународните институции.

– Овде не е само Совет на Европа, овде се во прашање и тела на Обединети нации кои се грижат и имаат фокус на адвокатите и судиите и дали врз нив се врши притисок и заплашување. Причината е што сега мислам дека е почетокот на мај Комитетот на министри, 46 членки на Советот на Европа ќе расправаат во врска со непочитувањето или неимплементирањето на одлуката на Европскиот суд за човекови права за Бугарија. Бугарија е во паника бидејќи може да се донесе одлука за исклучување на Бугарија од Совет на Европа поради непочитување на столбот, на главниот столб, а тоа е Судот (ЕСЧП) во Стразбур – рече адвокатот Менкиноски.

Според него, постојат повеќе механизми за оспорување на оваа одлука и тоа пред Советот на Европа и Обединетите нации, а информирани се и Хјуман рајс воч и Амнести интернешнл. Менкиноски очекува силна реакција од ОН. Тој денеска се обратил исто така и до сите адвокатско конзуларни претставништва во Македонија.

– Како адвокат ми се оспорува слободата на движење и правото за правична постапка – рече тој.

Адвокатот Менкиноски рече дека го очекувал овој чекор и упати јавен апел до претседателката да ги одликува со орден за храброст претставниците на ОМО Илинден Пирин

– Зад овие 17 пресуди се луѓе кои никогаш не се поколебале во својот македонски идентитет и никогаш не ја смениле својата самосвест – рече Менкиноски.

The post СОФИЈА Е ВО ПАНИКА, МОЖАТ ДА ЈА ИСКЛУЧАТ ПОРАДИ МОЈОТ СЛУЧАЈ Црни печати за адвокати немало ниту во Нирнберг, вели Менкиноски appeared first on plusinfo.mk.

Адвокатот Tони Менкиноски за ТВ 24 изјави дека стартува со, како што вели, легална и легитимна правна офанзива пред надлежните домашни институции, како и пред релевантните меѓународни механизми за заштита на човековите права, со цел заштита на правото на одбрана и непречено вршење на адвокатската професија.

Државата ќе ги искористи сите алатки кои ѝ стојат на располагање за да го заштити секој македонски граѓанин, изјавиле од Владата по забраната која адвокатот Тони Менкиновски ја доби за влез во Бугарија во времетраење од 10 години.

Адвокатот вели дека во официјалниот документ што го добил стоело дека наводно тој претставувал закана за националната безбедност на Република Бугарија.

Менкиноски на прес-конференција неодамна изрази сомневање дека ваквата мерка е директно поврзана со неговата работа како адвокат кој ги застапува Македонците во Бугарија пред Европскиот суд за човекови права во Стразбур и истакна оти обвинението е сериозно, но е донесено без конкретно образложение и без претходна правна постапка.

Забраната му била врачена на 6 март при влез на границата во Бугарија.

Познатиот адвокат посочи дека ќе ги искористи сите правни и институционални механизми за да ја оспори оваа одлука. Случајот ќе биде доставен и до Комесарот за човекови права, Европскиот парламент, ОБСЕ, и Обединетите нации, како и до меѓународните организации кои ја следат состојбата со човековите права и независноста на адвокатската професија.

МЕНКИНОСКИ СЕ СОМНЕВА ДЕКА МУ Е ЗАБРАНЕТ ВЛЕЗ ВО БУГАРИЈА ЗАШТО ГИ ЗАСТАПУВА МАКЕДОНЦИТЕ ВО СТРАЗБУР Мицкоски оцени дека потегот на Софија е срамен

The post ПОЧНУВАМ СО ПРАВНА ОФАНЗИВА ПРОТИВ ОДЛУКАТА НА БУГАРИЈА Менкиноски вели дека ќе ги искористи сите легални механизми appeared first on plusinfo.mk.

Подигнувањето на обвинението против Ник Рајнер, помладиот син на убиениот режисер Роб Рајнер и неговата сопруга Мишел, повторно беше одложено, бидејќи неговиот адвокат Алан Џексон – поднесе оставка непосредно пред судското рочиште.

