Бари Полак, американскиот адвокат кој го застапуваше основачот на Викиликс, Џулијан Асанж, го брани соборениот венецуелски претседател Николас Мадуро по обвиненијата за трговија со дрога.

Полак се појави денеска со Мадуро во федералниот суд во Менхетен. Мадуро и неговата сопруга, Силија Флорес, се изјаснија за невини два дена откако беа уапсени во американска воена операција.

Полак рече дека очекува обемни правни аргументи за она што го нарече „воено киднапирање“ на Мадуро, сигнализирајќи дека одбраната ќе тврди дека операцијата е нелегална.

Тој додаде дека одбраната би можела да го покрене и аргументот дека Мадуро има кривичен имунитет како шеф на странска влада.

-САД имаат посебен став за тоа каква е нивната глобална надлежност – изјави Полак за правниот портал Лодрагон во интервју минатата година за случајот Асанж.

Додека го бранеше Асанж, Полак стекна искуство во случаи карактеризирани со глобални интриги и сериозни последици за меѓународниот углед на Соединетите Американски Држави.

Главниот случај против  Мадуро му е доделен на 92-годишниот федерален судија Алвин К. Хелерштајн, кој беше номиниран и потврден од претседателот Бил Клинтон во 1998 година. Хелерштајн, виш судија од 2011 година во Јужниот округ на Њујорк, претседаваше со случаи што произлегуваат од терористичките напади од 11 септември 2001 година, како и други прашања поврзани со тероризмот и националната безбедност.

The post НА МАДУРО МУ СУДИ 92-ГОДИШЕН СУДИЈА Одбраната е во рацете на адвокатот на Асанж, Бери Полак appeared first on plusinfo.mk.