Во среда наутро во судницата, Џексон го информираше судијата што е надлежен за случајот дека повеќе не го застапува Рајнер, кој е обвинет за убиство на неговите родители, Роб и Мишел Рајнер.
Наместо тоа, Ник ќе биде застапуван од искусна јавна адвокатка од округот Лос Анџелес, по име Кимберли Грин.

Судијата ја одобри промената на правното застапување и одреди нов датум за сослушување на 23 февруари.

Џексон им се обратил на новинарите пред судницата, велејќи: Утрово морав да се повлечам како адвокат на Ник Рајнер. Околностите кои се надвор од наша контрола – но поважно, околностите кои се надвор од контролата на Ник – наложија, за жал, да ни биде невозможно да продолжиме со застапувањето на Ник.

– Законски и етички ми е забрането да ги објаснувам сите причини зошто, но мојот тим и јас останавме длабоко, длабоко посветени на Ник Рајнер и на неговиот најдобар интерес. Всушност, знаеме – не сме само убедени – знаеме дека правната постапка ќе ги открие вистинските факти за околностите околу овој случај. Дознавме, а можете да го објавите тоа, дека согласно законот во оваа држава, Ник Рајнер не е виновен за убиството – рекол тој, пишуваат медиумите.

Грин, исто така, им се обратила на новинарите, објаснувајќи дека разговарала со Ник само „30 секунди“ во среда наутро.

Член на нејзиниот тим, Рикардо Гарсија, додаде дека дознале во вторник вечерта дека ќе го застапуваат Ник наместо Џексон.

– Се надеваме дека целата заедница ќе разбере дека ова е предизвикувачки период за целиот правен процес. Ве молиме за ваше трпение и разбирање додека се движиме низ овој процес низ правниот систем и дека ќе бидеме достапни колку што можеме за да одговориме на вашите прашања кога е соодветно – рекол тој.

Сепак, окружниот обвинител на округот Лос Анџелес, Натан Хочман, инсистираше дека обвинителите се уверени дека поротата ќе го прогласи Ник за виновен за убиство на неговите татко и мајка – без оглед на тоа кој го брани.

Во меѓувреме, претставник на братот и сестрата на Ник, Џејк и Роми Рајнер, изјавил за Page Six по сослушувањето дека тие имаат најголема доверба во правниот процес и нема да коментираат понатаму за прашања поврзани со правната постапка.

Ова е втор пат обвинението против Ник да биде одложено, бидејќи првично беше закажано да се одржи за време на неговото прво појавување пред суд на 17 декември.

На 14 декември, Роб, кој имаше 78 години, и Мишел, која имаше 70 години, беа пронајдени избодени до смрт во нивниот дом во Брентвуд откако се скарале со Ник на забава претходната вечер.

Канцеларијата на судскиот испитувач на округот Лос Анџелес потврди дека двојката починала од „повеќекратни повреди од остар предмет“, пресудувајќи дека начинот на кој се случило ова е убиство.

Ник потоа беше уапсен и обвинет за убиствата. Тој се соочува со максимална казна доживотен затвор без можност за условна слобода или со смртна казна.

The post АДВОКАТОТ НА СИНОТ ОБВИНЕТ ЗА УБИСТВАТА НА РОБ И МИШЕЛ РАЈНЕР, ПОДНЕСЕ ОСТАВКА „Согласно законот во оваа држава, Ник Рајнер не е виновен за убиството“ appeared first on plusinfo.mk.

Зоран Јованов, татко на Васил Јованов, момчето што со автомобил ја прегази Фросина Кулакова, денеска пред Основниот кривичен суд во Скопје изјави дека не се чувствува виновен и дека не разбира што точно му се става на товар.

Тој е обвинет за „загрозување на безбедноста на сообраќајот со опасно дејствие или средства“, по трагичниот инцидент во кој неговиот син, управувајќи автомобил без дозвола и под дејство на алкохол, усмрти пешак.

Обвинителот Александар Марковски тврдеше дека Јованов, преку родителска попустливост, придонел за создавање на опасната состојба.

– Во случајот станува збор за еден ноторен факт – татковата љубов спрема синот единец била голема, но резултирала со несреќна пропустливост на родителот кон синот кој што се оддал и на пороци – рече тој.

Обвинителот посочи дека обвинителството ќе докаже дека таткото бил тој кој придонел да се генерира опасната состојба од страна на неговиот син, обвинетиот Васил Јованов.

– Факт е дека обвинетиот не доаѓал претходно во судир со законот и е офицер за пример во македонската Армија, но, тука не сме за да ја цениме и судиме неговата професионалност, туку тоа што тој требало да го направи, или не требало, како родител – дополни обвинителот.

Адвокатот Сашко Дуковски, застапник на Јованов, го оцени обвинението како правно неосновано и најави дека ќе бара детално образложение за секој поднесен доказ.

– Се работи за правен преседан незабележан во македонската правна историја – да го товарите таткото за дејствија кои ги сторил неговиот полнолетен син – рече Дуковски, кој посочи дека ќе бара детално образложение за правната релевантност на секој поднесен доказ.

На почетокот на денешното рочиште, таткото на Фросина Кулакова, Тодор Кулаков, упати прашања кон судечкиот совет, барајќи од судијката Снежана Марковска да се изземе од предметот.

– Редно е да се иземете од овој предмет, ова е наместено – рече Кулаков, по што беше отстранет од судницата.

Адвокатот Дуковски реагираше дека ќе го напушти судењето доколку Кулаков повторно му се обрати директно.

Јованов се гони за „загрозување на безбедноста на сообраќајот со опасно дејствие или средства“ откако обвинителството на изминатото рочиште врз основа на новоприбавени докази го измени обвинителниот предлог кој првично беше „предизвикување општа опасност“.

Обвинителниот предлог против Зоран Јованов, следува откако неговиот син, Васил Јованов, во јануари годинава, управувајќи автомобил без возачка дозвола и под дејство на алкохол, удри во пешакот Фросина Кулакова која почина на самото место.

The post ТЕНЗИЧНО НА ДЕНЕШНОТО СУДЕЊЕ, ТАТКОТО НА ФРОСИНА КУЛАКОВА ОТСТРАНЕТ ОД СУДНИЦАТА Обвинетиот Зоран Јованов не чувствува вина за загрозување на безбедноста во сообраќајот appeared first on plusinfo.mk.

Адвокатот и поранешен кривичен судија Владимир Туфегџиќ остро го коментираше заминувањето на републичкиот јавен обвинител Љупчо Коцевски, нарекувајќи го „анемично, бледо и без енергија – токму како и неговото доаѓање на функцијата“.

„Избран преку ноќ, на најнетранспарентен начин, без јавна расправа, без јасна биографија, без капитални предмети зад себе. Предложен како врвен професионалец од политичарите, а без да слушнеме еден збор од него за мешањето на политиката во неговиот избор“, напиша Туфегџиќ.

Тој потсети дека јавноста дознала многу малку за кариерата на Коцевски – освен дека на 32 години го завршил правниот факултет и го положил правосудниот испит.

„Тоа не е доволно за да се гради врвна кариера“, вели тој.

Мандатот, според Туфегџиќ, бил „туристички, рутински, едвај за тројка“. Обвинува дека Коцевски не се одважил, дури ни на крајот, да прозбори јавно – „ниту кој му правел сопки, ниту кој му мешал во работа, ниту кој го спречувал да гони криминалци“.

„Наместо тоа, повторно истата матрица – неосновано било, политички притисок, успешни резултати… уште фали само уставна тужба и жалба пред Управен суд за да биде клише до крај“.

Во својата објава, Туфегџиќ заклучува: „Време е државата конечно да добие јавен обвинител кој кога ќе се појави на ТВ – слика на телевизорот да ти замрзне“.

СОБРАНИЕТО ЈА ИЗГЛАСА ИНТЕРПЕЛАЦИЈАТА ЗА ОБВИНИТЕЛОТ КОЦЕВСКИ Немаше против, ниту воздржани пратеници

The post „ТУРИСТИЧКИ МАНДАТ НА КОЦЕВСКИ, РУТИНСКИ, ЕДВАЈ ЗА ТРОЈКА“ Туфегџиќ точно знае каков државен јавен обвинител ѝ треба на Македонија appeared first on plusinfo.mk.

Пред косовскиот парламент и овојпат сцената не можеше да мине без изненадувања. Се собраа пратеници да пробаат, по 41-ви пат, да го конституираат Собранието — и повторно не им успеа. Но славата ја украде адвокатот Арианит Кочи, кој одлучи да ја изнесе својата фрустрација на прилично необичен начин.

Четири магариња — да, вистински магариња — беа доведени право пред портите на Собранието.

– Овие животни ги доведов како симболика. За да се види кој, всушност, ја води оваа држава. Или подобро речено, како тие што седат внатре нè третираат нас, граѓаните — како магариња – објасни Кочи со еден вид кисела насмевка, додавајќи и извинување до самите магариња што морале да го трпат сето тоа.

Кочи директно го посочи премиерот Албин Курти како главен виновник за политичката мизерија во која се наоѓа Косово. Но не ги поштеди ниту другите партии — ПДК, ЛДК, ААК и Нисма — кои според него се однесуваат „како кукавици што бегаат од одговорност наместо да помогнат да се излезе од ќорсокакот“.

– Не сакам да бидам човек што ќе ги распламти поделбите уште повеќе. Напротив, сакам да се најде некоја заедничка нишка. Но не можам да молчам кога гледам што се случува – додаде адвокатот.

Најмногу, сепак, го зачуди интересот на полицијата.

– Чудно ми е што толку се загрижени за овие четири магариња надвор, а не се грижат ни малку за магарињата што седат внатре во парламентот – се пошегува Кочи.

Следната рунда, односно новата конститутивна седница, е веќе закажана за 5 јули. Дали конечно ќе има успех?

The post 🎥 КОСОВСКИ АДВОКАТ ДОНЕСЕ 4 МАГАРИЊА ПРЕД СОБРАНИЕТО Сакал сликовито да прикаже кој ја води државата appeared first on plusinfo.mk.

Бојан Манев, адвокат на Боре Видевски прашува како е можно МВР од една страна да дава документ дека пиштолот е легален, а од друга страна објаснува дека нема испукување во базата на податоци.

– Како може од легално оружје да нема најдено трага во база на податоци? Или некој во МВР не сака да ги пребара архивите и да го најде испукувањето или е нешто друго. Ова е страшно голем проблем – праша Манев.

Според него, ова е страшно нејасна ситуација, легално оружје да не биде испукано и како тоа оружје е влезено во правен промет ако не е испукано.

– Нема теоретска можност оружјето да не е испукано – убеден е Манев.

Овој пиштол е важен бидејќи е можно со него да е убиен Панче Жежовски во Велес.

The post КАКО Е МОЖНО МВР ДА НЕМА ПОДАТОЦИ ЗА ПИШТОЛОТ? Адвокатот на Боре Видевски прашува дали некој не сака да ги пребара архивите appeared first on plusinfo.mk.

Снимката со лопата е доказ кој е предложен и од моја страна и со која се докажува дека на 24 ноември 2023 година враќањето на Манев и Видевски за да ја земат лопатата, а тоа е денот на неупешниот обид за грабнување, исклучува било каква улога на таткото во овој случај и оти сторителите имале јасна цел за егзекуција на личноста која е подоцна и грабната од зградата, објасни денеска бранителот на Александар Ѓорчевски, Владимир Туфегчиќ.

– Оваа секвенца е испуштена минатиот пат кога е презентиран овој доказ и затоа одбраната бараше ова да биде и наш доказ. Веќе се добиваат јасно контури на сторителите на убиството и се исклучува било каква инволвираност по однос на изнуда и користољубие, односно целосно се исклучува улогата на таткото во овој настан. Во дополнението на доказна постапка ќе доставам докази за имот на Александар и постапка која се води за денационализација за значителен имот во Кучково – објасни Туфегџиќ.

The post ЗА ТУФЕГЏИЌ СНИМКАТА СО ЛОПАТАТА ДОКАЖУВА ДЕКА ТАТКОТО НА ВАЊА НЕ Е ПОВРЗАН СО ГРАБНУВАЊЕТО Бранителот на таткото вели дека ќе достави докази и за имотот на Ѓорчевски appeared first on plusinfo.mk.

Израелскиот медиум Хаарецт пишува дека лидерот на босанските Срби Милорад Додик му плаил на американскиот адвокат Марк Зел, претседател на Републиканската партија во Израел, за да лобира кај американскиот претседател Доналд Трамп да ги крене санкции на САД наметнати кон Додик.

Според податоците од САД, фирмата на Зел, Zell & Associates International Advocates, се регистрирала како лобист за Република Српска во јануари оваа година.

Како што наведува Хаарец, според Законот за регистрација на странски агенти на САД (FARA), секој американски државјанин или фирма што претставува странски ентитет е должен однапред да пријави такви активности.

Зел, кој живее во израелската населба Кфар Ецион на Западниот брег, ја навел таа адреса кога се регистрирал. Неговата компанија, како што покажуваат документите, има канцеларии во Њујорк, Вашингтон, Торонто, Москва и Аман. За неговите услуги Зел ќе добие 840.000 долари.

Според договорот потпишан од шефот на кабинетот на Милорад Додик, главната цел на лобирањето е „воспоставување и промовирање на дијалогот меѓу Република Српска и идната администрација на Доналд Трамп, со цел да се подобрат односите меѓу РС, нејзиното раководство и Соединетите Американски Држави“.

Документите покажуваат дека Зел ќе работи на укинување на личните санкции против Додик, како и на поранешната претседателка на Република Српска Жељка Цвијановиќ, актуелен член на Претседателството на БиХ. Во случај на успех, адвокатската канцеларија ќе добие дополнителен бонус.

Израел и БиХ се потписници на Европската конвенција за екстрадиција, која ги обврзува земјите-членки да екстрадираат барани лица, со одредени исклучоци. Министерството за правда на Израел не сакаше да коментира дали Босна и Херцеговина поднела барање за екстрадиција на Милорад Додик.

Во меѓувреме Додик беше во посета на Израел додека се соочува со распишување меѓународна потерница за него од Интерпол. Лидерот на Република Српска на 31 март објави снимка на која вели дека е во Москва.

The post ДОДИК ПЛАТИЛ 840.000 ДОЛАРИ ЗА ТРАМП ДА ГИ УКИНЕ САНКЦИИТЕ? Израелски Хаарец пишува дека работата ја завршил американски адвокат appeared first on plusinfo.mk.

– Вечерва му истекува времето од 24 часа на задржување – изјави адвокатот Еленко Миланов, додавајќи дека до 14 часот во судот немало никакви известувања за некаква постапка против Бектеши.

Прашан за кои околности е повикан Бектеши во полициска станица, Миланов рече дека засега нема правна квалификација.

– Работата е што нема правна квалификација. Тој е повикан со покана на информативен разговор на којшто се јавил и по информативниот разговор е побарано да биде задржан за понатамошнни проверки додека Министерството провери што и како – рече Миланов.

Поранешниот министер за економија Крешник Бектеши вчера е повикан на информативен разговор во полициска станица, во врска со пожарот во ноќниот клуб во Кочани.

СЕ БАРА КРАТКОТРАЕН ПРИТВОР ЗА 14 ЛИЦА, МЕЃУ НИВ Е И КРЕШНИК БЕКТЕШИ Коцевски ветува брза и ефикасна истрага

The post БЕКТЕШИ БИЛ ЗАДРЖАН ВО ПОЛИЦИСКА СТАНИЦА ПОРАДИ НАТАМОШНИ ПРОВЕРКИ Адвокатот Миланов вели дека нема правна квалификација за поранешниот министер appeared first on plusinfo.mk.